等左好耐, 林峯既 "峯. 情無限演唱會. Let's Get Wet" 終於舉行了 !

呢排都有追睇tvb 林峯個演唱會主題網頁 , 咁岩又俾我見到 ...

kobe 同 林峯竟然聚首一堂, 0係埋同一個版面耶 !
p.s.: kobe 帶領湖人拎左總冠軍, 好犀利呀! 隔左 N年, 終於拎到總冠軍了!

呢個就係今次既演唱會+新專輯既海報


一共兩場, 我地揀左第一場, 即係今日, 呢日真係好興奮, 身為鄉里既我終於又出城喇, 第一個演唱會 ! 中學年代一來阿媽唔俾咁夜出街, 二來無彈藥 , 到有彈藥時, 已經無左睇演唱會果個衝動
今次又唔知點解知道林峯開演唱會後, 無啦啦想去睇 !
我地早左去到, 0係隔離商場既 "小魚滋味" 吃晚餐 , 我地叫左 「上海排骨拉麵」同「金菇牛肉拉麵」 , 兩款 D 餸都幾好味~ 係那個上海排骨似上海豬排, 金菇肥牛無圈埋唧 ^^"
不過抵錫豬唔講我都唔知 D 拉麵湯底係魚 , 仲以為係 D 雞湯/ 豬骨湯 tim ... 咁又係既 , 小 "魚" 滋味嘛 !

原來紅館係咁樣的 ! 都真係幾大喎 ! 不過一坐低, 就要 "抽拳" , 點解眼前有兩大條電線/ 水喉 由天花板頂吊到落地嫁 ?!?
真係阻住個視線囉, 一開始唔知, 無講有電線嫁喎 ! 呢個係第一個遺憾
到開 show 了!~ 林峯出場了! 染左一頭金毛出場, 嘿, 睇唔慣, 有d 驚嚇 ^^"
個氣氛真係幾好喎, 好多 bon bon 捧跟住拍子一齊拍, 尤其唱快歌既時候 , 仲不時有人大叫tim , 我地後面果排 d 後生既小朋友都係咁尖叫
今晚既嘉賓有泳兒, 農夫 , 黃祖藍 , 楊千嬅 , 謝天華
氣氛真係唔錯, 最搞笑就係謝天華同林峯拖住手唱 "女校男生" ! 毛管豎 !
氣氛高脹既環節應該係 "get wet" 環節, 林峯帶住一班 model 同 dancer 出來, 跟住班 model 就脫左件外套入水池玩水 , dancer 就拎左支水炮出來射水 , 林峯就濕住身咁唱歌&同model , dancer 跳舞, 而其中一面舞台既天花板都有水流落台度 , 真係好 wet !
而第二個遺憾就係個相機影左一半時無電 ! 係我衰, 我無叉電, 我之前叉過, 不過一路無乜點用, 所以諗住夠電, 點知原來唔夠 !
真係好 good show !

完左後, 本來諗住睇下點排佢個 CD 簽名會, 因為我今朝買左佢隻碟了, 唔知有冇得排隊簽, 順手近距離見到林峯 !
咁渠豬見晏, 就走先 , 我繼續搵我既答案 , 最後搵到人問, 原來要0係今次演唱會場外買既碟先有得簽名 ...
照計有買碟有排隊就有得簽嫁嘛, 話曬邊度買既正版碟, 都係 EEG 出嫁啦, 無分別格 , 而且之前 D 商場簽名會, 都係 D 人帶隻碟去簽嘛 ......
不過既然唔得就算啦, 我都好理性既 , 諗住渠豬走左無耐, 諗住搵番佢, 點知就0係一面行入隨道, 一面四圍望時, 我仆左個 "滿漢全街" 呀 ........... 真陰公 , 不過好彩我努力不懈, 終於搵番渠豬, 一齊搭車番屋企

真係有衝動再睇林峯既演唱會 ! 真係正!~
不過, 雙失 . 傷膝, 我 "雙失" 了 。。。