6月 22- 28日係我既第二個大假, 之後到12月先可能再有一個 (如果未轉 ward 的話) ....

前傳
由 7月做 TUNS 到9月正式做RN, 番到都就一年了, 就算平時講得幾得閒, 其實都係辛苦既, 同埋心理上都總有壓力, 話曬面對既係一條條人命, 有時做錯唔係笑幾下就可以解決 , 有 D 地方更加係不容許有錯, 錯唔係一個 "錯" 咁簡單, 有D 真係補救唔番, 你寫錯野可以劃左改過, 計錯左可以再計過 , 就算真係錯左, 都係俾人罵到上天花板, 就算扣埋人工, 都有得補番, 但有 D 係 "生與死" 既問題, 唔係原則/ 面子/ 對錯既問題, 有人因為一個錯誤 / 漏左/ 遲左咁而死左就一世了 , 對我呢一個學習中既小薯仔來說, 真係一步一艱難 , 我成日都會好驚, 會唔會因為自己一D 小錯誤, 而令到D 人點點點呢 , 我有冇做漏做錯呢 , 我希望第日會越來越犀利, 但依家未係囉
或者 D senior d 既會做得好輕鬆, 好 easy, 但我仲未係囉
月尾時賺既錢真係辛苦錢囉, 雖然笑騎騎, 但你估俾人笑做得慢 , 耐唔耐又整到手, d 野做極都未熟, 間唔中又要問人, 耐唔耐就睇下貓紙時, 心裡面會很好過的?
雖然可能又係自找, 不過都係唔好過
真係想衝出呢個 HK 吸吸新鮮空氣


6月 22 日 (一)
今日挑戰失敗 , 同渠豬去左太古食晏晝行街+睇戲 !
今次又係我衰仔, 我遲遲都未出到門, 最後遲到, 唯有死死氣同佢講轉cwb 等, 費事佢0係 aberdeen 等幾粒字啦, 不過渠豬 d 火已然黎左了 ...
去到太古城, 首先買飛先, 今次本來又想上網訂, 不過上網見到, 得一個人買左, 真係好吉, 可以到時先買囉 ! 断估唔會突然有一大堆人買飛瓜?　買完就去太古城中心既 food court , 逛左輪, 最後都係揀左 PepperLunch, 今次第二次食, 上一次同渠豬&佢阿媽0係apm 吃~ 渠豬揀黑椒牛飯套餐, 我叫左三文魚飯 , 三文魚熟左之後, 真係無生既咁好味的 .....
之後0係太古城中心同吉之島閒逛, 之前傾開渠豬介紹我買相機, 依家果部都用左 n 年了 , 佢介紹 nikon S620 , 咁我地今日經過FORTRESS 睇睇, 都唔錯, 不過望落有D 大部 , 望埋其他牌子 , 有d 睇落又ok , 有 d 又幾薄, 有d 功能好似又差唔多咁
佢就一路用開 nikon , 所以偏好 nikon , 我就無特別偏好 , 所以都唔知點揀好
最後佢話 Panasonic 同 Nikon 都唔錯, 所以變左最後兩強
食完閒逛左陣, 就睇戲了，　今次係＂天使與魔鬼＂，又係之前想睇，不過一路未岩時間，依家得番ＵＡ太古有得睇，所以專程過來睇！　
對我黎講，都幾緊湊喎！無諗過ｄ人由奸變忠，一路係忠既原來係奸囉，　所以都好睇！
睇完都７點了，　我地落番ｃｗｂ，　諗住親手摸下部相機, 順手買埋, 咁就出事喇, 去左百老睇, 原本諗住渠豬話識人, 但睇左 ok 耐, 終於都係決定買 nikon 部機, 咁0係搞買野手續時, 又問番渠豬, 唔係識人既咩, 唔出現既, 咁佢就話都應該差唔多, 唔駛叫了, 咁我當然飄來一個問號, 又唔相認, 做咩來百老呢? 咁咪失左來 cwb百老既意義了? & 原來識同唔識都係差唔多而已?
跟住又口多多頂佢一句, 大家又着火了 ! 不歡而散
最尾最尾, 見渠豬好似平伏番 "d" , 又嘗試同佢握手言和, 我都係一時口多+鑽左牛角尖噢, 會改過改進的 , 好好人既抵錫豬, forgive me 吧 !


6月 23 日 (二)
今日 2nd 挑戰失敗 , 轉戰吃 lunch , 今次係 元氣 lunch , 又吃到佢既下午茶, 三文魚 set tea , 正 ! ~
不過唔知係咪有一排無吃, 估唔到咁都吃左 百幾蚊 , 以為平d !
吃完又周圍閒逛下, 傾下傾下, 為左試試部新相機 , 我地閒逛完就行左去海濱, 影左幾張相, 真係好清喎 !


6月 24 日 (三)
今日 3rd 挑戰 ... 失敗 , 再轉戰其他活動 , 今日吃 pizza hut lunch, 叫左 wow~常餐 + 芝心批底 +香芒pancake , 又係有一排無吃, 唔錯~
之後搭車去赤柱行+影相 ! 同佢去第二次赤柱, 第一次係第一年慶祝佢生日~
都等左幾耐先有車, 去到赤柱, 都係行左赤柱市集先,
今日平日, 市集都有d 人喎 ! & 佢地舖頭同舖頭之間既蓋, 有幾分似日本 d 商店街! 不過當然日本果d 大好多靚好多啦 !
再之後行卜公碼頭 -> 美利樓 , 原來美利樓個地下係香港海事博物館, 仲以為好大有幾層, 原來都係一層而已, 不過都算大既~
佢最大最大既優點係 ........ 有冷氣 ! 真係 沙漠中既綠洲 ! 唔駛中暑都係靠佢 !
入面仲有d 遊戲玩 tim , 有得試揸大船 !~ 不過我地兩個都輸左
再之後逛埋赤柱廣場, 吃左麥仔雪糕 !~ 涼快, 爽吖~
閒逛完, 就坐小巴番 aberdeen 了, 呵~ 抵錫豬竟然仲行左陣 aberdeen !~ 抵錫 : > ~~~
p.s.: 百密兩疏 ! 雖然搽左蚊怕水 , 但 d 蚊竟然0係蚊怕水搽漏既地方吸血 , 咬左兩啖 , 卑鄙 !
p.s.: 今日0係海事博物館, 買左條 $39既 "海豚寶寶" 做紀念品 : D !~