豬同我好似鬥懶咁, 大家 4月都仲未 "開齋"
就等我來開個頭啦


不過呢個4月暫時都好似無乜特別 ,
係假期 ~4月5號0係 aberdeen 食晏仔
原本想吃壽b 仔, 不過豬喉嚨痛, 唔食得佢鐘意既炸蝦同軟腳蟹,
所以都係轉去吃綠野仙

~4月6號 同豬去左摸下杯底, 飲茶仔, 原本想去CWB鐘菜 ,
不過假期多人, 要等好耐, 所以最後都係去左對面鴻星,
吃到飽飽, 食左 "小蜜蜂" , 蛋撻仔, 馬拉糕, 西米布甸, XO醬炒腸粉, 燒賣
最可惜假期無下午茶無特價仔, 食左 220, 都唔平仔嫁
之後行時代, 之後回家


p.s.: 上星期成個禮拜都無人 "急病" , 仲以為佢地做咩一反"常態"
點知呢個禮拜補番曬, 除左果兩個 "長病"外, 呢個禮拜有 2個 "急病" , 連住的,
一個病完兩日, 緊接到另一個病兩日, 真係夾都無咁岩,
真係做死人, 就快我都急病
"急住要病" 了