好唔鐘意自己咁蠢，唔醒目，易俾人呃，耳仔軟，既唔識諗, 又唔威嚴

真係唔鐘意經理打來, 打親來都一定無好野
今次都唔例外, 話某某 senior sick 左, 叫我番工,
又係問埋d 衰問題引我入局, 如果有人聽到 d 類似既問題, 千祈唔好上當 ...
"xx, 我係經理吖, 我今晚想搵你番工吖, 你今晚有冇野做呀?..."
就係講左句無野做, 就引賊入屋
經理即刻打蛇隨棍上, 叫我番工, 又搬番d 老掉牙既台詞 "搵唔到人番工呀" , "真係好淒涼" etc.
雖然係老掉牙, 但正所謂 "橋唔怕舊, 最緊要受" , 我又真係痴左應承佢 ,
佢繼續佢既老掉牙台詞 "我知shirley 你成日都好幫手, 幫左好多次, 我一定會記住嫁..."
最後出左 d 好 "古怪" 既新台詞 ......
"你真係好喇, 我代表全 ward 既 patients 多謝你" <----- 當時心諗, "駛唔駛咁誇張呀...
"我會同 night sister 講聲, 叫佢睇住你嫁喇" <----- 當時又心諗, "駛唔駛搵人睇住呀, 番個night 唧"
好啦, 之後一路食野, 一路就諗, 唔知今晚邊個同我番 night 呢, 初時都無睇, 但食多兩食, 都係忍唔住, 唔睇猶自可, 一睇就發現中計了! 做咩同個09' 一齊番night 既
與此同時, 發現有未接來電, 係 09' 打來, 就 feel 到 "出事了",
原來經理係搵我做 night ic, 唔係 night runner , 佢完全無話我知 !!!!
佢就好似一眾男人咁, 無呃人 格, 只係無講到事實既全部, 事實既真相唧
佢係無呃我, 因為佢根本就無提過, 佢如果明知, 但佢都唔講出來, 咁同呃有咩分別?!? 我覺得我被騙囉
無啦, 應承左, 無得改了, 之後先反口仲衰過唔應承 ,
而 d 同事既 "so call" 問候, 其實對我無咩用 ,
打黎問候有鬼用, 平時都唔係同你傾開計既, 又唔係伸出愋手, 我唔需要你地既問候
唔係見電話有分鐘剩, 都費事同佢地傾咁多, 我電話就算無人打來, 都唔要d 無聊人打來
戰戰兢兢咁番去 , 戰戰兢兢咁渡過 , 真係好驚出事 , 有事幹發生我就死硬了
好彩最後都無突發事件, 平安渡過 , 真係感謝主

雖然係咁, 但我都要學政府話齋
"市民時刻精明, 騙徒無所遁形"
真係好討厭經理, 次次佢一出動, 我就好難拒絕, sister 我都拒絕到, 係仲未抗拒到經理既軟硬夾攻
唔怪得人既, 係我犯賤, 耳仔軟, 唔夠堅定, 怕經理, 應承左又要0係度 sunk, sunk 完又繼續應承人

p.s.: 1.其實有少少原因係見佢出我12月同 1月都好多放星期日, 對佢感覺好左
2. _ ! 竟然有個 "唔識死" 既阿嬸問果個 09' -> "點解唔係你做 ic 既?" 當住我面咁講, 我聽到真係氣頂! 你竟然覺得我 jun 過 09'?!? 你想死定了 ! 可能佢覺得我個樣後生d 吧......但我肯定佢唔係因為呢個原因咁講!!!!
3. 某同事話我呢度 d 同事都已經幾好....... 嘿, 點解我唔覺既?!? 可能佢未試過d 好野吧

我既目標 : 同佢講 "我有冇野做關你鬼事"
如果我有勇氣的話
又如果我有勇氣，我應該已經做左好多野了