有個好開始　
話說 12月同 1月唔知點解丶好神奇咁放好多個星期日, 之前係成日番p, 番到我差d 要去投訴的嘛, 現在唔知係咪祂俾機會我呢?
所以, 我都有好珍惜機會, 番教會~
初初番時, 個個都唔識, 都咪話唔驚, 又唔知講咩好, 最想都係痴0係豬隔離, 最安全
經豬介紹, 識左 fiona, ann 同 kari, 同 kari 吃過飯仔, 同ann & kari 打過羽毛波,
依家再番多左幾次教會, 同 ann & fiona 傾多左, 希望繼續可以同呢兩位朋友仔 keep contact ~
kari 呢希望都可以混熟d, 豬既朋友仔, 就係我既朋友仔~
而尋日番教會, 神奇既事就發生左 !
事緣呢期成日都為左一件好小既事同豬 "討論", 傾完又傾, 傾到大家都無咁好氣,
亦都令到豬好灰心,
咁尋日聽聽下人講道, 突然出現左個諗法 --> "點解我會阻止豬去做好事, 點解會阻止豬去幫人呢? 點解我要咁做呢?"
就係咁樣, 諗清楚後, 就握住豬既手.
崇拜後, 又係同人傾計既時間, 同 fiona 佢地傾左陣計, 就開始伸出我既 "友誼G手"
我鼓起勇氣, 拎出我既 "親善寶寶", 同 ka wai 傾計,
吖, 又無想像中咁困難, 感覺比想像中好, 唔知係咪頭先既諗法起左作用呢
真係幾驚惶嫁, 我一路傾都一路 feel 到自己好緊張, 講得好快, 有點點語無倫次, 仲面紅 tim
好彩叻叻 G 都跨過左, 行左第一步了~ 叻叻 G好抵讚耶!~
不過我唔係為左豬唔好再叫我搵過個先咁做的 !
係見到豬為我做左好多野, 亦都好貼心咁幫我舖路，等我可以識多Ｄ人，所以我都想做番D 野, 等豬唔好覺得淨係得自己一個在努力, 我唔想豬灰心同失望, 我都想支持豬呢
而且我都唔想豬有咁多野要顧要處理時，仲要為我既野而操心丶煩心
之後一堆人去左吃麥仔, 呢次都算係歷史性既私人團體聚會
哈, 好彩都有D D 野講, 我既出現總算唔太突兀...
之後豬同大半人走左, 我就竟然同 selena & angus 傾計, 同 selena 第一次傾計, 竟然傾到咁耐, 叻叻!~
雖然Ｇ今次叻仔，不過呢，仲有好多路要行，我仲係有點怯，希望豬繼續在旁多加提點! ^^"

今日同豬聚聚, 豬都讚我耶 : D !~~~~~
總算無令豬失望, 豬仲話佢好感動, 好驚喜吖!~
真的, 之前見到豬唔開心，我都唔開心，
依家見到豬開心, 我就開心了 ~
所以我同豬一樣, 好開心吖~
希望我可以繼續努力, 繼續前進
同豬一齊繼續前進 。