WO~ 話咁快就到左 2011年, 回顧過去一年,
健康
不過不失啦, 係自己形住形住自己有病唧,
不過感恩的是, 衪明白同撫平我既驚慌
感情
唔知點解, 覺得 2010年豬好似對我好左咁, 好似細心左丶包容左
我以為會俾豬罵時, 又無喎, 有時又以為豬無為意, 點知原來佢都有留意啊
我希望我地可以繼續相親相愛, 一齊過每一年~
工作
從天堂走到地獄, 已有一年多了, 見到d 微小既改變,
已經沒有0係番N 時從窗口偷望下天堂那兒, 已經不再說 "你們" "我果度", 或者已經接受左事實了
想唔想番去? 想, 不過我怕回不到去了
唯有希望0係呢度順利, 學多d 野, 少d 犯錯啦


話咁快, 就放 2011年第一個大假, 今個大假, 同馬騮仔去左台北自遊行, 五日四夜,
第一日
搭12點機, 去到都兩點, 再搭下車去市中心, 放低行李, 都 4點幾, 去左酒店周邊既景點影相, 可惜個天陰陰的, 影得唔太好
再之後0係台北車站地下街行左...幾耐, 公仔, 電話套, 耳環, 頸鏈etc. 好多野都好似好吸引, 最後買左本書教煮野的
因為行耐左, 所以之後去到下一景點 101時, 都已經夜了
行左好遠路先行到去 101, 影左一兩張相, 就去搵食了, 今餐揀左 101 既 "wasabi" 自助餐, 都 ok 既, 不過唔算太多款, 同埋排雪糕要排好耐 =. =
再去左西門行左一小陣就番酒店了
第二日
今日去九份十份, 都搭左幾耐車, 包括 "平溪小火車", 睇左十份大瀑布, 睇左人放天燈, 不過今日落雨, 無戴遮, 要買雨衣, 傍晚去左九份, 仲係落雨, 影相唔靚, 食+買左d 野, 晚上就去左松山火車站既饒河街夜市, 都買左幾多野
臨走明明買左杯甘蔗汁諗住第二朝飲, 點知行到去車站, 唔覺意就倒瀉曬, 衰衰 =3=
第三日
今日去新北投丶陽明山丶淡水丶士林夜市。晏晝0係新北投"壽喜燒"吃任食火鍋, 都唔平嫁, 好在都好味~ 之後上陽明山, 唉, 又落雨, 加上大風, 真係好淒涼, 因為要再搭多架接駁車, 而 d 車等果架無果架, 買左杯星巴克飲, 之後落番山了
去到淡水, 原本諗住0係"情人橋" 欣賞咸蛋黃, 但一來無太陽, 二來都晏晏地, 去到海邊橋上都係食風既唧, 所以就咁行淡水老街算了, 又行左 ok 耐, 又係睇d 濕碎野, 馬騮仔買左對好暖既手套, 我買左蝦酥丶烏結糖
最後去左士林夜市, , 之前0係香港換左兩本消費卷, 共有 200蚊台幣!~ 原來都有好多間食店都岩用, 我地買左豪大大雞扒, 布丁珍奶, 香芋珍奶, 炒雪糕, 雲吞抄手, 呵仔煎, 加左少少就食到咁多野, 好抵呀!~
今日住既係貴貴既北投春天酒店, 有私人溫泉@浴室, 我都有浸左好耐, good~
第四日
一朝早浸露天溫泉, 有d 真係好熱下! 今日既行程係木柵動物園, 貓空, 深坑。木柵動物園幾時去都幾好睇, 不過新加既熊貓呢埋曬, 無野睇; 兔仔園又幾得意喎, 仲有老鼠睇tim !~
今次有幸搭到鑬車上貓空, 架鑬車都幾似 360啊, 上到貓空, 飲左個貴茶, 景就無乜特別, 搭鑬車落番木柵, 諗住搵公車搭去深坑, 點知搵搵下車, 一轉身唔覺意踢到隻黑漆漆既狗, 個樣有幾似 "邊境牧羊犬", 呢次真係唔講得笑, 隻狗係咁跟住我, 我行快兩步, 佢又行快兩步, 我行左, 佢又即刻跟住, 仲逐步靠近, 原本以為佢想食野, 所以放低左個袋, 點知佢聞兩下, 就繼續跟住我, 馬騮仔都無辦法, 隻狗最近行到去裙邊想咬想咬咁樣, 正當我就喊就喊, 心諗今次死緊了時, 有兩個女仔來巴士站等車, 即刻行去佢地度求救, 大致講發生咩事後, 其中一個 "天使" 話幫我拎番個包包, 而另一個"天使" 就話幫我擋住隻狗, 多謝左佢地後, 就急步離開, 回頭望時, 確實見到個 "天使" 拎住佢袋野擋住左隻狗, 隻狗都無衝過來, 而我同馬騮仔就亂過馬路咁 "逃離現場" , 驚完一輪, 都無心情去深坑了, 就去左通化街夜市, 由於即興關係, 唔太熟路, 都搵左幾耐, 今次終於飲到甘蔗汁了~
之後再去埋西門, 都買左幾多野, nice~
第五日
今日節目係花博 + 美麗華, 遲左起身, 十點九先離開酒店, 去到花博現場, 都好多人啊, d 館全部都有好多人排隊, 所以全部都無入 ^^"
買左少少野, 果度都幾大風, 唔易影到靚相
如果慢慢行, 都幾多野睇, 幾舒服既, 不過我地趕趕地, 來不及欣賞
亦因為趕, 取消左去美麗華, 改為搵路去維格, 都搵左好耐下, 買左幾盒餅, 就番車番酒店拎行李, 再買埋最last 一杯珍珠奶茶, 就搭車走了
最最驚喜既係, 番到黎香港, 行到去接機處時, 豬從後拍我膊頭, 噢, 豬來的!~ 第一次有人接我機耶! 如果唔計來機場既麻煩, 一諗起有人這麼期待我既番歸, 0係度靜靜地等候, 好窩心呢, 多謝豬

總結今次自遊行, 算係純購物純食野之旅, 睇景反而少 ^^"
亦都行左幾多路, 最難得係差唔多每日 shoulder pain 都呼喚我, 真陰公
而最 last 一日, 終於敵不過馬騮仔既病菌, 感冒了
好彩既係, 勁G 都頂到幾日, 到最尾一日先頂唔住
0係度多謝馬騮仔既多多包涵~