"你已是中層黎喇"
呢一句, 猶如當頭棒喝, 唔係嘛, 做左兩年幾就係中層嗱?!? 點解我無呢個感覺既?
那個人又說, "如果某 senior 走左, 加護就唔夠人手, 你同另一個 08就可能要負責加護嫁喇, 都係平時咁睇既唧, 如果太難都有人幫手既...."
聞說佢口中既 senior, 真係打算走, 咁負責加護咪勢在必行?
我覺得我未係時候, 未夠火喉, 未有凖備, 未夠 competence, 未有 confidence.....
總之有千百萬個理由
好似迫我頂硬上咁

其實唔係唔想番去好ward ,
想當初貪呢度 5天工作, 放假咁日數好似好多咁, 記得以前一直都想放多日假的
點知做下做下, 之前 ward 學既野就好似流沙咁一點一點咁漏走
已經分唔到, 係呢度廢我武功, 定我廢自己武功,
但事實係, 我好多野都諗唔起, 有日mandy 問起, 原來我連好ward 放飯既時間都唔記得了
咁點番去? 唔通番去話俾人知, 我咩都唔記得曬, 要從頭學過?
真係好悲哀, 繼而討厭這裡

但就算番到去
psychological 上開心左, 但 physical 上是沒有很多優勢的,
我想像唔到, 到我 4x歲, 夜媽媽已經攰了, 仲要跳上床搓人係咩景象
而這個 ward , psychological 上唔開心, physical 上一般般
好難諗

沒有退路, 看不到前方
很迷茫前路, 很恐懼前進

但出走私家又係咪我既出路呢, 我對私家真係所知不多,
生路死路都唔知
去私家, 有d 原因係想逃避, 既然我拒絕唔到俾人侷住上, 不如就我自己走吧...
唔想做 senior , 起碼依家唔想, 我怕我做左 senior 後都係咩都唔識,俾人笑

繼續迷茫
我只想以後有份安穩既工作, 養得起自己丶家人, 唔會令佢地憂柴憂米, 間唔中買下野, 享受下, 去下旅行仔, 玩下煮飯仔...
如果工都轉埋, 雖然工作既壓力無左, 但我覺得我身邊會有很大的變化, 有 d 野可能會失去... 不想失去
其實我很細個時, 一直都以為自己將來會係好好工作, 跟住結婚, 或者再做 x年, 就轉做家庭主婦, 教仔湊仔的...... 知道時代轉型, 做全職家庭主婦應該不大可能了, 現在可以成功轉變左思想, 要一直工作, 已經好叻仔, 我俾左自己一個讚, 可惜, 還是不夠...