恭喜個網仔又番來了 !~~~
多謝豬既努力 : > ~~~


去完旅行番左來一個多星期了, 18號晚番來的,
旅行果時好開心, 番來好唔捨得
同豬一齊 "生活" 既感覺好好, 所以好唔捨得 =3=
感謝豬旅行時既照顧, 有佢真係人都精神 d ~
遲d 打日記仔先 !~

尋日岩岩交完功課, 又用左兩日時間+一個通霄做,
我真係唔係好叻仔, 成日都要做咁耐,
呢份功課都做到交果日既臨尾果幾粒鐘
不過好彩都做起, 仲趕得切同阿媽一齊飲茶, 呵~
依家剩番 29號既 exam, 之後就可以放暑假~~ 等旅行!~~~~~~

尋日都出左 year 1 sem. 2 既 result
sem 2 讀果兩科, 兩科都有 B 耶!~~~~
雖然唔係 A, 但對 G 來說, 已經好叻仔了, 叻G ~~~~
繼續努力!~

BOOK 曬 D 酒店喇 !~ 總算有驚無險
不過就之前個計劃唔同左, 之前我個算盤係, 玩夠皮行夠皮, 最尾兩日先去浸溫泉鬆鬆
但原來旅行果個 week 係日本假期, 個星期六既溫泉酒店都 full 曬, 打亂我既計劃
唯有提早浸溫泉 , d 酒店真係好難搞,
好彩最後都解決曬 !~ 多謝~


p.s.: 前日新經理打來, 通常個 ward 打來都無野好, 好野唔到我,
果然, 經理又揀中我, 又賣我走 ! 佢講果一大堆野唔係重點, 重點係又係我
又將我當波咁扔來扔去, 之前又係咁, 依家又係咁, 我唔開心
點解又係我, 係咪我個面鑿住"好蝦d" ?... 好似俾人遺棄左咁
可以做既唯有0係咁狹窄既空間入面爭取多 d 野番來 , 既然拒絕不來, 唯有爭取多D
7月既假總算好 firm 咁confirm 左 , 亦都唔駛 1個人番夜住,
不過應承既其中一個小原因, 係想試下對面 ward d 人會唔會好d , 呢度 d 人 .... 令我失望了 , 佢地唔係好既同事
6 個week , 渠 G 加油 , 頂住耶


p.s.: 又揸左成晚 "通霄巴士" , 點解我會揸通霄巴士? "開夜車"嘛 ! (某隻豬話好爛 ...)

六月無啦啦又過左半個月, 好似無咩做過咁既

講下威水史先 ~
依家讀緊既 part-time degree, 對我來說真係讀得辛苦仔
呢個 sem 讀既其中一科係 statistics
聽d 人講話超難, 仲話係數一數二難了
滿以為自己 f.6,7 讀過下maths& stat. 可以應付下, 點知上堂時都係唔識, 望見堆符號真係想打巴佢
到近排要交功課, 真係死火, 專登襯放假來做功課, 6大條題目,
疊 notes 俾我揭完又揭, 來來回回, 終於用左兩日+通霄, 做起份野
又終於, 派番份功課時, 見到自己有 97.5分耶 !~
好犀利好叻仔呀, 都可能係小學後第一次拎九十幾分了 (默書果d 唔計)
好鼓舞耶, 努力左既時間無白費了!
不過呢, 其實唔係真係好叻/真係識左科stat, 只係俾我努力咁搵到邊條係問緊邊份notes 咁唧, 所以都仲係好擔心考試唔知點算, 又不過, 總算都可以幫補下個考試
p.s.: 其實我第一日已經做好個草稿, 都唔明點解第二日都會做咁耐, 仲做埋個通霄tim , 真誇張....

唉, 7月前仲有大把野做
6月24 交 report
6月29 考試
加油 !~

呵, 完左 6月, 就會到開心 7月呢, 因為會去旅行~ 會同抵錫豬去北海道!~
暫時既進度係買左個 package, 睇緊唔閃既閃咭書, 豬凖備 plan 行程同 book 酒店
襯仲有d 心情玩, 無心情做 report, 睇下d 旅行資料, 幫下抵錫豬手, 做有用的人 !
我寫左 d 每日要搭既 JR 班次同所需時間 , 今日仲將我既"傑作" 俾豬過過目, 嘿, 呢一 part 豬應該可以放心耶!~

p.s.: 頭先根據書既介紹入左去個 hotel 網, 試試 search 下, 由於個網係日文既關係, 我仲好叻仔咁用埋我既翻譯好幫手--- http://www.excite.co.jp/
最搞笑既係, 我睇唔明呢句 "送迎あり(条件あり)" 解咩, 成個拎去譯, 竟然有咁既結果 --->
"有迎送螞蟻(條件)" ?!?
間酒店咁犀利, 搞到連螞蟻都來迎送我 ?!?
哈 !

終於來到 5月尾, 屬於我既月份又結束
5月總結: 都好開心呀, 可以見到豬仔就最開心耶~
五月, 又要等多12個月先再輪到你了


5月 30日 (日)
今日係大假既最後一日了, 真唔捨得
唉, 都係果句, 要賺多兩個臭錢, 都無計仔
不過開心既係, 估唔到今日都見到豬仔!~
以為都見唔到了, 豬成日都話星期日眼訓, 要叉叉電,
不過, 今日竟然有例外! 就係因為今日端午節就到, 佢阿媽整左d 媽媽粽, 留左兩隻俾我!~~~
呵呵, 真係諗起都開心, 佢阿媽預左粽俾我耶~
所以, 我地就約出來吃綠野 tea + 接粽喇!~
多謝 : > !~~~
後記: 果兩隻粽好足料啊 ! 食得出既有冬菇, 瑤柱, 綠豆, 金華火腿, 還有好多配料,功夫,時間... 如果我都可以咁犀利整到咁多食物就真係好叻仔了


5月31日 (一)
作為五月最尾一日, 復工既第一日, 是日運仔欠佳
好多好多野做耶, 做緊一樣，第二樣又催，第三樣又問得未，第四樣又凖備要做，另外又要 keep 住做 "三步曲" --> 1.做左未 ; 2.有結果未 ; 3.有人睇左未 ;
有時果個人係黎左, 但原來又無做到, 又要繼續停留0係 step 1; 就算有結果, 又要三催四請 d 人來睇, 請完又請; 終於睇完, 又可能又引申出其他野要做 ; 重覆又重覆, 佢覺麻煩時我又覺得討厭....
我唔去小休,唔吃晚飯, 都遲左粒幾鐘先收工, 番到家都十一點幾
唉, 手腳慢都係元兇之一 ! 如果我手腳快d , 應該會好d
有位同事都話, "你應該呢個禮拜先放大假, 真係好忙" 。

今日星期六了, 唔開心呀,
就要番工了
今日原來應該享受餘下的假期, 不過今日頭痛, 隔一陣又痛一痛, 影響曬心情了 =3=
尋日星期五
豬要番工, 約左豬放工齊齊吃晚飯,
約之前我早左出門, 襯 sogo 減價, 豬話無新衫, 幫豬仔買番幾件衫,
3件公雞衫, 希望豬鐘意~
又有小插曲, 買衫時打俾豬想問下意見, 因為都有 n咁多個選擇,
點知無人聽, 睇左陣再打多次都係無人聽, 到豬打來時, 我都買左了, 語氣當然有d 衰衰,
佢當然都係無俾我"兇"到, 唉, 又俾人食住 =3=
不過佢解釋完前因後果, 我都無咩既, 我都好講道理的~
之後去左吃金鳳阿叔鋸扒, 都好耐無去吃了
豬叫左蘇格蘭牛扒, 我叫左牛柳, 兩個都好好味~~~
其實次次食都覺得好味~ 都有牛味, & 唔太硬~
之後我地仲行左去吃 haagen daz, 點解上次去吃尖咀好似貴d 既!
豬叫既心花怒放幾好喎, 有 6個小球, 有得自己揀味道的!~
我果個特飲就失色了, 雖然平d
之後又去左 uniqlo 睇衫, 豬又買左幾件衫, 好似豬平時果d , 都幾好睇喎!
之後一齊行去搭車回家, 中途豬又去左辦大事+飲xx !
唏~ 今日真開心, 見到豬~~~