轉眼間, 大假又到左星期五
呢個禮拜, "平凡中有不平凡"啦

星期二
本來諗住約豬見面的嘛, 但最後竟然拗交 ,
大家角度唔同, 豬就覺得佢咁都抽時間出來約我已經好好
我就覺得佢放假先抽 1個鐘左右時間出來無誠意
就係咁樣拗到取消左活動了, 好可惜哦 ! =3=
無得同豬見面, 淨係得下半場,
馬騮仔去完旅行, 約出來派手信+吃tea
木糠甜品屋既木糠布甸真係幾好味!
多謝馬騮仔既手信!~ 之後番學

星期三
今日終於約到豬了!~~~ 今日豬幾經辛苦同掙扎(我深信) , 搵左個香港遊路線圖
朝 10晚 9, 真誇張, 真係估唔到係豬搵來的, 我初時仲以為豬想揶揄我tim
其實我唔係想玩曬全日, 要豬死先安樂, 只係想見多豬幾面唧
今日係沙田一天遊, 首先 ~10點半0係aberdeen 一齊吃麥仔早餐, 之後搭巴士火車去車公廟,
車公廟今日好少人, 可能平日+早, 真係好少, 車公廟同黃大仙一樣維修緊,
間廟感覺上好似比細細個來時細左, 真神奇
臨走時0係門口買左"手信" -- 風車 "小四"
第二站去左曾大屋, 山長水遠搵到, 但原來係私人住宅, 唔入得, 只可遠觀,
而且仲泊左好多車0係前面, 真係無咩好睇, 如果 d 外國旅客來到都幾搵笨
之後熱辣辣咁行去沙田新城市廣場 , 諗住去食d 野先 , 中間經過博物館,吹冷氣~
又幾經辛苦, 終於搵到偏遠既宜家私食晏仔, 豬話之前睇 ar so 介紹的
點知我地去到, 先知原來依家得番小食部, 賣既同cwb 的差唔多
我地一人叫左個熱狗餐, 我都未吃過宜家熱狗, 都好味
之後去睇左史樂比世界, 都有d 野睇既~
本來想去博物館行, 點知行到有d , & 都遠遠地,
停低休息後, 就泄左道氣, 唔去博物館, 轉行商場, 都買左d 戰利品
之後搭番火車去尖咀, 0係海港城行左一小陣, 就吃早既晚飯 , 係 "hip xxx" 吉列店
叫左炸蝦, 炸雞同炸豬, 今餐炸蝦同炸雞最好味, 炸豬都係硬左d
吃完就去尖咀海傍, 睇幻彩詠香江 !
加埋配樂, 都幾靚幾得意, 我影左唔少相+video ~
走時, 我地仲去左吃 haagen daz 雪糕, 好味 !!!~~
原本仲諗住用左張50蚊卷先去吃, 點知搞搞下變左碌卡, 不過唔緊要, 下次! 都係同豬吃既唧!~
今日好多謝豬陪左我成日, 辛苦曬 : > !~

星期四
快快手俾sd card, 見左豬一面~

六月無啦啦又過左半個月, 好似無咩做過咁既
講下威水史先 ~
依家讀緊既 part-time degree, 對我來說真係讀得辛苦仔
呢個 sem 讀既其中一科係 statistics
聽d 人講話超難, 仲話係數一數二難了
滿以為自己 f.6,7 讀過下maths& stat. 可以應付下, 點知上堂時都係唔識, 望見堆符號真係想打巴佢
到近排要交功課, 真係死火, 專登襯放假來做功課, 6大條題目,
疊 notes 俾我揭完又揭, 來來回回, 終於用左兩日+通霄, 做起份野
又終於, 派番份功課時, 見到自己有 97.5分耶 !~
好犀利好叻仔呀, 都可能係小學後第一次拎九十幾分了 (默書果d 唔計)
好鼓舞耶, 努力左既時間無白費了!
不過呢, 其實唔係真係好叻/真係識左科stat, 只係俾我努力咁搵到邊條係問緊邊份notes 咁唧, 所以都仲係好擔心考試唔知點算, 又不過,
總算都可以幫補下個考試
p.s.: 其實我第一日已經做好個草稿, 都唔明點解第二日都會做咁耐, 仲做埋個通霄tim , 真誇張....
唉, 7月前仲有大把野做
6月24 交 report
6月29 考試
加油 !~
呵, 完左 6月, 就會到開心 7月呢, 因為會去旅行~ 會同抵錫豬去北海道!~
暫時既進度係買左個 package, 睇緊唔閃既閃咭書, 豬凖備 plan 行程同 book 酒店
襯仲有d 心情玩, 無心情做 report, 睇下d 旅行資料, 幫下抵錫豬手, 做有用的人 !
我寫左 d 每日要搭既 JR 班次同所需時間 , 今日仲將我既"傑作" 俾豬過過目, 嘿, 呢一 part 豬應該可以放心耶!~
p.s.: 頭先根據書既介紹入左去個 hotel 網, 試試 search 下, 由於個網係日文既關係, 我仲好叻仔咁用埋我既翻譯好幫手---
http://www.excite.co.jp/
最搞笑既係, 我睇唔明呢句 "送迎あり(件あり)" 解咩, 成個拎去譯, 竟然有咁既結果 --->
"有迎送螞蟻(條件)" ?!?
間酒店咁犀利, 搞到連螞蟻都來迎送我 ?!?
哈 !

終於來到 5月尾, 屬於我既月份又結束
5月總結: 都好開心呀, 可以見到豬仔就最開心耶~
五月, 又要等多12個月先再輪到你了

5月 30日 (日)
今日係大假既最後一日了, 真唔捨得
唉, 都係果句, 要賺多兩個臭錢, 都無計仔
不過開心既係, 估唔到今日都見到豬仔!~
以為都見唔到了, 豬成日都話星期日眼訓, 要叉叉電,
不過, 今日竟然有例外! 就係因為今日端午節就到, 佢阿媽整左d 媽媽粽, 留左兩隻俾我!~~~
呵呵, 真係諗起都開心, 佢阿媽預左粽俾我耶~
所以, 我地就約出來吃綠野 tea + 接粽喇!~
多謝 : > !~~~
後記: 果兩隻粽好足料啊 ! 食得出既有冬菇, 瑤柱, 綠豆, 金華火腿, 還有好多配料,功夫,時間... 如果我都可以咁犀利整到咁多食物就真係好叻仔了

5月31日 (一)
作為五月最尾一日, 復工既第一日, 是日運仔欠佳
好多好多野做耶, 做緊一樣，第二樣又催，第三樣又問得未，第四樣又凖備要做，另外又要 keep 住做 "三步曲" --> 1.做左未 ; 2.有結
果未 ; 3.有人睇左未 ;
有時果個人係黎左, 但原來又無做到, 又要繼續停留0係 step 1; 就算有結果, 又要三催四請 d 人來睇, 請完又請; 終於睇完, 又可能又引
申出其他野要做 ; 重覆又重覆, 佢覺麻煩時我又覺得討厭....
我唔去小休,唔吃晚飯, 都遲左粒幾鐘先收工, 番到家都十一點幾
唉, 手腳慢都係元兇之一 ! 如果我手腳快d , 應該會好d
有位同事都話, "你應該呢個禮拜先放大假, 真係好忙" 。

殺到埋身了。。。
以為拖下拖下，船到橋頭自然直，
又以為唔理佢，　’佢’就唔會來了，
點知係你既，就始終都係你既，走都走唔甩，
就算有幾多錢，都解決唔到問題，
就算有幾大力，都趕’佢’唔走，
就算走到有幾遠，都總要遇到佢，
隨住日子一日一日咁過去，’佢’慢慢張開’佢’既魔爪，
蠶食人既鬥志，耗盡人既精神，影響人既健康，
一覺唔覺意。。。
。。。
終於撲過來！　
要考試了！

真陰公, 平時雖然好晏先訓, 但都好彩地好快訓到 (touchwood...touchwood...),
尋晚就一直0係度 "典來典去" , 一路訓得唔好, 訓下醒下, 到4點後仲衰, 直頭訓唔到,
喉嚨就一路痕痕地,
最後去到 5點左右, 諗落都係唔對路, 就算依家俾我訓得番, 都係訓得半個鐘,
之後就番早, 點開工吖........ 點頂到去晏晝 3點半.....
咁好危險喎, 對我既"clients"又危險, 對我來說就更危險, 一陣發緊夢時,牌仔都無埋都有之...
咁就毅然打電話番去請假
急病...


一半一半啦, 真係有d 感冒, 真係成晚都訓唔到既,
仲要係個人好攰好攰, 對眼好澀好澀, 但都訓唔着果下至衰
不過, 都有 d 係 "好既唔學, 衰野就學埋一大堆"


開始踏上佢地既邪惡之路
希望我仲搵得番我個良心
暫時都仲有少少既, 請左一日唧


不過又好神奇, 今次訓唔着, 又係夜晚飲左野
夜晚 11點幾12點時沖左杯 "苦瓜茶" 飲, 唔知有冇關係
不過, 就係我尋晚典來典去, 攰到死但都係訓唔着時 , 我同自己講 ,
我以後夜晚 9pm 後唔再飲茶 ! ! !
衷心咁講, 0係攰到跳舞, 但碌來碌去都係訓唔着, 真係好辛苦 !
可能唔關飲茶事, 呢期都好多野諗, 下星期exam 了, 仲未睇過........
不過上一次訓唔着, 咁岩又係飲左茶喎, 又不過, 今次係飲"苦瓜茶", 仲要一杯咋喎....
阿媽今朝見我仲0係床都好驚訝, suppose 佢唔應該仲見到我的 , 無錯, 阿媽, 我病左,
我為自己身子同前途請病假


另一件神奇事就係, 正當我打完電話請假, 正想繼續嘗試訓時, 電話竟然有短訊 ...
豬原來同我都係一樣, 成晚訓唔着 !
好夾吖, 連呢樣都好岩 key 吖 !
佢如果唔 send 短訊來, 我都唔知佢未訓, 咁就大家互相問候左陣,
下次大家都唔好咁, 要一齊訓着了



呢兩日, 星期二 (4月13) 同抵錫豬聚聚, 同佢食左元氣壽b , 三文魚~~~
好耐無吃了, 行完一輪, 就買好耐無飲既貢茶飲, 好飲 ~~~
星期三 (4月14) 都係同抵錫聚聚, 又係吃元氣壽b ,
都係買左貢茶飲, 不過之後送左豬番屋企, 好少有呢~
再之後我去左cwb 同細佬一齊行 sogo , 佢想去睇b 仔, 之後又同細佬買雞蛋仔吃
當中既插曲就係, 佢恥笑我個袋 , 話說佢話買個b仔扣針, 好抵,
仲話 "你個袋咁 cheap , 拮左落去都無所謂啦" ..... .\ /.
我既回應 : "我個袋咁花, 拮左落去都睇唔到啦" =.= ...

p.s.: 見豬日記密左, 我又記番多d 先, 唔錯, 都係個良性競爭來