3月 22日 星期一
尋日, 同豬仔去左維園行花展,
本來豬唔係太想呢日去, 不過見大家之後都夾唔到個時間,
就都係決定呢日去喇
銅仔真係好似多左層霧咁
今年花展既主題花係 "富貴菊" , 都靚靚地既,
今年 d 布置都唔錯, 有南瓜車, 城堡, 摩天輪, 公主同王子, 都有d 心思
照左 d 相, 不過豬今次好似無乜 mood , 都無拎過相機出來影...
淨係得我拎住個相機影, 佢就行行+企企, 間唔中一齊影, 都有點沒趣
行到咁上下, 豬就見肚餓, 去左 freshness burger 買個餐吃,
仲驚見 "蟲蟲" ! 菜蟲來, 仲要好生猛, 0係隻碟度爬下爬下, 我地仲搵隻手指學佢又 "爬下爬下"
小事一則
平時每晚都只有 2個人番夜, 明明有晚經理出左 3個人番工, 3個都唔包括我, 跟住,
第一個要番夜既 "奸鬼" 話手痛, 要請病假, 唔係我無同情心,
而係果個 "奸鬼" 唔好0係兩個幾星期之前已經請左病假, 病假之後就放左 2個week大假, 去左旅行,
大假完之後既呢日又再話要請病假, 話要去睇專科醫生睇隻手....
真係咁手痛就唔好去旅行, 即刻去睇專科啦, 做咩要拖到大假後先睇呢
又如果真係大假之後先再來請病假, 就唔好話俾人知,大假時去左旅行啦
又如果去到旅行既, 就即係隻手痛極有限, 急極有限, 唔駛大假完又請病假啦, 慢慢搵日 book 個時間睇都得啦
真係火都黎, 請病假都算, 佢請佢事, 唔好搵着我黎搞嘛
到第二個 "奸鬼" , 佢話買左 "醫神" (eason) 張飛, 一早買左, 唔睇唔得,
所以番唔到夜 .....
0係 3個入面, 有 2個都 "話" 番唔到夜時, 最後就搵左我番夜, 真係無語問蒼天,
我就變左連續番 2晚夜
好鬼辛苦
就算幾辛苦都好, 我都唔會唔記得, 要 "萬分感謝" 果 d 令我要無啦啦番 2晚夜既人 !
小事第二則
根據我非正式既統計, 呢度既 "病假率" 非常之高, 平均 每個禮拜都起碼有一個人請病假 ,
比起我以前果度, 真係完全無得比, 以前可能一兩個月先有一個人病的
係咪真係男同女咁大分別呀, 係咪真係女人會易病d 呀 ?
佢地問心係咪真係病呀 , 心照啦
呢個真係唔係個好現象 , 直情係個惡性循環 ,
一個見另一個請假, 自己工作量多左, 佢第日又請假, 第二個請假時, 又影響到第 3, 4個人, 佢地唔抵得, 佢地第日又擇日請假, 你來我往, 今日受既, 第日俾番,
我見過, 有個尋日請左病假, 搞到大家都做多好多功夫, 到第二日佢番工時, 尋日有番工既, 又話要請病假, 有冇咁岩呀 .......
最無辜既就係果 d 唔想請假既人, 不過久而久之, 聖人都發癲啦
唔該唔好懢用, 設身處地, 諗下 "被遺棄" 既同事吧
仲有, 我覺得成件事好 "醜陋" , 見佢地平時相處又好似好融洽, 有講有笑, 樂也融融咁, 咪又係唔理 d 同事辛苦, 走去請病假, 真係唔想同佢地講野, 一個二個小人來的
不過我都睇得開既, 工作來唧, 唔好太上心, 我覺得人生最緊要既唔係工作
同埋, 自己要分到, 邊d 係好人, 邊d 係小人, 唔好認錯就得了
