今日係大假 day 2 了

day 1
尋日晏晝同阿媽去左中環 動植物公園
都有幾多野睇 , 睇到好多雀, 有d 雀好肉酸, 有d 既叫聲好好聽, 唱緊歌咁,
不過可惜既係, 無曬d 老虎了, 仲記得想當年園入面有個大籠 ,
入面有美洲虎 , 原來仲有名, 叫小花 , 可惜又原來0係08年尾老瓜左了 ......
依家佢住果個位改建左做教育館, 放左佢既標本 ,
以前見佢總係遠遠咁望, 仲要佢成日呢埋左, 依家可以好近好近咁望到佢, 不過佢已經唔識郁了
仲有仲有, 以前都幾鐘意睇既一眾馬騮籠, 記得以前好似有好多好大隻既大猩猩0係度,
依家得 3隻算係大既0係度, 其他呢? .......
又覺得依家d 馬騮籠細左, 好快就行完, 真係唔同曬
不過, 都仲係去親動植物公園 , 都過去公園對面既百佳買雪糕吃, 不過就無曬大大支 ''雪山" 雪糕食


day 2
今日豬上半晝去左換野, 晏晝我地就去左太古城, 0係果度食章魚燒, 加兩杯野飲, 好味
之後就買左 2個包, 再睇 2:40 既 "寡佬飛行日記" , 食住包睇 ,
個包都幾好味, 入面有 cream , 出面又係牛角包果隻皮 ,
而齣野呢, 肯定唔值 7.9 分, 都幾好睇既, 不過個人覺得緣滿情人節相對好睇d !
起碼佢帶出到佢認為係重要既野
呢齣好似想講話家庭先係最重要, 呢個 "ryan" 正想去追尋佢新發現既 "幸福" 同 "人生" 時, 就話原來個女主角原來結左婚了, 咁就打破左阿"ryan"既美夢,
好似有 d 爛尾咁唧
都睇得舒服既, 同埋都幾少人, 平日去睇果然好 !
之後就行左陣太古城, 再之後番番去 銅仔,
本來諗住睇下錶, 不過暫時都要睇清楚d 先 , 之後買埋杯 QQ奶茶車度飲
仲要俾 D "QQ" 椰果哽親, "宗" 左自己好耐都無野跌番出來,
都唔知有冇事, 希望無啦
如果有肺炎, 記得幫我講係跌左舊椰果落去 !

今日去完教會講一個講座, 反應非常好 , 好多小朋友爭住答問題 (有獎品的)
我自己既表現呢...... 更加非常好, 今日都算好淡定, 而且, 仲竟然唔駛 '貓紙' ,
証明我對個 ppt 真係幾熟 , 仲要講中文, 非常岩我, 我好叻仔! 仲要仲要俾個讚自己, 今日我整果part ppt 都真係幾 "活潑" 的,
睇得 d 小朋友們都好開心, 我好叻叻 ~
總算了左件事, 明天的明天再算吧


放假了, 放假了 !~

1月時放左我今年第一個年假
3月 1 號又放第二個年假了~
嘿嘿嘿, 放得灑全部 8個年假就 very nice ~
有咩好做呢..... 就未諗到, 應該都係留港休息了
嘿~ 我都奸仔了, 睇凖 3月1 果個禮拜唔駛番學,就放呢個禮拜, 咁個假期就見洗好多 ~

p.s.: 新年都豆左唔少利是, 多謝大家 !~
& 今年同舊年新年一樣, 有得 "入屋" , 又見到抵錫豬細佬, 開心開心 !~~~
不過遲左... 少少, 下次唔敢了...


預祝 happy holiday : > !~

4日 3夜既台中之旅已經完滿結束
全程我部相機影左 463張相
都唔錯, 全程都係嘆丶食丶hea丶悠,
呢個團都值得推介, 真係感受到假期既感覺, 一d 都唔趕 ,
其中一晚仲有得吃 5星酒店自助餐, very nice~
唯一失望既係重頭戲 -- 清境農場, 以為可以玩半日, 點知0係果度玩得個幾鐘,
真係好唔夠 ! d 綿羊真係幾得意, 雖然有牙, 但真係唔咬人 , 很好很好 !
其實果度仲好似有牛的, 不過都唔夠時間睇 =3=
個農場真係值得推介 ! 玩羊可以玩到大半日的 !
如果可以, 好想同豬仔去多次 !~

p.s.: 去台灣點可以唔試地道既珍珠奶茶呢 ! 誤打誤撞, 最後試左 1次珍珠奶茶而已, 好重奶味
另外一次試左布丁奶茶, 都好飲, 仲有意外驚喜, 飲完仲有一整舊布丁吃 , 足料得來又好味, 好抵飲 !~

p.s.: 去旅行既其中一樣樂趣係可以試用自己既 "外語" ,
今次去台灣試左我好普通既普通話, 好好玩, 都好好笑, 令旅行格外輕鬆
我仲未知朱古力 (定巧克力) 布丁奶茶點讀 !

p.s.: 根據我非正式既統計, 我呢4日0係台灣食得最多既竟然係蛋, 日日早餐有炒蛋, 連晚餐都有蛋 , 而飲得最多係佢地既濃縮橙汁 !

p.s.: 最後一日竟然俾我地0係台灣sogo 入面食到台紙 100 (港幣 25蚊) 既晏仔, 仲要係鐵板餐, 雖然無乜餸, 但都好飽, 仲有 (濃縮)橙汁 同 穌皮湯, 犀利 !

p.s.: 今次都多謝團友馬騮仔, 大家旅行都好歡樂 !

p.s.: 無見豬仔幾日, 好掛住佢呢 !

聽日就同馬騮仔去旅行了
終於到了
不過諗到, 一番來就星期六, 咁就大假既尾聲了, 少不免有d 傷感, 咁耐無"見", 咁快又要消失 =3=

p.s.: 豬上星期二+三都同屋企人去左澳門吖, 豬話影左... 5張相......
回來後我有扭結糖+杏仁餅收, 多謝豬~
不過下次豬又要帶埋我去, 唔得自己去旅行哦~


今日共有 3 場活動
首場同豬仔旅行前最後一聚, 去左味千吃午餐, 吃完仲試埋貢茶, 豬之前已經飲左兩次了, 自私豬~
次場同 "好ward" 同事們0係香港仔水塘 bbq, 好耐無見到 ward 既同事了.... & 好耐無燒, 燒雞翼雞扒, 好味~~~
尾場趕番去上 tutorial , 要 100% 出席率, 唔番又想要分既要交 300-500字功課呢, 唔番唔得, 唔要做功課 =3= (& 黎緊星期四已經要交一份了, 一番黎就要做兩份功課好陰公仔的!)
so 到呢個 moment 仲未執行李 ^^"
今次感謝抵錫豬既分享 : 厚褸, 喼, 兩腳插 ~ 多謝豬
其實我都有 d 驚耶... 祝我平安 。
我會好掛住豬的... 唔知豬會唔會掛住我呢.......