距離旅行, 仲有 5日
今日一口氣完成左幾件旅行必做既事 --> 換錢 丶拎台証丶去旅行團既茶會
聽完茶會, 先開始感受到,
旅行, 真係好似就來了
雖然就快旅行既感覺來左, 不過聽日+聽晚仲要番工, 無得發夢住 =3= ...

不過, 番埋聽日+聽晚, 當我再次出現0係電腦前面時,
我已經開始放我既大假了 !~~~~
我開始工作以來既第三個大假 !~~~
真係期待以久, 原本第 3個大假唔係到依家先有的,
一匹布咁長, 番來再說~
dear 大假, long time no see : > !~

仲有１０日就旅行了
繼續 law law 孿 , 我想同佢去, 我想同佢去 ......
& 關於旅行, 都有 d 矛盾 , 有日去位於山上既清境農場 ,
又想有雪落, 咁就可以玩真雪, 未玩過呢, 可以整雪人, 可以囡雪地~
但又唔想太凍, 太凍既果個農場入面d 羊群就會呢埋曬0係屋入面, 唔會出來, 唔會通山跑
咁就見唔到成個山都係羊既畫面了
有冇得又可以有飄雪又可以見到 d 羊通山跑呢?~
真係矛盾 , 唯有 +ve d 諗, 凍同唔凍我都有賺, 都有得着, 都算係雙羸既
最後係點, 唯有交俾個天決定啦
p.s.: 雖然睇得開, 不過日日都上台灣個天文台睇睇, 佢有一周預告, 其實, 究竟我想睇到 d 咩呢?.......



p.s.: 都幾值得開心, 就算戴住口罩, 就算平時唔多同佢地吹水傾計, 就算平時都唔多同佢地接觸,
原來都有醫生/其他工作伙伴認得我的 !
首先係, 有個平時好好人既醫生, 0係 "好ward" 時佢做過一輪主診, 同佢合作過 , 之後我賣豬去個 "地獄 ward" , 佢間唔中去睇 consult , 又竟然認得我, 仲問我點解0係果度, 我初時其實以為佢認錯人, 到依家我連科都轉埋, 佢又係來睇 consult , 都竟然竟然認得我 ! 都係問點解呢度都見到我.....
2nd. 有個 physio 又係0係"好ward" 時見過佢, 佢負責果度d physio , 都算合作過, 之後黎左呢度後, 某日0係走廊行過撞到, 佢又認得我喎
3rd. 又有個實習醫生, 又係0係"好ward" 時同佢合作過, 之後佢又同我0係 "地獄 ward" 度撞到, 到前幾日, 0係走廊見到佢行過, 我初時都唔肯定係咪 "佢" , 點知佢又認得我, 同我打招呼, 真係好神奇 !
係我個樣好易認嗎? 都唔係吖, 平時戴住口罩喎, 咁都認得?
係我平時好 "衰格", 搞到佢地都記住我了? 都唔係喎, 我平時無同佢地傾計, 做野寫野多過講野喎
真係好神奇 , 奇在佢地又會咁肯定, 同我 "相認" 既, 佢地唔怕認錯人嗎? 話曬0係一個全新既地方見到我喎, 仲要之前戴住口罩 tim !....
都感動嫁, 原來都有人會用個心來認住我的~ 俾人認得既感覺真好~

仲有 15日, 就旅行了
依家既心情, 都幾複雜, 同豬以外既人去旅行, 都係第一次,
曾經同QE同學仔去澳門, 不過都係即日來回,
要自己一個去, 好唔慣耶...
夜晚時, 會唔會訓唔着呢, 會唔會縮0係個被竇悲鳴呢
早上時, 會唔會一撐大眼, 就想起佢呢
午餐時, 會唔會諗, 依家佢係咪都食緊呢, 食緊咩呢
好凍時, 着住佢既厚褸, 會唔會又想起佢, 佢又會唔會都記掛我有冇着夠衫, 有冇冷親呢
無佢0係度, 一定會好掛住佢耶 ...
... 後悔唔係同佢去旅行噢, 我最想最想, 都係同佢去旅行, 唔係同佢去, 個旅行好似變得無乜 mood 咁 ...
無得同佢去旅行, 好可惜 ...
第日都係要同佢去旅行噢 =3=


1月10 (星期日)
呢日同豬去左太古城 , 豬要吃好耐無食既築地章魚燒, 我地之後再0係 food court 添食,
豬吃 pepper lunch, 我吃韓食, 不過都係豬既好味~
之後我地行太古城, 究竟 apita 係我地之前未去過, 定裝修番黎的呢,
個格局有d 似, 不過個地理位置又好似有d 唔夾 ,
& 個 apita 好似同我地相沖 , 我地0係果度黑面了,
其實都唔怪得曬我啊 , 個前奏就係佢好衰衰咁話 "加細你一定唔岩着啦"
雖然我都知, 但佢果時個口吻同咀臉好衰衰啊, 睇死我着唔到咁, 好傷我自尊心耶
如果佢係用可惜得番加細size既口吻講, 我一定唔會黑面, 佢咁講完後, 我都唔知點回應佢, 除左黑面, 都唔知講咩好,
(p.s.: 之後佢又話叫我買左佢... 佢都話我着唔落了, 我仲點買唧, 唔通真係厚住臉皮買咩... =3=)
到之後揀衫時, 其實就係因為平時好多衫, 佢都係話ok ,
我就係想知邊 d 衫佢會覺得好睇, 等我知道佢個 "標準" , 等我第日留意, 朝住果個方向買衫, 費事第日我又再買更多佢覺得麻麻/ 普通既衫嘛, 佢親口講, 好過我估耶
都唔明我既苦心耶
結果件件都係 ok , 真係激死我
希望下次豬會明白啦, 不過可能下次豬唔會陪我行街了... =3=
我黑面，sorry 噢豬 。

我地 F.6-7 班主任菁姐又番來香港了~
今次既聚會0係 TST 既樓上 Cafe, (基本上d 聚會好多時都0係cafe)
都幾多人去左喎, 連好少見到既主播--蔡生都來左, 犀利 ! 不過原來佢轉左去做記者, 呢個真係唔知了!
又唔講唔知, 以為 fiona 係呢班最早結婚果個, 點知原來已經有人結埋, 仲飛走埋了, 果個就係阿琴, 真係好快 , 我好似出來做野無幾耐咋喎, 咁快已經有人結左婚了...
不過話時話, 我都無諗過自己會咁快結, 點解有人會咁快就計劃左結婚既呢?
同學仔個樣就無乜變, 變既係佢地份工, 好多都轉過工咁,
菁姐就更加無變過, 聚會上又講下自己既家庭, 煩惱咁
見到大家都開心既, 大家都係老樣子, 都係咁好
唔知新年時仲有冇得直闖miss 家呢~
下年"東亞肥仔"都結婚喎, 恭喜~ 佢肯定好急想要番個細路了~
如果大家下年再見時, 會唔會又再多多幾個結左婚, 或者有埋仔呢?
呢個 moment, 我同豬仔繼續好開心, 好sweet 咁一齊就好夠了~

十年約會怕且仲未到吧, 希望到時大家一樣咁齊人, 一樣咁開心~

間唔中都會入林峯歌迷會個網睇下, N 個禮拜前, 唔覺意見到有個 "林峯你最紅2010新年歌迷聚會" !
去既理由: 有機會近距離見到林峯, 可以用相機影好多相, 仲有機會合照! 而且十幾歲時就話無呢個閒錢, 無得去唧, 依家有兩幾個錢, 可以一去, 幫青春留多個傻更更既回憶喎 !
唔去既理由: 出席呢合活動都要付出多少費用, 而且唔包一定可以近距離見到, 亦都唔包一定可以合照, 兼且從來都未參加任何歌迷聚會, 廿幾歲人仔先來玩呢樣野, 怪怪地喎 & & 得自己一個去好似孤獨左D ......
去同唔去猶豫左好耐, 最後都係 把心一橫, 即管一去, 大不了以後唔去 !
咁就入會丶俾錢丶報名丶俾錢, 到左今日, 終於要舉行了 ...

個聚會0係尖咀 Mira hotel 18樓 ballroom 舉行, 都幾大幾多人, 有180個歌迷參加 , 成個 grad din 咁
曾經以為今次發達了, 個聚會由 11點去到 3點, 演唱會都無咁耐,
事實上都係有咁耐, 不過見到林峯既時間係由 ~1:30 開始
11am 至 1:30pm 都係自助餐時間 (我來唔係為左食的 >.<)
抬上面有 7份小禮品 , 可惜抽唔中, 無禮物
~1:30 pm 既時間, 林峯出場了 !~~~ 首先來左個合照, 成棚人走曬去前頭, 係咁影相, 好彩我都唔執輸, 都影到幾張 ~
之後佢就同大家傾下計, 玩左 d 遊戲 , 不過抽唔中, 無得玩 ,
再之後有上半班人排隊影相 ,再之後頒下獎, & 再來下半班人排隊影相 ,
影相果 part , 原本個歌迷會會長話有禮物凖備定, 一個跟一個排隊出來影相, 佢地有人幫手影, 我就諗 , 死火喇 , 原來有禮物俾林峯先有得個人合照嫁? ....... 我 無啊 ......
跟住諗到摷摷個袋睇下有 d 咩 "可用物資", 可惜一樣送得出去既野都無 , 個腦袋子轉一轉, 又諗到, 不如 "懶" 有心思咁0係張紙度畫林峯個卡通版, 跟住寫 d 祝賀既字眼, 咪可以出去排隊影相囉 ....
n 秒後回復清醒, 我估我高估左我既畫功了, 以為自己真係好畫得咩, 一陣間又點畫得曬個林峯卡通版呢, 有番一日半日就差唔多..... 所以都係打消左個念頭了
唯有 "啤" 實台上面影緊相既人, 咦 ! 又俾我發現到, 有 d 都係兩手空空咁上台影相,都得喎 ~
最後好安心咁排隊影相, 行到出去排隊時, 見個距離近左咁多, 都不忘 zoom 埋去影多兩張林峯既相,
到我了, 到我了, 我即刻把握機會講番句野 .....
"林峯, 你好吖, 我第一次參加你既歌迷聚會吖, 好開心吖......"
"嘿, 係吖? 咁你第日多 d 參加喇"
好似拍戲一樣, 呢個就係我呢 d 臨記唯一出場同主角既唯一對白了
講完就緊緊張張咁合照 , 落番到台下, 一睇 ........
出事了 , 點解兩個人咁 "大舊" , 塊面咁黃 gum gum, 圓碌碌, 肥嘟嘟 嫁 ?!? ...
迷底已經解開,
"大舊" 係因為我之前排隊影相時, zoom 近左部機, 之後又唔記得教番 normal ..........
黃 gum gum 係因為燈光問題
圓碌碌係因為髮型太散, 唔夠直
肥嘟嘟係因為 ........... 真係做左肥仔 ....... ......
嗚 ..... 我既合照吖, 俾我破壞左了 ! 嗚......
再之後係大抽獎 , 當中有兩次叫左我果抬, 都係無我份, 其中最壓軸既終極大獎 -- 林峯自己都唔知係咩來丶仲未諗到送咩既林峯私人物品 , 竟然落左去我果抬度 , 果刻心諗, 唔係真係俾我咁好彩抽到嘛 ...... 仲小小咁希望係自己 , 可惜失望了
最尾最尾, 再影多一次大合照,
0係果時工作人員話交低左要簽名的去邊度邊度拎番, 先知乜有得交低簽名? 無講過既? 嗱嗱林衝番去拎隻碟出來, 諗住都試一試, 初時佢地話唔得既, 話林峯已經好攰喇, 無得再簽, 咁我再試下問第二個, 都係唔得, 正當枇放棄時, 見到好多相同遭遇既人, 都係拎住 d 碟丶相來搵佢簽, 仲好似越來越多人tim , 咁我就0係附近留意住個發展 ,
可能係見 d "有求人" 咁多, 終於佢地話每人可以俾一隻碟俾林峯簽 , 機會番來了 , 又嗱嗱聲拎番我隻碟出來, 問隔離d 人借左支筆 , 寫左自己個名, 就俾工作人員, 過左一陣 , 成功了 ! 終於第一次拎到我人生中既歌手親筆簽名了 !
驚喜既係, 林峯仲0係我寫既名 "Shirley" 下面, 寫左個 "Dearest Shirley", 我原來諗住寫自己個名來記認的 !
咁就完左今日既 "廿四歲的歌迷聚會" 喇
之後番來同抵錫豬分享我既 "戰利品" 同經過 ~~~ 有豬同我一齊分享, 倍感開心 !~

P.S.: 都係時間要打走個圓碌碌臉仔了 !
P.S.: 今日總結: 今日都唔知係好彩定唔好彩了, 我果抬入面既人有機會中獎既次數有 9次, 但我居然一次都抽唔中, 不過又竟然有到個親筆簽名, 仲寫左自己個名 ! & 今日仲可以見到抵錫豬 tim !
P.S.: 究竟有冇代筆丶代簽既呢? 我好小人咁覺得有囉, D 助手們日日都對住個歌星, 日日都對住 D 簽名, 無十成似都可以練到有九成似吧, 唔知我果個係咪真係佢簽既呢 ?
P.S.: 豬對於我既歌迷聚會活動, 又無反對, 好大方喎, 神奇仔 ! 莫非我真係有毛有翼曉飛無人理了?


我既 1st. 簽名碟 ~