第四個號外

一向好少0係日記提及工作事宜
唔係話工作事事順利如意, 老實說都有好多既挑戰同挫折
而是我只係想把所有開心掛心既事記在這裡
唔開心既事, 盡量少提, 希望隨住時間而慢慢自己消失
這一排, 我想記一記
心情, 好複雜

9月尾 就要轉新地方了, 其實真係好唔捨得,
雖然我好多時都要人 "提點提點", 但我有困難既時候 , 總有人會出手相助,
就算, 俾"阿姐"話完, 都總有人體諒明白, 理解我既處境 , 而且大家一直都好包容我
感覺到, 好多時我都唔係一個人的
0係8月尾時, 心想, 還好, 仲有一個月同大家相處 ,
就係呢個時候, 經理說, 這一度走了兩個, 唔夠人, 要賣我過去兩個星期
好吧, 去就去吧 , 兩個星期就兩個星期 , 數數手指, 還好最尾兩個星期可以去番"娘家" , 也還好這一度都叫去過 n 次
還有最後的兩個星期待在娘家呢 .... 真係一心數着回娘家既日子, 間唔中見到大家, 感覺都好親切
無意中聽到有人話, 其實唔止賣兩個禮拜 , 個心實一實 , 應該 不會吧
這個星期, 還是經理打來, 不是說留多兩個禮拜, 而是說, 另一度也不夠人, 要賣我去兩個星期 .....
呢個新消息真係好震撼 , 那是一個完全陌生既地方啊
那裡既 番工時間, 同事, 一貫做法, 氣氛 等等, 我一概不懂
這是一個 , 0係 9月尾轉去第二個完全陌生地方之前, 再一個完全陌生既地方啊 ....

我不是娘家的人, 我再番唔到娘家
我不是新家的人, 我還未夠期到新家
我現在, 好像什麼也不是

大家不要我了?
大家都唔掛念我嗎?
連我的最後兩個星期, 都唔想再見了?
我一直感受到既人情味, 跑到哪裡?

討厭被遺棄既感覺
討厭被賣來賣去既感覺
討厭不再被需要既感覺
討厭不再被記掛既感覺
似曾相識既感覺
好驚 好累 有個衝動, 忘掉這裡的所有人, 所有事

如果唔易放低，下次唔想再拎起


我需要 living life in peace

第三個號外


今次來到 8月總結 ~

1. 05/08 : 叻叻豬今日有第二個 interview 耶 !~
一度係大坑 1st in. , 一度係屯門 2nd in. , 淨係計遠近, 情感上梗係想叻叻豬大坑成功啦, 點都係近嘛 ,
不過豬就覺得大坑果間怪怪地, 話屯門果間就正路 d , 咁最緊要係叻叻豬係點諗, 鐘意邊間既~
0係 cwb 等叻叻豬 in 大坑果間, in 完我地就搭 mtr+西鐵去屯門 , 係西鐵既尾站來 , 真係遠 !
0係叻叻豬 in 屯門果間時, 我就0係附近周圍逛, 買左 d "手信" ! 有還珠格格一二丶三 !~
叻叻豬 in 完時, 話都 OK 喎 ! 梗係, 有埋 D 畫, 真係如虎添翼 !~
我地之後又搭番MTR 走了, 不過臨走時, 都有 D 火花 , 好彩最後又握手言和了~
p.s.: 晚上我地最後0係香港仔綠野仙鋸扒 , 有特價耶 ! 都係咁好味~
就是嘛, 人地唔係話一定要一齊吃晚餐, 只係諗住我咁支持叻叻豬, 但就大半時間都見唔到豬, 淨係0係周圍等佢, 唔想咁快又話番屋企, 想見多佢一陣咁唧 =3= . . .
不過叻叻豬都有佢既難處, 佢咁搞左大半日, 都辛苦既 ! 不過我以為, 如果我係佢時, in 曬兩間, 表現都 ok 時, 我應該會覺得幾開心幾開懷, 會想同抵錫豬一齊坐低來個小慶祝咁唧


2. 06/08 : 今日叻叻豬 send 左個 sms 來, 屯門果間得左了 ! 真係叻叻豬, 好犀利耶 !~
不過又要心掛掛了, 叻叻豬去到咁遠教... & 到時唔知又會點呢 . . .


待續 ...

又一個號外


轉眼間, 已經來到 8月尾 , 都懶左好耐無打日記了 , 期間唔係無野發生既 , 依家補番 少少 7月既 , "有機會" 再詳講 ~

1. 16/07 : 今日同豬仔去左cwb 吃 "盛八" lunch ~ 今次係第二次吃, 都係叫番上次果set 野食, 都係咁好味, 唔單止有 "咬口", 種種肉都有各自既質感, 咬落去d 肉汁仲出曬黎, 加埋佢果d 調味汁, 正 !~ 不過唔知係咪第二次吃, 驚喜俾第一次攞曬, 覺得第一次吃好味 d
不過, 都係好好味既 XD !~ 要再吃過 !
P.S.: 不過揀位真係要小心, 有d 位都幾熱+焗, 尤其燒緊野食時, 抽風位唔到位, 冷氣又麻麻時, 真係幾殺風景的!
P.S.: 呢D 日式燒肉店都幾得意, 有得自己燒野食, 好好玩~ 韓燒都好玩, 有得自己燒~


2. 21/07 : 今日同豬仔0係 CWB JP 睇哈利 6 混蛋王子
個人來說, 我覺得好好睇, 好震撼, 好緊張刺激, 亦都好感人啊 ! 我由唔知第幾集開始, 就入戲院睇, 呢齣片其實真係幾長,
個人由細到大都少入戲院睇戲, 因為唔知點解, 黑麻麻, 要我靠住椅背, 坐定定咁望住個大屏幕, D 畫面閃呀閃, 真係坐得我好唔舒服, 越坐就越胃反反, 想作嘔咁
照計今次應該坐得我好唔舒服, 但又唔知係咪真係好好睇, 睇得我好入神, 一 D 都唔覺眼訓, 亦都唔覺 D 時間過, 可能中段有D 悶, 但尾段真係好緊湊精彩,
果群魚怪丶果隻手真係睇到我嚇一嚇 ; 校長整果一大團火既畫面真係好震撼 ; 校長跌左落去, 真係好可惜 ; D 學生團住校長時, 真係好唔捨得 ; D 學生丶老師們一人一點光, 將天空既骷髏黑雲驅散時, 真係好心酸, 好感動
所以總括來說, 我覺得呢集係暫時最好睇的 !


3. 25/07 : 呢日同豬仔去大嶼山行個大運 !~
一早同佢0係香港仔吃好味麥仔早餐 , 隔離大嬸都幾兇巴巴的 , 影響進餐心情!
之後就搭車去碼頭搭船去梅窩, 船上面我教左豬唱歌, 唱我地今次既主題曲 -- 海洋公園廣告歌 !~ 不過後半 part 唔記得歌詞, 我地亂改歌詞耶~
落船後再轉搭巴士去睇大佛, 其實個大佛都離碼頭幾遠喎, 行左好多山路先到 ... 都好多年無去睇大佛了, 上一次要數到 F.6-7, 去到後, 兩個人仔就手拖着手, 好努力咁一級級行上去了~ 天時暑熱, 真係行到熱辣辣, & 人老了, 行到索曬氣 ! 行到尾段時, 都要停低抖抖 ^^"
終於行到上去, 大佛既正面望到成個市集, 背靠住山望到個海, 行到有D 位有風吹來, 真係好清爽 !~ 轉個圈, 影過相, 我地又去第二度了
我地行去心經簡林, 原來都幾遠的, 仲要經過有 3隻大狗既餐廳, 真係驚驚 ,
原本都驚唔知會唔會行錯路, 好彩最後都搵到~~ 都係一個小山丘上起左數中條木柱 , 上面刻左字, 排列成一個符號 , 都幾特別 ~ 又影過相, 又行番出來, 買番大佛禮品部既一舊小擺設, 又起行了 ~
之後我地行昂平市集 , 不過就無入果個什麼 "與佛同行" etc. 好似唔抵, 唔係好吸引
再之後就坐 昂平 360 了~ 嘿~ 第一次坐, 坐水晶車廂! 水晶車廂其實係個車廂地板係用厚玻璃做, 透明的, & D 櫈可以揭起的, 0係個車廂都影左D 合照 , 不過殺風景既係對面坐多個人囉 , 明明上車廂時排後面既鬼佬團都唔上來迫車廂, 一心諗住, 今次正喇 , 成個車廂得我地兩個, 正 ! 點知就關門時, 有個男人標左上來 , 氣死我了 ! 唔 gur !
360 原來經過機場, 睇到機場的 ! 當然又影番多少啦~ 有好多 "飛 G" !~
去到東埇站後, 我地就行東薈城 , 一開始係食野先~
去到佢個 Food court , 豬揀左 "Steak House" 食扒 , 臨入舖時望左眼餐牌, 突然覺得佢個餐牌 setting 有 d "面善" , 佢同扒王之王既餐牌, 都係用 A丶B丶C 餐幾錢 , 然後同另一張餐牌寫住今日既 A丶B丶C 餐係咩餸 , 腦海閃過 "唔通佢地有關係?", 不過亦 "不以為然" 咁繼續行 , 以為可能 D 餐廳鐘意咁, D 餐可以靈活D, 成日轉吧...
一行到入去坐低, 唔係喎 ! 真係扒王之王來喎 (正式來說係扒王集團之一) ! 豬即刻好灰, 佢話扒王 D 扒好似香口膠耶 ...
一人叫左一個餐, 其實都好味既, 我果塊唔知點解好味D~ 唔講都唔知係扒王既~
食飽飽就逛東薈城了~ 原本以為會滿載而歸 , 其實都唔係有咩岩心水既, 就算有 I.T. , PUMA etc. , 睇過都係揀唔岩, 所以最後我地都係兩手空空咁搭 mtr 回家了
搭 mtr 時, 我呢個 "吹水G" 係咁話 想唔想來個 五星連珠, 六六無窮, 北斗七星, 八仙報喜, 九鋰運財, 十全十美 ? 係就要繼續帶埋我周圍去喇~" 嘿! ~~~
唔知有冇笨豬中計呢? : > ~

號外

呢期屋企 check 爐, 發覺有 d 滲漏, 屋企人就決定直情換曬電磁爐, 電熱水爐
即時 cut 左個煤氣 , 問題就黎喇 !
同日下午總算買到電磁爐同新廚具 , 夜晚有工具煮飯, 但更嚴重既事係 ,
未買到熱水爐呀 ! 無熱水沖涼呀, 呢樣真係好大問題耶！
凍水沖涼，好陰公呀，又易冷親，　
我係咪俾少左家用，要我沖凍水涼咁無良。。。

阿媽身先士卒試玩，行番出來時，
竟然話一ｄ都唔凍，岩岩好
一ｄ都唔可信！！！　有乜可能唔凍，阿媽咁假既大話都講得出 = ="

細佬都第二個試玩，　呢個既反應就正常多了
一沖完，就媽媽聲咁行番出來，
＂唔得！真係頂唔順，真係頂唔順！嘩，ｄ水好似冰咁凍。。。＂

果晚幾經掙扎，終於拖住沉重既步伐去沖涼
真係好鬼凍！　我感覺自己好似正被＂消滅＂中，ｄ水每沖一下，都倒吸口氣，打個冷顫。。。


如是者，一共兩晚，有幸享受　＂凍水涼＂　
真係好鬼凍！　呢ｄ野真係唔駛試咁多，我唔係男仔，唔駛沖凍水涼來令自己冷靜！　

徇眾要求 , 要快 d 打埋大假既下半部了 ^^"

更正啟示 : 原定既 3/3 of 2009大假, 即 12月尾既大假, 真係凍過水 , 所以個標題應該更正為 "2/2 of 2009大假" 才是 , 大假由 4個變 2個, 縮曬水, 無陰公 =3=

6月 25 日 (四)
呢日, 真係算呢個大假中既遠行了 , 今日去左 香港迪迪尼 !
今次係 5th. 迪迪尼 ! 同佢黎講係第4次, 有次同左阿媽去
朝早同抵錫豬吃 CWB 麥仔早餐, 麥仔早餐好味~ 之後就 MTR 去迪迪尼
如果要用一個字黎形容今日, 就係 " 熱 " !
一出左 MTR , 呢個感覺已經湧住來 , 加上0係入口前既路人群湧湧, 呢次真係 "未出發, 先興奮" .........
入到去, 果然多人果然熱 ! 今次迪迪尼既主題係 "史迪仔" , 所以門口附近既影相區企既就係今次既主角史迪仔, 之前我地都未同史迪仔影過相, 所以今次我地都排排隊
影影相
都排左我地超耐, d 汗由頸流到落背脊 , 真係超滴汗 !
好難得咁有一陣仔有舊烏雲飄過, 遮一遮, 不過都係熱, 但最後終於等到同史迪仔影相了 ! 史迪仔都得意既 ~
今次既特色有兩個 ,
1st. 我地今次都逛得 d 舖頭好密, 唔係因為我地要買好多迪迪尼精品, 實際上我地全日都只係買左 2條毛巾仔, 一本相簿 , 同一兩張大相
我地入得 d 舖頭咁密 , 係因為想 吸 冷 氣 ! 唔行多幾次, 我真係驚我會中暑
2nd. 其次就係, 今次既主題係史迪仔, 迪迪尼特登0係園內放左 6舊立體既史迪仔公仔, 俾人去企去影相 , 我地今次都有搵齊曬果 6隻史迪仔, 擺左好多唔同既騎呢 pose 影相呢 ~
& 今次我地開始時都諗住試其他食肆, 不過行曬咁多間, 一睇, 原來咁多間都無冷氣的, 點可能嫁?!? 咁一路食時咪好熱囉? 最後我地巡完d 餐廳食肆一次, 最後都係揀番皇室宴會廳食 , 有冷氣涼住食真係唔同d ! 今次豬吃牛扒, 我吃海鮮焗飯 ~ 好味 : D ~
今次我地無睇煙花就走了, 不過都好開心 XD ~ 基本上其實同抵錫豬一齊就開心了噢~~~
& D 遊戲其實比我想像中少人, 條隊算短既, 話曬未到暑假, 又係平日, 仲唔係公假 tim !

p.s.: 下次都要同抵錫豬去迪迪尼 : > ~~~


6月 26 日 (五)
無特別事幹, 在家 hea hea


6月 27 日 (六)
無特別事幹, 在家 hea hea hea


6月 28 日 (日)
大假既最後一日, 都係無特別事幹, 在家 hea 住咁睇住時間一分一秒咁過
相對於今個大假既上半 part , 呢個下半part 好似失色左 d , 不過唔緊要既, 我地仲有下次 ! ~~~ 要等埋抵錫豬一齊放假~~~
29/6/09 00:00 --> 大假，已經完了 。