6 月應該都有好多豐富節目 , 諗到既包括 ...

排名不分先後
--> 6月既林峯演唱會 !~~~ 一齊 get wet ! 某d 口多多人話林峯0係演唱會淨係唱一首歌囉 , 真係衰
--> 睇戲 - 天使與魔鬼
--> 睇戲 - 翻生朱羅館 2 笨笨豬成日話去睇, 都未去睇既, 不過佢話要等實習完先~
--> 繼續聚聚 :> 要多 d 聚聚 ~~~
--> 我既第二個大假 ! 嘿! 大假又來了~
--> 阿媽生日, 又有蛋糕吃 XD
--> 再去迪迪尼 ? 去散散心 !
--> 番到工後要做既第一件事 !~ 唔知會唔會呢個月就實現到呢~~~

真係諗起都開心 : D !~
希望日日都開心 ~
希望叻叻豬同我都日日開心~

今日又放假, "頭號目標人物" 渠渠豬話攰 ,
就轉戰同阿媽食, 阿媽之前話未去過食韓燒,
上網 search 過, cwb 既韓陽苑裝修緊, 所以今次就去左 CWB 韓燒 "梨和園" 吃 LUNCH ~
雖然今日星期六, 不過都好彩唔太多人, 唔駛等 ~
我地拎左好多野食, 好多野燒, 雞牛豬魚乜都齊 , 睇黎我同阿媽都係大胃仔 ^^"
不過原來晏晝食係無雪糕 同 魚生 的, 無得食古古力雪糕同三文魚魚生, 真係好可惜 !
淨係有得食 3舊 三文魚壽B , 我仲諗住食好多好多古古力雪糕 tim =3=
呢間 cwb 韓燒感覺上幾細下, 一眼望曬, 野食吧都迫迫地, 可能 CWB 租貴瓜
兩個食到飽飽出番來 ~
之後我地去左行 SOGO, 涼涼冷氣 , & SOGO 呢期有周年慶, 順手睇睇有冇野岩
雖然都行左OK 耐, 但我地都無乜點買過野 , 淨係0係 ans 買左少少野
阿媽雖然想買袋, 不過都係睇唔岩
最後我地買埋雪糕吃, 唏~ 終於有得吃古古力雪糕~
今日既 CWB 之旅咁就完左了

5月 26日 星期二
今日同渠豬一齊出 CWB 拎之前買左拎去改既褲 , 再試試 Haagen-Daz 既雪糕 Buffet,
之前聽人講過, $89加一, 一個鐘任吃, 聽講都唔錯的
一去到世貿對面果間問問 , full 曬了 , 真掃興 , 即刻有d "頭暈暈" tim
唯有轉戰 "木糠甜品屋" 吃甜品 , 咁耐無見, 印象中既個朱古力木糠布甸好似細舊左既 ....
食完再行行 sogo B2 超市 , 依家 SOGO 又有半年一度減價, 所以都好多人
其實行 sogo B2 係因為渠渠豬想買杯麵, 最後揀左兩個杯麵, 我就試試買價值 $32.5 既豬骨湯拉麵 , 好貴好貴耶 , 希望好味啦 ~



5月 27日 星期三
今日 O , 而抵錫豬就番半日水運會, 我都有遠遠咁望吖, 不過都見唔到抵錫豬既 "騎呢橙色腳仔" 既 . =3= ...
晏晏地既時候有得同抵錫豬聚聚 , 開心耶 : > !~~~~
我地仲去左綠野仙吃 tea , 珍珠奶茶仲係咁好飲 :D ~
p.s.: 本來諗住尋日 Haagen-Daz 既雪糕 Buffet full 左, 今日去食番, 點知想打去 book 定位時 , 電話裡頭竟然話都 full 曬, 仲要係 "全線 full 曬" ! . . . 優惠到今日 27號, 無得吃了 =3= 唉, 又頭暈暈了, 不過見網上 openrice 有人話之前都做過 promot , 所以第日都應該有既, 希望留意到啦 ~

呢個星期六日都係 O , 悠悠閒閒, 無乜特別野做 。



5月18 (一)
今日約左渠豬放實習0係 aberdeen 吃綠野仙 tea
之後佢影印, 本來諗住一齊搭車去佢果度, 佢阿媽包左糭, 留左兩隻俾我~
去到門口等糭糭時, 佢阿媽見出面天時暑熱 , 叫我入埋去抖涼耶~~~
佢屋企開緊冷氣了, 真係爽爽~ 呵~ 佢阿媽阿爸對我很不錯耶 :D ~
飲埋罐可樂 , 人都好快樂 , 就回家了
P.S.: 第二日我就拎左果兩隻咸肉糭+鹼水糭整來吃 ,
味道真係好似出面整既咁, 好味耶 !~ 好犀利啊, 佢阿媽樣樣都識整, 應該無咩可以難到佢了 ...
第日有機會既話, 我都想向佢拜師學藝 , 我都要識整好多野 ,
要靚湯有靚湯 , 要好餸有好餸 , 要甜品有甜品 , 要巧手有巧手 !


5月21 (四)
今日約左渠豬 5:30 @CWB
渠豬想買番D "的確涼" 既褲仔 , 我地去左 G2000 買左兩條簿西褲 , 之後再去左 蘋果 買感覺上薄D 既牛仔,
男仔其實都有D 蝕低, 熱既時候都要着長褲, D 西褲啊, 牛仔啊薄極都厚厚地,
而女仔就可以着裙, 不過凡事無絕對既, 男仔都有疏乾既時候
不過唔知蘋果既牛仔係咪特別好着 D 呢, 一條都幾貴喎, 成八百蚊耶 , 我就未買過蘋果牛仔了
買完褲, 見離食飯仲有 D 時間 , 就行入 SOGO 涼涼冷氣 ,
差唔多 7點, 我地就去吃晚餐 , 今晚係 Ruby Tuesday !
之前咁岩見到雜誌有優惠 , 5月30截止 , 見今日得閒 , 未吃過, 網上食評都唔差, 就去試試了
總共叫左芝士煙肉玉米片 , 牛扒拼盤, 超級漢堡 , 士多啤特飲, 最後再叫埋 choco tallcake ,
我覺得 超級漢堡 同 choco tallcake 最好味 ~ 個超級漢堡好岩我食, 而 choco tallcake 更加唔駛講, 好味 , 仲好大好高耶 XD
今次比上次 OUTBACK 已經叫少左野食了, (其實可能無少到) , 但都一樣食唔曬 ,
樣樣都淨左少少, 不過今次我有好出力食喇,
今晚都食左好耐, 食到 ~10:30pm, 神奇地又無人摧喎, 很好很好,
唔摧唔趕時食得舒服好多， 可能今晚星期四 , 星期五就應該唔得了
第日如果再來, 都要食番 超級漢堡 同 choco tallcake XD !~

每年既 5月 3 , 係 抵錫 G 生日 耶 ! 恭喜恭喜 ~

上年生日 , 諗番 .....唔係好清晰, 原再翻睇日記, 原來係 ....
"5月 3 生日
去左 apm 既 mos burger --> 香港公園 --> 中環半山既 vanilla --> 灣仔電腦廣場 --> 時代既 心‧泰
咁忙都抽空出黎玩左成日, 真係好開心吖
同埋都去到 d 平時絕少會去既地方, e.g. 無一整日放假唔會去既香港公園 , & 番完成日學後攰唔會去既半山 vanilla , 令生日加多 d 特別回憶耶
多謝吖 : > !"
依家睇番又有d 印象 !~ 我都記得有上半山食 cake , 就係唔記得慶邊個生日, 好神奇 ! 原來係自己 !


今年都係平凡中又有 d 不平凡啦 !
首先, 今年第一年番工, 第一年就 request 唔到 O , 只得個 N
踏入 5月 3既 12點 , 有兩個男人 "陪我過" = ="
N 完都要番屋企充電, 無得即刻出街 , 而且呢排抵錫豬都唔得閒, 要趕功課 ... 咁0係屋企訓到十二點到,
約左抵錫豬 2點左右 @CWB , 遲左 D , sor 吖
一去到就俾渠豬話對眼重手左 , & 條裙一般而已 , 真係激死我了 ! ! ! 不過好彩之後都平息左, 無事~~~

我地之後去左 CWB 盛八 食日式燒肉 ! 好似人地D 韓燒咁, 有個爐頭0係度俾人慢慢燒
可能臨落場, 無乜客人了, 很好, 唔嘈+唔駛等位, 我地叫左個 ~$198既二人餐, 間野d 肉好味喎 ! 真係有肉味, 唔會淨係得 d 調味料d 味
雖然唔係好大碟 , 但 lunch 食既話都夠既, dinner 兩個人食就少左d d 了
好味好味, 之後我地就搭 mtr 去太古行 , 行太古城吉之島 , 太古廣場 ,
好耐好耐無去過太古了, 之前硬係覺得遠遠地, 要搭mtr , 賣既野又同 CWB 差唔多,
太古城既吉之島玩具層有貼紙相機, 仲要平過 CWB 十蚊 ! 不過我地要試 CWB 既新機, 所以無影到
太古廣場記憶中無行過 , 同埋以前都係搭巴士去太古城行的 , 未搭過MTR 去,
太古城似 sogo , 太古廣場就好似 times , 有好多舖頭 , 我地0係 uniqlo 買左兩件衫仔
有層放左件裝飾, 好犀利的 , d 水由一個窿 "飛" 去第二個窿, 又由一個盤 "飛" 去 另一個盤 , 好似玩緊雜技 !~

行到 6點幾, 我地就搭番 mtr 去 CWB , 因為抵錫豬 book 左抬 7pm !
究竟係邊度食呢 ? 直覺就係 outback 既, 因為尋日渠渠豬仲問 book 唔 book 呢間, 最後話如果 book 到有位就 book 呢度
去到 CWB , 未夠鐘, 去左對面恆隆既 Franc franc 逛逛
差唔多 7點, 終於揭曉 , 真係 outback ! 我係第一次來, 抵錫豬就同細佬食過一次
可能我地都肚餓了, 一開始非常 "雀躍" , 叫好多野食, 不過侍應提提, 我地就叫少左個意粉, 淨係要麵包, 薯條 , 洋蔥花, 牛扒
個麵包用黑糖整, 幾特別 (不過最特別都係TST森巴餐廳既芝心麵包)
薯條整得好好味 !~~~ 抵錫豬話因為食過呢度D 薯條而鐘意食 "瘋薯"
個洋蔥花 ...... 個外形真係好鬼靚, 好似一朵花 ! 我都有好努力咁食左好幾啖洋蔥花吖 ! 可惜一向唔鐘意食洋蔥 , 佢炸左雖然好食左, 但食到咁上下 , 食左佢外層個炸皮, 入面層洋蔥都係唔好食 , 食左好幾啖之後, 都無食 lu , sorry 抵錫豬
件牛牛真係整得好好味 ! 我自己就好少食呢d 好野喇, 幾百一件扒真係諗都無諗過
咬落係唔同d 既 ! 同金鳳阿叔既特製軟身扒又兩回事
唔知係咪今朝晨早 9點時, 阿媽拎個古古力慕思蛋糕出來慶祝+食呢, 今晚食野食左無幾耐就飽飽地了 , 食淨唔少野呀, 衰衰 G 今次嘥左好多野了 , 有心有力既話, 真係想食多兩啖炒飯仔, 再食曬D 薯條去 .......

其實點完 Menu 後, 抵錫豬就送佢凖備好既禮物了
抵錫豬誠邀我即場睇 , 仲話我應該會好感動耶 !~~~ 抵錫豬好有自信耶!
第一樣 : 生日咭, 一望見咭, 即刻諗起抵錫豬應該爭我一個兩周年咭啊 ! ....... 一打開張咭, 好眼熟 ! 唏~ 我送過一張同牌子同系列既咭俾抵錫豬, 好岩 key 岩 XD !~~~ 不過原來抵錫豬唔記得, 買呢張而同我一樣只係 "神來之筆" 而已, 其實佢揀呢張, 重點係張咭面中間果句 ... 我唔識日文, 據佢話, 係 "想永遠和你一起慶祝" 既意思 ~~~~~~~~~ 好 sweet sweet 耶 : > ~~~~~~~~~ 我都係耶 !~~~~~~
第二樣 : 摸摸個包裝, 有個柄柄的, 一開原來係 森林家族 朋友 -- 小兔仔, 一隻屙紙紙既兔仔 ~ 呢隻應該係我既第一隻森林家族朋友 , 講起來真係羞愧, 咁大個廿幾歲女都未有過一隻森林家族, 出左好多年喇, 以前見到森林家族, 都想買佢番屋企, 不過實在貴, 一隻都要幾十蚊, 所以一直都無買
我呢隻係日版, 靚 d 既 , 我想要老鼠仔噢, 不過日版無老鼠仔 =3=
第三樣 : 一把 ans 遮 , 把遮好靚啊, 我都唔捨得買
同埋我原本果把遮 "疑似俾抵錫豬整穿左" , 原本只係一個細窿, "疑似俾抵錫豬夾硬來" , 個細窿變左中窿了
不過把遮要好仔細慢慢收遮開遮 , 好考我既耐性 ! 希望呢把唔好咁快爛噢 !
第四樣 : ans 耳環仔 , 抵錫豬睇凖我比較鐘意 d 一串串較長少少既耳環, 揀左一對長耳環 ~~~ 扣 0.1技術分係因為耳環中間最大果粒係綠色, 其他色無所謂,果人唔 like 綠色~ 不過我都會一樣照戴的~
第五樣 : ans 頸鍊仔 , 抵錫豬又記得上次一齊行街時望過呢條鍊喎 , 犀利豬 ! 呢個係鎖匙型吊咀頸鍊, 幾得意嫁 !~

食完問侍應幫我地影左張相 , 亦為之後發生既事埋下伏筆 ...
出門口後發生件小插曲 , 真係好濕滯, 頭痕左陣, 好在最後順利解決 , 我地去埋世貿影貼紙相, 不過臨走等 lift 時先見到 , 原來生日影貼紙相, 可以影一送一的, 嘥左 ! 原來可以影多張的
我地唯有記住記住, 下次到抵錫豬生日時, 我地一定要再去過世貿中心影貼紙相, 希望呢個優惠未完啦 !
食飽飽番屋企, 仲多左兩件衫 .........
走時落緊少少雨, 我地即刻試試把遮, 我地仲幫把遮起個別名 , 叫 "自私遮"

今日真係好多謝抵錫豬耶 , 雖然唔係話好特別好特別, 但都有心思既 ! 都係半個心思豬啦~~~
同埋0係呢件難忘既小插曲度, 都好感動噢 , 抵錫豬今次有果份體諒既心, 都知我唔係特登, 而且我都好陰公, 好不知所措的, 無話黑面/ 講d 埋怨or指責既說話來, 其實我果刻真係有 d 預左抵錫豬會皺眉頭/ 無表情/ 有多少說話聽了 ^^"
抵錫豬有出力去幫手解決問題, 好感動好抵錫耶 !
係抵錫豬長大了, 還是抵錫豬一向都係咁, 我感受得少呢
邊樣都好, 今次既抵錫豬真係好抵讚噢 , 我俾十個讚 !

好感謝好感謝抵錫豬
我地第日都要一起度過我地既每一個生日同其他重要既日子噢 !
i love you, 我既抵錫豬 : >