2212，春心動 3rd Dayです。點都係有個夢想好 D 既！

尋晚都係夜夜地睏，好似睏唔夠咁，但都 OK 啦，又未話唔夠睏到頭痛既。出發前睇左《機戰 OG》既 Promo 片，好熱血喎！隻 Game 出之時就係回收翻部老爺 PS2 既時候了！今日係 Church 都無乜特別，Lunch 同春曦 + Friends 吃，閒談下咁。估唔到人人都 BT 喎！非常好非常好。今餐春曦請，多謝晒。

回到家睇左兩集《犬神》，超爆笑。。。但係好多 Gag 都係惡趣味，細路仔唔岩睇。之後當然係每個禮拜日晏晝都做既事，就係睏晏覺！攰到車轆飛脫的說！睏醒之後竟然頭赤赤，真係氣死我。之後就發生了今日最大既事了。。。係乜野事呢！？咪就係 ...

前言就係咁既，一個人想知另一個人既野，最簡單既方法就係從佢既朋友入手。從時間上，呢件事好似關我事咁，但實際上係咪呢？我唔想乜都入晒我數喎，但係又真係似係從我這裡「泄漏資料」喎。

咁呢，肥仔今日打俾我話佢被人列入「賤人」既行列，咁問我可以點算。講真，肥仔曾經欺騙過我既「關懷」，又成日講 D 唔講 D，真係唔想理佢，反正佢都有伴，洗乜我理，自然有人理佢。

肥仔同舊愛分手一個月就有新歡，講真，我都覺得佢咁做係有問題，真係衰左少少，的確係會令人有誤會。咁作為一個朋友，頂多咪係度講幾句，睇到就睇到，睇唔到就由得佢沈落去。肥仔聲稱佢兩段情係無重疊到，係完左舊愛先有新歡。就是這樣的一回事。

我既意見就係「快左 D 囉」。。。知肥仔唔係一個賤人黎既，但係佢咁既「行為」就好易令人誤會吧。肥仔提起我之前講左句，就係話拍拖兩年到就係感情昇華既階段，得既話就會再拖好耐，唔得就會散。咁大家諗多兩諗，原來次次都過唔到兩年喎。。。我個次都係差唔多兩年未夠兩年，佢就更加唔洗講啦。

正所謂「人望你賤，你望人賤」既唧。無得解釋架啦，順其自然做賤人啦！我真係覺得係賤賤地架喇，又唔還卡俾我，賤人度再次上升！！

你地都好啦，有得做賤人，我想做都無得做呀！

點解大家都咁易搵到個既。。。唔同買棵菜喎，點解我搵極都搵唔到既，又遇唔到既。。。唔制！難道係我圈子細！？都係既，重點係依家大學無乜岩 Channel，不論男女。。。

PS. 肥仔話 Wilson 個樣似鬼佬。。。其實都真係幾似既，所以俾人叫做「肥鬼」，哈哈。

好，返回我既生活，同肥仔傾左 40 mins 有多，真 __ __。。。原來 Terminator 裡面大隻佬係奸架！？真係依家先知喎，呢套劇唔係紅左男主角，係紅左大隻佬。細細個覺得 Terminator 勁恐怖，特別係大隻佬個隻紅色眼。。。細細個個陣睏唔著個陣望到冷氣機開關個盞紅色燈仔就自然想起隻恐怖眼，算得上係童年陰影呀！！

2320，點解呢期會春心動既呢？真係唔知喎。係，係無結果，咁又點？鍾意就係鍾意，哈哈。That’s All.

PS. 繼續加油，呵呵 ↓

2207，春心動 2nd Day。

今日係固本培元日，成日都係抖。但係花左好多精力去裝冷氣，大家無聽錯，我係去裝冷氣，都花左大半日的說。又要拆舊個部冷氣，再裝新個部上去，攰！當然唔係單挑，同老頭子一齊裝，真係整左好耐。。。

近日，聽到有 D 人話「好難呀」，再加埋佢放棄既表情就令我火光。大家都唔係十八廿二，如果真係講句「好難呀」就可以解決問題既話，咁講下又無妨呀。但係講完又點？唔通真係可以唔做咩，咪又係要做。年紀大啦，仲可以任性咩！頂多咪邊做邊埋怨，層次高 D 既咪苦中作樂吧。繼續挨啦！

呀，好想買新 Game 呀，$150 既腦練、$200 既 MPH、唔知幾錢既 Super Princess Peach。但係買 Game 之前最想買部 NDSL。。。但係咁樣買法就無左成個 April 既人工。。。究竟點算好呢！？唔知仲可以忍幾耐呢 ...



隻腦練可以訓練腦力！又唔係貴，真係送禮自用都一流！老闆，唔該我要兩隻腦練 ~

2243，春心動です。哈哈，That’s All.

---
↓



佢為你打打氣！見到呢個 Icon 唔知點解覺得好想笑。。。巨型異變版整左兩個鐘架，製作認真呢！！哈哈，可以再 Smooth D 既，不過算了。為你又好、為妳又好、為自己都好，總之加油吧。

1041，呢個世界乜人都有，真係又一次令我大開眼界！睇死我會做晒佢？No Way。睏翻陣靚覺先啦吧。

2139，進入放棄階段，好無癮囉，得我係度打 Program。

2255，Well，感謝神，算 OK 既。



尋晚成晚無睏過。。。到今朝十點半頂唔順咁就小睡片刻，點知一起身就一點半了。。。之後不斷埋怨同時不斷咁做，晏晝飯都無食，食左 D 麵包就頂左成日。。。

同 Wilson 講開話上年 Sem 2 做 Project 個陣都係類似咁既情景。無錯，都係臨急臨忙通頂做，亦都有做得辛苦既時候。但係最大既分別係上年苦得黎都有多少樂，但係今次真係得個苦字。做餐懵都唔知為乜。也許最大既分別係同上年既 Groupmates 比較熟，都唔會點計較。但係今次可能唔係咁熟，老實講係有多少覺得唔抵架喇，依家同單挑完全都無乜分別。但總會有優點既，今次呢位 Groupmate 最好既地方佢會不恥下問，我就通常都係自己摸掂佢。

咪意為呢個 Sem 就咁完，仲有幾份大既 Assignment 要交，全部係五月頭，仲有一個禮拜時間做！不過唔緊要，大部份都係單挑既！Very Good！今日靜落黎諗諗，原來我無上好多個禮拜 CS 既堂了。。。下個禮拜點都要翻下！希望唔好俾 Wilson 講中又重滔上年覆徹，唔想 Sem 2 GPA 插水。之但係 Sem 2 真係無乜動力呢。。。

春心動呀！仲係咁鍾意妳呀！

2325，今晚真係要好好睏下。。。又唔記得睇 CSI ...That’s All.

PS. 原來唔夠睏會甩腳毛 ...

1251，電話又唔聽，又做唔到，咁即係點呢？一個人得一對手同一個腦，做唔到咁多野架。

1552，最後都係「自己的事自己做」。。。天呀！

1636，妖 ... 終於跌左落地下了。。。

1736，因為無靚姐姐，所以我唔鍾意返學。。。

2132，真係好 PK 喎，搞到我都唔想做落去 ...

2328，點解做做下變左好似單挑咁既。。。我後悔唔係因為遲開始做。。。

2727，真仆 __！一睇就知「今日」無 Diary 啦。That’s All.

2344，無乜特別。

今日慢慢慢慢慢慢慢地做 Friday 交既 Assignment，其實都幾急下架，但係又唔擔心喎。順其自然吧，總做得切既，大不了咪通通頂。

補著那位 Form 2，花了我很多的精神力，虛虛地。。。小組方面，Hea 到無得再 Hea，搞到連我都要去做功課，果然係名副其實既「功課輔導班」！真陰公，呢 D 真係燃燒我既青春。。。一諗起 Summer 無工做無錢搵又硬係唔知點咁。。。真係好似魚缸漏水咁，儲唔到錢既。。。

2348，同上年 Sem 2 尾一樣，完全提唔起勁去做任何野。Assignment？是甚麼東西來的！？That’s All.

---
1005，Apr 18 回憶 I ↓

A：「!@#$%^&* ，真係 ... 」
B：「係咪成班都飛禽走獸？」
A：「係啦」
B：「咁你就唔岩啦，個 D 係你同學黎架！我講就得，我唔係佢地同學」

過了一會兒 ...

B：「真係咪講笑，成班都係飛禽走獸黎！！」
A：「咁你就唔岩啦，佢地係你同學黎。」

好野！果然牙尖咀利！

2103，Apr 18回憶 II ↓

本來真係好有衝動買 NDSL 既，但係望一望戶口剩底既錢就完完全全打消了任何洗錢既念頭。。。今個月自己又放得假多，搵少起碼一半。。。唉，又要計劃下先得，呢期洗錢好似倒水咁。