繼 "四星好豬" 丶 "兩星連豬" 後 , 抵錫豬再來一個 "double 兩星連豬" ~


4月27 星期一
今日本來就無咩特別, 都係番工, 不過收工後有重要任務 ,
食完個簡單lunch, 就向大埔出發 !
首先由薄扶林搭 970去油麻地, 由轉 mtr 去九龍塘, 再搭去大埔, 再轉車去 ied, 同笨豬交功課 ~
搵左+行左ok 耐, 終於搵到, 原來 D 座係好好好遠的 ! 如果趕時間真係好攞命同陰公 ...
順利交完功課, 就又搭車再轉mtr咁出番來, 笨豬都0係 CWB 耶 !~
一見面, 已經見到笨豬手拎住 "ans" 紙袋 ...... 笨豬好唔驚喜耶 !
不過好彩睇唔到入面有咩唧~ 見笨豬今日着得咁型豬, 我地仲去左影靚靚貼紙相~
之後我地去左 citysuper 行, 笨豬想買 d files , 都有d 小插曲 , 我以為我有帶咭有優惠 , 點知揀完想搵咭俾時, 竟然搵唔到 ! 唉, 竟然無帶到張咭, 失策失策 !
買完咭, 我地就買雞蛋仔+芒果西米露搭車吃了 ~
p.s.: 呢檔雞蛋仔真係整得好好味~


4月28 星期二
今日 O ! 不過隨着豬仔番實習, d O 都變得無乜特別 lu =3=
唯有搵豬仔食 lunch 見多佢幾面啦
今日咁岩佢又 ok, 所以去左搵佢食野
今次食麥仔, 無見一排既麥仔換左新裝修, 靚左好多 ! 好似高級左咁
都係食我既 "美國豬柳+ A級雞蛋" 豬柳蛋漢堡 + 雪糕 , 豬仔食麥樂雞餐
食左唔係好耐, 又要番番去了 , 真係唔捨得 =3=


再次多謝我既 "double 兩星連豬" ~~~

繼 "四星好豬" 後, 再來一個 "兩星連豬" !~

星期六 18/04/09
今日番早, 亦都係春曦老師結婚既大日子 !
呢位呂明才既 comp 老師 , 其實真係幾搞笑的, 以前上 comp 時份外愉快 ,
今日春曦終於要結婚了
佢0係facebook 度基本邀請曬全世界了, 我之前都有問渠豬, 我一唔一齊去 , 佢又無乜回應 ,
咁當然着番 d 普通衫番工啦, 吖, 放左工落緊雨, 渠豬無啦啦 send msg 來,
原來佢無帶雨遮, 咁遮佢買野食等, 遮遮下, 就順手一齊去埋春曦既婚禮喇
嘩, 咁大個女第一次入教堂睇人地既婚禮 ,
感覺隆重神聖得來又好感動
兩個有着唔同背景性格既人, 終於放下自己原本所有的生活模式和方法 , 為着自己既心意許下莊嚴既承諾, 全心全意去接納一個全新既生活方式, 用全新既方法丶第二種方式去愛身邊既另一半, 真係好感動耶 ,
希望我都有呢個福氣吖 !
不過臨走前影相都有點狼狽 , 人地個個着得咁正式 ,
我着短褲仔耶, 好彩影相企後排唔覺咋
之後我地又 "風雨同路" 咁搭番去香港仔, 換件衫加把遮再出去綠野吃 tea ,
小插曲 : 話說兩個0係遮底一路行一路避雨, 地下有大大細細 "水 tum" ,
渠豬推推我避水 tum , 水tum係避左, but 佢連人帶遮閃埋一邊 , 我就 "被為左避水tum" 而被遺棄在雨水下囉 . . . . =3=
食完綠野 tea , 我地就去影印舖影印 , 之後我搭小巴去番 N 了


星期日 19/04/09
今日番完N , 番屋企充充電, 又出去 "幽會" 了~
約左渠豬 4pm @CWB , 之後我地行 Sogo !~
我地幾乎行曬咁多層, 由底至頂 , 最緊要係, 豬仔有收穫 !
豬仔0係 puma 度買左件衫同冷背心 ~ 有 sogo咭真係好, 有折, 感覺更抵~
我地仲填埋 sogo 抽獎紙參加抽獎~
之後去左 G2000 本來想睇下有冇冷背心, but 可能依家回暖, 無曬冷背心了
我地買左雞蛋仔+芒果西米露一齊搭車歸家~

多謝 "兩星連豬" : >

我係咪發緊夢呢? 一連四日都見到超抵錫豬耶 !

星期一
0係飲緊茶凖備番工時, 突然間來電唔駛番工, 當然第一時間做我既指定動作 --> send sms !
隔左陣抵錫豬都回左sms 來, 小討論後, 大家決定今日夜晚去講左好耐話再再去食既金鳳阿叔鋸扒 ! 順手仲可以買埋抵錫豬要用既顏料&用具
之後又諗起, 今日係平日, 而且有福氣又番 A, 可以去 HKU 補交D 文件
上次其實都交左, 不過又有職員打來, 話未對正本 , 要再去過 , 真麻煩 ...
所以又約埋有福氣一齊去 hku , 希望我地做到 hku 既學生啦
終於交完對d 文件 , 就同有福氣行行西環石塘咀
曾經我都住過西環的, 不過0係果度讀左陣幼稚園, 就搬左去屯門
我已經唔記得自己住西環邊棟樓了 ...
逛到 5點幾, 就同有福氣 say goodbye, 搭車去CWB 搵豬仔了~~~
我地去左教協 shopping ! 成間教協都差唔多俾我地行左了~
買左 二百幾蚊耶 , 有芝士條, 曲奇餅, 繽紛樂, 古古力夾心餅, 什錦豆豆糖, 蝦酥 , 廣告彩, 調色盤 , 36色筆, 貴筆 , 滿載而歸耶 !
不過又有小插曲, 就係豬仔問完買邊隻顏色筆, 我俾完我既意見 , 豬仔最後都係無聽到, 都係買番自己想買果隻 ...
豬仔話已經有聽到, 所以先買 36色了
豬仔話想買珍寶塔, 不過周圍搵都無 , 多數都係咁, 搵時無, 唔要時又會自己彈出來
咁我地就去金鳳鋸扒喇~ 今次我地兩個都叫(蘇格蘭)肉眼扒~ 加蒜轉濃湯&酥皮湯
金鳳阿叔呢度係好味過綠野仙 "少少"既
我地仲係咁偷聽隔離抬兩個男仔既對話... 原來 d 男仔一坐低唔係講事業, 就係講女人的 !
食完就買芒果西米露齊齊搭車了
p.s.: 呵~ 我地拎住一大袋野時, 抵錫豬話我地個樣, 好似人地 d "新婚" 既晚上放工一齊去買完野歸家咁 . . . 好鐘意聽佢講果兩個字 , 好 sweet sweet , 我都想耶 :> ~~~
p.s.: 今日抵錫豬突然話聽日都可能見到面, 因為陳老師搵佢一齊睇展覽 !

星期二
今日番 A, 放工後約左 ar ka 吃 tea @CWB
CWB 來說真係很便宜呢, $23+ 凍飲 $2 , 免加一 , 間野叫什麼新意大利XX
一路食一路傾, 大家還是老樣子, 唔講唔覺, 原來 ar ka 已經拍左一年拖了 !~
之後我地就去逛 sogo, 逛 東角x , bossini , 之後抵錫豬真係打電話來,
原來又唔經唔覺, 我同 ar ka 已經逛左咁耐了, 0係時代 citysuper 同抵錫豬會合 ,
就同 ar ka say goodbye , 我地之後去左逛 citysuper, 宜家, 再之後買雞蛋仔+芒果西米露 , 又齊齊搭車番家
p.s.: 抵錫豬話原本唔打來, 話可能我都走左了, 不過陳老師話試下打, 可能未走
嘿, 我地真係未走呢 !~ 我都以為我同 ar ka 唔會行咁耐耶 ... 依家岩岩好耶, 抵錫豬 !

星期三
今日又係一次 "岩岩好" !
上星期抵錫豬問今日番咩, 原來佢今日放半晝 , 而我今日竟然係 O 耶 !
我果度邊日番咩工真係可遇不可求, 就算 request 左都未必有的, 亦有機會係 P , 有機會係 A , 但又可能緊接住個 N, O 真係少有耶, 今次竟然咁都俾我遇到個 O , 真係好開心, 岩岩好耶
今日抵錫豬既 lunch仔係麥仔, 唏唏~ 今日又見到抵錫豬, 又可以同佢聚聚 , sweet sweet : > ~
p.s.: 不過今日都有d 小討論 , 今日朝早抵錫豬去中環, 之前我提議搭 37X, 雖然 70都好似去到, 但我好耐無搭, 唔太清楚佢條路線同落車個站; 而走時可以行番去金鐘巴士總站搭, 簡簡單單唔駛搵
但到今朝, 首先抵錫豬見到 70巴士有十數個學生搭, 就跟住走左去搭 ; 走時就又行左去中環搭,
我確實有D 唔開心囉, 重點唔係話佢唔跟我做法, 而其實係唔開心在一個 "信" 字,
其實佢係咪覺得我講既野唔可信, 唔值得佢信賴 , 佢情願跟果十零個學生, 情願自己行去中環搵巴士站, 都唔信我既意見呢
我唔係話我講既野一定岩, 但都唔駛咁唔信嘛 ...
P.S.: 俾聰明豬睇穿左個小把戲呢, 話說我地拗, 我廿幾歲點都可信過個十幾歲的吧
但佢話果度有十幾個十幾歲, 咁我就話 , 咁十幾個一歲既, 1X1X1X... 都係 1吖
佢停左幾秒, 然後就話 1X1 就係 1唧, 依家係 十幾X十幾X十幾喎 ..........
哼, =3= 中學生仔最鐘意就係聯群行動喇, 十幾個 7除 8扣後, 都係得番幾個耶, 容乜易真係搞錯 , 況且我之前番急救時次次都係由果條路行落金鐘, 竟然咁都唔信 !
可能係我要諗開 D 啦 , 人地問意見 , 話到明問, 唔一定要聽既, 話曬有咩差池首當其衝都係人地要孭先, 所以人地係要諗清楚 D 既 ...
P.S.: 雖然有呢D 小事 , 但都無影響到我地今日咁珍貴 sweet 既聚聚~
P.S.: 我要殺啊 殺啊 ! 殺個片甲不留 !
P.S.: 嘿, 第日我做 "O" G , 唔要 OSIM, 都要有玻璃櫃 !


連埋星期日既禮儀師, 就一連四日都見到超抵錫豬, 變左四星好豬耶 !
如果真係個夢既, 唔該日日都有呢個好夢吖~
KuR-G 無左你真係唔得啊 , 抵錫豬
好多謝你啊 , 抵錫豬 : >

今日, 同口齒豬去 UA 時代睇 4:40pm 既 "禮儀師的奏鳴曲"
點解睇呢齣呢 ? 應該係起源於佢個女主角係佢偶像涼子 (不過其實齣戲應該得一個主角, 就係個男主角)
然後聽說影評唔錯, 幾感人, 跟住有人提議, 有人和議 , 尋晚再網上買埋飛,
咁就促成左今日件事喇, 為左今日型英帥靘正既戰衣, 我地仲去左影貼紙相tim XD ~~~
(p.s.: 影貼紙相前, 我地仲去左試試 "愛爾蘭瘋薯" , 第一次食, 我地揀左芝士味, $30 都貴貴耶 ! 不過真係唔同 d , 好味 d 喎 !)
(p.s.: 唔係唔會喊, 而係唔慣0係咁多人面前喊, 感覺造作, 一個人時應該會唔同曬)
(p.s.: 鐘意睇呢齣戲既你, 我真係誠意推介港產片 "再說一次我愛你" , 都係好細膩感人的, 尤其尤其最尾果半個鐘, 真係睇得好心 up)
呢齣戲唔錯, 真係幾感動, 一段似曾相識既情景 , 勾起左對親人既回憶 ...

那一刻, 婆婆, 我想起了你, 你過得好嘛
好多好多年無見了, 那年, 還在屯門唸小學,
記得那時候, 進出醫院好幾次探你 , 每次見一陣你就要回病房了
有晚, 阿媽入來我房, 說 "婆婆走了" , "走?" "係啊... 婆婆唔會再番來了"
儀式既開始, 儀式既結束, 看到靜靜躺着既你, 看到紅紅既火光 ,
你真的走了
雖然現在, 你既樣兒變得朦朧了, 但我還記得, 你好錫我 ,
如果你還未走有多好, 現在的我長大了, 可以和你飲茶, 可以和你一齊吃飯, 可以好好的孝順你 .


活着的更要珍惜 , victor豬, 阿媽, 阿爸, 細佬, 我希望我可以一直都給你們祝福, 一直都給你們快樂 , 更加想俾 victor豬幸福 , victor仔, 我會努力令你幸福的


晏晝睇電視聽到, 呢首歌真係好有意思
<追> -- 張國榮
這一生　也在進取這分鐘　卻掛念誰
我會說　是唯獨你不可失去
好風光　似幻似虛　說明人生樂趣
我會說　為情為愛　仍然是對

誰比你重要　成功了敗了也完全無重要
誰比你重要　狂風與暴雨都因你燃燒
一追再追　只想追趕生命裡一分一秒　原來多麼可笑　你是真正目標
一追再追　追蹤一些生活最基本需要　原來早不缺少　ha...
有了你　即使平凡卻最重要

終於都完左 last一堂既素描 @31.3.2009
畫畫其實真係幾開心, 雖然岩岩畫時會好亂, 畫得好肉酸, 唔知畫緊d 咩, 畫完又擦, 擦完再畫 , & 畫功課好嘥時間 , 懶到唔想交 ,
但畫畫下見到都有個形走出來, 就鼓舞到自己繼續畫, 只要俾心機仔細d 畫,
畫出來既都係一幅好好既作品, 見到自己親手畫左好耐既 完成圖/半完成圖, 真係好有成功感, 好開心,
原來自己可以畫到呢個水凖的 !
唔畫唔知畫得好
轉一轉人地既金句"無醜既人, 只有懶人" ,
其實可能沒有畫得差既人, 只有唔肯用心畫既人 .

p.s.: 不過隨着"興趣班" 既結束, 無得同豬仔做同學仔了... 好難得先可以同豬仔再做同學仔的 , 唔捨得 =3=
亦都無逢星期二既聚會了


p.s.: 前幾日約左有福氣一齊交 hku application form, 之後落 CWB 食 Lunch,
呵~ 去食 italian tomato , 齊齊叫左個意粉 set, 另外再叫多件 cake ,
古古力慕思 cake , 之前都食過 , 依家再食, 一樣咁好味~~~
之後又逛下 citysuper +集成, 買左少少野, 就回家了
同有福仔都有計傾, 希望第日再同有福氣聚會啦


呢兩日賣左去第二個 ward, 唔識講, 唔慣囉
本來有個小插曲, 自己做錯左 d 事, 個 head 嘈得拆天咁鬧, 問邊個做 , 嘈完又嘈, 好似痴左咁
面對佢鬼叫咁既聲勢, 實在 "淆底" , 其實佢第一次嘈時, 真係想 "自首" , 諗住一開始時樣衰衰認一次 , 話曬第一日來唔知咁多規矩 , 總好過最後俾佢搵到我, 嘈得仲 "金" 瓜, 叫左咁耐都唔認 , 到時就更樣衰了
但就0係諗多兩諗時 , 佢個聲勢越來越大 , 我就越來越 "淆" ,
真係好得人驚 , 好似想捉果個元兇出來再煎佢層皮出來咁 ....
最後都無講, 不過唔講都有代價的 , 就係打後既時間都好戰戰兢兢 , 同埋個良心真係幾煎熬 , 無無謂謂既野都講大話, 實在唔係我作風
唉, 其實要搵元兇, 起勢咁鬧係唔 work 的, 尤其對象係我呢 d 細膽仔 , 如果佢好聲氣d , 我知我一定會認 , 做我誠實既 "牛頓仔"

p.s.: 我都不知幾咁陰公, 渠豬又體會唔到 =3= , 都唔知個形勢幾咁嚴峻 , 幾咁淆底無助, 又唔0係自己地頭
咁大個人俾人鬧都好 hurt 的 , 記住呢隻鬧唔係俾人追問, 唔係俾說話你聽, 唔係俾人揶揄 , 都唔係訓示, 係堅鬧果隻
嘿, 又係我太天真啦, 我覺得乖既人係唔應該俾人鬧的,
再係咁會動搖左我對 "乖" 既堅持 ...