有期望, 就難免會帶來失望
(悲觀既情緒籠罩在身邊)

活左廿幾年人, 其實應該咩都睇化了吖,
年少時一到生日果日, 就收到好多生日禮物又試過;
鬼影都無水靜鵝飛又試過;
但今年唔知發咩癲, 對生日有多少期望
唔係講緊生日既慶祝節目內容, 而係周遭既人
心諗, 做左咁多年 frd, 應該電話都有個吧
識左成年, 計都傾過咁多, 多多少少都應該熟d 了吧
又番來做同事, 大家既關係應該更友好吧
或許是舊年適逢係入會既 "新婚蜜月期" , 而自己近年都用多左好多手機丶電腦
但現實是自己諗多左好多, 到就來到生日12點時, 自己0係電腦前滿心歡喜地等啊等,
12點, 咩動靜都無, 心諗, 係咪我個鐘快左呢?
12點10分, 一樣咩動靜都無, 心諗, 唔係喎, 依家點都過左12點了吧, 但點解...
唔係全然既冷清, 只係預期既沒有出現唧, 大都只是無名無姓既四字詞, 甚至係 copy 樓上一個的, 有好幾位我以為會有多幾粒字, 可惜還是失望
好像摔了一跤一樣, 有時覺得自己的期待真係好天真很可笑,
朋友比我還要忙, 哪管得了我幾時生日; 我算什麼, 認識這麼短, 人地可以點樣同我深交; 咁耐無共事既同事, 咩都生疏了吧; 唔係期望D 人會攬住我來呵吧
都應該係夢醒既時候, 再次看清了自己的"重要性"
雖然面上口裡沒說什麼, 但心中既扎痛已經出賣了自己

其實我心底可能知道, 我什麼也不是, 係既, 我根本就不屬於這組, 超曬齡仲扮細, 一路都係我厚面皮要跟入來, 既唔係帶組人丶職員, 亦唔係組員, 覺得我多餘丶阻頭阻勢自然是必然的事, 而我又唔係"目標"之一, 來與不來也是沒有相干, 無關重要
如果在意的事情沒那麼多, 多好...

承認吧, 自己從頭到尾都是個孤獨既人仔, 跟自己最友好的還是自己, 深夜陪着躲在厠所偷偷地喊的也只有自己, 朋友只在我走出黑暗洞穴後才能看見。

我開左新工一個星期了！
之前轉左去做和仔，可惜無論我怎樣做，有些人都好像睇我唔順眼
講又錯，唔講又錯; 有做 錯，無做 都係我錯; 對不起 錯，解釋 錯，笑住打圓場 都錯
我點做都解決唔到問題，每日翻工好似推自己上刑台甘，每次番工只望唔好俾人話，真係好苦，我呢三年喺佢地眼中好似無學過野，白過左甘
唔記得邊日聽人講道，佢講左一句我好記得
"痛唔緊要，最緊要係痛而不苦"
我知道自己很慢熱，要學好耐先上手，或會令人很勞氣
睇到自己俾人話，甘不濟，又點都解決唔到問題，真係好唔開心，除左喊，我都唔知自己仲可以做 d 咩
既然我對住佢地好辛苦，佢地又睇我唔滿意，可能大家唔夾吧
走或者也是個出路

依家番新工（其實也算是舊工）一個星期了
雖然有意想不到既石仔，未番工就被賣豬仔，又話果度唔係和平既地方，仲要扣左我人工，
但暫時也有意想不到既平安
我明白花無百日紅，總會有雨有浪，我會努力的
希望風浪後我會成長
感謝主，亦感謝在旁支持既朋友仔
今日，有朋友仔關心我既新工，亦有朋友仔同我講，說我之前番和仔果度，好似好唔開心，好 depress, 團契時都說工作既苦況
乜我之前真係好 depress 嗎？ 我也沒有為意，謝謝朋友仔既細心
加油！

都係我衰, 貪心, 依家糖又無, 廠都無
話說今天係院方搞既上堂日, 淨係坐低聽書,
一心諗吃飯時0係 canteen 沖番樽熱茶, 好等我下晝上堂時一路聽一路飲,
提醒又疏乾 ~
好啦, 0係 canteen 有咁大樽沖咁大樽, 連吃完飯時都唔捨得飲, 淨係飲左一兩啖, 就放番入環保袋,
吖, 見仲有時間, 就番 locker 房 hea 下,
點知一去到 locker 房放低個環保袋, 眼尾就望到個袋有水滴出來 ,
一睇! d 茶0係樽倒曬出來! 4xx ml 倒淨 1xx ml 。。。
都不特止，可憐既 iphone 正在袋裡泡 hot 茶中。。。
個　iphone 一拎上手, 有水, & 仲熱的! 想必在茶裡 enjoy 左好耐 = =" 　
原定諗住 hea 既十多分鐘, 依家變左抹地丶洗袋丶抹電話丶扔野....
部 iphone 入左水, 白色點點無左了 ...



呢個故事告訴大家, 想貪心時記得扭實個樽蓋
我聽日會 check 清楚的 !

"就快沒有自由的曰子~最美好而唔期待既第七天 雨"

已經到左最後一日，好唔捨得，不過都無計仔，有好多野預計唔到，連諗住岀現既唐柱都突然唔見左，中伏~好彩代禱時間總算平安渡過~
另外美好的事就係今日又見到想見到既人，真係好~~~
可惜番工既氣氛籠罩住我，
再見了，親愛既假期

"就快沒有自由的曰子~第五天 - 密雲"
話咁快就星期五, 個假期真係接近尾聲了
依家我每日都同時間"抗爭", 每日都堅持到 "好早好早" 訓, 真係做功課都無咁神心,
雖然聽落好似好唔健康 (事實上都係), 不過我相信呢個現象到番工就會無了, 因為都無乜時間俾我去"抗爭", 所以依家就由得我吧 ...
哈, 要做的事情還未做, 如果唔係去左旅行, 呢個半月真係白過了
講開又講, 個旅行雖然要用好多好多錢, (P.S.: 同損友計過, 成個假期前前後後用左既錢, 連成個尾糧, 連約滿囚金... 吖, 唔係,係酬金, 再連埋年假折現, 都唔夠俾, 仲要扣番簿仔多少錢) 但都真係好值得去, 真係好開眼界

如果時間重來, 俾我再揀多次, 我還是一定會去的 .
(P.S.: 變既可能會努力做多D 野,充實D ............. 不過, 其實我就係我, 時間重來後, 我可能還是會 hea 過左..)

最後, 為左紀念消失了的時光, 來番首[夕陽無限好] "自勉之"
"每秒每晚彷似大盜　偷走的青春一天天變老
只可追憶到　想追追不到
夕陽無限好　天色已黃昏
本想去憑愛　去換最燦爛一生
想不到長吻　帶來更永恆傷感"

想不到長假, 帶來更動人傷感
美好既假期, 你知道我在想你嗎~