繼尋日既 Sleeping Day, 今日既 O , 聽日都係 O . . .
本來聽日要番 A 既, 不過因為人少, 所以無啦啦一個電話打來, 聽日唔駛番工 ...
早知放2日半, 就搵 D 細藝做下啦~ 依家頹廢左成日了


前幾日睇體育新聞, 知 NBA 既湖人打入季後賽兼西岸第一隊入季後賽 ,
聽到呢位 "老朋友" 既好消息真係好
0係中四五時開始 "機緣下" 留意呢支球隊 , 果時仲有 "湖人孖寶" 同 "湖人皇朝" ,
仲拎左幾隻冠軍指環 , 之後開始俾其他隊伍趕過 , 孖寶又拆伙,
現在湖人只淨低 Kobe 了 , 現在仍聽到湖人既好消息 , 作為湖人同 kobe 既 fans , 真係好欣慰, 冠軍指環相信係每個 NBA 球員既理想 , 希望湖人同 kobe 仲可以拎到冠軍指環啦
好耐好耐以前曾經諗過 , 第日一定要去 LA 睇 湖人打波 !
果時一心諗住睇孖寶打波, 依家應該無機了 ,
不過我仍然想去睇 kobe 打波, 希望 kobe 等埋我, 唔好咁快榮休啦

p.s.: 我番工果度有本 "request book" , 想邊日番咩都可以寫落去, 到有 duty 時果日就會有個 "暗號" , 表示你0係呢日request 左 duty 喇....
吖, 今日我係放假, 仲要係有暗號的, 不過我放完成日假, 都諗唔到自己點解 re 左呢日 O ... 真係無理由喎 , 睇來係搞錯了

P.S.: 吖, 依家又變左 "健豬" 同 "OK 雞" 了

近來比較平淡 , 差不多每日都是重複每日既 "工作" : 起身 , 番工, 放工 , 玩電腦 , 沖涼 , 訓覺
不過有時都係自己特登的, 唔知係咪番工番到攰呢, 就算真係某日放假, 都有 D 想問朋友仔出唔出來聚一聚, 但就係唔夠動力同衝動拎起電話打, 人老了, 比較想自己留在家中抖抖 , 最多都係晏晝搵阿媽飲茶茶, 之後都係番屋企坐
其實真係有D 朋友仔想搵既, e.g. 有福氣, 馬騮仔 , ar ka , pak lun , 睇下我幾時 "的" 起個心肝打俾佢地, 做番個 "有心肝's beckham" 先
P.S.: 其實我唔討厭平靜既生活的 , 太多刺激太多波濤既日子唔太岩我 (我老了) ,
咁當然唔好 365日如一日, 日日起身都只為番工啦, 我會發癲的, 我唔係工作狂, 番工既目的只有一個
p.s.: 都有d 想搵篇講講我份工, 好似無講過 , 搵日 。
p.s.: 尋晚番通宵 , 人地古惑仔玩爆樽, 我差 d 玩爆抬+爆頭, 唔知個頭有冇撼扁到, 個人有冇蠢左呢 . . . 痛痛耶 . . .


咁當然搵叻叻豬聚聚又係另一回事啦~ 直情係平靜生活裡 快樂&動力既泉源~
(p.s.: 記得三幾年前未拍拖時, 同朋友傾開計, 某朋友話我第日拍左拖時會重色輕友, 當時我都唔覺得係, 但原來都係的! )
個人覺得呢, 拍到穩穩地時, 另一半係重要過朋友既, 起碼佢好有機下輩子一齊度過, 一齊生活吖 , 如果咁計的話係咪重要過朋友先 ?
所以, 呵~ 叻叻豬好重要, 地位好超然的~
好開心吖, 0係平靜既日子裡有豬仔搵我聚聚~~~ 每次見到佢都會好開心, 好 sweet sweet 耶~ 日日都有得見到抵錫豬就好了 : D ~

好似逢星期二都同佢一齊去學畫畫~ 已經學左 5堂, 淨番 3堂了
叻叻豬未學之前話好多年無畫過畫, 拎住支筆唔識點畫出來 , 上左 5堂素描 , 都見到其實叻叻豬都畫到吖 , 都似模似樣 , 絕對唔係0係火柴人 level 吖 , 而且我見佢依家畫果 d 畫, 唔知係俾心機畫, 定技術提升左, 畫得好左, 仔細左呀
無論原因係邊樣, 只要叻叻豬繼續俾心機, 畫多d 畫多d , 技巧一定會越來越好 , 畫出來既畫都會越來越高質素的 !~
相比叻叻豬, 懶雞就無咁 "飛躍" 了, 叻叻豬都會勇於向難度挑戰 . 畫波鞋畫鐵罐睇書書, 懶雞就太穩陣了, 淨係畫杯畫婆仔鞋 , 不過都有 d 進步既
叻叻豬要加油加油, 向 "鬼斧神工" 前進 !~

除左畫畫, 都有時會出來聚聚既, 今日就同叻叻豬一齊食元氣 tea
三文魚壽 b丶軟殼蟹手卷丶炸蝦卷 真係要俾八個讚 !
(p.s.: 九個讚俾我, 十個讚俾抵錫豬~ 呵~~~)
真係次次食都咁好味~
食完行陣街仔, 再買左綠野珍珠奶茶, 依家有推廣, 買一送一, $18/ 兩杯, 好抵 ! 雖然外賣個杯細好多 ^^"
p.s.: 嘿, 呢兩日又多左兩個新名字 , 就係"OK 豬" 同 "健雞" !~

叻叻豬就來又要實習了 , 加油加油, 抵錫雞一定會全力支持的 。

今日真係好開心, 係開心日 !~
早幾日叻叻豬問今日番咩, 我番 A (早), 之後佢就話星期一約我食晚飯 , 原來係慶祝世伯生日 ........ 我覺得我好好彩吖 ! 咁岩番早 , 仲要之後果日唔係番通霄 , 真係好險吖, 如果我要番 P (晏畫) / N (通霄) 就來唔到喇 ! 如果去唔到就 miss 左丶嘥曬丶 dump 心口 了 !

約左 7點半, 6點幾去到 sogo, 諗住買禮物, 其實就一早諗左買咩了 , 就係茶葉 !
我覺得 d 爸爸級既都幾鐘意飲茶, 我都幾鐘意吖 , 而且都問過聰明豬, 佢爸爸閒時都會用 d 茶壺沖茶的, 咁就更加好飲茶了
去到 sogo B2 , 我印象中有間賣茶葉的, 應該都唔錯, 去到時, 剛好無人 , 原來係叫 "福茗堂" , 望左一陣, 諗住買普洱, 因為我又覺得普洱較多爸媽級人鐘意, 我都 OK 鐘意飲, 香得來持久, 同幾易入口 , 咁睇左普洱堆一陣, 職員就講解果幾種普洱有咩分別, 仲逐隻俾我聞聞 D 香味 , 最後我揀左最後兩隻, 職員仲沖左果 "兩強" 普洱俾我試試, 最後我買左 "雲南家藏普洱" !~
揀完普洱, 我想再揀多隻茶, 再問問職員意見 , 又原來鐵觀音都係好受歡迎的 , 即刻又聽聽每隻鐵觀音既特點 , 又再聞聞唔同既香味, 最後揀左 "傳統安溪特級鐵觀音" , 因為呢隻係用傳統做法, 收成較少較珍貴 , 茶味都會更持久, 茶色會濃 D, 深 D ~

咁揀完, 叻叻豬都差唔多到 CWB , 我地就一齊去慶祝生日了, 今次佢地揀左時代既鴻星 !
今次都係好犀利好豐富吖! 有龍蝦丶魚翅丶鮑片 (定螺片?) 丶當紅炸子雞丶好味伊麵丶起沙紅豆丶大大壽包 ... 好味好味 !~
P.S.: 晚飯開始無幾耐時, 都唔知點唔特登唔造作咁俾份禮物出去好 , 到叻叻豬提醒時, 更加臉紅, 好怕好特登咁送份禮物耶... 所以送出時都有點唔好意思 , 希望下次會大膽 D 啦 !
後半晚飯氣氛都 OK 既 , 佢地都有傾有講, 好神奇 , 到飯局差唔多完時, 我個人先好似放鬆左, 把口都好似 "拉番開拉鍊" 咁 , 先有 D 野講 ,
我感覺上氣氛都更加好左D , 希望我既感覺無錯啦 , 氣氛好人家先會想再搵我呢個小薯仔的嘛 ...
世伯生日快樂 , 祝你同屋企人繼續身體健康 , 身壯力健, 快快樂樂, 福如東海, 壽比南山 。
希望氣氛繼續良好, 一團和氣 , 繼續搵我呢個小薯仔 。


多謝豬仔, 無豬仔, 我唔會食到咁多好野 , 可能我還在我既小世界裡頭生活 ...
最後 , 多謝抵錫豬既引見同努力支持 , 多謝你 : > 。

二月一 (日)
1st. : 今日係初 7 人日, 人人生日, 生日快樂!~ 總結下新年既'收穫" , 有 34封利是吖 ! ~
都唔知有幾多年無收過咁多封利是了 ! 可能人越大, 面皮越薄, 把口越講得少野,
始終平時都唔係d 咁主動既人 , 所以好唔慣新年時無啦啦主動走埋去人前面講好多賀喜說話, 好似好特登咁想攞人地 d 利是咁 ...
今年第一年0係醫院番工, 番工果度 d 人都好好, 一見面已經凖備利是 , 省卻點尷尬 , 咁人地俾利是我, 我一定唔會收完走左去, 一定會多謝, 一定會恭喜 , 禮貌點點都有既 , 我都有諗過 , 如果 d 人唔係咁主動凖備好利是, 係恭喜完一輪先俾利是既, 我仲會唔會有咁多呢 . . . 我深信一定無乜利是收到 ! 所以真係多謝工作間既同事們既利是 !
另外更要多謝既, 除左都係阿爸阿媽繼續 "支持" , 更要多謝叻叻豬既阿爸阿媽 , 今年 (應該說 08年) 叻叻豬帶我引見左佢既阿爸阿媽, 而新年時世伯+伯母都邀請我來拜年 , 無遺忘我呢個小薯仔, 好開心噢 ! 所以好多謝佢地既心意 。

2nd. : 前幾日去E 家拜年, 約表姐踩單車, 今日終於落實喇 , 原本想搵埋細佬去, 不過佢臨時唔得閒 , 所以今次我"單人匹馬" 去大埔搵表姐踩 ,
兩個人仔由十二點左右踩到三點幾, 由大埔踩到沙田入D , 再踩番去大埔, 本來仲想踩入大尾督, 不過太過肚餓 , 所以都係停低食野算,
其實好細個時, 已經好鐘意同表姐一齊玩, 不過以前真係無乜機會 , 自己一個去大埔搵佢地阿媽又唔放心 , 一家人去又搵唔岩時間 , 以為都唔會有機會了 , 估唔到依家又會搵表姐踩單車
今日雖然時間短短, 但都好開心 , 希望第日再有時間約到表姐啦
P.S.: 吖, 我有兩個表姐的, 兩個都鐘意~ 不過今次得細表姐得閒踩單車
P.S.: 唔好以為我好識踩單車 , 其實好 "屎" 的 , 落斜都係好驚 , 唔係好敢踩落去 , 大斜時都係落車推 , 上斜都係要 "咬緊牙關上" ^^"

二月九至十五 (一至日)
我既第一個年假終於來了 ! 放之前真係好期待 ! 今次無去到邊度, 大多0係家 hea , 有好有唔好啦 , 依家就儲番唔少既
2月 10 (二) 今晚係之前報左既素描一 第一堂 , 感覺唔錯, 放大假時上呢d 堂, 好疏乎 , 好似好悠悠閒咁番d 興趣班咁 ~ 今日食左麥仔包包醫肚, 今次叻叻豬都一齊上耶 , 我地一定會上曬 d 堂, 唔會半途而廢的 ! 之前 d 幼稚園小學果 d 唔算啦 , 中學又無美術堂, 得美術學會 , 間唔中上一上, 要學得好真係唔易 , 希望今次第一次正正式式上畫畫堂, 可以畫好d 畫啦 , 尤其係叻叻豬 !
2月 11+12(三四) 呢兩日算係成個禮拜中唔特別之中既特別 , 都有得睇下etc.
2月 15 (日) 今日約左叻叻豬食麥仔早餐 , 其實早幾日朝時已經想食, 諗起望住個咸蛋黃, 一路食早餐, 良辰美景, 真係疏乎~ 可惜食唔到 , 今日終於食到, 雖然無咸蛋黃
食完同叻叻豬去左 CWB 既 Citysuper 行 , 之後歸家了
咁就完左我既第一個年假

2 月 17 (二)
今晚同叻叻豬一齊上第二堂素描 , 今次食 KFC 至爆套餐 , 無左 8層丶有層薯餅丶有層雞扒既好味包包, 同豬仔食過一次而已 =3= ... 不過今次新出左芝士脆片 , 一塊塊既脆片加埋 D 熱熱地既芝士醬真係好好味~~~ 今堂畫放0係房中間既一堆 "物體" , 叻叻豬畫得好靚呀 !~ 俾心機噢叻叻豬 !

二月xx (x)
放完大假後某日番工 , 突然有人話今晚春茗 ... 諗起今日着左d 咩番工時 , 真係唔太想去 .... 今日着得好普通 , 普通到似人地 d 行晨運既囉 , 普通長袖+運動款外套 , 唉 , 都係走唔甩 , 放左工之後一行人一齊搭的去西環食飯 , 今次真係失禮曬 !

二月 廿四 (二)
今晚同叻叻豬一齊上第三堂素描 , 今晚都係食 KFC , 仲多左雞蛋仔!~
今次畫房中間既 "爛櫈" , 我畫左好耐都唔係咁好.... 不過我都一定會番足咁多堂, 我真係想知我番完 8堂後會唔會真係有進步 ! 我同叻叻豬都要一齊努力, 一齊進步 !

二月廿六 (四)
今日放工後約左叻叻豬聚聚, sweet sweet : > ~
今日仲有同事 BBQ局 , 其實都諗過唔去, 一來約左叻叻豬 , 同叻叻豬既聚會咁難得, 我係一定唔會取消的 ! 二來去到香港仔郊野, 都晏啦, 留一陣可能又走了
不過個人爛玩 , 真係好多年無 BBQ , 提左幾次都係燒唔成 , 依家有得燒真係要燒一燒 !~
都比想像中多人喎 , 有十三個 , 有 D 唔似鐘意燒烤的都來了 , 都幾開心既 , 尤其有得食我最鐘意既雞翼同雞扒 !~~~

日記終於來到 新一年 2009 喇 ! ~

恭喜恭喜 !~ 祝大家新一年 繼續健健康康 , 快快樂樂 , 福氣常在 ! ~


一月大事簡報如下 :
1月13 二 : 放左工後嘭嘭聲趕出 CWB 同叻叻豬食 lunch , 今次去左呢間好多人排隊食既「とん吉」日式吉列專門店食
可能就快午場關門, 人少少, 今次咁岩坐到海景位 ,
叻叻豬叫左份吉列豬扒&大蝦定食 , 我就平平地叫左份雞蛋吉列豬柳定食
首先來左調味--芝麻醬料自行磨爛調教, 再來就係生菜絲沙拉任添 ,
最後就係主角兩份定食 , 賣相當然係大蝦定食大大份好好睇啦 ,
不過講味道呢 ...... 叻叻豬既大蝦真係好好食, 炸得岩岩好, 仲有香濃既蝦味, 好味 !
我既雞蛋吉列豬柳定食就總評分幾好 , 面頭加左紫菜 , 混合埋雞蛋, 果種味道 ...... 好似日本旅行時食果d feel !
呢個感覺實在太親切太懷念了 ! 能夠感受番果種味道真係好! 應該就係呢個感覺令呢份雞蛋吉列豬柳定食加左好多分
食完再行"宜家" , 買左盞好得意既燈仔 , 拍佢個"福頭"會着燈的 ! 之後再行下反斗城, 時代就番屋企 lu

1月20 二 : 今次係 3rd. 香港迪迪尼 ! 不過今次就簡單 d , 迪迪尼一日遊 !
今次點解去呢 , 因為今次係 "新春迪迪尼" 版 ! 迪迪尼新年又有特別佈置吖, 當然要去睇下感受下啦!~
一點幾去到 , 呢日都係多人 , 不過已經少過上次聖誕時 。 都係入去玩指定遊戲 - 巴斯光年 ! 都係佢高分d 呀 ! 我相信次次去都玩, 我總有一次會高分d 的 !
我地仲襯人少少時參觀左 "米奇福氣大宅" , 上次聖誕時都有呢間 "米奇聖誕大屋" , 不過呢隊實在太長無入去睇 , 今次終於入到了 !
間大宅 ok 啦 , 影下相都幾得意既 ! 最尾仲有米奇同大家影相 ! .......... 不過點解唔見米妮既, 仲以為會有米奇同米妮一齊熱熱鬧鬧 tim , 可能米妮"急急"行開左~ 不過我地都同米奇影左合照 : D !~
其實園入面都有唔少新年特別佈置既 , 好似有新年八福 - 有 8個代表不同福氣既佈置0係園內不同位置 , e.g. 姻緣 , 我地都差不多睇曬咁多個福氣 , 仲影左相 tim !~
之後我地再一次去番上次食過 OK 仔既 "皇家宴會廳" 食 Lunch 仔 , 今次叻叻豬叫左 牛扒餐 , 我叫左 雞翼拉麵 , 兩款都好味喎 ! 雞翼真係出奇好味 ! 讚 !
食完我地再睇巡遊 , 豬仔以為呢個巡遊都係新春特別版 , 點知原來無特別版 , 不過確實同上次睇時有 d 唔同既 , d dancer 裝扮都有 d 唔同 , d "花車" 亦都無左上次既 "聖誕裝飾" , 變番正常版 , & 我地今次好早去到巡遊路線, 早早就搵個靚位 , 就係上次企位既斜對面 , 好似影得多d 同 好 d 咁 , 不過美中不足係都幾曬的 !
睇完就提早結束今日行程了 , 我地仲會去好多次迪迪尼的 !

1月26 & 27 一丶二 : 大年初一喇 !~~~ 恭喜恭喜 ! 身體健康 , 新年進步 , 心想事成吖 !
不過呢兩日都要番工 , 又不過番工袋左好多利是 XD ! 可能小妹今身笨笨地+唔係熱情主動既分子, 唔係好慣主動走埋去 D 唔係好熟既人前拜年逗利是 , 最近 N 年來都唔係袋好多利是 ^^"
今年第一年番工逗利是 , 番工果度 D 人都好歡喜咁主動俾利是 , 真係好吖 ! 如果要靠我既口才逗利是 , 真係唔知點算 . . .
真係感動呢 ! 多謝咁多位既利是 , 多謝 !
P.S.: 今年既第一二三...封利是竟然都唔係阿爸媽俾的 ! 問題原來出0係阿媽唔記得要俾利是 , 真搞笑 !
P.S.: 1月 27 果日 , 都約左豬仔 ~~~ 今日番早 , 放工後先同豬仔0係 SOGO 地庫既 "北海" 食 lunch , 我叫左 豬扒拉麵+雞串 , 佢既係 炸蝦定食+薯餅 , 我果個都好好味~~~ 呵~ 一人叫左一杯奇怪特飲 , 我: 奇異果汁 , 佢: 芒果汁
之後就去 JP MCL CWB 買戲飛聽日睇 !~

1月28 三 : 今日係大年初三 , 終於唔駛番工 !~
今日一早約左抵錫豬睇戲 , 就係 "崖上的波兒" !~ 我地睇 10:20 早場 , 每人 $40 , 抵 !
成齣戲簡簡單單 , 雖然我最希望睇到既 "宮崎駿最最最細膩+震撼既畫功" 睇唔到 , 但到睇到 D 功架, 都睇得個人好舒服, 歡歡樂樂既 ~
我最鐘意既宮崎駿作品, 論劇情和畫功, 依然係 "千與千尋" !~ 期待佢下一齣大作 !
睇完戲 , 我地就去附近既 Pokka Cafe 食 lunch , 好耐無去 pokka 了 , 豬仔成日話我唔鐘意去 pokka , 其實如果有野岩食既 (e.g.甜品~), 我都去的
今次揀到野岩食吖, 都係雞雞餐 , 有甜品--朱古存蛋糕仔包埋, 真好~ 佢轉左做芒果雪葩, 好多雪, 有球芒果雪糕類東東, 都幾好食, 當然我果個古古力好味d 啦~~~
食完抵錫豬突然問, 今日上唔上來 拜年 , 好驚喜吖! 仲以為今年都係無我份喇 ..... 估唔到都邀請我來, 好開心耶 ! 梗係去啦 !
去 sogo 買小小甜點就搭車來了 ! 世伯+伯母恭喜吖 !
希望兩位新一年繼續身體健康 , 幸福快樂 , 出入平安, 心想事成 , 年年有餘 ;
希望叻叻豬新一年繼續健康 , 一帆風順 , 工作順利 , 心想事成 , 笑口常開 , 財源廣進 ;
希望叻叻細佬新一年繼續大隻 , 活潑健康 , 學業進步 , 聰明伶俐 , 心想事成 ;
一家都一團和氣, 福氣常在 !
不過今日我都係太靜了 , 希望第日我健談番 d 啦
去完叻叻豬屋企拜年 , 我就再搭車去大埔 大 E 家 拜年 , 一去到見到 大 E 家既 大人堆已經開始左雀局, 細路堆就玩緊啤牌 , 真係幾熱鬧 !
之後一齊睇 葉問 , 估唔到都幾好睇喎 ! 到夜 D 時大伙人一改以往既 "自家飯" , 去左酒樓食晚飯 , 食下傾下, 之後歸家了
不過臨走時相約表姐得閒時踩單車 !~

今年既新年丶今年既初三 真係好特別 丶 好開心耶 ! 多謝豬仔 , 多謝大家 : > !~