今年聖誕 , 正日 24 , 25 號都要番工 , 得番 26 號呢朝番完 N 唔駛番,
咁就約左抵錫豬下晝晏晏地丶三四點等 @ CWB
都成 4點幾先去到間食店 ,
今次我地幫襯既係 , 0係 openrice 薄有名氣 , 評語唔錯 , 好評好多 , 主打甜品 既 "風月堂"
聽落個名好風月 , 其實好正氣既~ 一上到去 , 成間店都係主打白色 , 白色既牆身 , 櫈 , 抬 etc. 裝潢都幾靚~
一揭餐牌, 樣樣都唔平喎 , 野食 6x 以上 , 甜點 4x 以上 , 絕對唔少野 !
最後我地叫左 4樣野 , 一個薄脆 pizza , 一份天婦羅蝦 , 一份芒果 pancake , 一個朱古力雪糕 ,
樣樣都幾好味既 , 古古力 !~~~ (不過古古力之後融到變左古古力凍飲 = =")
美中不足係以下午茶來說 , 貴左 d ^^"

食完豐富 tea , 都係0係 CWB 漫行 , e.g. HMV,
之後就回家了



P.S.: Samuel 都由加拿大番左來HK喇 ! 呢位朋友仔好耐好耐無見了! 佢番來好開心吖!~
雖然番左來一段時間, 都未出來聚聚 , 約幾個禮拜都未約到 , 真誇張 ,
不過大家都要番工番學 , 連岩岩番來 HK 既 samuel 都要番工, 真係 .... (何必呢 , 岩岩番來就抖下嘛 ...)
終於 20號 約到了 ! 名為 "CYC 高層聚會" , 3大高層加埋我呢個"小將" 食個 CWB 晚飯 ,
嘿 ... ^^" 差不多十點先齊人+諗到0係茶軒落腳 , 都係傾傾近況 , 大家都係 "老樣子" 啦 ,
大家都傾左好耐, 很好很好~
到 22號, 又有另一個名為 "lmc 聚會" , 今次都好多人來左, 主角當然係 samuel , victor 都奇蹟地來左 ,
今次都係打邊爐, 熱熱鬧鬧 , 能夠見到咁多咁好既老朋友真係好~


p.s.: 另一個大人物 菁姐亦都番左來 HK , 27號亦0係 CWB 既 i-cafe 搞左個班聚 ,
都來左好多人 , 都好耐無見了 , miss 都係同以前一樣, 講左好多佢既趣事 ,
嘿 , 見唔到有線主播蔡文健呀 , 聞說佢依家上電視個樣同講野既 tone 都唔同曬, 無得睇下佢真人係點樣tim !

當然無一早起身啦 , 大約九點幾十點左右先起身,
我地今日既早餐係 "龍島" 芒果拿破崙蛋糕 + 2件美心甜點 ~
蛋糕其實好好味 , 雖然我最鐘意食朱古力味, 但都唔代表我唔食其他味道的既, 尤其係叻叻豬自己揀既時候 ! 應該係因為一次過食咁多滯左 , 我地竟然食剩左 ~1/6 龍島蛋糕呀, 有d 嘥錢錢耶 , 不過真係食唔落 ^^"
臨走再影多兩張相, 就同呢間房拜拜了, 呢度 11點 check-out , 可以就咁關門走人 , 唔駛去櫃位搞手續 , 方便好多 ~
仲有得拎埋張開門咭做紀念 tim , 有酒店個樣嫁, 唔錯唔錯~~~

"check-out" 完 , 再0係酒店花園慢慢行 , 呢間酒店其實真係幾靚 , 好華麗,
迪迪尼酒店中間圍住個花園 , 有個 "米奇形既迷宮仔" , 兩個人仔鬥快搵路行入迷宮既中心點 ....
結果係 . . . . 我快 d !~~~ 呵呵呵, 叻叻~~~
行番入酒店時 , 竟然見到聖誕老人 ! 真係好好彩! 聖誕點少得聖誕老人呢!
即刻排個小隊同聖誕老人影合照 !~~~
p.s.: 本來仲見到有白雪公主, 不過叻叻豬對 d 公主無乜興趣, 所以無影合照

之後我地搭穿梭巴士去迪迪尼了 , 今次係第二次去迪迪尼 !
不過今次 d 人左好多了 , 可能臨近聖誕節 , 學生都放聖誕假 , 亦都係特惠年票聖誕特別節日既最後一日啦
見咁多人 , 我地首先坐火車, 上次無坐到, 今次坐番~ 坐到前排靚位 , 架火車唔算開得好快, 但都唔算好驚喜, 不過都無坐過咁大既火車 , 坐下都幾得意 ~~~
如果沿途有更多野睇就更好 !

坐完火車, 仲睇左街頭銀樂隊, 再前前後後排左 ok 耐隊玩巴斯光年太空歷險丶飛越太空山, 到兩點左右 , 我地就去 "幻想世界" 既皇家宴會廳 食 lunch, 我試海鮮炒飯 , 佢就叫左兩個天婦羅蝦拉麵 , 又出奇好味喎 ! 食得飽飽~
食完搵個靚位攝攝, 睇 3 點既巡遊 , 都幾好睇丶幾歡樂既 !
有十幾架靚靚既花車, 每架花車中間仲有唔同裝扮既表演隊伍 , 好似新春既花車巡遊 !
0係巡遊入面, 差唔多所有迪迪尼朋友都露左面了 , e.g. 咁多位公主, 米奇米尼, 白雪 果 7友 , 少見既有小魚仙 , 薑餅人 , 胡迪個女朋友 , 薯仔人 etc.

睇完巡遊 , 再睇左白雪公主許願洞 , 呢個洞真係 ..... 好無聊, 不過真係有人扔 d 銀仔落去 . . . 本來想睇多次 "小小世界" , 不過見條隊好多人 , 都係下次再睇
仲有其他 e.g. 木馬 , 小飛象 , 揸車仔, 坐木筏 etc. 都排左好多好多人, 離譜係小飛象都要 60分鐘 , 好誇張, 我地當然唔排啦 , 下次仲有機會玩的 !

之後又再睇 金丶銀丶水晶版睡公主城堡 , 雖然靚, 但好貴, 睇下就好
我地又睇埋睡公主加冕表演 , 第一次睇, 都似歌舞表演 , 又係米奇米妮唐老鴨睡公主一對對出來跳舞, 最後為睡公主加冕
睇完加冕, 再睇多次獅子王, 今次換左少少人做 , 個 "長老" 唔同左 , 好似上次果個好d ^^"

睇完又番去小鎮大街既精品店買 d 小精品 , 之後又搵靚位等睇煙花 !
今次本來搵左個靚位的, 係前排正中間坐地位 , 可惜叻叻豬前面既人仔唔"生性", 坐唔定, 到煙花開始時, 叻叻豬既鏡頭右下角經常性多左個 "小山丘" , 真掃興 !
今次都有拎到 "特別眼鏡" 睇煙花 , 加左特別 "小天使" 效果既煙花真係好靚好靚 !~
呵~ 我又拍左煙花片片了 !~ 叻叻雞!~

P.S.: 聖誕特別既 "飄雪" 效果 , 果然唔錯 , 好靚, 感覺都好好, 好 Sweet Sweet !~~~

睇完都 9點幾了 , 我地番番去 CWB 食鯛魚燒+麥仔晚餐 , 第一次食鯛魚燒, 叫左紅豆, 佢要 pizza 味, 紅豆好似普通 d , 得個甜字, 佢果款應該好好多 ...

咁就一日了 , 今次應該少左 D "小討論" 喇呱? 多謝叻叻豬 : > !~~~

唏~ 我同叻叻豬之前十一月第一次去迪迪尼時 , 一人買左張年票 ,
又點會白白浪費, 放0係度唔用呢 ~ 呵~ 我地一早諗左喇 ! 一於去多d , 行仔細 d ! ~ 同埋特別節日又有特別佈置& 裝飾 , 真係要去睇下 !~
聖誕去 , 新年又去, 情人節又去 , 夏天又去, 生日又去, 秋天又去 , 萬聖節又去　‧‧‧ 呵~ 當然有加加減減啦 ~ 不過當然去多幾次好啦, 下年無年票時應該無乜機會去了

咁今次聖誕呢個特別節日早就想去喇 , 不過玩兩日呢個一開始都無咁諗既
係見迪迪尼個網頁突然做呢個 promotion , 有年票既人可以超折扣價 book 迪迪尼兩間酒店 , 所以我地又唔放過 , 享用下呢個優惠喇~ 咁上次試左 好萊嗚酒店 , 今次就試試 迪迪尼酒店 !
咁邊款客房又要諗諗, 原本掙扎0係夢幻客房同海景客房 , 但最後都有個共識 , 等第日時機到先住夢幻 , 依家住海景先, 平d d ,

又有小插曲 , 本來我地想揀園林景觀 , 相較下平 d , 不過初時打去問時 Full 曬 !
一番商量 , 本來扑鎚 book 海景 , 但到我打去時再問一問, 竟然有番園林景觀 , 可能係之前 book 左果d 轉日子/ cancel 果類 , 咁我見機不可失啦 , 園林真係平 d , 又問過, 海景同園林房既裝飾設備都一樣, 咁就唔駛咁貴 , 慳番 d d 啦 , 所以最後我 book 左 園林景房, 亦未講俾叻叻豬住 , 俾個驚喜叻叻豬, 以為無曬既園林番來了 ~~~

呢日約左渠渠豬0係 sogo 等, 一齊行 sogo 既超市, 印象中好少同渠渠豬行超級市場 ..... 點解要行超市呢~ 因為我地要慳得一蚊得一蚊, 上次都試過 hollywood 酒店既自助餐了, 所以今次買定野食做午餐 , 晚餐同聽朝早餐 , 都買左幾多野 , 有 4個貴貴碗麵 ( 2個好少見既烏冬 , 同 2個拉麵 ) , 1 大支巨峰提子飲品 , 1 客章魚燒炒麵 1客淨章魚燒 同 1 個龍島細拿破侖蛋糕 , 好滿足咁搭地鐵去迪迪尼~
去到中環站 , 略嫌未夠, 再0係站內既美心買左 4件貴貴甜點 ~

都係比原定時間遲左到今次既迪迪尼酒店 , 迪迪尼酒店睇落果然精緻 d ! 靚靚!~
check-in 時間比較耐 , 但 check-in 時已經見到迪迪尼朋友0係附近, "睡公主" 同人影相 , 不過我地都趕住放低d 行李, 同埋個 "睡公主" 唔太似 , 所以都無同阿公主影相
p.s.: 嘿! check-in 時, 個 counter 小姐話原來果兩張入門咭可以唔駛還番的 ..... 之前既 hollywood 還左, 嘥曬 !

一入房, wo~ 感覺上好似真係幾靚, 幾乾淨, 唔錯喎 ! 帶少少維多利亞式既床同房間, 仲有個露台, 我原本以為無露台呢! 個露台幾得意, 可以行出去盪下~ 仲斜斜地望到隔離 d 露台 tim
嘿, 望見窗口叻叻豬先知原來呢間係園林景觀客房, 不過我其實一開始以為園林景係望酒店入面既花園 -- 迷宮花園 tim, 如果真係望個迷宮咁都真係幾靚嫁 !
係咁幫間房影一堆相 ~ 個厠所都好靚下, 仲有 "半塊牆" 隔開個洗手間, 好似好 "骨子" ~

嘩~ 影完一輪, 都晏晏地了, 即刻食好晏既晏晝仔, 肚餓時食既野特別好味, 我揀既炒麵幾好味, 熱多少少更好 , 叻叻豬既薯餅扁左 ... 但D 丸子仲有少少餘溫 ^^"
又忙完一輪, 大約六點幾，　我地就離開酒店 , 入迪迪尼凖備睇煙花 。 題外話 , 晚上既酒店大堂真係幾靚, 好華麗, 電梯都整得特別靚, 尤其依家聖誕 , 有好多聖誕佈置 , 加埋黃黃既燈光, 好有氣氛~ 而酒店大堂中間仲有一大棵聖誕樹 , 好開心耶 !~

晚上　７點幾番到迪迪尼，見有ｄ人好神奇，竟然唔睇煙花就走了 ...
我地都無周圍行, 淨係0係睡公主城堡搵左個靚位等, 今次個位同上次果個唔同, 今次0係城堡既正前方後排企位, 再前多幾排就要坐位了
放煙花了! 今次多左副 "特別" 眼鏡, 睇 d 燈火時, 果點光會有 小天使 的 !
我今次有一路睇一路影一路錄片, 親眼睇既感覺又唔同d 既 ~ 我都有係咁叫渠渠豬睇, 不過佢掛住用佢既 "石膏手" 影煙花相, 我估都睇得唔多了

九點幾又搭番接駁巴士番酒店 , 再0係酒店入面行左個圈 , 呵~ 我地0係聖誕樹前面影左合照~~~
上番房後 , 真係真係食晚餐了
我地一連食左 3個杯麵+ 2件餐後甜點~ 2個烏冬, 一個和歌山拉麵 , 好味好味~~~
果 2件美心甜點都幾好味喎 !~ 隻巨峰提子飲品都一樣好飲, 不過 d 色水好香口膠既色 , 有 d d 怪唧, 不過好飲 ! ^^"

今日既行程都差唔多完了 , 多謝豬仔 : > ~

今日係聰明豬大學畢業, 參加畢業禮既大日子 , 我專登 request 左今日放假
不過由於座位有限, 入去觀禮就無我份了

尋晚特登去左買花花, 有玫瑰, 百合 同 太陽花 , 研究過, 玫瑰好似唔岩場合 (雖然好靚) , 百合又怪怪地咁, 而鮮橙色既太陽花好似幾有朝氣 , 幾有意思 , 感覺都唔錯, 所以揀左太陽花~
之於另一畢業禮物 , 點少得畢業公仔呢, 呢個我都覺得自己有心 , 知聰明豬鐘意 sony 貓, 但呢隻貓 d 精品平常都好少見, 更何況係畢業公仔呢, 所以好耐好耐之前, 已經開始留意 d 文具店精品店, 終於有次咁岩俾我見到 , 即刻捧佢番來 , 唏唏~ 就係咁, 隻公仔就俾我用透明膠袋+大膠袋笠住 N 個月, "暫時寄宿" 0係我抬底喇

好~ 回歸正題。 早上既畢業禮去唔到, 後 join 聰明豬+世伯+伯母 既慶祝飯局 ~
一諗起可以 join 聰明豬一家既活動 , 好開心耶~~~
我好想可以 "入到屋" ~ 希望好似 "公仔箱" 入面 D 演員仔咁, 可以慢慢 "入到屋" , 慢慢可以 "深入民心"
希望慢慢個印象會唔差 , 希望有多D 機會俾人認識下我係一個點既人 , 希望佢家會認同我呢個人丶呢個身份 , 希望一直都可以參加佢地既家聚 , 希望佢地既活動會預埋我一份 ....
數一數, 今次呢個慶祝飯局係我 第 6 次 見到聰明豬屋企人吖 !~
1st: 9月同聰明豬+世伯+伯母 0係 CWB 鴻星食晚飯預祝伯母生日 ~
2nd: 9月同聰明豬+伯媽0係 apm 食 lunch ~
3rd: 10月同聰明豬+世伯+伯母0係海怡吃晚飯慶祝聰明豬農曆生日~
4th: 10月同聰明豬+世伯+伯母0係珍寶飲茶茶慶祝聰明豬正日生日~
5th: 11月同聰明豬+世伯+伯母0係家吃伯母整既自家靚晚飯 ~
........... 真係好開心可以加入佢家既活動 , 吃個自家飯都好好~

好, 再回歸正題 。咁我一早就將最緊要既 3樣野 : 公仔 , 花 , 相機 放埋一齊0係廳 , 跟住就入房執其他細軟 , g g 整整後 , 時間又變得幾緊張 , 咁就出事喇 ！
我嗱嗱聲0係房拎個袋出來 , 再怱怱奔出廳, 　同時快快手 左手拎花 , 右手拎公仔咁奔出屋 。。。
嘿 .... 就係咁樣 , 咁就拎漏左樣緊要野了 ......
出門口時都唔知既 , 係上左車 , 差唔多入香港仔随道時, 突然間有 d 野形住形住 , 搵搵個袋 , 唉呀 ！
即刻打俾聰明豬 , 無人聽 , send 個 sms , 之後驚佢頭先聽唔到電話響, 再打多次 , 都係無人應
咁就開始衡量 , 番唔番去好呢 , 番去同唔番去會點呢 , 佢有冇帶相機呢 , 唔番去就一定凖時去到, 但唔番去既最壞打算 (無相機影相) 我又負唔負擔到呢,
最後諗多兩諗, 都係決定0係灣仔落車折返番家拎相機 ...
結果係 , 我拎左相機 , 遲到 , 佢有帶相機 , 開曬茶位食緊野咁等我來 (p.s.: 差唔多係最差既組合了...)
除左唔好意思 , 都唔知講咩好了 , 我無好有力既理據解釋點解我會估佢會唔帶相機 ... 我淨係諗聰明豬要帶衫吖果堆咁多野 , 入面個位又細 , 會唔會唔帶咁多野, 所以唔帶相機呢 , & 驚俾聰明豬話 , 話我呢個來影畢業相既人點會唔帶相機嫁, 咁來做咩呀 etc.. & 真係無相機既話, 就無得影聰明豬既畢業相了 ‥‧

就係咁樣同聰明豬+世伯+伯母0係又一城飲茶茶
之後我地一行人番去 City 影相 , 都係第一次行 city 既周邊地方......
都好多人0係度影畢業相 , 我地都影左好多相 , 涼亭下面, 涼亭上面 , 池邊 , 大石頭前面 , city 門口 , city 臨時整既影相佈景版前面 , city 入面 ....

影完相 , 世伯+伯母就離開番屋企了
而我地就行左又一城一陣 , 先再搭車番去


總結 :
1. 恭喜聰明豬~ 聰明豬又長大, 就快要去人生既另一個階段了 , 希望聰明豬繼續努力 , 繼續向前 , 小雞一定會支持支持 !
2. 今日真的好唔好意思 , 我真係失策左 , 我都要再聰明 d . . .
3. 今日扣分了 :'<
4. 又失左個機會同聰明豬+世伯+伯母影合照添! 下次再搵機會 !

今日當然係0係酒店留耐 d 啦 , 話曬尋日咁晏先 check-in
迪迪尼晏d 入都無問題, 下次可以再去 , 但呢間好萊塢就難了
所以朝早大部分時間 , 都0係酒店 , 首先0係房影下朝早既酒店景 ,
check-out 完, 就放低件行李 , 就行番去尋晚行過既花園 , 朝早行個景又有d 唔同 , 又睇到果個仿美泳池 , 都整得幾靚, 朝早反而唔見有人游水 ... 再行 左邊見到好街頭遊樂場 feel 既遊樂場 , 放眼右邊就係個自稱 "可以俾人坐低野餐" 既青青大草地 , 個草地行得好放心 , 因為肯定唔會有人來放狗 , 真係好安慰 ~ 本來想影個草地+酒店 , 點知見到酒店外牆有大大個鐵臂裝住 d 人清潔緊 , 有 d 殺風景 ^^"
再行過 d , 就見到有兩架 .... "古董老爺車" 泊左0係度, 就又當做仿美式吧 !
0係叢林中, 其實都望到個海 , 都望到海既對面有樓, 不過唔知對面岸係邊樹
再過d , 就見到酒店既大大個招牌 -- "hollywood hotel" , 前面仲泊左一架好明顯靚過頭先兩架車好多既白色房車 , 當然要影番d 相啦 ~
呢個花園其實唔係淨係得我地, 都仲有其他人既, 都見到唔少人0係樹蔭 hea, 0係櫈仔坐, 0係遊樂場玩, & 周圍影相
& 今朝都幾猛太陽 , 幾曬 , 幾熱 , 而且時間有限, 我地都無留太耐, 影夠就走了, 本當然 , 臨走都要影一影番酒店既正面 , 外牆天藍 + 奶白色 , 幾靚幾靚 ~~~

之後我地就住酒店樂園專車去迪迪尼 ,
感覺上 d 酒店同樂園都唔算好近 , 坐車都好似要坐好一陣子先來到樂園
我地終於來到樂園大門口了 !~
記得好耐之前 , 覺得樂園好貴好遠好浪漫 , 所以他朝一日, 一定要同鐘意既人一齊來迪迪尼 , 另一半去過未控制唔到 , 但好想去迪迪尼既第一次, 係同鐘意既人一齊去 ~
今日, 終於同豬仔來了 ! 雖然依家都係覺得樂園好貴 , 但 同豬仔去, 值得的 ! 好好好開心 , 好 sweet sweet 呢 :D !~~~

樂園既大門口比我想像中簡單 , 我以為好宏偉/ 華麗的 ^^" 依家似一個大閘多 D ~
門口仲掛多左個聖誕既飾物 , 看來樂園都就快佈置聖誕了 , 聖誕來應該更有氣氛 !
我今日既目標 : 一見到 D 迪迪尼工作人員, 就叫佢同我地 影相相 :D !~

一入到去 , 首先見到既係 火車站 , 一個環繞住樂園行既火車
其實架火車都幾得意 , 都未坐過無車窗, 咁開揚既火車, 好似去左兒童王國咁 !~
不過今次唔搭住 , 玩左 D 遊戲, 睇下有咩睇, 下次再搭過 ~


第一個主題係 "美國小鎮大街" ,
都仿仿地美 , 路兩旁既建築物都整得有D 心思既 , 仲有兩架雙層古董車俾人坐住遊覽呢個小鎮大街 , 不過我地都係心急, 今次唔坐住, 下次再坐過 !
經過唔同既舖頭仔 , 其中一間叫 "水晶藝術廊" , 我咁岩見到佢既櫥窗賣透明玻璃杯 , 其中一隻, 仲係 阿 POOH 呢 ~ 即刻行入去睇 , 都見到 D 心水喎 , 臨走時再買過 ! 記得好歡喜咁行出呢間舖頭時 , 同豬仔講 , 一陣再去呢間買過, 而且呢間我地全年証有折耶, 不過唔知豬仔有冇聽到呢...
"小鎮大街" 既盡頭 , 就係睡公主城堡+廣場 , wo~~~~ 我見到城堡了 !~~~
見過日本既城池+城堡 , 咁西方既城堡都係第一次親眼見 XD 雖然唔係住人既真城堡, 但都好靚靚 ~


行完呢個 "小鎮大街"" , 就來到 "明日世界"
聽個名都幾科幻既 , 想玩既都玩曬 , 例如 :
1. 一d 都唔驚, 淨係轉來轉去丶上上落落既 "太空飛碟" , 左右兩邊有粒掣 , 咁左會有d 聲響 , 中間又有掣可以俾人飛上飛落咁 , 轉得唔快 , 所以唔驚的 ~
2. "飛越太空山" , 聽個名真係幾驚, 未去迪迪尼前0係屋企睇到係室內過山車, 個人都定 d , 起碼唔會飛出半空, 跌入大海 , 但到真係玩時 , 唔知前面會點 , 所以都好驚 ! 尤其感覺到架過山車慢慢上緊時 , 就更超級驚 , 驚佢一陣會衝到好低好低好低 , 嘿 , 博命咁嗌 , 可以既話我估周圍既人會打我幾巴 ^^" 都幾好玩, 左左右右咁衝得好快 , 隻 "冠軍指環" 郁來郁去 , 幾驚佢又會飛落太空山 !
玩完都幾開心 , 因為原來唔係好驚的~ 個膽又番來了~~~ 全日我地仲玩左兩次添, 都值得推介既 !~
3. 馳車天地 , 呢個應該係樂園岩岩落成時無, 後加的 , 因為佢個跑道0係樂園火車路軌外面... 入正題, 呢個我原本以為係有條跑道然後 d 車俾人任揸 , 但行近 d 望望 , 有路軌的 , 扣曬分 , 即係唔駛自己開都會郁 , & 無得轉左就轉左 , 轉右就轉右 , 無得鬥快啦 ...... 到真係坐落玩時 , 原來都無我諗得咁差既 , 自己唔踩真係唔會郁的 , 都算係自己開車既 , 不過嫌同前後既車相隔太短 , & 點揸都係0係路軌內 , 變左無咁好玩 , 不過都 ok 仔既
4. "巴斯光年星際歷險" : 都幾好玩喎!~ 本來以為會好驚險 , 以為又係會飛上飛落果d , 不過原來唔係的 .... 但我覺得都好好玩, 次次都可以唔同分 , 可以同渠豬比賽呢 !~ 我第一次玩時 , 高分過豬仔嫁 ! 不知幾令人鼓舞 ! 點知第二次玩時 , 俾豬仔超越了 , 唔制啊 !
"明日世界"既遊戲大致上玩得 7 7 8 8 , 只淨下 "幸會史迪仔", "UFO 地帶" , 睇下下次有冇機會玩啦 ~
呢個 "明日世界" 都有 "與迪士尼朋友見面" , 呢度有 全副武裝既巴斯光年 ! 我地仲同巴斯光年影左幾張渠渠相 XD ~ 都影得幾靚~~~
其實玩左一半時, 見時間都差唔多, 我地就去左呢個主題區其中一間快餐店 "火箭餐廳" 食晏仔, 一人叫左一個餐 , 佢叫左黑椒豬扒包, 我就叫左燒汁雞扒包 , =3= 豬仔個豬扒包好味過我果個好多, 不過真係估唔到 D 雞肉咁硬 ^^"
平日去迪迪尼真係唔錯! 呢個明日世界好多遊戲都唔駛點排隊 , 玩多好多野 , D 時間好用左 , e.g. 第一次玩那個飛越太空山時 , 根本唔駛排隊 , 一行入去即刻玩得 , 真係唔錯 ! 抵讚 ! ~


之後我地又轉戰另一主題區 -- "幻想世界" ! 一個感覺好童真, 好粉紅, 好靚靚, & 我覺得係最浪漫既主題區 ~
我地第一時間去佢最新既 "小小世界" ~ 前排電視成日宣傳 , 講到好似好靚喎果度 !
果個 "小小世界" 果然名不虛傳 , 真係幾靚喎 !~ 佢成座建築物都好粉, 粉紅粉紫 ... 成座既外形整得好認真 , 好得意 , 拍得住睡公主城堡嫁 !
& 我相信 d 小朋友會覺得 小小世界會 靚過 睡公主城堡 !
入面一樣係好繽紛, 好歡樂 , 小小世界原來係每十個八個人坐住 d 船仔 , 然後穿越唔同既 "小小國家" , 亞洲非洲美洲 ... 每個"小小國家" 裡面 , 有好多公仔着左好多好得意既衫仔 , 一齊唱住唔同版本既 "世界真細小" , 一齊跳舞 , 雖然唔知 d 歌仔唱緊咩 , 但都好歡樂 ~
坐船仔0係 d 真既水上面前進 , 呢樣真係幾特別 , 好童真 , 幫呢個小小世界加左好多分 , 同呢度好配合 !~
不過呢個小小世界真係唔大, 好迷你的 , 真可惜 !
睇完 "小小世界" , 就行去睇其他野 ,
首先, 見到咖啡杯 -- "瘋帽子旋轉杯" , 個名聽落好怪, 諗呢個名既人真係唔掂當...
印象中係第一次玩咖啡杯 , 細細過阿媽唔鐘意玩無得玩 (基本上阿媽唔鐘意玩機動遊戲) , 大大地又無乜機會玩 ,
都幾好玩, 無阿媽講得咁悶, 個杯中間有個呔盤 , 可以 "不斷轉動杯中間既呔盤，就會感受到強烈既離心力" , 所以都幾得意, 次次都可以有唔同離心力 , 係快左D 唧 ~
P.S.: 不過我地差d 同一個嬸嬸坐埋同一個咖啡杯, 真係好險 ! 係就破壞曬成個環境同氣氛了 , 諗起都毛管棟,同一個完全唔識既阿嬸一齊玩咖啡杯........
玩完咖啡杯 , 我地就奔入一個花園, 因為見到 ... 肥 pooh ! 呢個花園係叫 "夢想花園" ,
入面有好多迪迪尼朋友 , 我地當然唔執輸啦 , 齊齊排隊, 好彩每條隊都唔算好長唧 ~
"夢想花園" 既迪迪尼朋友有米妮, 阿 POOH , 米奇, 高飛 , 仲有兩隻松鼠, 不過無同佢地影
嘿, 我地終於同人咁高既阿 POOH 有合照了 !~ 真 POOH 靚過上鏡!
出花園時 , 斜斜地又望到 "阿 POOH" --- "小熊維尼歷險之旅"
又係排小小隊就玩得 , 呢個係好似帶 D 人進入童話書中, 感受小熊維尼既世界
我地坐0係 "蜜糖瓶" 樣既列車, 一路望住左右兩邊既小熊維尼佈景 ,
嘿 , 雖然唔知講緊咩 , 不過都幾得意 ! 仲無啦啦又俾人影左渠相添 ! 估唔到0係果個位會影快相
不過就一 D 都唔驚, 一 D 都唔歷險的 , 如果諗住入去飛上飛落既人應該會好失望 , 好彩 D 好危險既我都怕怕既唧 ~~~
之後就去左 "米奇幻想曲" "米奇幻想曲" , 一間 4D 影院 , 其實 3D 同4D 差 d 咩呢, 我都唔係好記得 , 感覺上 d 4D 野都會戴番個眼鏡睇, 所以呢個都唔例外
呢個算排左好耐隊 , 可能佢每一場都幾耐下 , 0係排隊時同豬仔影左張 4D 眼鏡相 , 嘿, 都有幾分似未來戰士嫁 !~
都唔差既 (嘿~ 同豬仔睇既, 樣樣都變得唔差了~~~) , 不過又好似豬仔講 , 睇過環球影城果個 4D , 就覺得環球影城果個刺激過呢個 "米奇幻想曲" , 米奇呢個好似唔夠緊湊刺激 , D 畫面都好似唔夠震撼, 相較環球 , 米奇就好似無泡泡 , 相同既有風, 有水 , 張櫈會尬郁 , 不過最特別就係有好似香檳既香味 (雖然我唔知香檳係咩味 ^^")
小總結 : 呢個幻想世界 , 未去 玩/ 睇 / 睇曬 既有: 米奇金獎音樂劇 , 白雪公主許願洞 , 石中神劍 , 灰姑娘旋轉木馬 , 幻想世界火車站 , 小飛象旋轉世界 , 街頭狂歡 , 夢想花園 , 下次去可以考慮考慮


來到最後一個主題區 -- "探險世界"
本來我地無諗住咁快行曬 4個主題區 , 慢慢行住兩三個先, 下次先再行淨低的 ,
點知唔知係咪個樂園唔夠大 , 定係我地飛左 D 遊戲/ 景點無玩無睇 , & 今日係平日 , D 遊戲唔駛排隊 , 所以好快就玩左好多遊戲 , 見仲有 D 時間 , 應該可以玩埋淨低既呢個主題區
第一樣玩既係 " "森林河流之旅"
呢個其實係環球大白鯊既變奏版 , 都係 n 個人坐埋一條船 , 由一個工作人員 "領航" , 一路 "揸船" 一路同我地講解 ..... 呢個唔知係咪講廣東話太親切 , 覺得環球果個講得 "生動" d , 呢個似 hea d ..... 連佢自己臨尾都講 , "...呢次係今日既第幾十次喇..."
呢度就用左大象河馬鱷魚食人魚食人族 , 環球就用大白鯊
但感覺上好似大白鯊刺激少少 , d 道具火好似 大d 勁d !
玩完坐船仔, 我地就行去隔離坐電動版 "木筏" 去湖中間既 "泰山樹屋"
個樹屋 ... 都 ok 仔既 , 好 hea 又唔係 , 都整到三四層樓高, 似模似樣嫁 , 但都唔係靚到嘩嘩聲既
個樹屋基本上將泰山既故事 show 出來 , 由 B B 到大個, 不過個樹屋就細左D , 多人時應該就唔好行了
好彩今日迪迪尼少人 , 都有野睇, 0係有0係樹屋下面影到合影 tim , hehehe~~~
坐番木筏出來, 我地就轉戰去呢個 "探險世界" 另一重點推介 -- "獅子王慶典"
呢個算繼 "米奇幻想曲" 後等得最耐的了 , 都幾多人睇 , 館內既觀眾席分開 4排,
原來呢個 "獅子王慶典" 講緊獅子仔森巴點由細細隻走左出去 , & 之後點番番來, & 重奪番佢個皇位同權力 (類似啦~) , 大鋼同電影一樣 , 不過變左真人版 , 搵番d 賓賓籍人做, 咁都好d , 搵番香港人做, 真係唔敢想像 , 應該僧無乜氣氛 ^^"
個表演都好認真 , 一 d 都唔 hea , 不過最精彩竟然係佢當中穿插既表演節目 -- 空中絲帶舞 同 舞火棒, 真係幾刺激 !
小總結 : 呢個 "探險世界" , 未去 玩/ 睇 / 睇曬 既有: 歷奇噴水池 & 街頭表演 , 不過呢兩個真係唔多吸引 . . .

睇完精彩表演 , 我地又行番去睡公主城堡前面影相相
見依家 5點幾, 仲有d 時間剩, 我地再玩過 "巴斯光年星際歷險" & "飛越太空山" , 呵呵 , 今次玩過山車無咁驚了 ~~~ 可惜玩"巴斯光年" 時, d 分俾豬仔爬曬頭了 ! 佢有 第六級呢, 犀利豬~~~
之後就返去阿 Pooh 精品店買返 D 精品，買左兩枝筆、飲水杯、盒仔同埋 "相架"
六點左右 , 我地又行番去城堡前面, 影夜景版城堡 + 搵靚位等睇煙花 , 今次我地搵左個細花園欄杆前面食住爆谷等, 因為果度有得企, 再前 d 既位置要坐0係地下影
7點終於開始放煙花 !~ 都真係幾得幾靚! 加埋個城堡真係唔同D !
同埋D 煙花離我地好近 , 感覺震撼 D ! 好多人都睇到嘩嘩聲
影左好多煙花相, 不過渠豬部相機影得靚好多 , 我果 D 只係 "偶有佳作" 而已 ^^"
好彩我都唔執輸, 拍番段 video 補數 ~

睇完煙花, 我地就行去 "水晶藝術廊" 買少少紀念品 , 佢果度都有唔貴, 又睇得下既玻璃紀念品既
本來想買隻阿 pooh 玻璃杯 , 不過無貨,
最後揀左隻超迷你玻璃米奇 , 俾錢果時形住形住有d 野, 俾完錢先諗得起 , 係呀, 呢間買野有 9折吖 ! 成個樂園禮品店得呢間同另一間金舖類東東有折 , 實在不容有失 !
咁即刻問番佢全年証係咪有折啦 , 咁就開始 "出事" 喇, 個 staff 面無表情 (定有 d 黑面呢, 唔知呢, 我唔識佢, 唔知佢果個表情代表咩..) , 0係我面前扔番 d 銀仔入收銀機 (呢次我肯定佢係扔銀仔, 因為佢面無表情咁逐個扔, 扔得 d 聲相當清楚+清脆)
不期然心諗 "你唔係扔銀仔咁唔 pro, 咁老套嘛 ...."
扔完銀仔 , 個 staff 繼續面無表情 , 問我拎張全年証 , 面無表情咁拎張紙出來叫我填左佢 , 我填完俾番佢後 ,
佢0係個收銀機前 "面無表情" 咁搞左一陣, "神奇既事" 又出現了 ! 個 staff 個表情唔單止面無表情, 仲好似好 "頂唔順" 咁
不期然又心諗 "你唔係呀嘛 , 依家你搞多少少野 , 退番多少少錢唧 , 個樣唔駛咁頂唔順呀嘛......."
最後 , 果個 staff 個樣真係好似寫住 "頂你唔順" , 同隔離個 staff 交低幾句 , 竟然一支箭行開左 !
不期然再心諗 "唔係吖嘛, 我自問無大吵大鬧, 無咩好過分既要求, 無誅多要求吖 , 駛唔駛咁既表情, 駛唔駛行開吖, 好似我做左 d 十惡不赦既事咁 ..."
其實我都有 d 委屈啊 , 佢一開始見我係香港人, 收錢時又唔問下有冇全年証喎 , 依家間間舖頭一收錢已經問有冇會員咭, 有冇易賞錢咭, 有冇咩咩咩咭果類啦 , 咁就算我真係俾遲左 , 都唔駛咁既表情嘛 , 我唔介意佢收左工之後同人 "sung" (雖然我唔覺得呢件係咩大事), 基本上個個收工都有野要抒發下既, 但唔駛全程都面無表情嘛
& 0係我後面都無人排隊俾錢 , 佢做多少少野無對其他顧客造成不便吖,
& & 我都唔介意佢番入休息室踢 locker , 撼牆 , 但唔駛0係個客面前扔銀仔嘛 ...... 真係好唔禮貌囉, 呢 d 絕對唔係做服務業應有既行為 . . .
(p.s.: 如果佢因為呢d 小事都已經要黑面扔銀仔 , 咁我或者其他服務業人士咪日日都要跑山打沙包來抒發情緒?)
可惜渠豬0係離開呢間舖頭時只係怪我做咩一開始唔拎張証出來 , 要人地做多咁多野 . . . 咁就產生左 d 小拗叫 喇

之後我地就去沖曬店曬返今日 Staff 同我地影個 D 相，都曬左兩款幾張出來，都 幾靚靚。如是者就坐 ShuttleBus 離開迪迪尼去 hollywood hotel 拎行李

本來都和好如初，但係我坐坐下ShuttleBus , 又突然間諗起, 張 annual pass 唔知有冇俾番我 , 心感不妙咁搵左好耐同諗左好耐，都係無 , 我就話想撘車返去問，最簡單直接了 , 番去搵 , 唔駛口同鼻拗,
不過渠豬就話搵酒店 Staff 幫手，最後當然印返張 Annual Pass 俾我啦。為左呢 d 唔關係既小角色小事嘈，真係好唔抵。
時間關係，就係酒店既 Fast-Food Shop 食埋先走 , 我叫左豬排飯, 佢叫左肉醬意粉


雖說樂園細細地 , 但都 ok 仔既 !~ 唔駛排隊 d 時間真係好好用 !
0係樂園沖曬既小小世界合照, 真係好靚靚 ! 我好鐘意 : > ~
雖然有小拗叫 , 但我都會跟住渠渠豬, 周圍去的 XD !
下次都要再來迪迪尼 !
下次都要同渠豬照多 D 合照 !~~~