講左好一陣子, 只聞樓梯響既香港迪迪尼甜蜜一天遊 , 終於正式 "上馬" !
豬仔呢個禮拜唔駛上堂, 俾人地休息 + 凖備下星期既實習

終於0係星期二打電話去 book , book 星期三晚迪士尼好萊塢酒店海景景觀客房, 星期三既二人自助晚餐 , & 兩張特惠全年通行証
唏~ 真係有 d 唔實在 , 星期二先打去 book , 星期三就話去了, 真係好快 ! 好期待 !~ 我同佢都係第一次去香港既迪迪尼呢

星期三
因為今日我同豬仔都有野做 , 我要番去聽野, 豬仔要番去傾野 , 所以今日都要搞掂曬 d 野, 成晚上 六點三先可以兵分兩路, 0係香港站會合再一齊過去迪迪尼
我地差唔到 6:50 先去到迪士尼站 , 架迪士尼線既車真係幾特別, 米奇型既車窗, 扶手, 仲有 d 米奇同佢朋友既金像0係車廂度, 唔錯 ~
去到首先都係0係車站附近影相 , 迪士尼個歡迎門牌無乜人行, 影相唔錯~ 影完就行去交通交匯處搭酒店專車, 去我地今日既主角 -- 迪士尼好萊塢酒店 !

好順利咁 check-in, print 番我地既全年通行証 , wo~ 佢既係米妮, 我係唐老鴨~ 仲連住添吖 !~
上房放低行裝 , 就落番去地下 , 7:30pm 凖時抵達米奇廚師餐廳食自助晚餐 (我原本仲以為會早 d 添)
都搵到好多米奇既 "蹤影" 既 ~ 天花板, 碟, 櫈, 牆都有 ~
都有幾多野食, 我食左好多三文魚壽司 , 好好味 XD ~~~ 仲有關東煮, 炒飯, pizza, 薯蓉 , 即煮意粉, 麵, 朱古力噴泉 , 自製雪糕機, 甜品區 etc.
d 味都唔差既 , 一開始時我仲叫左兩三次唔同既侍應幫我地影合照 , 應該總有張好呱 XD ~~~
可能係平日 , 唔算太多人 , 拎野食都唔駛點排隊 , 幾好幾好 ~
食物方面, 曲奇 , 軟糖, 同布甸都整成米奇個形, 幾得意 ~
9 :30pm 交抬 , 餐飲淨係一人叫左一杯檸茶 , 不過真係已經好飽, 豬仔話係件黑森林既威力
都好滿意咁離開呢個米奇餐廳 ~~~

我地無即刻上番房, 0係酒店既園林花園行左陣, 睇下佢 d 設施
0係月光底下, 都唔算太黑 ~ 有個仿美式既游泳池 , 隔離有酒廊, 依家夜晚仲有人游水喎! 唔知 d 池水係熱定凍呢 ! 再行仲見到有古董老爺車 , "hollywood hotel" 大大塊牌同一架長長既房車, 不過見凍凍地, 就快快手入番酒店, 臨上房之前 , 我地0係禮品部都行左個圈, 有 d 禮品都幾別致既 , 我地有目標了 !~

上到房, 當然係狂影相啦 , 間房都幾靚 , 係個海景呃人 d 唧 , 得 9點多至11點多既方向望到海 , 咁就叫海景景觀客房 ...
都好乾淨 , 都有 d 米奇嘜頭, 雖然唔多 , 床頭有好大既米奇米妮相 , 浴室有米奇既浴簾, 仲有兩支水提供, 好似幾貼心 !


第日如果可以早 d check-in, 早 d 享受下間房就更好了 ~~~
多謝豬仔可以抽時間出來去迪迪尼一齊玩 : >

旅行完左好耐 , 始終都要回歸平日繁複既生活 ...

當日旅行一番來, 就收到工作既電話, 話可以番住 TUNS 先 , 幾經辛苦同勇氣, 先可以放多一個禮拜 , 真係又急又快 , 早知唔聽電話扮唔知 ! .......
又有 D 野呷 , 做 TUNS 時 , 真係好麻煩 , 次次 request 一個禮拜 兩個 O 都唔成功 ! 次次都問番我 , 果日番工得唔得 ... 仲以為我呢 d part-time 應該可以0係番工既日數有選擇既自由添, 都無自由既 , 好幾次都唔成功 , 真激氣, 梗係有野做先 request 的嘛 !

我依家已經係 RN 了, 其實正式既 RN 都做左個幾月 ,
仲未慣, 好似成日都有好多甩甩漏漏, 成日要人幫手咁... 而且仲有好多野都唔識 , 真醜醜
工作上希望呢, 我可以越來越上軌道啦 , 越來越多野我識做+熟啦 , 我希望0係我負責範圍內既野可以一腳踢, 唔駛人地幫手 , 次次人地幫學唔到野 , & 幫唔到永遠的, 我明白如果依家唔學識, 第日會仲俾人話得犀利 , 受苦既都係自己
P.S.: 不過日日做 "大佬" , 都死好多腦細胞, 好多野記呢


至於豬仔呢, 都繼續自己既步伐 , 今年開始左佢 full time 教育文憑 , 每個禮拜都有好幾日要晨早去上堂, 真係好遠, 辛苦豬仔了
依家就來又要到實習既時間, 番LMC呢, 好好彩吖, 起碼多D 人識, 多D 幫手, 多D 支援吖
而且豬仔番埋畫畫班 , 我都明有一定難度, 話曬之前無畫咁耐, 不過就好似人地無做野好耐果D 咁, 叫佢地做番野一開始都好似會攞佢地命咁耶 , & 又好似我呢 D 無做過野既人, 依家岩岩開始做野 , 日日都好似番去受苦吖 ..... 都唔驚既, 忍忍忍, 識埋畫畫就如虎添翼, 無有怕了
一直都支持呢個理念, 有努力既人 , 點都有 D 收穫既 , 無論係大係小 , 亦無論呢個收穫係咪我一直想要既方式
可以通去目標既道路, 辛苦 D D 都值得既

P.S.: 今次無得同豬仔一齊上畫畫班, 唔抵吖, 希望下一次, 下一個畫畫班種得啦


希望我地都唔好氣餒, 繼續努力 , 繼續向前 !

~~ 旅行補記 ‧ 後記 ~~


來個 "向心底話出發"
估唔到, 自己真係去左日本 , 個人覺得自己諗既野好簡單, 0係中學時期, 幻想自己第日係做野, 儲夠錢就唔撈, 收拾行裝就自己一個去旅行 , 玩夠, 又番來做野, 循環又循環 , 自己依家諗番都幾搞笑, 字都唔識多隻就話周圍去, 真係俾人食左都未天光 ...
又話說, 以前聽到人地去日本旅行, 總覺得人地好 "犀利" , 好 "富貴" , 因為日本0係我一直以來既眼中, 好 "遙不可及" & "高高在上" 的 , 但今次, 真係有機會去, 仲一去可以去 12日, 真係好難得 , 我相信第日都好難有咁既機會, 去一次旅行可以去到咁多日, (早知再去耐 D , 再睇多 D 野添啦 !~) 多謝曬豬仔 : > !

日本真係好靚, 舊既有舊既靚, d 古跡 e.g. 寺吖, 城吖, 全部都好古色古香, 一望就感受到日本既味道, 企0係大坂城前面, 簡直唔敢相信, 我竟然可以親眼見到好耐好耐之前, 確確實實出現過的城池, 城堡, 我好似可以親身感受一段歷史咁 !
新既又有佢既特色, d 新建既觀光塔, 佢既設計別處見唔到, 踏上觀光塔後, 望出去所有的景色, 矮矮既屋子, 密密麻麻既地市, 間中慢慢地穿梭城市既鐵路, 精心設計既大橋, 好大好藍既天空, 這一切全部都屬於日本這個地方的.
而且真係好乾淨, 垃圾埇雖然唔多, 但都唔見 d 垃圾周圍扔, 抵讚抵讚 !
仲有, 都幾太平 , 我地十幾日裡面, 其實都行左好多路 , 當中不乏一d 小路橫街 , 夜晚時都行過唔少路, 而且, 我呢個衰衰, 拉開拉鍊拎野後, 都由得佢開住, 方便下次再拎, 又好多時, 個銀包都放0係袋前面果格, 有時都無拉拉鍊, 好幸運咩事都無 ^^”

酒店呢~ 講特式既始終都係大阪既大和屋本店 , 和室喎 ! 就算第二度有得住, 都唔係果回事 , 係要0係日本住既和室先有果種味道 !~ 如果大和屋睇落更乾淨就更好喇~ 和室真係好得意 ! 盞燈又得意, 窗又得意, 訓既地方都好得意... 第日同豬仔來日本, 我都要住和室, 日日住都得 !~~~
其他酒店呢, 富士屋就好似豬仔講咁樣, 其他酒店差唔多, 無咩特別, 無咩特別出色既地方, 不過, 都唔係話差既~
Kyoto Garden Hotel 就樣樣都做得幾好~ 可能京都呢個地方本身已經加左唔少分 ~ 同埋 D 野好似新D 乾淨 D 咁 , 間酒店既外觀都靚靚地, 有設計過下, 唔 hea 的 !~
而殿堂級既 Hotel Nikko Kansai Airport , 當然係五星級既享受啦, 窗外係望唔到樓, 淨係有一大個天空既景觀 , 房內 .... 佈置得好悠閒 ~~~ 亦都好靚靚 ! 尤其個厠所, 真係好 "華麗" !

有樣野好想講 , 我真係好驚, 自己會忘記, 呢十二日入面既畫面 。。。
平時成日都跌呢樣漏果樣, 真係好驚... 希望每次望到 d 相 , 都諗番起所有畫面


好 ! 我又跟豬仔一樣, 逐日都講少少總結先 ~



今次我可以去到日本感受每一處美麗既地方, 真係好多謝豬仔 , 係佢好出力上網搵資料 , book 酒店 , 度行程 , 抽時間
可以同豬仔一齊行, 行路都行得好開心,吃齋蛋烏冬吃得好開心, 吃杯麵吃得好開心, 飲水飲得好開心, 曬太陽曬得好開心, 熱都熱得好開心 !

下次都可以再去京都大阪 , 唔同季節去應該又有另一番體會的 !
同埋下次去一定要同豬仔影多 d 合照 , 今次單人都有好多, 但合照就仲未夠吖 !~~~ 影多 d 合照第日可以拎番出來笑下 ~
希望下次我可以生性 d , 唔好同豬仔有嘈交既時候 , 希望我地會床頭打交床尾和番 , 希望我地會珍惜一齊時既每分每秒 , 希望以後豬仔都帶埋我去旅行
雖然旅行時成日都總有 d d 野會 "爭論" , 但我都好鐘意 丶 好想同豬仔一齊去旅行

好喜歡同豬仔一齊去看 , 去感受的日本 !
下次都要同豬仔一齊去旅行 !
再一次 , 感謝豬仔 。

~~ 旅行補記 ‧ 18- 7- 2008 (五) Day 12 ~~
超唔捨得豬仔 之 "終於 ‧ 終於"


今日, 真係真係, 最後一日了 。
今朝, 終於 6點幾起到身了 , 終於, 7點, 我地 pack 好曬行李, 出現0係油店大堂 check -out
終於, 我地拎番我地既老本 9000円 , 離開呢間咁靚既酒店 , 開始我地臨上機前緊湊既朝早

首先, 0係 4樓去 JAL 櫃位放低 d行李先
0係 4樓, 再買左d 4樓獨有手信 -- 貓貓不倒翁 , 京都圖案水晶 (我印象中明明係佢都話幾靚幾特別, 所以 x2 , 豬仔就話淨係買左 1舊)

之後再食早餐 。 我地又由機場頂層 4樓掃落去, 睇唔岩, 最後都係行番落 2樓 .... 食 麥仔早餐 !
早晨套餐的款式都係同香港的差唔多, 我地叫左兩份熱香餅餐
本來每份一塊薯餅, 不過唔知係咪 Counter 個位 Staff 放個薯餅放得唔好，行返去位既期間跌左塊落地下, 無得食 . . .
好無奈咁捧住少左塊薯餅既餐番埋位 , 朝早既麥仔都多人喎, 仲有人一早就起身食煙添 , 我地同位嬸嬸一齊坐
神奇既事發生了 !
我地座位既隔離, 放左個食物牌, 可能係繁忙時間 , d 食物唔齊, 有d 人要用個牌等野食
咁個經理無啦啦行過來, 講左幾句日文 (當然唔知佢講咩啦!) , 就飛快拎個牌走
過左一陣, 再拎左兩塊薯餅來 !
估唔到條式係 2 -1 +2 => 3 !
我地無啦啦做左 塞翁 ! 多謝曬經理既心意~

食完早餐, 我地就再由底行番上去, 未上前 , 當然搵番尋日見到果部貼紙相機影番張貼紙相囉 ~ 揀左 my melody 做背景 ~
總共有 6張貼紙相了 !~ 不過好渠啊 , 有 4張都無我最鐘意既閃閃既 , 次次都以為部機有, 點知曬左出來, 又係無, 真激氣 !~
終於, 呢張係今次0係日本既最後一張 貼紙相 了 =3=

我地之後再轉上 3樓 , 我地決定洗曬剩低既錢去 , 大部分既戰利品--菓子手信, 都係0係 2& 3樓買既
每買一樣, 就計一計剩番幾多, 最好就計到岩岩好洗曬, 唔係剩番幾百円都唔知點處置佢地好
0係我既精明計算下, 真係買到差唔多岩岩好 , 買左蛋糕 , 牛奶丶朱古力夾心餅, 蕨餅, 雜錦菓子, 貓貓朱古力夾心餅 ...

7點幾到依家, 唔經唔覺, 咁就洗左 8千幾円, 真係好犀利! 買曬野, 就番番上 4樓, 凖備入閘
終於, 我地 入閘了 ...

入閘後, 都見到 D 免稅店賣緊 D 菓子, 有D 都係出面見過的, 真係平D , 真係免稅喎 !
未入閘前, 都有諗過, 好唔好入左閘先買手信呢, 呢D 全部免稅喎 .... 不過唔知 D 免稅店幾時開門, & 有冇我地想買既野, 所以都係作罷, 0係外面買曬算
無乜特別野搞, 好快就去到候機室, 時間尚早, 坐低 Hea 下 , 都係睇下 D 貼紙相, 影下相

上機既時間轉眼就到
12日前, 帶住興奮期待既心情來日本關西
12後既今日 , 除左唔捨得 , 都係 唔捨得
無得黐住豬仔周圍去, 周圍睇野影相傾計
無得一早起身, 到訓覺前, 都同豬仔一齊度過, 有問題就一齊解決
無得同豬仔一齊過生活了 =3=
0係日本, 都係同豬仔一齊, 由朝到晚發生既所有野都一齊面對, 有開心野就一齊笑, 有煩野就一齊煩, 條路都係一齊行, "一齊過生活" 既感覺好強烈 ,
但0係香港, 心煩有事忙時, 唔會出來見面, 有開心既事, 未必即刻就話到俾佢知 , 有唔開心既野, 到佢知道時, 可能已經唔係最唔開心既時候了 , "一齊過生活既感覺", 好似慢了幾拍

0係機上, 都係訓下覺仔, 無幾耐就食下飛機餐，今次 JAL 二揀一餐係揀左漢堡扒餐
JAL D 飛機餐都OK 仔既, 唔難食, 仲有甜品 -- 有塊細 2008北京奧運既白朱力牌仔既檸檬味芝士蛋糕仔

番到香港了, 唉 。。。
果時十二點幾成一點, 回歸原點, 去返 12 日前食「出發 Lunch」既無良精品既「恆香棧」吃
一人叫左一個餐
好慢好慢咁吃完呢個餐, 就同豬仔一齊搭 A10回家
一落機, 大家又做番 12日前既自己咁, 聽番曬D 電話, 留言, 跟番之前既步伐進度, 感覺怪怪的, 好似個旅行無發生過咁, 有D 唔開心 =3=


12日 11晚既日本關西之旅, 終於要結束了 , 多謝豬仔既照顧同愛護, 多謝 。

~~ 旅行補記 ‧ 17- 7- 2008 (四) Day 11 ~~
二千円用大半日之旅

今日係0係大阪既最後一日了 , 真係唔捨得 , 每日都想個時間停頓 , 或者行慢d , 或者一日有幾千幾萬個鐘 , 可惜時間都係一分一秒咁過, 其實最唔想就係訓覺了, 一覺訓醒又第二日 。。。

今朝起身, 諗住飲尋日買既 Coffee Milk , 我地放左入 雪櫃 , 因為我地研究過 , 個雪櫃雖然貼住會鎖櫃門 , 但我地呢 3幾日 9點左右起曬身時, 個櫃門都打得開的 , 所以可能係好早時會鎖, 到 d 阿嬸清潔時, 對櫃門又會解番d 鎖, 方便點點數+整理
p.s.: & 佢個雪櫃好高科技嫁喎 ! 雪櫃入面 d 飲品全部都要計錢 , & 放飲品既位駁曬電線 , 就算 d 人手痕拎罐野出來再放番原位 , 佢都會知, 感應到, 一樣要計番錢 , 放番原位都無用 !

咁我地今朝想打開雪櫃時發覺 , 個櫃門打唔開 ! ! ! 今日既櫃門竟然打唔開 ! 呢 3日相同時間都打得開既櫃門, 今日竟然打唔開 !
真係晴天霹靂 , 試左幾次都失敗 , 又夠時間走, 唯有執野走啦
正凖備走時 , 豬仔突然間話好似聽到d 聲 ! 戰戰兢兢咁再試下開櫃門 .... 得左 !
原來頭先豬仔聽到個櫃門打鎖聲 , 勁勁豬 !~
我地當然飲埋先出發啦 , 我地早餐有野飲了 ~~~
Check-Out 了 Check-Out 了 . . . 再見了 , 我地一齊住過既大和屋 。。。

基本上我地今日既主題係買手信 , 今日係手信日 !
首先, 我地搭地鐵去 "松屋町" 站買手信 , 呢度係閃咭書推介 , 呢度有好多開左好耐既零食玩具店的
根住閃咭書 , 第一站係去 "大渠頭" UHA 糖果店 , 香港都有佢 D 糖賣, 不過呢度據說係 UHA 糖總部 , 係最多 UHA 糖既集中地 , 所以去睇睇+買買手信
去到果層 ..... 絕對無我地諗得咁大 , 同平時 D 優之良品咁上下大 , 佢地既糖果有得試食 , 試食過後, d 牛奶糖都幾好味 , 我地都買左好幾包糖做手信 ! 間店既一部分, 係 cafe 來 , 不過由於時間尚早，未開 , 所以我地都離開了。

我地就繼續行呢條 "零食玩具街" , 入過好幾間玩具店睇 , 佢地有d 有得批發/ 零售, 我地買左 兩盒公仔, 一 pack 阿pooh 貼紙 , 螢光捧 , 金粉筆
見到好多懷舊玩具 , e.g. 黏黏膠公仔, 吹氣公仔, 不過買來唔知做咩, 所以都無買
我地又去左 "森本商店" 買零食 , 果度有好多大包大包既糖果買 , 好抵的 , 豬仔推介 : 綠茶朱古力 !

見都差唔多時間 , 我地就拎住大包細包搭地鐵番去道頓堀 , 行一行我地成日話去, 但都仲未去既 黑門市場
去黑門市場 , 其實主要係我地之前計好左 , 早上就去松屋町 , 中午就番去黑門市場食午餐 , 之後就搭地鐵去機場
中午既黑門市場 , 都唔算太多人 , 呢度類似街市 , 有魚檔、肉檔、菜檔丶雜貨店丶食店丶菓子店丶藥房仔 etc.
我地經過 d 藥房仔時 , 都有特登行入去望望 , 平時有用既 "無比膏" 聲稱 日本製 嘛 , 咁照計0係日本可以見到佢既蹤跡 ..... 吖... 我地0係日本都搵過好幾間藥房 , 但都竟然搵唔到 "無比膏" ! 真係好神奇 ! 連 "雙飛人藥水" 都無

我地行左個圈 , 其中見到一間菓子專賣店 "三都屋" , 佢有0係台灣 "五角船板" 食過丶超好味既 蕨餅 !
停0係度睇左陣 , 都有d 興趣 , 個賣相都 OK , 諗住睇下佢幾時到期 , 見個面頭無印, 就反射性倒轉個盒睇下 , 多數都有個日期貼0係底嘛 ,
就0係果時 , 發生事幹了 ! 我呢個咁 "直率" 既表現 , 令呢盒軟林林既粉糰 , 0係盒入面碌來碌去 , 亂曬 ! 佢隨盒附送既叉仔仲跌埋落地 ...... 唉 ! 我真係好 "笨" 噢 !
我果時唔 Gur , 應該都係為左自己既笨到死而嬲嬲了 , 人地唔係有心的 , 只係好自然咁番轉想睇日期 , 但又諗唔到佢會郁的 ....... 我真係笨仔 =3=
豬仔好不屑我既行為 . . . 人地唔係有心的 =3=

行下行下 , 就行到去閃咭書推介 --> "あそこ" , 手打烏冬專門店
又唔知係咪時間太晏 (其實只係中午十二點左右) , 一入到去, 無客仔的 ^^"
叫左兩個咖哩烏冬 , 睇住佢即場整咖哩烏冬 , d 汁好濃好"潔" , 都好似係第一次見咁"潔"既湯底 , "潔"到好似唓喱咁! 不過我都無所謂既 , 濃唔濃我都岩的 ~ 最緊要好味 !
自己就好少食 d 辣野 , 覺得佢都幾辣 , 我地係咁飲水 !~
個老闆兼師傅都幾好人啊 , 睇我地似遊客 , 重主動幫我地影相，真係唔錯。 呵~ 我地又有合照 : > ~
唏唏~ 食完我地行第二條路番出去 , 唔經過果間俾我 "食碗面反碗底" 既蕨餅店 ... 好瘀 ^^"

之後我地就行番去道頓堀買手信 , 其實目標只係 Glica 專門店 , 行 "極樂商店街" 果日已經行過 Glica 專門店 , 睇過有咩買 , 不過果時費事咁早買, 怕重怕壓爛 , 所以先等依家真係離開道頓堀時先買 ...
中午既 Glica 專門店 , 係少人d , 間舖其實唔大, 未去之前以為果度好大 , 有幾層添 ^^"
逛左幾個圈 , 睇到除左有 D 比較 glica 限定 外 , 其他的0係其他商舖都買到 ..... 終於揀到幾盒 , 不過俾錢時呢間店好環保, 淨係俾一個紙袋我地, 要問先有, 唔夠賓至如歸

一袋二袋咁番酒店拎行李 , 臨走0係酒店買左盒 "大阪燒" 樣既餅做手信, 雖然細細盒, 但睇個樣都幾得意嫁 , 似 "大阪名物" 喎 , 好有代表性的 , 而且仲比較少見 , 值得買 !~
將大包細包放番入行李, 我地終於拖住 D 行李離開大阪了
前幾日唔捨得完個京都, 依家又要 唔捨得 大阪了 , 話曬我同豬仔都係大阪過左咁多日, 好多美好回憶的

我地搭番電鐵去關西空港機場 , 依家只係晏畫, 我地唔係搭飛機走 , 而係早D 去我地整個旅程最後一晚丶亦都係最貴一晚既酒店 check-in
之前咁多晚 , 3間酒店 , 每晚大約都係 7千円 (全靠豬仔既努力!~) , 但呢個第四間 , 五星級既 premium , 住一晚就要 21000 円 , 好犀利 !

我地 ~ 3:00 pm 去到 "Hotel Nikko Kansai Airport" , 其實就係機場隔離 , wo~ 遠遠望去, 超靚 !
不過無乜點影相, 做左正事先 , 我地0係酒店大堂 check-in , 五星果然五星 , 個大堂係瑰麗 d !
但 check-in 時, 就有事發生了 ! 佢雖然可以網上預訂, 但唔接受 Credit Card 預先找數, 所以我地就預番 d 錢俾酒店
一 check-in , 佢問俾 cash 定 credit card , 咁諗左陣, 我地仲有cash 嘛 , 所以就話俾 cash, 但之後佢就話要收 Deposit ，仲要收 9000 円 Deposit，即場呆曬 , 個腦好似有 d 野塞住, 轉唔到, 因為我地之前計過, 俾完 Check-In 個 21000 円後, 大約剩番 一萬円左右洗用 , 依家無啦啦無左 30000 , 屈指一算 ... 應該所剩無幾 ........ 今日餘下既日子點過好呢 .............
果刻已經騎虎難下, 無理由聽完佢話要俾 deposit , 就話要轉 credit card 嘛, 好瘀仔的, 唯有繼續硬着頭皮俾錢 。。。

仲係有D 呆咁同豬仔 & 接待員一齊上房, 一路行腦海都係飄浮住 "究竟剩番幾多錢呢 ? ..... 點算好呢? ...... "
一開 Room 8017 房門 , wo~~~ 雖然無我諗得咁大 (p.s.: 嘿~ 我以為好大的 ^^") , 但一樣咁靚 ! ~~~
間房 好新 丶 好乾淨 丶好雅致丶 好舒服 丶好五星級的家 !
有 LCD 電視丶射燈丶座抬燈丶白色透光的窗簾丶大窗丶窗邊抬仔丶窗邊沙發丶木製榢俱丶典雅擺設丶豪華裝飾既厠所 etc.

視覺享受夠後, 0係郁唔到 d 榢俱丶擺設既情況下, 整理下我地既行李 , 同時, 我亦都認真計計我地究竟剩番幾多 "碎銀" . . . . 得番 21xx 円 ! ! ! 天啊 !
開頭搭車來機場時諗住 check-in 放低行李後再搭車去「りんくうタウン」，即係機場附近既 Outlet Mall, 類似香港既東薈城 , 行下睇下 Agnes B etc. ， 聞說幾平 ....
但係依家得返 2000 円左右。 if 真係搭車去 りんくうタウン , 每程車錢每位 百幾円， 兩位來回車費後剩番 千幾円 , 去到果度都唔知有咩可以做到買到+食到 .....
由於去到 りんくうタウン 唔係買到食唔到 , 就係食到買唔到 , 所以最後都係決定唔去 りんくうタウン 。

咁唔去 りんくうタウン , 都總要食, 要行逛, 總不能就咁坐到聽朝咁嘥嘛
所以決定轉戰機場 ! 香港既機場都唔淨係有飛機, 仲有d 餐廳, 快餐店, 商店等 , 日本呢個關西空港機場應該都有類似既野 , 應該可以搵到食, 有d 野行既 !
決定左之後 , 我地就出去行下, 睇下有冇咩舖頭, 順手睇埋今晚食邊間 ,
首先, 我地0係酒店果座既食店睇睇 , 睇下有冇 D 岩我地食 (口味同價錢上) .... 噢 ... 一係太貴, 一係太頹, 唔岩食
好, 唯有將期望放0係機場店舖上
嘿~ 希望番來了 ! 我地計過, 7點 check-out 後, 可以拎番果 9000円, 如果機場 D 店早開門既, 都仲可以豪洗一番 !
我地由機場既頂層掃落去, wo~ 有好多 JAL 櫃位, 但就唔見香港一哥 "國泰" 蹤影
嘿~ 真係有收穫 , 有 D 手信店開 7:30am ! 亦都有食店開 7am !~ 嘿~ 早餐有着落了~
飛快抄低同影低 d 心水店名同店舖營業時間, 安一安心後 , 就落下一層 , 都有收穫 ,
又睇到其他可以做早餐既食店, 仲搵到我地今晚既着落 ! 豬仔想食蛋包飯 , 呢度都有店專賣蛋包飯的, 其他還有西餐店, 日本料理店 etc. 呢層還有心水手信既舖頭 , 豬仔想0係度買神戶蛋糕 ,

再落下一層, 直頭有 FoodCourt "町家小路" , 入面有拉麵店, 西餐店, 同麥仔 !
我地又多個早餐候選佳麗 -- 麥仔 ~ 同層都有手信專門店, 其實間間賣既野都係差唔多, 係每間手信店都有少少特別 d , 其實店無賣既禮品賣
呢層仲有個驚喜, 就係竟然有貼紙相機, 可以影貼紙相 !~ 好好好岩我 :D !~

好安樂咁行番去酒店 , 抖夠再出來
呢個咁優閒既時間, 就拎番晏晝俾我 "食碗面反碗底" 既 蕨餅 出來試試喇 ~
盒糕既賣相其實都幾靚既, 俾我反碗底後, 都仲有個形0係度, 未至於散曬 ^^"
d 糕切成一粒粒 , 好軟身的 , 一啖放入口 ....... 好好味 ! ! ! ~
可能我地又放左入雪櫃一陣, 所以放入口時, 都涼涼地 , 件糕咬落就軟林林, 但都仲有口感 , 好似咬緊唓喱咁 , 而件糕既面層又加左 d 粉, 全部加埋 , 就係 "好好味" !
真係好好味 , 豬仔試左之後 , 都話好好味 , 我地都食唔停口 !
呵呵~ 好彩我反碗底唧, 如果唔係, 可能唔會0係果間我地唔識既店買呢盒蕨餅 !~~~ 咁就食唔到咁好味既蕨餅了 ! 佢都唔算貴 (比較上), 350円左右, 但論味道, 比起其他大品牌丶pack 得好靚既菓子, 絕不輸蝕, 真係有過之而無不及 !
三都屋 蕨餅 --> 讚 ; 叻叻G --> 讚讚讚 !~

0係房影下窗外既風景, 屋內裝橫擺設, 咁耐以來既戰利品, 就好悠閒咁攤抖下
如果日日都可以同豬仔一齊咁悠閒咁攤抖, 就好了 ~
老來同豬仔一齊咁溫馨悠閒咁生活 , 真係唔錯 , 呵 : > !~~~

見時間都差唔多, 又有d 肚餓仔 , 我地就早d 出去吃晚餐, 咁就可以早D 番來 , 早D 休息
最最最後決定 , 今晚食蛋包飯, 價錢都 OK , 八百幾円 一份, 豬仔單叫左可樂餅蛋包飯 , 我就叫左個精選套餐, 細版茄子蛋包飯配飲品芒果汁
印象中我係第一次食蛋包飯 , 都唔錯 , D 汁都幾好味, 除左茄子, 其他我都食到一粒都無剩的 ~ 豬仔既可樂餅就當然都係好味啦
吃完, 就番去酒店 , 繼續嘆 , 間房真係 "正" , 真係要慢慢嘆, 嘆耐 d
今晚, 仲玩埋專登由聖誕留到依家丶由香港帶來玩既 泡泡 , 真係整得出泡泡的 !~ 嘿~ 好玩~~~

有開心都有唔開心, 今晚係0係日本最後一晚同豬仔一齊過了
明天, 番到香港 , 我地又要繼續我地既生活 , 我地既工作, 我地既忙碌
又要講多次, 唔捨得豬仔 =3=

無論如何, 都一樣咁多謝豬仔 : > ~~~