~~ 旅行補記 ‧ 16- 7- 2008 (三) Day 10 ~~
環球唔見膽毛之旅 。。。


今篇日記有d 特別 , 特別在絕大部分都唔係我寫 , 原因如下 :
1. 時間關係
2. 其實呢個環球片場, 係將好幾齣佢期下好出名既電影 , 製作成一個遊戲 , 拎左好幾個熟悉既電影橋段, 整左d 野出黎俾人睇 / 玩 ,
但我印象中 , 我淨係比較記得大白鯊 , 朱羅紀 ; 少少記得既有 史力加 1 , E.T. ; 其他果 d , 頂多都係知有呢齣戲做過 , 淨係睇過幾幕電影片段/ 卡通版 , e.g. 蜘蛛俠
3. 說實在 , 豬仔確實對呢d 電影了解好多 , 起碼好多齣電影都睇過 , 入去遊時, 好多時都係靠佢講個電影背景 , 唔係既就好似淨係入去玩遊戲咁 , 所以 copy 佢呢日既日記係唔錯的 , 肯定唔會好似我講得咁空泛 , 由我講既 , 我驚我淨係講到, 邊個 "遊戲館" 入面有d 咩 , 玩 d 咩 , 同好唔好玩咁 ....
所以都係由佢講啦~ (不過呢篇日記既最尾, 我都有自己既補充既 ^^" ~)
thx 豬仔 : D


已經進入日本之旅既尾聲，作為壓軸既節目當然有返多少份量啦。今日就去大阪既「Universal Studios」！原本諗住十點鐘開門既時候就到既，結果呢，十點九先去得到 ... 點解遲左呢？無他既，有人鍾意「囡囡」，囡耐左就變成咁。如果可以早多少起身就 Perfect 啦。我地撘鐵路去，都話咁快就去到 Universal City，一入呢個大門口，就展開今日既「淆底之旅」↓



仔細 D 睇，門口有 Snoopy 同 Chalie Brown 既公仔 ↓





行多幾步就見到電影成日出既地球 Logo，實物都幾大下 ↓



入場卷 + 地圖↓



入場後就會見到一個以美國 Style 既大街，就係咁 ↓



先來就去玩這個「Terminator 2 3D」↓



呢個其實算算地係 4D 既，咁一入去既時候，會睇返一 D Terminator 2 既片段，大約係講返係未來既戰事。咁期間有個職員係到搞下氣紛咁啦，不過全程講日文，點識聽呢。OKOK，好快就入去類似劇院既地方。每人戴返副 3D 眼鏡，如是者螢幕同舞台輪流有表演，會見到真人版既未來戰士同敵人，但係又會睇住大隻佬行入 Screen。真人演員會係觀眾附近行來行去，都幾有現場感。真真假假，假假真真就編織出呢個表演。點解我會話算算地 4D 呢？因為臨完結個下，張櫈會跌一跌，個一下真係嚇個凸。同場有小朋友因為咁而喊，哈哈。

擰個頭就去「玩」另一樣，今次就係同外星生物接觸既「ET Adventure」↓



咁呢個都要排少少隊，已經唔算多人。少左 D 人既原因係附近有歌舞表演，但係我地無興趣，所以就去左呢到。呢個 Attraction 比較唔 Attract，個人來說覺得呢個野 Hea Hea 地，係坐係一組五架單車造型既 Ride 上，穿越 ET 既家鄉。基本上無任何刺激，齋坐同睇 ET 佈景。開頭以為臨尾都會跌一跌有 D 刺激，可惜無，失望。

好啦，失望過去就有萬分期待，接下來我地就去玩「The Amazing Adventures of Spider-Man™-The Ride」↓



大家覺唔覺，通常男仔都鍾意 Spiderman，唔知點解呢。真係特別興奮！入去既時候，開頭以為無乜人排隊，點知原來係室內打蛇餅。不過都唔算係「乾排」既，係內裡排隊既四周都有一 D 同 Spiderman 相關既佈置，例如 Peter 打工個間報館，都算係有 D D 野睇啦。最緊要，歎住冷氣排隊，條氣都順好多。言歸正傳，呢個 Attraction 就刺激好多啦。要戴 3D 眼鏡再坐一架佈置成裝甲車既 Ride，咁就係穿梭 Spiderman 同壞人戰鬥既場面，由於係 3D 再加上係 Ride 既關係，彷彿係動畫中既一部份。受電擊、被掟落街、撞車等等都好真實。呢個 Attraction 係十粒星推介！非玩不得！Spiderman 本身係記者，少不免會同大家影返幅相既，可以係出口買返。咁我地當然無買到啦，反而就係 Gift Shop 裡面既貼紙機影左相，D 相影出黎都影得好靚！Mark 低晒邊 D 必買既精品之後就離開了。

之後就去坐呢架車，大家認唔認得係乜野車呢 ↓



唔認得？！咪就係「Back to the Future」架車 ↓



呢個就係室外排隊既，不過好在唔洗排好耐。一開始就去某間房裡聽 Briefing，環境係類似緊急出動著晒紅燈個 D房，博士就透過電視機講故仔。故事好簡單，話說某個壞蛋搶左博士架穿越時空車，作為主角既我地就坐另一部車追佢。咁就係坐係一架佈置成穿越時空車既坐駕，咁穿越時空既時期架車會有煙噴出黎、再加埋 D 閃燈同震動，真係好似穿越時空咁。之後眼前既係一個超巨大天幕式既螢幕，類似太空館個 D。如是者就係不同既場所穿插，例如熔岩洞穴、太空等等。同之前 Spiderman 個 Attraction 有 D 唔同既就係個 Ride 本身唔會有路軌，咁由頭到尾只係架車係咁震、係咁 Fing。如果之前 Spiderman 係十星，呢個都有七星啦。點解？因為呢個有穿崩位，如果將個頭向車外兩邊望，你會見到其餘幾架車一齊陪你 Fing。最重要既係，玩左 Spiderman 先，一比起上黎就覺得爭好遠。

接下來就去去吃 Lunch，去了這間叫做「KWBB」既快餐店 ↓



呢間店唔係特別好食或者特別平，只係個陣時間唔早，大約下午一點半。只係諗住是但搵個地方快快手食完再開始下半場。如果唔係咁，可能會去 Jurassic Park 個邊既 Discovery Restaurant 或者 Snoopy Studios 既 Snoopy's™ Backlot Café，因為佢地都係閃咭書既推介。我解就叫左一 Set 肉醬煙肉漢堡餐，就係咁既樣 ↓



雖然外表樣衰 D，不過唔關間食肆事。因為 D 配料、醬汁係自己加，所以樣衰都係自己搞成。唔好睇佢咁既樣，一個餐都要七十幾蚊港紙，絕對唔平。味道都叫 OK 既，呢類快餐，都好難唔好食既，中規中距啦。食飽之後就去附近行下，大街就係咁既樣 ↓



附近有個廸欣 ... 唔係，係「環礁湖」↓



係湖邊死撐開對眼影左 D 相之後，就有 Parade 睇，係 Snoopy X Hello Kitty。大家可能會問，點解 Universal Studios 有 Hello Kitty 呢，乜唔係唔同公司嗎？的確係唔同公司，不過日本人鍾意 Hello Kitty 既程度是十分瘋狂，所以都不得不加 Hello Kitty 吧。留意下呢隻 Snoopy 既身形有點怪怪地吧 ↓



之後就到左附近既「Animation Celebration Studios」↓



呢到無乜特別，係有 D 唔知玩乜既電子遊戲機比小朋友玩，有 D 公仔比人影下相咁，不過真係無隻識，就例如呢隻 ↓



轉個頭就去到另一個 Attraction，「Shrek's 4-D Adventure™」↓



係呢度排左一陣間就可以入去。情況同 Terminator 個個差唔多，一入去都係睇下 Video 暸解個故事背景先。話說 Shrek 第一集 Ending 咪有個壞既國王比舊石像擲死左，咁佢就變成鬼魂返黎向史力加報復。如是者就發生一連串緊張刺激既旅程。一開始都係要戴上 3D 眼鏡、坐係 4D 既座倚上，這張 4D 既櫈可以噴水、吹熱風、震動等等。咁一路睇就一路感受個種溫和又喜悅既刺激，呢個 Attraction 都值十粒星。如果大家有去過 Disney 都可能會玩過類似既 4D Cinema，其實個硬件係一樣，只係播放既片就米老鼠變成史力加。話分兩頭，除左 Shrek 之外，隔離重有 Sesame Street，不過對佢無乜興趣，所以就離開了。

之後就行去「玩」「Backdraft」，中文名叫「浴火赤子情」。係咪完全無頭緒玩 D 乜呢？大家睇睇官方所寫既介紹 ↓



其實都唔算叫做玩既，只係好似睇人地拍戲咁。裡面有 D 真既特技 Show 比你睇，有火、有爆破、有倒塌，成個真既工廠火災咁。親身先可以感受到個種震憾，係會感受到個鼓熱力、聞得到電油味、倒塌個種嘈音。最尾尾所有特技完晒既時候，遊客企緊個條路會跌一跌，都真係嚇一嚇。講到好似好精彩，其實只係無講到其他悶既部份。整個 Attraction 分開幾個 Section，每個 Section 都講下點樣拍個場戲，呢個時候真係悶到震，個日本職員講既野明 D 唔明 D，真係好難投入。係最尾個 Section 先有 D 值得睇既野咋！

如是者就離開 New York、Hollywood、San Francisco，準備進入 ... ↓



Yo，I'm Coming. 「Jurassic Park -The Ride ®」↓



呢個就比較刺激啦，咁之前係加拿大都玩過一模一樣既野，咁就要坐係個艇上，就會穿越侏羅紀公園內既一 D 場景，當中會見到假到震既機械恐龍，佢地會噴下水整濕下你咁。接近尾聲既時候，個艇就會進入實驗室既部份，由於四周都係黑漆漆，兩旁既假恐龍再加上閃燈，真係好似有恐龍跳過咁，都幾好 Feel！最後 ... 少不免就由上衝落去啦。我地坐係最尾個行，差不多係無濕過。反而最前個幾排既人就濕透。呢個就係 Attraction 個 Setting ↓



再來幾幅連橫圖，大家感唔感受到個種衝擊 ↓



還有其他 Setting，例如架觀光車 ↓



如是者就從這個門口離開 Jurassic Park ↓



輾轉就黎到呢到，大家認唔認得出係邊套戲呢 ↓



認唔出？再睇下，無理由唔知掛 ↓



來到「Amity Village」，少不免要同條大白鯊打交道啦。咁就上左一架觀光艇，艇上就有個職員充當搞氣紛既人。咁架船就會係個「海」航行，期間就有條大白鯊衝出黎衝下船、衝爆下油桶咁。個位職員駕輕就熟咁拎住支 Shotgun 扮射條大白鯊，哈，一定百發百中。最重要既係，個位職員都交足戲。心諗，一日做咁多場都可以 Keep 住咁既態度算唔話得啦。期間有幕噴水好有趣，身後個位大叔比水噴完都照 Keep 返個 Post，超好笑。之後就去左呢間 Gift Shop 買左 D 手信 ↓



唔係講笑，裡面賣既大白鯊 Memo Pad 同 Folder 都好 Stylish，可惜返到香港既時候，我個 Folder 比我既不小心處理整到有一條小摺痕 ...

之後就前往「Snoopy's Playland」，玩這個「Peppermint Patty's Stunt Slide」↓



我諗大家係海洋公園都會玩過，就係坐住一隻象皮艇沿住水管 Sir 落黎。全程唔夠一分鐘，但係排左大半個鐘。如果無乜人排隊既話，呢個都 OK 既。可能呢個 Attraction 既對多比較合家歡，所以刺激度相較低 D，但係都幾好玩。

玩完個 Slide 都差不多關門，咁就快快手去埋隔離既「Snoopy's Sound Stage Adventure™」，當中既兒童版過山車 ↓



唔洗排隊，短短地既過山車都唔錯既。呢個 Attraction 既 Target 肯定係小朋友，我覺得 D 位有 D 窄窄地。個 Studio 真係幾靚，大家可以睇下 D 相 ↓













如是者就離開 Snoopy's Studio，係呢個漫畫世界的確係幾開心既，所有問題都唔係問題。再來看看 Studio 附近既地方，呢個就係閃咭書推介既「Snoopy's™ Backlot Café」↓



這個就係 Snoopy Playland 既另一個 Shot，見唔見到史路比噴水池 ↓



係 Snoopy's Studio 隔離，就係「Land of Oz」↓



呢個係以魔法為主題既區域，少不免會見到綠野仙踪既角色 ↓



大家都見到相裡面都無乜人，因為 D 人都準備離開。離開既路途上就見到好想玩既「Hollywood Dream the Ride」↓



呢個係比較新既過山車，絕對係這個主題樂園既主打，看看簡介 ↓



可惜有人淆底所以就無玩到 ... 再來睇下影城裡其他既地方，例如這個 Hello Kitty 專賣店 ↓



之前既 4D Cinema ↓



如是者就離開 Universal Studios 了，真係依依不捨 ↓



如是者，就開始搵野食。附近既大街都幾靚，就係咁樣 ↓



由於附近有酒店，所以食肆種類都非常多，而且都開到好夜。咁係個商場打左個圈之後，今晚就食這個日式西餐，間餐廳既環景就係咁 ↓



就吃了這個 Set 和這個 Set，總算鋸過扒，雖則唔係神戶牛 ↓





最後再來一個 Dessert Set ↓



呢餐無預期中咁貴，可能今日領教過七十幾蚊既漢堡包餐掛。這些就係今日戰利品 ↓



總括返全日，都算幾順利啦。一來天氣晴朗，唔太熱又唔落雨；二來又唔洗成日排好耐隊。不過呢，其實我地 Skip 晒 D Parade、Drama，睇得到既話當然就最好啦。不過邊有得咁貪心，話晒都玩左大部份既野啦。離開既時候的確有多少依依不捨，因為完左今日之後，日本之旅只剩下一天多少少既時間。


依家來 我既補充 ^^" . . .
1. 雖然我地係平日去, 但其實都幾多人喎 , 都無邊個遊戲係唔駛排隊, 所以好耐之前香港迪士尼開幕時, d 人唔應該怨話要排隊排得耐, 根本度度都係咁 ...... 不過, 呢度 d 配套設施又確實好 d , 好多遊戲就算要排隊 , 一係就入曬去室內慢慢排, 有冷氣嘆, 入面又有d 佈景睇下 , e.g. 蜘蛛俠 , 雖然0係入面打左好多蛇餅, 排極都仲有得排, 但起碼有冷氣嘆, 又有野睇下, 分散下d 注意力 ; 0係室外既, 亦都有蓋遮住 , 唔會有太陽曬 , 周圍亦放左好幾個吹d 冷風 / 強風既出風機 , e.g. 大白鯊 , "浴火赤子情" , E.T. , 雖然企0係室外, 又多人排隊, & 仲未有得玩時, 點都係熱嫁喇 , 但排排下, 又有 D 冷風 / 強風吹來 , 又有 D D 音樂聽到 , 都會 "gur" D, 平息到 D 怨氣既 !

2. 買飛時見到有 "特快票" 買 , 印象中分 4張 & 6張快票, 個人來說都貴嫁 , 而且入面有咁多遊戲, 買曬咁多張快票又超級 "金" (仲要 x兩個人呢 !) , 淨係揀幾個既, 一開始未入去既又唔知邊款遊戲抵用快票 , 因為有d 出面睇落無人 , 入到去先知原來條隧仲有咁長 , 有 d 見條隊長 , 但好快又會輪到 / 每次可以好多人一齊玩 , 咁用快票又嘥左, 差唔得幾多 , 所以用快票都有d 麻煩

3. 有 d 遊戲真係幾好玩 , e.g. The Amazing Adventures of Spider-Man™-The Ride , 真係好刺激 , 雖然只係幾個人一組戴住 3D 眼鏡咁坐住0係佈置成裝甲車既櫈睇屏幕, 但唔知點解, 呢個遊戲就係比其他遊戲做得更成功 , 真係幾刺激 , 真係好係0係半空飛來飛去咁 ! 推介 !

4. 溫馨但唔刺激既有 ET Adventure , 但俾人五個五個咁坐單車吒方面幾得意, 本來以為有d 咩刺激位 , 仲捉實扶手唔放, 點知原來只會升高0係不同既佈景穿梭 , 一d 都唔驚的 ^^"
溫馨位咪就係有得重溫番電視踩單車飛天既橋段囉

5. 其實朱羅紀果個遊戲, 我都強烈推薦的 , 因為佢就真係整番 d 電影橋段出來 , 隻暴龍食左隻羊 , 整爛左個電欄 , 又好落重本咁整左幾款恐龍出來 , 整到郁來郁去嚇人 , 最後隻暴龍伸個頭出來, 就咬到我地時, 我地就由好高衝衝衝落去 , 真係刺激的 !

6. d 超動感類 3D , 4D 我都好鐘意玩 , 幾刺激都唔會唔玩, 越刺激越岩我的 ! 可能覺得, 4D 果類刺激 , 唔同過山車果類刺激 , 4 D 既點都唔驚會飛出來 , 來來去去都係0係室內 , 室內既我唔驚的
但過山車類 , 玩之前總會超驚超驚 , 驚 D 安全帶唔夠安全 , 或者突然失靈 , 我會無啦啦0係某個位飛/ 兜/ 衝左出半空 , 咁我就要 say goodby 了
所以 , 好刺激既 4D 我一定會玩 , 好刺激既過山車 / 飛車果類, 我真係會諗清楚 , & 最好有得俾我睇下佢每個座位既安全設施 , "全套武裝" / "全面保護" 既絕對可以考慮 ! 果 D 0係條腰度打橫得條杆的 , 真係要超超超慎重考慮 , 多數都係咪搞我, 我怕死耶 , 香港既越礦飛車 , 真係玩一次驚一次 , 佢又特登起0係海邊, 驚嚇我唔到咁 , 衝衝下飛左出來真係 D D 都無得淨 . . .

7. 我地0係蜘蛛俠同大白鯊度都買左D 紀念品 ,
0係蜘蛛俠果度有D 小插曲, 本來玩完行過紀念品部 , 睇過一次 , 話一齊買某款電話繩番去嘛 , 不過驚拎住 D 野 , 所以玩多陣轉頭先買 , 之後玩左陣番來買紀念品時 , 豬仔完全唔記得左一齊買某款電話繩, 自己拎完自己要買果D 就話去俾錢了 , 唔記得左我果份了 , 我又唔知點開口, 到俾完錢行出去 , 梗係扁咀囉 , 佢完全唔記得左 =3=
好彩佢最後都發現我既 "異樣" , 行番入去買番 ^^"

8. 玩完大白鯊 , 其實淨番些少時間 , 夠玩多一樣左右 , 但都係驚驚 , 所以最後都無玩到豬仔好想玩的 "Hollywood Dream the Ride" 過山車 , 轉玩兒童部 "Snoopy's Playland" 既 "Peppermint Patty's Stunt Slide" , 類似滑水管, 坐住 D 水泡靠 D 水衝行落去 , 都幾短下 , 係無諗過會咁短 , 同排隊既時間不成正比既 , 如果有得再揀多次, 可能唔會排隊玩呢個, 太嘥時間了
玩完呢樣 , 見得番 D D 時間 , 就玩埋已經無乜人排隊的 "Snoopy's Sound Stage Adventure™" (兒童版過山車) , 唏唏~ 都算叫做0係度玩過過山車吖 ^^"
& 嘿~ 都有 D 衝 , 有 D 刺激嫁 !

9. 玩埋呢個過山車, 真係無時間再排隊了 , 就0係呢個 Snoopy's Studio 玩 , 呢個類似海洋公園既兒童王國 , 不過呢個整得靚好多 , 0係室內, 一路玩一路嘆冷氣, 爽過 dee dee ! d 佈置都幾靚, 我地都0係呢度影左唔少相 :D ~~~
P.S.: 佢有度佈置成教室 , 唏~ 影到佢0係 "老師抬" 前面既相~~~ 希望佢快D 企0係真既老師抬前面啦 !

10. 未玩曬 D 遊戲 , 就已經要關門了 , 好彩我地無停低慢慢睇 D 巡遊, 表演果 D 唧, 唔係玩到既遊戲就更少了
帶住依依不捨既心情離開環球片場

11. 我地0係佢附近既大商場搵左間餐廳食, 都幾有情調的 !~ 一人叫左一個 set , 佢叫既係牛排 set , 我叫既係 lady set , 呵~ 呢個 lady set 雖然細份 , 但咩都有的 , 有包, 沙津 , 仲有最重要既 "甜品" ! ~~~
不過一件甜品太少了 , 我地另外再叫左個 甜品 set ~~~ 好味 XD ~~~

12. 食完, 一路行番去車站, 唏~ 同豬仔講話想影貼紙相留念 , 呵~ 因為之前入去環球時經過見到某間遊戲中心有貼紙相影~
不過部貼紙相機俾既時間太少了 , 我地加野寫字時唔夠時間 , 豬仔想寫 "環球片場" 時, 最尾個 "場" 字少左兩畫 ^^"
唏~ 有D 似以前考試 D 老師一叫停筆 , 但我 d 字仲未寫完咁 ...

13. 玩埋今日, 0係日本既時間就所剩無幾了
望見開始日落 , 唔捨得 ; 望見豬仔 , 更加唔捨得 。。。


好, 補充完畢 , 再一次特別多謝 victor仔, 仗義相助 , 送出佢寶貴既 .........
一篇打左好耐心機丶時間既日記 , 而呢篇亦都係第一篇終於有相既日記
多謝 victor仔 !~

15- 7- 2008 (二) Day 9
尋找 kobe 之旅 !

又係好疏乾咁 9點幾先起身~ 知今日要去好遠既神戶, 已經盡量少d "囡囡" 了 !
早餐就係尋晚買既 Mister Donut 's donut , 朱古力 donut 好味~ 香港無的~~~ 上一次同豬仔去台灣旅行時都買過來吃, 依家再食特別有感情 !~
仲有用樽將尋晚買既生茶入樽, 今日解唔解到渴就靠曬 d 茶同支水了 !

差不多十點, 我地就搭地鐵到梅田, 再轉撘「阪神電鉄」去神戶
0係梅田地鐵站既某條柱上面 , 竟然見到 "台灣型男組合" -- F4 !
竟然見到 F4 ! 又記得上年去台灣時, 自由行果日0係西門町某商場宣傳海報, 見到其中一子 言承旭 , 依家又見到我 "認識" 既人, 真開心 ! ~

其實今日呢個神戶之旅算係凖備得少既一日, 淨係0係京都既花園酒店電腦度搵過下往返大阪既交通資料, 都有 D 驚去到會雞手鴨腳嫁 !

都要轉一轉先有得搭到阪神 "特急" , 一上到車, 我地當然即刻把握時間揭揭本閃咭書啦
就0係我地揭揭睇睇時, 坐豬仔左面既路人阿叔突然搭訕,
好似講英文的 , 因為我聽到佢問左句好岩聽的 ~~~ 我聽到佢問豬仔 "你地係咪 honeymoon 呀?" ~~~~~~~ 呵呵呵~~~ 真係好岩聽, 聽到我都甜曬, 我都想係 XD ~~~
咁我又唔識聽日文 , 所以佢係講緊英文的 , 豬仔當然好客氣話唔係啦
之後那個阿叔仲係咁搵豬仔傾計, 唏~ 我坐豬仔右邊, 所以果個阿叔無搵埋我一齊傾, 呵~~~ 豬仔就唔好彩了
阿叔終於0係中途落車, 話去 "gambling" , 豬仔終於甩難 ^^"

終於來到神戶了 !~
來到時, 都要用d 時間適應下個車站環境 , 上到地面, 即刻搵來觀光中心, 想拎下 d Coupon 同地圖 , 因為一來我地本閃咭書講神戶都唔算太多, 地圖都未夠詳細 , 而且通常 d 觀光中心入面既地圖都詳細 d , 凖確 d ! 有時仲有果度既實用 coupon 拎
p.s.: 嘿, 再一次他鄉遇 "故知" , 0係觀光中心入面 d 資訊架度見到 "雙妹嘜" 既宣傳咭~

0係觀光中心行番出來, 睇清楚地圖後, 就鏟上山去, 向住我地第一站前進 -- 北野 !
北野其實0係山上面, 上山既路一 d 都唔可以睇少, 一樣係咁曬咁熱 , 不過都算易行易搵, 只係一條無遮無擋既長直斜路 , 唔算有太多彎, 係曬 + 熱 "d" 囉 !

北野主要景點係 "北野異人館" , (p.s.: 基本上都唔知點解叫做"異人館", 個名好似 "信不信由你" 果類 ^^" ) , 有好多間唔同國家特色做主題既房屋俾人參觀 , 不過絕大部分都唔係無料, 可以逐間計 / 套票式
行上山時 , 見到個亭仔, 賣異人館既特價套票 , 不過豬仔好似對D 特價套票無咩興趣, 話唔急, 上山先, 我就覺得橫掂都係會參觀, 見有優惠再 "殺" 佢啦嘛, 過左唔知仲有冇耶
再行左陣, 再見到第二間舖仔, 都係賣異人館既特價套票, 今次討論左陣, 豬仔就話都可以買, 但買完之後, 豬仔又話其實唔係一定要入去 D 館參觀 , 0係外面影都得 . . . 咁辛苦行上山真係唔駛入去睇睇 ? 真係淨係0係外面影都得 ?
今次竟然係豬仔講唔駛入去, 好少有 , 平時都係豬仔覺得唔睇唔得嫁嘛, 係咪奇怪先 ? 每張套票都要千幾円一個人嫁, 都唔少的, 兩個人要二千幾了, 所以要諗清楚啊
最後決定買兩張「3 館共同卷」，可以入 「丹麥館」、「香之家荷蘭館」和「維也納奧地利之家」 。

嬲嬲地, 經過這個 「六甲牧場のソフトクリーム」, 係食牛奶軟雪糕既, 自己就唔知佢有幾出名, 所以果時都無興趣食, 行上d 應該都仲有其他瓜, 淨係叫豬仔如果佢食就買, 不過佢最後都無叫到

睇住地圖熱辣辣咁行行行, 終於行到去"北野町廣場" !
可能係平日去, 所以廣場都無咩人行, 又唔時係咪時間唔岩呢, 連附近 d 舖頭都無咩人
個廣場都幾得意既, 唔同位置放左好幾個拎樂器既雕像, 望落個廣場感覺好輕鬆
我都有 "冒住俾蚊叮太陽曬" 同d 像影番張相

廣場前面, 仲有最出名既 "風見鶏の館" , 間屋都真係整得好靚下
又點知點解 , 風見雞 = 風向儀
好可惜既係, 3 館共同卷 唔包呢間 "風見鶏の館" , 要另外收費, 真係可惜, 無得入去望下, 很奸很會打算盤既生意人 !
唯有0係屋外面係咁影影影啦 ! 豬仔影得間屋好靚, 好童話式既屋仔 !~~~
p.s.: 細佬之前扭既 "自稱叫水滴人" , 有個系列係十二星座 , 其中天秤座既描述係 "風見鶏" , 都係一樣唔知點解天秤座係風見鶏

跟住D 指示板再行上 D , 就終於見到共同卷有包既 "オーストリアの家" (奧地利之家)
外觀來說, 都係風見鶏の館靚 d ! 果個館真係香港搵唔到, 咁靚咁新咁有童話味~
好歡喜咁奔入去, 因為室外都好熱, 就快蒸熟我地了
p.s.: 門口附近又有個紙板俾人塞兩個渠頭落去 , 呵~ 有 d 想渠下 tim ~

入到去, 見到 "仿奧地利既裝飾' , 榢私, 衣服 , etc. 好似入左個迷你博物館咁, 唔知D 家具裝飾係咪真係好耐之前留到依家既呢
仲有好幾個着得好"華麗" 既公仔, d 公仔都幾高大喎, 唔知係咪一比一呢, 係既以前 d 人真係高好多喎
有兩層, 上層都係放下d 展品咁, 同場仲有以前奧地利既版圖, 上層就普通 d 啦, 主要似係嘆冷氣, 可惜二樓無乜冷氣, 所以都係睇左陣就離開奧地利之家了

隔離就係 "デンマーク館" (丹麥館)
都係同一個接待姐姐, 臨入館時叫佢幫我地0係佈景紙板影左張渠頭相 ^^ ~~~

一入到去, 就見到館既中心放左艘大木船 , 隻船都整得幾真既, 而0係船上面, 竟然 ........ 企左好幾隻 ... 大力士樣 ..... 毛公仔
真搞笑, 估唔到會放幾隻毛公仔上去
船下面有幾頂海盜帽放0係度, 應該係俾人戴上頭玩 Cosplay , 我地當然唔會錯過啦 ~
呢個館既主角應該係隻船 , 其他野就無乜特別了
仲有d hea 添 , 其他展品包括 "放左姆明公仔既櫥櫃" , 美人魚雕像 , 都無咩特別了

之後就行去最後一個館 -- "香りの家オランダ館" (香之家荷蘭館)
呢個應該有d 特別瓜 , 門口既接待姐姐都着得好 "荷蘭", 而門口亦擺左好多好得意既鞋仔0係度, 大大細細, 色彩鮮艷的, 不過全部都係唔着得既, 真可惜 !
唔知點解要換對拖鞋先入得去, 唔通係因為佢係 "神戶市指定傳統的保存建造物" ?
佢個格局係分開好多間房做展覽, 一入到去見到既野都係靚靚地既 , 木地板 , 木榢私, 鋼琴 , 紅色既窗簾 etc.
不過好多房入面既野都係 攔住 / 有張紙仔寫住唔掂得的 , 有d 似去左人地 d 示範單位 ^^"
而其中一間房, 中間就有張大抬, 放左部香水調製機 , 可以付費嘗試自己整香水，不過唔見有人0係隔離教人點搞部機, 點整 d 香水喎 ....
其他仲有好古典既客廳, 好古典既廚房, 好古典既睡房
出番去時, 見到有唔郁既迷你版風車0係度, 前面仲有架單車, 嘿, 風車同單車, 唔知點解有呢個組合, 不過見個風車都幾靚, 又好少見, 所以都同個風車影左相

其實都仲有其他館, 不過又要另外收費, 所以都 skip 左
我地就轉戰去唯一既 "無料" 館 -- "ラインの館" (萊茵館) , 入面就無咩特別 , 可能係無料吧, 一入到去, 有我最喜愛既空調機 , 同印仔 , 當然就一路吹冷氣, 一路印印仔啦~
上到二樓, 有俾人住下休息下既櫈0係度, 仲有幾幅大相, 講下以前既神戶係點既樣 ,
佢仲有個好處 , 就係有一排大窗, 俾人望到山下面既神戶市, 感覺都幾舒服 ~
坐低研究下今日既行程 , 見「北野工房」原來0係遠遠地, 唔近既地方, 所以決定 Skip 左呢個景點 , 直接落山搵晏仔食
落番一樓時 , 見到有禮品部, 有好多雞仔嘜頭 (其實係風見雞才是) 既野 , 本來都見到個坐抬擺設, 都ok 仔的, 不過都係無買到,
最後我地買左好靚靚, 好有神戶特色既書籤先離開 , 張書籤真係幾靚, 唔係用紙造的 , 張書籤上面就仿照左 d 五顏六色既玻璃圖案, 後來先覺, 原來 d 五顏六色既玻璃 , 好常會0係神戶既建築物出現 , 雖然唔知點解, 但五顏六色既玻璃已經俾我認定係神戶既特色了 , 所以張書籤好神戶吖 ^^ ~~~

離開異人館時, 見到有好靚既 City Loop Bus , 周圍仲有好多好靚既建築物 , 其實周圍 d 屋好靚下, 好似去左外國小鎮咁
一路行番落去, 唔知係咪行得急呢, 見唔番個 "六甲牧場のソフトクリーム" 俾我補飛添 ....
0係行番去 三宮駅 既路, 都有一路睇下有冇岩食, 不過有d 又太貴, 有d 又唔岩食, 有d 又食過, 最後都係去番車站既地下街食 , 都度都有好多間食肆, 行左兩個圈, 終於揀左 "錦 x x"
大家都叫左豬排既東東 , 佢既係定食, 我係烏冬冬, 又見番阿 B 名曲 "日日是好日" ! 點解呢句會成日出現0係D 食店裡面既呢 ? 我都希望日日都是好日 ~
見個禁煙時段就完, D 煙民開始虎視眈眈想郁手 , 我地就出發去第二度了, 無謂吸人地D 二手臭煙


Sogo 係我地後加既 , 因為都見炎炎夏日, 咁曬太陽無謂0係室外行行行 , 而且 d 時候又唔係好夠去遠遠地既 "舊居留地", 離下個景點既出發時間唔長唔短咁, 就決定行百貨公司打發時間, 兼睇下日本既 sogo 係點既樣
呢個 sogo 有分新店同本店兩座, 兩座孖住一齊的, 我地由最頂樓逐層參觀,
其實都無咩特別 , 都係同香港 sogo 差唔多 , 佢最頂果幾層都有類似 "citysuper" 既百貨店
又唔知係咪錯覺呢, 呢間 sogo 好似細過 cwb 果間 ? 或者差唔多大細啦, 嘿~ 可能佢分開左兩間, 用天橋連住, "實用面積" 細左 ^^"
都無咩睇岩, 行到落地庫, 就係食品部 (同香港既一樣!) 有新鮮蔬果, 海鮮, 糕點, 熟食, 禮品櫃台
行左兩三個圈 , 在本店同新店來回, 終於每人買左一盒望落似好好味 "神戶朱古力蛋糕" 手信
再0係 D 周圍既櫈仔坐下抖下, 就離開 sogo 去下一個景點

嘿~ 我地下一個目的地係 -- 最近既 郵便局 !
時間都唔早 , 四點幾, 郵便局應該都就關門 , 都急嫁! 難得同豬仔來到 Kobe , 有機會都想買個 kobe 既郵票番屋企紀念下 ~ 嘿~ 誤打誤撞又俾我地搵到喎 !
櫃位既係後生仔, 可惜我地都係有 "代溝" , 我地好努力咁嘗試用最簡單既英文講佢聽, 我地想買兩個用來收藏, 紀念既 kobe 郵票, 佢都有好努力咁嘗試理解 , 可惜佢以為我地想寄包裹 , 再溝通一下, 佢都係以為我地想寄野去國外 , 周旋左好耐, 佢都係唔知我地想要乜, 我地都唔知點講到佢知, 佢終於 ..... 搵上頭 "增援"
位 senior 果然唔同 d , 都明明地我地想要乜 , 佢最後拎左 ........ 京都紀念郵票 出來 !
我地本來想睇下有無神戶既記念郵票既，點解神戶呢度會出現京都既紀念郵票既呢 ? 真係好難明, 不過搞左咁耐，都係算啦，買左京都既神戶郵票。
p.s.: 真係出現左個 "錯配" ! 之前係京都寄 Postcard 時想順便買多個郵票，買左兩個日本普通郵票。 係奈良既時候，好順利咁買到奈良限定既記念郵票。 係大阪既時候，本來想買大阪限定既紀念郵票, 不過男職員話 d 記念郵票，一買就要買成個 Collection, 所以作罷。 最後來到神戶，竟然又買番京都限定既紀念郵票 。
真係撈到亂曬了 !

買完郵票 , 帶住一個問號咁進攻下一景點 -- 花時計
0係地圖, 佢真係個景點來的 , 不過唔知我地係咪理解力削左, 定係個地圖有d 誤導, 我地0係地圖同實景度對來對去, 都搵唔岩 花時計 個正確位置, 真係搵左好耐
其實個花時計都無咩特別 , 都係用 d 花整左個時鐘, 類似既香港都見過 , 只係想搵個花時計來確定方向唧 ^^" ~

搵完個花時計, 搵到個方向, 我地就一直向 "元町" 邁進
沿路見到好幾間百貨公司 , 亦見到 "三宮神社" , 細細地, 有地方俾人掛d 繪馬, 有得俾人參拜, 一眼睇曬, 不過0係個城市見到個神社已經不錯, 而且都算乾淨, 唔算多塵, 都ok 既

終於行到去元町商店街 , 遠遠已經見到佢大大塊丶靚靚 七彩玻璃 招牌 , 唔通七彩玻璃真係神戶既標誌 ?
門口既 "禁示單車進入" 牌都有d 用既 , 比其他商店街, 係少左 d 單車飛馳既
唔知係咪呢條商店街新呢, d 舖頭門面都整得幾靚幾有心思下 , 包括香港都有既 "本砂高屋" 同 "神戶風月堂"
唏唏~ 0係呢度又搵左間舖頭影 貼紙相 ~~~ 開心吖~ 又多張同豬仔既貼紙相
其實行入呢條商店街, 我就想搵下有冇賣牛奶雪糕既舖頭 ..... 想 "補飛" 吖 ^^"
平時成日見到既雪糕店, 呢度都未見到, (如果豬仔仲記得既話) 佢講過, 呢條街都行左好耐, 好似都無咩特別 , 有d 想行去隔離既中華街, 不過我都係話想行多陣, 其實都係想再行多陣, 睇下有冇牛奶雪糕店
牛奶雪糕店就無, 就見到間有賣 300円一支蜂蜜雲呢拿味雪糕既 "杉養蜂園" , 都照同豬仔買來吃, 豬仔就將就將就下啦 ... 都唔錯, 幾好味吖, 雖然食唔出蜂蜜味, 不過都好滑吖 ! 店員仲一人俾左一小杯 "柚子蜜" 水試飲, 清甜 !~

睇到地圖見到隔離有條 "中華街" ........ 吖, 唔係 , 正確來說, 應該係叫 "南京町" , 成條街整到好似好 "中國" 咁
未行入去條街, 街口已經有個大大既 "西安門"
其實成條街既建築, 店舖, 都好 "舊中國" feel, 紅噹噹既外牆 , 舊舊地既食店 , 好中式既食物
都幾得意既, 我地好似行緊幾十年前既上海北京咁
不過我地就對呢度 d 食物無乜興趣 , 成條街都係行下睇下算
行到去另一面街口, 又有另一道門 "長安門"

行過左"南京町" , 我地就靠地圖, 搵番海既方向 , 因為我地下一站要向海邊進發 -- "神戶港" !~
就行到去海邊時, 首先見到一大舊藝術品 -- 一條大大大魚 , 都幾難影得好+影得似的~
過左條大魚, 再行多陣, 就到左海邊既 "美利堅公園" ! 其實美利堅公園只係用來過過冷河, 因為來海邊, 主要既主角其實係座 "神戶塔" ,
依家來到海邊, 但都未日落, 所以我地就搵長櫈坐低抖下, 補給下, 影下相咁
坐得耐, 就行近海邊望下神戶港 , wo! 我望到個海面有魚0係度彈來彈去 !
原本以為係海面 d 浪, 但我再望真 d , 真係見到有魚彈上水面, 然後衝前去, 再入番水 , 再上水 ...
之後我即刻話俾佢知, 初時佢都見唔到, 以為眼花, 好彩好彩, 又有條魚 "生性" , 又彈上水面衝前去, 先俾佢見到, 真好彩, 咁都見到 !~
就係咁樣 , 慢慢休息, 望住個海咁等日落, 慢慢沿住海邊行, 旅行如此, 都幾悠閒下 !~

0係神戶港 , 除左望到個海 , 見到主角 "神戶塔" , 仲見到 "神戶塔" 隔離 , 個外形都係靚到似另一件藝術品既 "神戶海洋博物館" , 都係地標來， 盛惠 500 yen 入場費
不過由於我地都去左大阪咁出名既海遊館 , & 時間所限 , 所以今次淨係去 "神戶塔"
"神戶海洋博物館" 就影住相先, 有機會再去 !

公園裡面, 仲放左艘木船 , 好似話佢既原裝正版曾經出過神戶港的
有個台俾人行上d 睇架船, 不過就好似無乜特別, 外觀就幾靚既

行下行下 , 都開始入黑, 我地就向我地既目標 -- "神戶塔" 出發 !
"神戶塔" 個型其實都似舊藝術品 ... 仲似汽水樽 ! 一入到去, 即刻搭 lift 直達展望層一 !~
wo~ 0係展望層一 , 個景觀係 360度 的 !
有一邊 望全海景 , 望到好遠好遠 , 亦望到附近既 "Mosaic" & "Mosaic Garden" ( 集商店、餐廳、娛樂、購物既瑪賽克廣場) , 仲有佢地個大大摩天輪 , 會變色, 好靚靚的
第二邊 , 望到隔離既 神戶海洋博物館 , 原來神戶海洋博物館會着燈的, 靚
第三邊 , 望到神戶元町既建築物 + 山景 , 初時突然發現遠處山頭有幾點火，仲以為睇錯/ 火燭, 望真d , 果幾點火有 "形" 的, 其實係節日既「火文字」
第四邊 , 望到神戶站 & 附近建築物 , 我見到有教堂, 個神戶站就係我地一陣走時要行去搭既車站了
原本0係果層又見到貼紙相機, 不過見 d 貼紙質素差, 所以唔影
睇完, 就行上一層-- 展望層二 , 景觀都係差唔多, 都係一樣暗暗地, 無乜燈光, 方便望出面既夜景 , 而呢層既牆就貼左日本最高果十棟八棟建築物 , 同依家呢棟 "神戶塔" 係排第幾, 幾時起等等背景資料
0係呢層又 hea 下, 坐下 , 抖下, 睇下左好耐, 見差唔多時間 , 就落番去低層 , 原來呢座塔都有餐廳的 , 不過好似早到 7點幾就會關門, 唔係都可能會試下呢度 d 野食 , 有間仲好似係成間迴轉式的 , 每隔一段時間 , 就會成個餐廳轉, 最後會轉到一圈出來的, 都幾得意, 可惜 close"d"

一離開座塔, 時間都不早了 , 見塔入面既餐廳都關門 , 都驚神戶 d 餐廳又係好早就關門大吉果堆, 所以都即刻加緊腳步 , 急行去神戶車站 , 諗住神戶車站附近應該有啖好食的
離開左個景點 , 行番去 d 橫街小巷 , 其實都無乜人行, 有 d 路都暗暗地 , 都怕有惡人打劫的 , 但果時我地又無驚, 繼續勇往直前, 可能果時個心一直都諗住趕去食晚餐呱~ 好彩我地都有驚無險 , 見暗d 既路都行快幾步 , 所以無事無事 !

好在聰明的我們好快咁搵到路行去 神戶車站 ，咁岩車站隔離就有條地下街 , 諗住應該實有好幾間食肆, 就落左去睇 , 果時已經八點半有多，一落到去 , 見到場中間既展銷場地熄曬燈, 拉曬布 , 就心知不妙了 , 係就係有好幾間餐廳 , 有間岩心水食飯既餐廳但已經準時咁關門。 最後見到有一間連鎖式 Cafe 「Excelsior Cafe」 未關門，亦都係唯一一間未關門既食肆，襯佢未關 , 嗱嗱聲行入去食 。 睇左個餐牌一陣, 最後我地兩個都叫左個相同的白汁雞絲意粉吃
好彩呢間餐廳當時都仲有唔少人, 呢個白汁意粉都幾好味 , 唔錯唔錯 ~~~

食飽飽上番去神戶車站 , 行去到車站內, 先見到原來有個小 Food Court ，都有4, 5間食店 , 有拉麵、仲有麥仔 , 出面仲有兩間麵包店 , 原來, 都仲有食肆未關門的 , 真係驚親我地呢, 咁早關 , 不過豬仔話再揀多次, 可能都係食我地間 Excelsior .... 好味嘛 !~
最後, 我地行左個圈 , dump 一 dump 心後, 就買包包番大阪做明天早餐

今次我地0係神戶車站搭 JR "特急" 定 "急行" 番大阪
p.s.: 唏唏~ JR 站... 又有印仔印吖~~~


今日既 "尋 kobe 之旅" 都係一樣咁開心 , 第一次來神戶吖, 多多指教 !
仲有 「北野工房」、「舊居留地」、「姬路城」、「寶塚」、「Mosaic」 未去
希望第日有機會再同豬仔來過 ^^ ~
多謝豬仔 ~

14- 7- 2008 (一) Day 8
大阪！渠福頭回歸！

呢朝又係 9點左右先起身打點, 咁既旅行都很疏乎 !
今朝既飲品係 玄米茶 , 順手幫尋晚0係京都車站入面既 300円店買既髮圈影相, 個 "串" 髮圈都幾靚嫁~~~
整理好行李, 0係搭地鐵之前, 我地仲有一件事要做 , 就係 . . . 去 郵局 寄明信片 !
都係搵左間郵局好一陣先搵到, 入到去尚算 ok 既, 因為都拎住 d 明信片, 佢地易估 d
再買埋 2個郵票 , 日本普通郵票來, 唔係京都限定既 ? ......
之後就番去酒店拎行李搭「阪急京都線」返去大阪

呢日個車廂唔係太多人
我地咁岩坐0係車頭車長位後面, 咁岩佢又拉高曬個簾, 我地可以望到曬成個駕駛室 ! 學佢話齋, 好似玩緊「電車 Go！」
睇住佢開車好搞笑嫁, 佢隔一陣就會對住車出面丶左或右面, 伸出佢一隻手指, 指向前面, 竟然呢個動作有咩意思呢 ? & 佢又係見到d 咩標記或鏡頭而要伸手指向前面呢 ? 好神奇!
& 原來佢用來睇依家去緊咩車站既指示捧, 係 "人手推動", 唔係自動的, 見佢每過一合站都推一推支捧, 好搞笑!
睇到車外每個向後退既京都風景, 真係好唔捨得, 我同豬仔要離開京都了, 唔知幾時可以 再同豬仔一齊回來 .... 拜拜 , 我們的京都 . . . .

p.s.: 哈~ 又會俾佢0係車廂入面見到個 "好有意思" 既廣告既~
10 月 19 日 . . . . 呢一日真係好特別 。

噢... 真係回到大阪了 , 首先當然係去酒店放低 d 行李先啦
我地到左我地0係關西既第三間酒店 -- 大和屋本店 !
雖然個櫃位就好似細左 d d , 但好似都幾好服務喎 !
佢知我地幾號房後, 幫我地拎兩個喼上房, 仲問我地會幾點番, 之後我地番到來時, 就見到我地兩個喼整齊咁放0係房入面, 仲沖左壺熱水俾我地 , 好勁勁耶 !~~~

放低行李 , 繼續行程 ! 就係去道頓堀搵食 !
行左條街兩三轉 , 最後揀左出名既 金龍拉麵 !
不過由於佢既總店成間都無冷氣, 所以我地轉移左個陣地, 去左佢既分店食
所謂既分店, 其實都係0係總店既斜斜斜對面唧, 不過就有冷氣, 好 d 既 !
0係店出面既自動售賣機買左兩張票 , 嘿嘿~ 我地終於0係日本試過呢度常見既食店 自動售賣機喇 !~~~
入到店裡面, 見到既, 係一張張整高左丶似俾人交叉坐既硬塌塌米同細矮抬
由於無得俾人郁張 "櫈" , 所以坐時都幾麻煩 , 要打側身坐扭住食 ^^"
白飯漬物任食, 不過暫無興趣... 拉麵上抬了 ! 都真係幾好味嫁, d 汁都幾濃 (濃汁我都鐘意嫁~) 絕無欺場 ! 佢叫叉燒拉麵 , 我就叫左拉麵 , 盛惠 900 円 及 600 円, 兩碗都差唔多唧, 係佢果碗d 汁似濃 d , d 肉多好多咁, d 麵咬落都好味~ 係個格局怪d, d 冷氣一貫咁弱唧

食完都無多留, 都怕有人會食煙+時間不早+又唔係強冷, 出發去景點了
我地既目標景點, 就係 --- 大阪城 !

我地搭地鐵0係 "森之宮" 站落, 由大阪城公園行過去,
沿途絕大多數都係無遮無擋, 都好曬好熱下 , 但好神奇既係, 0係公園 d 長櫈度,
訓左好幾個相信係無家可歸既阿叔0係度, 吖, 佢地又唔怕曬, 唔怕熱, 好犀利喎 !
個公園都幾大下, 我地行左好多路, 經過左個 噴水池 , "大阪城音樂堂" , 樓梯 ,
無梅花既梅林, 行到滴曬汗, 先見到個 "大阪城天守閣" 既指示牌
哈~ 眼前見到既, 真係好似卡通片入面d 城堡咁, 有條橋連接住個大門 "櫻門" , 個大門後面就係座城堡 , 而城堡既周圍 , 就有 護城河 包圍住,
好歡喜咁行上條橋, 再望一望周圍 , 依, 有 d 貨不對辨喎 !
條護城河係空, 一滴水都無, 得好多雜草種曬0係度 . . . 睇番地圖, 佢原來叫 "空護城河" , 另外三邊既護城河先有水的 = ="

算啦, 總算親眼見識過座城堡 & 護城河, 座城堡真係曾經0係歷史入面出現過, 依家親眼見到座野感覺係震撼好多 !
過左個櫻門 , 基本上, 座城堡就會好清晰咁出現0係前面, 我地0係有蓋既地方抖一抖, 之後當然要搵番個靚位影座城堡啦, 真係好靚 !
影夠, 就去售票機投幣買入場票 , 好勁啊 , 入場票都可以0係自動售票機買, 果 3部機仲印左大阪城個樣既 tim !
每位盛惠 600円 ~

入去座城堡時見到 , 可能係放左展覽品既關係 , 3, 4樓係不准拍照的, 同字治平等院既鳳翔館一樣, 嘥曬
首先都係0係 1樓 (即係地下大堂) 度行 , 見到座紀念金幣售賣機 , 隔離就有刻字機
開頭既小插曲好搞笑, 見到座刻字機印 30円 , 見咁抵 , 當然入 30円啦,
入完就等, 點知部機郁都唔郁 , 就心知不妙了 !
原來, 30円淨係印字服務 , 要放 300円落座紀念金幣售賣機, 買左個金幣 , 再將金幣放落隔離座金幣刻字機度, 咁放左 30円時, 部機就會將你想打既字打落個金幣上面喇 !~ 我地開始時都印左個 金幣 !~

整完一個金幣, 見"一樓" 都無咩特別, 就搭電梯直達 五樓 , 再由五樓往上行喇 !
"五樓" (其實係 4樓) , 呢層最主要就係有一大個 "微縮模型" , 即係用好多好多着曬武裝既人仔, 堆砌出 "大阪夏季之戰" ,
之後就上 7樓 (6樓入唔到) , 呢層比較得意 , 用十幾廿十個好似電視既畫面, 介紹豐臣秀吉 既一生 , 都幾特別嫁喎 , 佢個畫面唔單止播畫面, 仲有 d 立體模型襯托住 , 搞到好似好真咁 , d 模型同個影象又岩岩好好, 好犀利嫁喎 ! 果十幾廿格畫面仲要連住播, 上一格播完等十秒先到下一格 , 但第一格又要等唔知第幾格完左既數分鐘 , 先有得播, 唔知點解 , 不過真係幾特別, 好似未見過 , 唔錯~

最頂層, 就係 "八樓" (其實係 7樓) , 呢層係 展望臺 !
呢層有得俾人推門行出去, 圍住呢層行個圈, 望下城外面周圍既風景 ,
由於呢層可以俾人行出去, 所以四邊都圍住曬鐵絲網, 影相都要就就位 ^^"
其中一面, 可以見到佢既標誌 -- "金魚" 嫁 , 即刻幫條魚影番張相 ,
我地仲有自拍左相相呢~

睇完就落番去4樓同 3樓 ,
呢層都係有D 展版吖, 文物吖 etc. 介紹修建大阪城既歷史人物 - 豐臣秀吉 既生平事跡 , 呢層唔算太特別 , 而且唔俾影相 ,
2樓主要係複製品展 , 有 "金魚" (其實係叫獸頭瓦 ^^") , 伏虎等複製品 , 亦因為係複製品 , 所以呢層可以影相 ,
呢層有得俾人着 d 衫, 戴頭盔影相, 唔記得係每位 300 定 500円, 不過我地都無影到既 , 隔離仲有d 書籍賣

落番一樓凖備走, 我地見上樓前整既金幣都幾金幾靚, 仲可以打到我同佢個名落去,
所以決定臨走都整多個金幣先 ~
唏唏~ 個金幣好 "獨特" 吖, 有我同佢個名~ 有一個就佢個名先, 而另一個就係我個名先嫁~
整完金幣, 我地就終於行出呢個城堡喇

我地0係城前面既小食店坐低買雪糕吃 , 巨峰提子味 !
呵~~~ 我拎住杯雪糕扮自由神像, 影左張 "渠相" ^^"
P.S.: 買雪糕食之前, 我地仲0係小食店隔離既紙板古裝公仔, 突個福頭出來影相 ~

食完 hea 多陣 , 就離開呢個大阪城了
今次我地轉左第二條路線行 , 我地由第二個門口 - "多聞櫓" 出, 再行去第二個地鐵站 - "天滿橋" 站
途中我地終於見到有水既護城河 !~ 有水果然勁 d !
同埋佢地 D 寺呀城呀etc. 既門口, 個樣其實同中國既好似 , 唔知點解
行出大阪城後, 又有插曲 ... 我以為 "天滿橋" 站就係我地下一站會去既地方 ,
所以好出力咁提議行呢條路 , 點知行到去個站先知,
原來呢個站唔係下一個站 , 下一站係叫做 "天滿" 站 , 兩個係唔同, 真係估唔到, 差好幾個站的
我個算盤打唔響啊 ! 仲因為咁樣而同豬仔 "討論" 左 OK 耐 , 唔抵啊, 咁都記錯 ! sorry 豬仔 !

所以我地就搭地鐵由 "天滿橋" 站去 "天滿" 站, 果度就有我地今日既另一個重點節目
果度有 "天神橋筋" 商店街 , 據閃咭書話 , 呢條筋係日本最長既商店街 , 全程 2.6 公里。 我地去呢條筋, 除左因為佢係日本最長, 想見識下,
最重要既係 , 閃咭書話, 如果行曬全程 (成條商店街) , 就可以有一張 獎狀 , 叫 "滿步狀" ,
就係為左呢張獎狀, 我地由六丁目行去一丁目喇 , 因為其實我地日日都行左好多路, 呢個 2.6公里真係小兒科啦, 難唔到我地既 !

不過都有點搞笑喎, 佢 六丁目 同 一丁目 處理人地簽收獎狀既舖頭, 兩個都唔起眼, 好細間的 , 六丁目既係間蚊型雜貨店, 一丁目果間就係間光猛少少, 大小小既雜貨店, 仲要0係d 橫街小巷度, 真係幾難搵, 行過左都唔知 ^^"

我地0係天神橋筋裡面行行行, 呢條街除左長, 賣既野其實都係同其他商店街差唔多 ,
途中見到日本三大祭之一 -- 天神祭 既少少宣傳, 佢擺左架鉾0係度 ,
行到去 二丁目 , 就見到出名賣薯餅、可樂餅既「中村屋」，店員炸到無停手。我地花左 120 yen 買左炸可樂餅同炸漢堡扒吃, 好味好味 ~~~~

好在條商店街入面既舖頭成日吹d 冷氣出來, 無咁熱, 而且有瓦遮頭唧 , 咁先行得舒服 d ~ 終於行完, 都要搵左ok 耐, 先搵到一丁目果間舖 ,
各自0係表格寫上名, 老闆就入去 "靜靜雞" 寫個名落張獎狀上面 ,
嘿, 可能豬仔手字實在太型 , 老闆唔識睇 , 最後寫左 "Victar Tsang" , 唏唏, 渠頭豬~ 呵~ 我果個 "Shirley Tong" 就無問題啦 ~~~

拎完張獎狀, 就搭地鐵番去了 , 凖備番酒店 !
番到去大和屋本店, 放低d 野, 抖下整理一下, 再去下站 - 心斎橋筋 !
主要係去搵晚餐 , 其次先係行心斎橋 ^^"
心斎橋筋比天神橋筋 "新潮熱鬧繁華" 好多 , 有好多連鎖店進駐0係度, 人流都多好多
我地行左 "カワチ"，係一間有百年歷史既美術用品店, d 野一d 都唔平喎 !
行多陣, 見 d 舖頭都無乜特別興趣, 就出力搵地方食晚餐 , 講講下, 我地就講到, 日本既麥仔貴過香港好多, 但份量都好夠, 味道亦好好多 , 所以我地就決定搵 麥仔 !
我地買左兩份日本有, 香港無既炸蝦包套餐 , 真係大舊過香港喎 , 連塊包都厚 d ~
& 個 炸蝦包 都真係好味喎 ! 豬仔果然無介紹錯 ~
本來諗住食曬先走, 不過之後來左好幾個人, 有人一路食野一路食煙的 .... 頂佢地唔順, 我決定打包個包 & 薯條歸家
p.s.: 個女 Counter Staff 竟然估到我地來自香港, 唔通有樣睇 ? 勁 !

行番去時經過 Mister Donut , 買左 3個Donut ~
個 Trainee 又係好有禮貌喎 , 對日本既印象幾好~

臨去到酒店, 又經過之前我地0係大阪既補給基地 - Gourmet City , 類似我地既百佳 , 0係入面買左 "無成分調整豆乳", 水 , 生茶 , 白桃味益力多
買水係因為豬仔怕大和屋熱水壺入面既熱水唔夠乾淨 , 所以要買水 , 因為無得好似之前咁可以煲水沖茶 , 所以買茶飲 ,

番到大和屋 , 講下呢間酒店先 , 我地會0係大和屋住 4日 3夜 ~
呢間都係0係道頓堀, 日本橋附近, & 其實同0係日本住既第一間酒店--富士屋 好近的 , 可能只係隔幾個街口 ,
呢間係 和式房間 吖 , 我第一次住和室吖 (多謝豬仔~) ~~~ 感覺唔錯, 我好期待住和室嫁~~~
訓地下, 塌塌米 , 紙門 , 好日式既窗 , 矮抬 ...
唔知係咪 d 燈光比較昏黃 , 豬仔俾既大和屋既評分唔夠京都既花園酒店高
& 豬仔用毛巾嘗試抹櫃面時, 唔知係咪加左皂液 , 抹出來有 d 木黃色的 , 清潔度 "?"
不過, 我就對呢間大和屋都鐘意的 , 唔單止係未住過所以期待, 而且望落都乾淨, & 最重要係可以同豬仔一齊嘛 , 無豬仔一齊既, 間酒店有幾乾淨又有咩用 ....

番到來, 食埋個包薯條 , 飲下豆乳 , 無成分調整... 原來淡味的
就完成今日既行程喇 , 沖涼覺豬


多謝豬仔又陪我行左咁多路 , 個 "滿步狀" 真係好岩用來獎你呢 , 堅持行左咁多路 , 今日又辛苦你了 !

13- 7- 2008 (日) Day 7
宇治‧京都站鴛鴦兩味之旅

朝早起身, 開始時都係囡囡左 ... "D D" ^^" ~ 9點左右先正式起身
我地食埋尋日買既牛奶同精選蛋糕 , 佢得番一件蛋糕, 我仲有兩件~
都係朱古力果款最好味~~~ 我地再食埋尋晚仲未食完既蕉蕉, d 蕉蕉再唔食就變黑了

首先, 想講下題外話 , 我一開始唔知咩係 "源氏" , "源氏物語" , "紫式部" etc.
所以 "宇治" 0係我看來, 初時都只係一個 "綠茶之鄉"
"紫式部" 初時以為係一部書既名 , 再聽到 "紫式部" 原來係作者名時, 以為佢係男人
更加想像唔到 "源氏物語" 係部愛情故事 , 仲要咁出名, 但講緊既竟然係d 風流事
所以去完宇治, 知多好多野

我地今次搭 JR 去宇治 , 講起 JR , 不得不提, JR 每個車站都有個共通點的 !
就係有 印仔 !~
唔知係咪 JR 既車貴 D , 所以想整D 野吸引下人呢, JR 每個車站都會諗 D 果個站特有既景點, 將佢整成印仔, 等人可以印幾張番屋企留念, 真係好有心思 !
既然佢整得咁特別, 我當然唔會錯過, 嗱嗱聲印番兩個, JR 宇治站既印仔係關於源氏物語的, 特別特別 !

題外話: 未出發執行李時, 咁諗住帶D 紙筆去寫下野, 最後搵到本四四方方丶細細本既簿仔, 岩曬旅行用 ,
嘿, 點知真係咁岩, 原來日本關西 (唔知其他地方係唔係啦) d 主要景點丶JR 車站 , 都有印仔俾人印, 個印仔既 SIZE 都唔細嫁, 圓頭大大地的!
但就竟然同我本簿仔差唔多大細 ! 真係好驚喜 ! 我本簿仔大派用場 !~
有D 景點有派 d 專用紙俾人印 , 但有時會俾人拎曬 ; 有d 景點亦有專用咭賣俾人去收集印仔;
呵~ 依家如果果個景點有專用紙派既, 我地就用專用紙印, 另外再印多兩個落簿仔; 如果果度無專用紙既, 我地就直接印去簿度 ,
相當方便 , 絕對唔會 miss 左 / 無紙印, 我係聰明仔 !~

一出 JR 宇治站, 隔離就放左個 ...... 唔係好似我心目中既茶壺既 "茶壼型既郵筒"
個形似中國古代裝酒果D 酒瓶多 D 囉 ...... 同埋如果係紀念「宇治市制施行 50 年」而設置既, 佢都幾細舊, 幾唔顯眼喎, 大舊D 可能有氣勢 D ! 唔通方便 D 人影相 ?

我地用 JR 站入面既 "宇治 散策‧‧‧" , 應該就係話如果0係宇治行, 有咩好行+點行既
跟住個地圖同 d 幾清楚既路牌行左十幾分鐘 , 開始時見到靜靜地既平民街道, 唔知係咪去到時仲早 , 無咩舖頭開左, 仲諗個宇治唔係咁靜嘛 ... 行到咁上下, 開始熱鬧番, 見到應該係宇治最旺既街道, 有好多專做遊客生意既手信舖開左 , 主要當然係賣茶 同 茶既副產品e.g.抹茶蛋糕, 抹茶菓子... 咁又無咁快買住, 行完先買, 好重的 ^^"

過左果條手信街, 我地就到左第一站 -- "平等院" !
唔知點解叫 "平等" 院 , 真係好難記, 搞到我成日都記唔起宇治果間院叫咩名! .....
總之每位盛惠 600円 , 可惜既係, 果日既平等院大門口重修緊, 用左d 野圍住曬, 咩都睇唔到, 無得影門口 tim ! 個售票嬸嬸簡單介紹完, 我地又扮聽得明, 就正式行入去喇 !~

一入到去, 已經見到主角 -- 鳳凰堂 既側面 !
就行近 d , 真係唔講得笑, 真係靚 ! ! !
可能佢既隔離無其他建築物, 所以望埋去, 除左鳳凰堂, 就係個天, 而果日既天真係好靚, 好藍, 仲有一兩舊雲, 成個景真係好好好靚 !~
我地都影左多多鳳凰堂既相 , 真係靚 , 不過當然係豬仔影得多d 靚d 啦 , 專家嘛

唯一美中不足係, 真係好曬 , 曬就梗係會熱, 但開住遮又難影相, 搞到我地開遮又唔係, 唔開遮又曬, 都幾濕滯 唯有一時又開遮, 一時又曬住咁影相
不過好開心吖, 我地0係鳳凰堂影到合照 : > !~~~

個鳳凰堂其實仲有得俾人行入去參觀既, 不過要另收 300円, 而且見d 人都係0係地下果度行個圈又出番來, 果度望既景又唔夠我地望過去既靚, 所以無再 "深入參觀"

佢旁邊係荷花池, 但可能未係時候, 無荷花的, 得荷葉 = ="
佢都放左兩三盆一支過丶未開曬既荷花出來既, 豬仔都好認真咁幫 d 花影左相

影到夠後, 就行去佢另一個主角 鳳翔館 , 佢係間 95%博物館+ 5%禮品部
入面基本上放左好多唔同既佛像, 全部都擺放得好靚 , 而且有孚多尊 tim, 記得入面仲有佢既地標-兩隻鳳凰 , 即係屋頂果兩隻, 睇真 d , 原來兩隻係唔同樣的 , 咁耐之前都造得好精細耶 !~
當然仲有好多書畫, 屋企d 磚瓦原物 etc. 都有好多野睇, 不能盡錄 , 不過裡而因為唔影得相, 所以無影到相

行到鳳翔館既最尾, 就係 禮品部 喇 , 入面d 野全部都好特別+靚喎, 出面肯定買唔到, 睇左好耐, 豬仔決定買 folder, 書簽, 明信片 , 我就淨係要左匙扣同明信片
行出左鳳翔館 , 就見到有好雅致既地方俾人坐低休息, 我地都當然坐低抖抖啦, 嘿, 真係好熱, 勁出汗, 佢件衫都有兩條背囊印, 睇怕佢好耐無都試過了, 真係辛苦曬豬仔 !

整頓一下後, 就離開平等院了
行到出來, 兩點幾, 本來諗住0係番頭先最旺果條手信街出名既食店食, 點知 ........
d 食店已經關門了! 手打蕎麥麵專門店「ながの」仲竟然「本日終了」?!? 有冇咁快就賺夠, 可以唔駛再做關門呀? 真係好誇張, 未入平等院時仲開住的 ...

唯有搵第二間啦, 咁岩又俾我地望到間位於街口既 料理旅館 -- "宇治川"
呢個第二站, 竟然有驚喜 ! 食野果層係上 2定 3樓既, 一上到去, 好有日本味道耶 ! 大家都係坐0係塌塌米上面, 前面放左張矮木抬, 窗口係好日本既窗框, 望出去係條河, 仲有好多矮矮既小屋, 總之成個環境都好 "日本" ! 我鐘意呢間食店 !~
我地叫左兩份 天婦羅綠茶冷麵，再加埋冰綠茶，再加埋有強冷既冷氣，真係爽過 Dee Dee XD ~~~ 所以0係呢度都好疏乎咁影左 D 相~

食完, 為免D 手信店又好似「ながの」一樣來個「本日終了」 , 都係快快手買左 D 手信先
去左出名既 「伊藤久右衛門」 買 D 宇治特產中既特產 - 綠茶製品, 佢買佢既茶葉, 我買我既茶粉。不過由於天氣炎熱、再加上我地還有幾日先返香港，所以好多野都唔敢買，例如蛋糕、福餅、Cheese Cake、布甸咁。佢買左個綠茶蛋糕 , 唔係咒佢變壞, 係關心個蛋糕頂唔頂得住唧 , 熱咁咁樣, 人都出汗啦, 何況件蛋糕 ...

買完, 就繼續我地既行程
我地沿住 宇治橋 行去對面岸 , 呢條橋個造型都有d 似嵐山既渡月橋 ... 嘿, 不過其實日本既橋來來去去都係果兩三款既唧~ 0係橋既隔離, 有個 "紫式部像" , 嘿嘿~ 原來 "紫式部" 係個女人來的 !
行到去對面岸, 我地再沿住宇治川呢條河行行行, 再見到另一個像 - "源氏十帖" , 都係描述緊書裡面既情節 , 真係估唔到 , 一部小說, 可以0係宇治度咁出名, 仲勁到整兩個像出來, 真係估唔到 。

都熱辣辣咁行左陣, 先到第三站 - 宇治神社
雖然個神社門前都有好正正式式既烏居 , 但行到入去, 原來細細地, 無乜特別地方再行
行番出來, 好快就到第四站 - 宇治上神社 , 多個 "上" 好似又唔同 d 喎, 裡面好似再大 d , 再多d d 野睇 , 有烏居, 前面有堆沙既拝殿, 無開放俾人參觀既本殿, 一潭死水 "桐原水" , 都唔好睇少佢嫁, 佢都有名堂有背景, 果日都有唔少人去參觀嫁 ! 而且宇治神社同宇治上神社 入場都係 "無料" 的, 所以唔緊要啦, 當行下, 睇下野啦~~~~

參觀完呢兩個神社, 我地就跟住地圖, 搵下搵下去下一站 - "源氏物語博物館"
沿途見到好多棵 "有好多尖尖角既葉" 既樹 , d 葉仔真係好靚好得意 , 0係香港好似未見過喎 !~ 就因為0係香港好似未見過, 每次見到 d 葉仔時, 成個感覺都好 "日本" ~ 嘿嘿, 對d 葉仔有興趣, 流口水 tim !~
不過見到d 葉好似唔算乾淨, 所以都淨係 "眼看手勿動" , 無多手 ^^"

行到身水身汗 , 去到博物館都即刻去一去洗手間整理下
無俾入場費入博物館深入研究源氏物語 , 一來怕悶, 二來感覺上都唔平的
我地又入左博物館既咖啡禮品部盪, 呢個禮品部唔駛入場費 ^^"
呢個咖啡禮品部分開三部分, 第一部分係資訊部, 放左好多部電腦 , 每次俾人揀來聽 早就儲存0係電腦既錄像, 唔同電腦, 所聽既都有D 唔同的 ; 第二部分就真係禮品部, 賣好多關於源氏物語既野, e.g. 源氏既書籤 , 明信片 , 咭 , 我地都有買左少少野, 我買左書籤仔, 豬仔買左明信片 (可能只係一張咭) , 都幾靚的~ 第三部分就真係咖啡閣既樣 , 俾人坐得飲下食下 , 都絕對唔平的 !

睇飽抖飽, 就離開了, 行到出門口 , 又見到日本限定既樹葉仔 ,
今次見 d 樹葉乾乾淨淨, 終於, 出手喇 ! 拎左 3塊得意樹葉仔走, 唏唏, 成功 !~~~

慢慢行番出去宇治川 , 0係某間店食綠茶雪糕 , 究竟, 我地係 share 食, 定一人一支呢 , 真係值得商榷 !~ 個 綠茶雪糕 甜中又帶 d 甘, 都幾特別, 我好少食到 !~

發生一段小插曲， 當見到另一個宇治車站 - 電鐵宇治站 , 我就 "質疑" 我地來既車程係咪最快既車程，會唔會依家搭電鐵又會快d 呢 , 咁有質疑就自然會對話啦。 "咁無他既，點樣來就點樣去，唔洗諗係咪 Very Good 先。" "如果新方法快既 , 都可以試試喎~" 大家 "商討商討" , 最後都係原路離開既 , 我無唔高興啊 , 係未諗得清佢既說法嘛, 諗得明就無問題了 !

行去搭 JR 時 , 見到個天有隻 "巨型小強" 呢 , 有舊雲好似隻小強耶 ^^" !

咁我地就離開宇治, 搭番 JR 落下一個目的地 - 京都車站
離開個車站前, 不忘 JR 指定動作 - 印印仔 ~
吖, 日本D 地鐵站入面, 成日都放左 "雜誌架" - 放左好多唔同既單張 , e.g. 地圖, 購物推介, 景點推介, 玩樂推介, 各類優惠單張, 真係個個站都有, 爭多定少唧
而呢個京都車站 , 就放左一大排旅遊推介 , 真係多到唔講得笑 , 即刻影番張留念 ~
不過個個站都有咁多單張, 真唔環保 ^^"
p.s.: 除左有單張, 好多時仲有 搵工, 商場優惠既野, 一本本, 又係一堆堆的, 真誇張 。

上到車站地面, 就見到京都站對面, 有座好高既 京都塔
呢座京都塔就犀利囉 , 我地未日落前影左佢丶日落途中影左佢丶入黑之後都有影到佢 ,
應該爭 中午烈日當空未影 丶 落雨未影 同 落雪未影 而已 ^^"

影完京都塔, 我地就即即搵搵我地既第六站 - 手塚治虫 World , 點解去呢度先呢, 因為都驚呢間會好早關門, 真係試過好幾次 , d 舖頭好出奇丶好早就"本日終了" , 實在要把握機會 !
搵到果度, 都無我地諗得咁大 , 只係一間大 d d 既舖頭 , 特別既係, 一入門口就有幅全家福既相, ^^" 原來淨係我同個板影左相, 豬仔無影 ^^" & 佢舖頭出面, 擺左好多人咁高既角色大公仔， e.g. 小飛俠 , 秦博士 , 呢 d 公仔我同佢都有揀左d 來影相~
p.s.: 原來呢間真係早收的, 好彩我地及時去左唧~~~

0係呢間手塚 World , 我地無買到野, 不過就竟然俾我見到部貼紙相機 !~~~
當然唔放過部機, 即刻搵豬仔影 , 雖然無閃但可能係賣公仔樣, 所以貴少少, 盛惠 500円~ 呵, 又同豬仔0係日本影 貼紙相 , 開心開心 : > ~~~

見開始入黑, 我地就落去地下商店街「The Cube」同「Porta」, 一來係想睇下有咩岩食 + 想食 , 二來就係想睇下有冇咩比較京都限定既手信 ,
我地0係 "京名菓" 買左d 比較得意既糖果 , 我買左個木屐樣既盒仔, 裡面裝住左幾粒糖 , 佢就買左盒個樣整到好得意既糖仔 ~
再行第二間舖 , 買精品手信的 , 我竟然見番0係清水寺果條手信街附近買既細布免仔匙扣, 見到唔緊要 , 最緊要係我買貴左 ! 無理由的, 無理由0係 京都呢個咁大既車站 + 專賣手信專賺遊客錢 + 睇凖d 人趕住0係車站"補飛"買手信 既地方 , 竟然賣得平過一個小小既清手寺 , "un相信able" !

之後又繼續行, 又見到其他賣菓子手信既店 , 都係睇多 , 因為睇落靚靚地的都淨係可以擺幾日 , 幾日我地未番到去吖, 買來無用 ; 唔算好靚的, 就唔駛急住依家買, 之後番番去大阪時再買未遲
不過豬仔臨尾都有收穫既 , 又係捧一盒走!~ 我本來想買番 去台灣旅行時0係 "五角船板" 食過丶有d d 似草餅丶裡面軟軟地涼涼地丶外面灑左d 粉既糕 , 真係好好味, 一試難忘! 本來呢個 "目標人物" 已經出現了 , 可惜問清楚佢既 "賞味期限" .... 噢 , 佢既期限太短了 , 留唔到番香港, 可惜可惜 !
p.s.: 番到香港, 豬仔搵過, 原來呢種咁好味既東東叫 "蕨餅" , 我認住你了 !

行多兩間, 真係真係, 搵地方落腳食晚餐了
我地沿住 West Zone 果條露天既長樓梯慢慢行行行 , 一路行一路望番落去影相
個人覺得呢個京都車站其實設計得好靚好特別 , 個車站咁大, 中間都係空心的, 所以0係車站既一邊, 可以望到好遠既另一邊, 感覺幾特別~

上下一層, 上下又一層, 我地最後行左去 10 樓 ! 目標 : 拉麵小路 !
0係呢條"小路"逛左個圈, 最後揀左食大阪既鐵板燒 & 章魚燒 & 可樂 ,
點解京都會食大阪既野 , & 點解 "拉麵小路" 會食到唔係拉麵既野呢 , 值得研究!~
都好味 , & 都唔細份, 兩個人都可以食飽飽 , 我仲0係果間食店拎左把 "大葵扇" ~ 之前0係街食日見到有人拎住潑 , 好似好涼咁, 今晚終於拎到 ! 岩曬我地之後既旅程 ~

食完, 我地上左去天台 "空中花園" 睇夜景, 無料的 , 都真係有人嫁喎 , 仲幾多人兩個兩個咁坐埋一邊"談心" , 不過果度都幾黑下, 睇唔到佢地仲有冇其他正經事做緊 ...
我地咁岩企既位, 望出去既景就一般 , 同埋塊玻璃有d 花有 d 朦 , 睇得唔係幾好 ^^"

見無咩特別野睇, 就轉移陣地 , 行番去拉麵小路果層 , 果度可以通往 空中走廊
個空中走廊 雖然都係無料, 但 一d 都唔hea 的 , 望出去既景都值得影相嫁~
唔知係咪晏左去 , 定係吸引力唔夠京都塔勁 , 我地行果時無乜人 , 不過人少少幾好, 影相又易d , 傾計都易d , 行都行得舒服 d ~~~

個空中走廊真係唔錯嫁! 差唔多成個車站由東到西都橫跨曬 , & 都幾通風的,
最特別既係 , 佢真係好似 d 旅遊景點咁 , 有個地方真係豎起個指示牌 , 對照番出面既風景 , 講俾人知好遠既呢度係咩景點, 果度又係咩景點 , 個指示牌入面, 都指左好多景點 , 最記得就係有京都御所 ,
感覺又好特別 ! 原來我地每日滴住汗咁行咁多路, 好似好遠好大咁 , 但其實都係0係眼前肉眼可見既地方中
如果朝早來, 可以親身一眼見到咁多景點, 應該更壯觀 !

0係空中走廊行到夠, 就落番車站歸家
0係我地既烏丸御池站裡面, 有個小既 "創意" 展覽, 我地終於忍唔住執筆留左幾隻字 ...
Good Try !
佢地見到肯定跑出來打我 !

題外話 : 0係日本, 如果 d 街或者 d 路叫 "小路" / 有個 "小" 字 , 絕對絕對要相信 ,
因為佢真係好誠實, 俾曬提示 , 絕對無呃人 , 千祈唔好諗住佢係嚇鬼你,
真係只係一條小路來的 , 邊個高估佢就係蠢蠢了


京都最後一晚了 , 唔捨得 ....
再見了, 古色古香既京都 , & 我一定會掛住 這個你的 ‧‧‧

12- 7- 2008 (六) Day 6
市巴之 一日乘車劵之旅

題外話: 尋晚我地就已經食左奈良買來既白桃, 用問酒店 reception 借來既刀切開,
吖, 借既時候, 佢都入左去 ok 耐先拎把刀出來 , 嘿, 唔通把刀係佢地員工房借來既刀 ? ...
印象中都係第一次食 新鮮白桃 , 地們罐頭桃就食過唔少...
果兩個白桃聞落真係好香, 食落好甜, 好多汁喎! d 水多到可以一路食一路漏出來 , 犀利!
對白桃有非常好既評價 !~
反而 d 蕉就飽飽無食, 再等遲 d d 再食
到今朝還刀時, 個叔叔問我地 room number, 豬仔好順口咁話 402 (因為上一間富士屋係 402房) , 其實我地係 403 , 個叔叔幾驚訝咁話 "402?" ......
哈哈, 無人入住的, 實嚇親佢了 ~ 我地即刻更正番無事了~~~

嘿, 今日都係無點早好多起身既 ^^" 無計啦, 太好訓了~
一出酒店, 我地就去附近既地鐵站 - 烏丸御池站 , 買左兩張市巴士一日乘車劵 , 每張 500円, 0係指定範圍內一日無限次使用
咁就展開我地既市巴一日乘車劵之旅 !~

不過買完乘車劵, 我地都仲係要行那條長直路 "烏丸通" 落大馬路四条烏丸, 因為 "烏丸通" 無巴士去到我地要去既目的地, 係大馬路先有, 唉~
亦都係呢個時候, 本京都旅遊書附加既巴士地圖就大派用場喇 !
首先睇目的地有咩車號去到, 然後搵附近有冇呢個車號既巴士站, 就大功告成
一開始其實唔係好識睇呢張地圖, 主要搵唔到依家企緊咩方位, 邊個行車方向, 同前面係向住地圖邊度行緊咁
又係摸索左一段時間, 終於搵到個車站 , 望去車站既對面, 又係先幾日仲係 "光脫脫" 既「鉾」，依家已經裝扮左唔少, 應該係師傅們趕工既成果!~
等緊車時, 又見到樣新奇物, 就係 曉"郁" 既巴士站顯示牌 !
佢會將架車行左既路, 同 依家個車站 中間既隔離分成 3段, 每行完一段路, 個顯示版就會跳一下, 等人知道依家架車去到邊度喇 , 好貼心吖
真係好犀利 丶 好 "堅" 嫁 ! 當個牌 "顯示" 架巴士就快到站後, 無幾耐架巴士真係駛到來了! ~

我地第一個既目的地係 金閣寺 !
搭唔記得係 12 定 101號 bus 0係 "金閣寺前" 站落車 , 一落車, 其實好易搵, 睇邊條路最多遊人行去就是 ~
哈, 金閣寺既入場卷係張 "御守護" 來的, 好特別! 嘿, 張 "守護" 保 "開運招福, 家內安全" , 咩都保曬, 咁0係呢度唔駛另外買 繪馬 , 符 etc. 了 ^^" !~

一入到去, 其實都有d 似行緊個靚版既公園 , 因為差唔多全程都無冷氣 ^^"
除左0係入口度見到個有梵鐘既 "鐘樓" , 一入到去其實已經見到0係湖旁邊丶 金光閃閃 既 金閣舍利殿
真係好閃 !~~~ 點解一座室外既建築物可以咁閃嫁 ! 真係好似真金咁, 好犀利 ...
佢既屋頂仲有佢既標誌- 金鳳凰 , 一樣係咁金 !~
仲有巨型版盤景 - "陸舟の松" , 明明d 松好細盤嫁嘛, 佢種左成棵樹出來, 都似有六百年, 仲整左個盤景咁既樣 , 真有心機, 至於個意境... 都似隻船既, 再深層 d 既意思暫時未領略到 ^^"

吖, 唔同角度睇金閣寺都係好新好靚, 靚得好唔真實果隻, 又係加埋周圍既樹 同 藍天 , 真係 影相佳品 !~
唔知依家裡面仲係咪住人既呢, 咁果 d 人都幾開心喎, 住0係金光閃閃既屋... 唔知入面咩樣既呢, 會唔會都有廚房既呢, 咁 d 油煙又點算呢 ...

然後, 又見到差唔多每個寺必備既 "小型禮品部" , 表面上佢係間簡樸既茅屋 , 實際上裡面係有冷氣滲出來的 , 所以我每次見到呢D "小型禮品部" , 都會行過去, 一來睇下有冇岩心水既禮品, 二來可以涼冷氣 , 冷氣真係我既好朋友~
再行上 d , 就見到一個湖仔 .... 吖, 唔係, 係叫 "安民澤" , 用途係安民, 仲有 ... 養蚊...

吖 , 原來, 太陽係我既天敵 !
每次0係 "烈日當空, 太陽底下" 行, 就覺得, 原來我既心情, 係同個太陽既曬+熱力成反比的,
當個太陽高高掛, 無遮無擋咁曬落我度, 我D 興致吖, 幹勁吖, 精神 etc. 都蒸發曬,
但一去番 d 陰涼d , 無太陽曬住既地方呢 , d 心情又番番來咯 , 又 "精靈" 番曬, 做咩都有幹勁 d ! 真係好神奇 !~ 萬試萬靈 !
所以呢, 冷氣係我既朋友 , 太陽唔係我既朋友~

所以0係金閣寺呢度 , 除左 "痴" 實0係佢既遮底下 XD , 就係搵陰涼既地方企 , 個人真係會爽d , 疏乎 d ~
又可能因為曬既關係 , 除左係咁影金閣舍利殿既相外 , 其他小型建築物都係影左少少相而已 ^^"

題外話: 第二個日本限定常用詞係 --- "大樹好遮陰" !
凡係去 d 寺吖, 社吖果堆度參觀 , 大大部分時間都會0係室外+太陽底下逗留 , 咁好自自然然就會 "呢" 去 d 有陰遮既地方抖涼喇 , 咁邊度有陰遮呢 ? 就係0係大樹底下喇 ~ 所以真係 "大樹好遮陰" 的 !~
順理成章 , 第三個日本限定常用詞係 --- "開遮" !
0係香港就少 D 機會要不停咁0係太陽底下行, 0係日本, 我既 "勵精圖治" 下 , 成日都有機會行 , 呢度又行, 果度又行 ,
仲要行去好多景點之前既路, 甚至係景點果度, 都無陰遮 , 如果唔開把遮遮住個大太陽 , 真係中暑都似 ! 仲要日日中幾多次都得! 所以, 我地一去到室外 , 豬仔或者我就會講 , "開遮" !~
p.s.: 同埋豬仔話 , 樹底下都最好開住把遮, 因為 d 樹唔知幾時會跌條蟲仔落來, 好得人驚的 ! 所以我記得, 0係奈良既春日大社 , 宇治既平等院 etc. 有陰遮既地方, 我地都有開住把遮, 把遮真係好有用 !~

哈~ 雖然金閣寺張入場卷本身已經自稱係 "御守" , 可以 "開運招福"
但0係小禮品部竟然見到有 300円一塊既 繪馬 (好多都係賣 500円一塊的) , 呵~ 繪馬係日本 "特產" 來喎 , 第二度買唔到既, 所以我地就一人搬左一塊番屋企 ~
D 繪馬幾得意嫁 ! 屋形的, 原本俾人寫 d 願望上去掛0係個寺度
我地既繪馬依家保 " 家內安全 , 交通安全 " ~

周圍閒逛左 ok 耐, 再見到個大型好多既禮品店, 裡面既冷氣簡直吸左我入去 !
都賣 ok 多野嫁 ! 本來佢想買對公仔番屋企 , but 最後諗住出面應該都有好多同類型賣, 所以都係再睇定的
比較特別既禮品包括 好多以金光閃閃既金閣寺為造型既匙扣 , 錢箱, 擺設 etc.
唏唏~ 入面某d 位真係好涼吖~ 特登停0係出風位附近好耐先走 ^^"

金閣寺竟然又有坐低食野同自動售賣機既地方, 不過都唔出奇既 .....
不過我地又係 "運吉" 的 , 搵左張櫈坐低 "補給" + 抖抖就走了 ~
離開時仲經過另一座寺，叫 "不動堂" , 據說內裡放有重要文化財產之一的「木造不動明王立像」 , 我就無乜留意呢間係咩來, 不過就見到佢擺0係度既兩個籤筒, 一路行一路望個籤筒就繼續我地既旅程 ~

離開金閣寺時 , 都有傾過0係邊度食晏仔 , 因為呢度附近都有地方食野,
我形住形住下一個景點 -- "嵐山" 就只係一座山 , 一座有美麗景觀既山咁簡單 ,
佢就話果度應該唔係得一座山, 有野食的 , 所以我地就決定搭車去左果度先再搵晏仔

本來原定路線係搭地鐵去嵐山 , 不過既然我地買左乘車卷, 所以決定今日全部都用巴士
而且咁岩又俾我地搵到點搭巴士去嵐山 , 首先我地搭 59號去山越中町站 , 呢個所謂既總站都幾荒涼, 好在都有幾個人又係等車去嵐山 , 等左ok 耐, 我地再轉搭 11號往嵐山天龍寺前站

來到 嵐山 , 我地0係電鐵嵐山站既下層-- 地面坐低, 研究一陣既路線圖 + "方便下"
呢日仲有郵局既 "臨時出張所" , 佢地都幾熱下 , 亦無乜人幫襯 , 慘慘 ...

我地整理下後, 就再周圍行下 , 主要係搵晏仔, 竟然見番 "ちりめん細工館" ! 個舖面同祗園果間一樣 , 都係裝飾得好別緻好靚, 即時入去睇睇 !
賣既野都係差唔多 , 不過, 祗園果間就有 以十二個月份為主題 既公仔 , 而嵐山呢間就有大型既 布壽司 拼盤 , 好靚靚吖 ! ~ ~ ~

之後見到既係 "大本山天龍寺" , 不過呢間我地淨係0係大門口影左相唧
周圍打左個圈 , 就0係一間家庭式經營既食店食晏仔, 佢叫咖哩飯, 我叫炸豬排烏冬
竟然0係牆上面見到 阿B ....... 吖, 唔係, 係 "日日是好日"
食到尾時再有幾個年青人坐低食野 , 佢地有個識講廣東話的, "他鄉遇同鄉" !

食完, 我地再去吃甜品 , 我地去番車站度, 果度有間店賣雪糕&飲品, 佢叫左綠茶雪糕 , 我既就係幾樣生果加埋既凍飲 , 酸酸甜甜 , 都唔錯~

之後 , 就行嵐山浪漫景點 -- 渡月橋 ~
呢條橋本身望落就唔算好特別 , 特別既係加埋周圍既景 , 佢底下既 "大堰川" 都幾靚嫁 !
D 流水唔算好急, 慢慢流, D 水由山群果邊流來, 近山果邊有太陽曬落條川度, 金光閃閃, 靚! 仲有人0係度玩艇仔, 加埋呢條渡月橋 , 成個景望落好舒服 !~

happy holiday mood 滿瀉 ~ 我地就0係 嵐山公園 慢慢享受旅行 ~
0係公園慢慢坐 , 慢慢嘆 , 慢慢影景 , 慢慢影人 , 慢慢傾計, 慢慢感受呢個悠閒既環境 ~
唏~ 0係呢個靚景, 因為有對男人搵我地幫手影相 (兩個... 男人 ?!?) , 所以我地0係呢度有 合照 了, 開心開心 : D !~~~

係囉~ 明明閃咭書介紹嵐山 , 都係話嵐山裡面有咩行, 我咪形住形住只係一座山來囉~ 由於我地又熱又懶 , 又唔係咩花期, 所以就無來個 "自然深度行" 喇
& 本來晏晝時都計畫過, 行完渡月橋可以搭車出番去睇京都御所 etc. , 不過可能我地0係嵐山公園嘆耐左 , 研究過 , 果時 4點幾 , 出番去都要差唔多 45mins , d 寺類又 5點關門 , 好似趕唔切 , 所以都決定取消撲出去計劃 , 繼續嘆 ~ ~ ~

行番出去時, 見到 d "古銅‧猛男‧人力車" 都差唔多收工 , 佢地都幾敬業喎 , 收工時會好高興咁同人地同遊客講 "我收工喇" (<-- 我估佢地係咁既意思)

我地再次去番車站 , 嘿, 途中都係入去d 店入面吸冷氣 ~
去到車站, 搵左個位坐低等車, 0係我地前面, 仲有個 "猛男" 未收工 , 佢好似好陰公啊 , 佢企個位無野遮住, 個太陽係咁曬落去 , 滴汗唔止 , 間唔中先飲幾啖水 , 仲要我地等車咁耐 , 佢都未有生意 .....
搵食艱難 ‧‧‧

終於有車 , 更好彩有連住兩個位坐 ~ 都坐左好耐 , 由 pass 覆蓋唔到既嵐山去番 pass 覆蓋到既京都中心 , 估唔到 , 有 pass 我地呢程每人都要補番 240円 , 張 pass 削削 ^^"

0係四条河原町落車 , 唔知點解 , 河邊既食肆已經坐左好多人 , 唔通d 人已經收工咁爽 ? ... 街上面又有人着和服, 豬仔話一陣可能有d 咩祗園祭慶祝活動, 所以咁多人着和服, 好有日本氣氛耶, 真開心~ 我地行左去附近既百貨公司 - "高島屋" (sogo 果類) 逛 , 連佢都擺左好多着和服既公仔, 我即時影番張相留念 ~

我地先0係最底賣各項食品果層逛 , 見到有好多野食 !~ 有蛋糕, 甜點, 炸物, 漬物, 新鮮蔬果, 海鮮, 魚生, 炒麵, 膠兜裝便當 etc.
之後我地再上食店雲集果層, 再次 "他鄉遇同鄉" , 見到來自香港既 "淺水灣" 同 "糖朝" ! 0係呢度香港既地道食品 e.g. 芒果布丁 就貴了 , 仲有各國食品, 不過我地最後都係落番去最底果層買晚餐,
我地買左兩串炸野, 兩串燒野 , 加埋...... 一個 8件 雜錦蛋糕 !~ 本來都想買一整個蛋糕番去慢慢切既, 不過一整個果d 又唔岩口味, 所以都係揀左呢個, 呢個睇落都幾好味~
p.s.: 買蛋糕時俾錢時, 個店員同我地講左幾句野, 不過我地聽唔明, 見我地一面呆滯 , 就有位先生同我講左堆野 , 初時唔知佢講緊咩, 到後來先 "感覺到" 佢講緊英文, 話咩聽日前... 應該係話個蛋糕最好要0係聽日前食左佢, 真係唔該曬 !

買完野, 本來諗住好豪咁拎住張 pass 搭車番去, 點知送車尾, 下一架又有排, 唯有繼續行
行番去時, 再0係 "羅仔" 買左個 微型年輪蛋糕 同 牛乳 , 豬仔話呢隻蛋糕幾好食的~
0係行番去酒店既一條小橫街中, 又見到隻仲整緊既 "鉾"

番到去, 開始我地既晚餐 , 頭盤竟然係 杯麵 !!!
就係0係奈良超市 "OKest" 度買丶仲未食既 日清鐵板炒麵 (<-佢) & 日清麵職人 (<-我)
再開埋頭先0係高島屋買既炸物同燒物做餸
豬仔見悶悶地, 開個電影看看 , 竟然見到佢偶像- 涼子 ! 原來佢有套日劇《ヤスコとケンジ》首播, 真係好好彩, 咁都見到 ! 齣劇我估係兄妹親情劇啦 , 睇左一集, ok 既, 係個小妹妹女主角唔夠吸引 ^^"
如是者，有涼子0係度, 我當然靠邊站, 無定企啦, 唯有 "默默" 食杯麵

食完杯麵炸野 , 抖左陣, 今晚既主角出場 !~
佢就係熊仔嘜頭做牌子既 4款 8件既精選蛋糕 ~ 我同豬仔每款一人一件~ 有栗子, 朱古力, 芝士, 杏仁蛋糕
豬仔呢晚食左 3件 , 我就食 2件 , 留番兩件聽朝做早餐, 將快樂延長~~~
如果有得一整個蛋糕自己切就更好 : > ~ 我地好少機會 切蛋糕 呢 , 最主要係無地方俾我地切完蛋糕食, 二來得我地兩個好難買個大蛋糕番來切 , 真可惜, 一齊切蛋糕好開心耶 , 因為多數切蛋糕都有事慶祝嘛~

食完蛋糕, 又係時候做晚上指定活動 --- 洗衫 , 今晚洗既衫無之前咁多~
p.s.: 唏唏~ 晚上0係酒店洗衫其實幾 sweet 的 ~~~ 因為我地兩個人, 一個會負責洗衫, 另一個一時會幫手洗, 一時又會幫手搵位擺吹乾d 衫 , 係咪好似對夫婦仔呢 ~~~
好 sweet sweet , 所以日日洗都唔拘~~~

題外話 : 點解 day 6 會用綠色既呢 ? 當然唔係因為我鐘意綠色啦
係覺得綠色同今日既主題幾似, e.g. 金閣寺, 嵐山 , 都係好大自然 。

今日既一日乘車劵之旅順利完結 , 今日真係除巴士以外, 無再搭其他交通工具 , 張 pass 照數字計就無賺無蝕, 行程多d 就應該着數 d既 , 不過唔緊要, 我地有張乘車卷做紀念吖, 賺左喇 ~
行程相對之前較少, 疏乎 d 輕鬆 d , 有好有唔好啦, 不過有得同豬仔一齊, 就已經好好了 : > !~
多謝豬仔