＂就快沒有自由的曰子~第三天 - 是日破日"
臨急抱佛腳果然無乜效用, 上周練過一次琴, 到昨晚同今朝再睇左D 歌仔, 今朝學琴時, 真係淆到谷底, 琴老師都贈左我一句 "唏~ 臨急抱佛腳有咩用吖~" , 最後, 2/ 3 首歌仔要捲土重來重練, 唉 ~

今日約左"損友馬騮仔" , 喪吃@小肥羊, 嘿! 佢之前仲話想 "eat some delicious but not a very heavy meal" , 傾下傾下原來就係小肥羊! 搞笑!~ 飽爆咁開始我地 shopping 之旅, 行左好多地方, 買左好多野, 絕對係破財日, 不過都買得好開心 XD ~~~

今天我明白到, 越到死期, 心水越清的 ..
今日突然醒番起一件事, 聞說私家地方通常都要自己抽血打"豆豆", 呢D 我係唔識兼無教過的, 曾經諗過, 報個 one day course 讀下的, 仲要無意中俾我見到 10月29日有堂, 真係岩曬我, 點知過下過下, 最後我竟然無左回事, 直到今日先醒起 . . . 我太壞了, 少少野都唔記住, 早d 醒起咪好囉, 咁就會讀左了, 唔駛依家0係度騰 ...
阿文阿迪, 救我吖

今天, 損友再次提醒, 你，得番 4日了。

＂就快沒有自由的曰子~第二天 部分時間有陽光 ＂
今日同呢期好多晚一樣，超早訓，真係好早，我看到了日出
可能呢排得閒得滯呱~ 唔算失眠吧，我沒有上床訓的
今日見到想見既人，所以特別開心~ 朋友仔番左一日工，說過得還可以，唔知我有無甘既福氣呢。。。
有一朋友幫我計過，原來我自由快樂的日子只剩下五天，真係少
個假期都很＂清閒＂，除左旅行，都無咩做過，係學琴囉，N個星期練幾首歌仔，懶到呢~~~
老老土土地說: "希望我地成功!~"

應一損友要求, 又每日寫一篇心情, 直到番工果日, 損友稱希望感受到林峯寫"沒有常在心的日子" 既感覺, (鐘意偶像到咁, 真變態 XD!!!) 好吧 !


"就快沒有自由的日子- 第一日 密雲"
今日, 如往常好多日子一樣, 做着我說既 "嗜好" 之一 ... 同阿媽飲茶
今次飲茶團好齊腳, 阿媽, 阿 E, 我, 過住師奶既生活, 飲茶, 行超市,
雖然如此, 但心底裡總記掛着 "下星期既呢個時間, 我就要番工了"
另外, 我既好伙伴今日都放完佢既 35天長假, 正式番工了, 看着他番工, 感覺就像,
"快上戰場的兩個人仔, 站在戰機上, 凖備跳降傘落去 ,
今天, 身旁的戰友, 就率先跳左降傘落去戰場了 ,
現在, 只剩下我一個人仔, 在冷清既機艙內等着, 不知過程如何, 不知將來如何地等着跳降傘落戰場 。" ...

9月 25號, 終於為這工作畫上一個休止符,
離開這工作了 3年多既地方 ,
略作休息, 到 11月 7日 (星期一) 先再番工, 一份帶有全新面孔丶文化既工
對新工, 還是有好多個問號在腦海 ...

不過, 目前感受到的, 是 超期待 !~~~~
年度大假企劃第一彈- 26/9 - 12/10 瑞士旅行
真係諗起都開心
入面仲有我地既紀念日, 呵~~~ 期待~~~
希望一路順利平安 : > ~

不再有憂慮，不再有害怕；與主在一起，甚麼都不缺。
不再有憂慮，不再有害怕；有主就滿足。

我上上一次番教會, 到結尾時聽到呢首歌仔,
之前其實都聽過, 不過都無乜特別感覺
今次唔知點解聽下聽下, 又好似講中 D 野咁
我既將來唔知會點呢, 其實自己係咪衝動左D 呢,
前面係一條全新未知既路, 自己可以走得過嘛?
要跌低幾多次, 才學得會走這條路?
走唔過時, 又係咪真係可以好似自己諗既咁樣, 可以好理性丶當無事發生過咁行番出來?
霞姐, 你頂得順嘛...