＂好感謝主祢繼續俾時間, 俾機會我番教會, 繼續去認識你。＂

今日除左係崇拜，　仲係提摩太１９歲既生日
有幸第一次參加堂慶，由聖誕到現在的半年多，　
認識了很多新朋友，呢ｄ係我意想不到的，
我以為以我既＂慢火＂mode, 應該有排都未識到人的,
但豬又介紹 ann, fiona, kari 幾個俾我識, 佢地個個都好好, 令我可以自在d, 無咁多隔膜,
其實開始時, 覺得人人都有佢既朋友圈, 我又唔係d 主動積極的人仔, 真係插針都唔入,
但好意外地, 一次既音樂會, 竟然俾我遇到新加入既朋友仔, ar yan, michelle, so yan佢地,
如果我果日無好大膽撩企0係我後面丶陌生既 ar yan "傾計", 可能現在我同佢地都互不相識,
很好吖, 到依家都仲 keep 到
仲0係唔同既方式下, 識到唔同人, e.g. ar tim, 聖杰, selena, 泰崗, angus, etc.
又好神奇下, 由原本成日番星期日, 變成成日放星期日, 呢個真係佢微妙既安排.
呢一切, 都衷心感謝
多謝 , 請繼續愛我

今日聽到呢首歌, 無良心既我對其他歌詞唔係好記得, 就係對呢段最深刻印象
"我深知相信的是誰"
我不知今後將如何，人生或悲或喜，
見主之前或多患難，或萬事都順利。
但我深知相信的是誰，也深信祂能至終保守我，
我交祂的都必穩妥，直到祂顯現那天。
我同豬仔對前路都好迷茫吖, 求祢保守我地, 指引我地吧
支持我地, 在我地覺得灰心絕望時不致枯乾
在我地覺得疲倦時得到休息
雖然唔知道祢所凖備既路是怎樣, 但都希望我地能互相扶持, 慢慢了解祢既心意.

＂唔講唔代表講大話, 只係唔講曬事實既全部唧"

呢句野無話錯既, 可圈可點囉
如果唔講既係d 無關重要既事, 唔講當然無問題,
但如果講左出來後, 會影響到人既諗法, 感覺, 決定時, 仲可以唔講嗎?
咁仲唔係呃人嗎?
可能唔同類既人會有唔同既感覺, 可能佢成日用緊,
但我覺得好反感囉, 我覺得咁樣同呃我無咩分別
我當然唔期望人人都對我好好, 又呵又錫, 因為我唔係一個可愛丶討人歡喜既人,
但我唔會呃你, 你都唔好呃我囉。
講完後，可能需要講很多的大話掩飾；
而修補就需要用更加多既心神，時間。
番工還不夠辛苦嗎？還是將大話帶進生活裡嗎？

某朋友講既 term "是非當人情" 真係好岩用,
某已調職丶離開左呢個病房既Z 偷聽到人講野, 轉頭話番俾呢個病房D人聽,
行為極之小人丶醜陋丶可惡丶卑鄙丶可恥 。。。
一來係偷聽，二來唔關佢事，三來都唔應該將人地既事講俾其他人知吖
呢個Ｚ　０係病房時，我已經覺得佢唔係好人，事實証明，我果然無睇錯，
真係好嬲，佢好衰囉！　點解要咁做？佢係咪唔做小人丶唔打小報告會唔安樂。。。
＂如果殺人唔駛坐監的話，我第一個殺左佢！＂
職場真係好醜惡，好討厭

六月回顧
六月話咁快就過左, 都諗唔起自己做過D 咩 ^^"
6月頭幾日呢, 就仲放緊假嘆緊,
之後就 keep 住個個星期學琴,
每個星期有 ~3日去左牧田園練琴
其實依家都幾多工餘時間都去左練琴,
無計啦, 個人天資唔夠聰明, 唔可以一學就識, 唯有練多d 將勤補拙吖
不過我都有個疑問, 我真係可以 keep 到每個星期都拎好多好多時間出來練嗎?
希望可以啦~ 我都想有一番成績既!

之後就係飲飲食食,
同豬又去左翠華, 綠野仙吃 tea 吖, lunch 吖, dinner 等,
翠華真係幾好食!~ 可惜佢比其他就貴少少 (如果唔係叫佢個 set lunch/ dinner 的話)
如果唔係佢真係 perfect 了!~
好似第一次吃大佳b, 之前都錯過左,
叫左 "古古力雪花冰" 同 "芒果河粉"~ 好味~~~

仲有就係, 呢個月見左兩個地方,
原本以為今次都全軍覆沒了, 點知又有電話 ,
不過最後去邊間都仲未諗定, 唔知點揀好,
依家望見某d 同事 , 都有d d 唔捨得, 有d d 都唔錯的 ,
又終於捱到有個護士長好似好親切咁叫我 "shirley 仔",
我唔係因為有 "名" 而開心,
而係我用左差唔多兩年既時間, 用我自己既節奏進度, 慢慢經營, 終於有人接納我耶
可惜 ....

豬繼續佢既煩惱, 我好想幫到豬啊
感到豬既內心世界, 好矛盾, 好無助, 好黑暗
我可以點樣做令豬既內心有番光明, 開懷呢
我要多d 關心豬, 同豬有多d 心底話先得 !

2011年 六月開始, 我同豬既大計終於開始實行
真係一個里程碑呢, 終於有個目標呢 !~
我地倆都要一齊努力, 一齊達標 !~~~

轉眼間，３個星期大假咁就放完
真係好唔捨得，好似無咩做過就放完假咁
總結呢３星期做過Ｄ咩先！睇下我記得有幾多!


16/5一: 同 D同事去行街, 跟住直落soho 區去豪吃豪飲
17/5二: 同阿媽去吃帝苑酒店 lunch buffet, 好味~ 之後去左 facial, 洗左好多... 我唔應該耳仔軟..........
18/5三: 早上學琴, 之後奔去大埔同馬騮仔, 阿文名迪etc 踩單車... 其實主要係去 BBQ ^^" 晚上同 pak lun 飲野聚下舊, 對佢又有d 改觀了
19/5四: 同馬騮仔去迪迪尼 !~ 睇左呢個加左新野既城堡同煙花, 靚吖!~
20/5五: 去左血拼 TST Sogo, 買左好多野 ^^" ~ ......
21/5六: 去左坑口東港城睇林峯 XD !~ 好老土嫁, 相機重要關頭又無電... 之後落去 CWB Sogo 2nd 強烈回應 sogo 既訴求... 仲遇到好ward 既同事 tim!
22/5日: 番教會~完左同泰崗, tim & 新相識既朋友仔(正確來說都識左一個多月)既 michelle & so tsz yan 去唱 K ! 唔錯唔錯~

23/5一: 同馬騮仔去 High tea @ CWB Park Lane Hotel Lobby Lounge~ 呢D 生活真係疏乾呢 ~~~ 完左之後搵旅行社報團, 原本想去水上樂園的! 依家好熱嘛, 但又驚未開, 最後揀左達美旅遊
24/5二: 今日早上去練琴, 之後落左 TST 電頭髮, 嗚... 望落唔太靚仔呢 = =:
25/5三: 終於同豬聚一聚
26/5四: 同阿媽去過大海遊澳門, 都影左幾多相~ 仲同阿媽吃 Dinner buffet @威尼斯人, 三文魚好好味 XD ~
27/5五: 應該去左練琴啦,無乜印象
28/5六: 都係練琴, 之後同 michelle, kari etc 佢地玩 card game, 呢個好玩!~
29/5日: 又係去番教會~ 原本馬騮仔想呢日去旅行仔的,最後都係揀星期一, good~ 完左去飲茶, 之後去左派粽~

30/5一: 同馬騮仔參加達美旅遊既番禺 2天團, 去左睇野生動物世界, good! 晚上就睇馬戲團, 都好睇嫁! 不過可能攰,我睇到中途竟然0係度釣魚 !!! .......... 今日都好好玩, 如果可以涼d , 唔好咁曬就更好 !
31/5二: 繼續番禺 2天團, 今日去左行公園, 係咁跳, 真係熱到變傻仔... 之後去左吃 2hrs 既自助餐, 都 ok 嫁, 大陸團黎講唔錯吖, 之後行左陣商場, 買左好少好少野咋, 行耐d 應該會買得多d !
呢個達美旅遊真係報得過, 我一番到來即刻推介俾阿媽, 唔似其他旅行社, 呢個真係無什麼靈芝, 燕窩, 茶葉 果d "景點" 的, 非常好! 同埋食果d 都唔太差既, 都放得入口, d 堅既景點仲可以玩好耐, 唔駛走馬看花, 讚! 第日都會再報呢間~
1/6三: 今日同豬再聚一聚, 之後早早咁番去 QM 上堂
2/6四: 今日學琴, 上堂前練左一練, 之後去左練琴
3/6五: 同阿媽 etc. 吃 lunch, then 又去左 TST facial~
4/6六: 今日最後都番左團契, 由阿tim 帶, 都 ok 吖, then 同豬吃 翠華 dinner, 好味~
5/6日: 繼續番教會~ 哈, 3個星期都有番教會, 真係好~ 希望繼續有呢個機會, 時間
完左同豬去左 CWB, 吃 盛八 Lunch!~ 好耐好耐無吃了! 好好味~ 下次要試盛八食堂!
之後去左行宜家, 睇左豬既目標, 都唔錯! 臨走買左雞蛋仔+雪糕吃, 另贈送黑面豬一個
6/6一: 今日竟然都係放假, 但其實經理邊有咁好心呢! 唔係想咁睇佢, 係見到佢點對 d senior 都略知一二啦....... 今日同阿媽 etc 飲茶, 希望執到抬


噢, 數下數下, 3個星期咁就過完, 平時番工都唔覺咁快過的, 噢, 明天要過番d 非人生活了。。。
希望我既前路無我諗得咁黑暗啦...