話說, 0係放假前幾日, 經理突然走來同我講 "你下星期放假喎, 俾你放 3個禮拜啦, 好唔好吖?"
當時真係呆左 ,　原本放１個星期， 無諗過經理自動獻身, 我都無要求過, 不過, 既然肥魚已經游到身邊, 點可以拒絕呢~
就係咁樣, 我由 5月16開始, 突如其來地放 3個禮拜大假 。。。
不過，下次就唔知幾時先有大假放了


今天是5月27日。

話咁快, 學琴那兒今日已經上左第二堂了

第一堂戰戰兢兢咁上, 都咪話唔驚,
左手不嬲都好少用, 都唔知會點
不過又諗應該無咁快摸到個琴既...
豬早過我上第一堂, 番來時話學左10首歌, 幾犀利!
搞到我都淆曬, 如果我雞到無一半咁點算, 不能差太遠嘛...
上完第一堂, 好彩, 都無丟豬仔架, 仲少勝一首,
當時, 老師話 "吖, 你學快過你朋友少少喎", 我心底裡面沾沾自喜, 咀說"噢,係咩?"~
學完之後, 同豬一樣, 勤勤練, 不過同豬一齊練時,
聽見豬進步神速, 彈得好快好順噢! 真係好犀利仔耶~
我就慢慢慢慢來都.... ok既

今日第二堂, "醜婦終需見家翁" ,
一開始彈番第一堂學過既歌仔, 都合格既
都有問番老師d 唔明既野, 原來快同慢既"1234" 都係無問題的, 竟然係咁 !
之後就係 "好戲在後頭" , 新教果d 簡直係另一層次,
彈得 ....... 錯到七彩, 已經唔可以叫 "彈" 的了, 好甩 beat 呢
左右手一齊彈既問題開始浮出來了 !
今日真係彈到一額汗, 今次真係要練多好多, 學豬話, 唔係就 "hihi" 了
我要不斷擴展自己既極限 !


今日可以同豬聚聚, 真係好 ~~~
& 可以同豬傾下大家心中既睇法 , 更加好
雖然平時大家都會講下d 事既前因後果 , 但時間唔夠, 大都一句起兩句止,
今日終於大家可以坐低慢慢講, 大家都講下大家心中所有既諗法丶原因,
好喜歡, 同豬有心靈上既交流, 雖然我唔夠豬咁聰明, 一點就明, 但我還是喜歡和豬溝通, 好希望可以拉近和豬既距離
其實我好想做豬既好幫手的, 無論以前現在, 大事小事, 每次一諗起幫到豬既又唔係我時, 我都會覺得好可惜, 覺得自己好無用, 好似自己做既事,除左係同豬玩,都係玩
我一 d 都唔怕辛苦, 只怕豬想搵人幫手時唔諗起我 , 我唔要做豬既玩樂朋友, 唔要豬淨係得閒想去玩時先諗起我
我想同豬好好溝通, 做豬既好伴侶 : )

呢期又做病G, 喉嚨痛,
有好幾次痛到飲水都標眼水, 醫生都睇左幾次
依家好似好番D , 希望真係好番啦 。。。
豬都俾我搞到感冒，真係唔好意思，希望豬快Ｄ好番


一拖再拖，之前周圍搵，想搵間可以就到我時間既琴行
唔係我硬頸，而係學琴實在係一條好長既路，
一開始就知自己番工時間唔定，如果勉強自己去就間琴行，可以就到幾多次？可以就幾耐？苦了自己亦影響左個進度，倒不如一開始就搵間知道我情況，就到時間既琴行仲好
之前一路都搵唔到，最多都係搵到每４堂４堂唔同時間既琴行，都一度氣餒，
反問自己，係咪真係我要求高呢？唔通真係無？
終於，０係自己差唔多轉軚要揀間我就佢既琴行，
星期一竟然０係輪米睇醫生時，俾我發現多一間琴行！
試試打電話去，竟然有意外收獲！佢竟然就到我時間！
即刻將呢個好消息話俾豬聽！真係搵左你好耐了！
打鐵襯熱，今日終於一齊去報名學琴，
同老細講下講下，　嘿！佢地公眾假期都有琴教的！喜出望外！都說嘛，假期更加應該開的，Ｄ小朋友係假期先有多Ｄ時間上堂嘛，假期都唔開等幾時！～
呢間真係好岩我！仲合曬我既要求，價錢唔貴，就到時間，紅日都開！
即係報名俾錢再定埋個上堂時間，呢個星期六９：１５，My first lesson : > !~
之後, 豬又順便一齊報名埋, 原本豬話可能要等到5月先定到個時間,
點知又同老細講下講下, 竟然變成聽日上第一堂, 反而仲早過我上 ! (原本話我上先一堂的!)
& 又講下講下, 發現原來係同會的, 佢個女仲0係豬隔離學畫畫, 真係世界真細小 !
就是這樣, 原本有點矇既學琴計劃, 轉眼間就極速變成正式上馬了 !
唏唏~ 一諗到, 自己可以0係琴前面, 彈番首自己鐘意既歌, 畫面幾優美, 感覺幾咁好!~

同豬傾計, 發覺豬認知上/思考上會好d , 我就學習技術上會好d ,
如果我同佢合埋, 幾好呢~ 真情係天下無敵, 到時學琴真係無難度, 哈!~
希望我同豬既學琴道路上, 大家拍住上, 互相交流, 相輔相成 !~ 大家加油!~
咁樣, 學豬話, 幾年後, 學左既野就可以 "大派用場" 了 : > !~

回顧一下先～
２０１１開始到現在，
１月，２月，３月都放左大假　（雖然２月果個俾人壓到淨係放左３日）
１月去左旅行，２月０係屋企抖抖，
今次３月就找來好多豐富精彩既節目，真係好少有！


monday ：同阿媽飲茶, 跟住同阿文阿迪吃d 野+上堂, 今日最後一堂了, 之後就考試, 考完就完了這兩年的 degree 生涯~

tuesday：原本打算同馬騮仔去迪迪尼，但因為有好吸引既活動，所以最後轉左去渣甸山，我都犠牲好多的，又無得休息，而且有個 moment 真係想搵個洞鑽落去,自己真係好卑微...

wednesday：２nd 挑戰迪迪尼又失敗左, 原本想去,不過最開初既夢幻計劃 full 曬, 退而求其次既計劃又變曬樣, 所以最後都係唔去
雖然唔同左, 不過都有聚聚既~ 除左吃左兩件 cakes, 又去左 cwb 試左 Tonkichi 新店, 叫左蝦蝦同炸豬, 好好味吖~ 之後同豬去左 wan chai 買電腦野, 哈~ 電腦野我真係唔在行, 所以覺得豬買既野好貴仔, 可以買過平d 的, 其實如果真係有需要, 我都支持豬既, 買完之後我地倆一齊輪流托番 cwb, 我同豬同心合力去做一件事,呢個感覺好 sweet 吖 !~ 之後就去左睇 "皇上無話兒" , 嘿, 真係唔多似咁高分啊, 咁又唔係話唔好睇, 都睇得舒服同感動既, 不過中後睇到有點眼訓, 應該因為我攰既緣故既~ 睇完之後去左吃鼎泰豐, 叫左 3樣, 岩岩好, 第一次吃, 都好味啊, 個小籠包都拍得住在台北旅行時吃的, lastly 番左去香港仔吃糖水 , nice day~

thursday：３rd 挑戰迪迪尼終於成功 ! 阿媽聽到我話依家迪迪尼有新優惠, 佢去只係 $80時, 又爭住話去, 所以今日同阿媽去左, 都 n 個月無去了, 由續証到依家都仲未去拎, 都唔錯既, 迪迪尼仲係咁"可愛" ,
~4pm 嗱嗱聲撲去 MK, 約左 ar ka 一齊學整蛋糕-- opera ! 初時以為短短 2hr會整唔切/ 有好多半製成品, 但原來又ok wor ! 原來 2hr 係整得切的 ! 出來個樣都幾 good wor! 整完同 ar ka & ar ka's 男朋友吃 dinner, 其實都好耐無見ar ka 了, 大家見面都不忘交流交流下 ~ 吃完又嗱嗱聲撲去 cityU, 等豬放學, 因為個糕實在靚, 好想快 D 俾豬睇下讚下~ 呵~豬睇完都覺得唔錯, 有板有眼 : D !~ G 無白費心機 !~

friday：今日係單車燒烤日, 一早去左搵豬借袋~~~ 之後約左馬騮仔同阿文阿迪吃早餐, 仲跟豬風換左海綿寶寶玩具, 之後就會合 ceilia 一齊踩單車, 好在天氣唔算熱, 都有風, nice~ 踩到咁上下, 就 BBQ ! 好耐無BBQ 了, 可以吃好味雞扒雞翼!~~~ 可惜 1st round 烘左好耐好耐既兩隻雞翼, 俾我 3扒 2撥, 全部跌曬落地, 衰衰 ....
還完車, 唔知係因為依依不捨定肚餓, 再去左吃糖水, 送君千里, 終需一別, 期待下次的見面 !
番來後, 去豬家還袋, 唏唏~ 有意外驚喜! 伯母請我入屋坐坐, 飲罐汽水, 又請我吃抹茶糖 , 再傾幾句計, 驚喜 ! 多謝伯母 : ) ~~~~ 飲汽水看似簡單, 但意義重大, 物輕情義重, 我諗我就算係飲杯水都會好開心的... G 要繼續加油~

saturday：今日活動氣氛比較沉重, 點解好人都會遇到d 咁既事呢,... 我知道佢已經盡左力了,放過佢吧


日日都真係好精彩, 除左星期一, 日日都早起, 差唔多日日都行好多路, 真係攰仔

嘿, 個英文版既中醫 Test 就到喇
越諗就越唔想溫, 真衰衰
last 兩科咋, 考埋就畢業喇 XD
另一科未咁快考 , 可以再 "凖備" 下先 ^^" ~
大家都一齊加油


我可能真係太得閒了, 0係度諗D 無謂野
人呢, 見有一點時間行行企企,風平浪靜, 就會自己生D 事端出來...
或者真係搵個興趣出來也好,
一來幫自己增值, 發掘下自己既小宇宙, 二來都可以打發時間, 手頭上有野搞下就唔得閒諗其他野了
而且自己一個都可以做到,
wo~ 幻想下自己坐0係鋼琴前面, 好優美咁彈鋼琴...... good
阿媽生得我D手指咁長, 終於唔係用黎執尿片屎片,
終於有用武之地喇 XD !~

P.S.: 隔左成粒月先有新日記仔...... & 打完後發現原來上一篇又係 20號出版,又係 sunday~