2010 年 last一個大假之 第六丶七日
大假既 last 一日, 聽日就要番番工了, 除左唔捨得都係唔捨得,
無得做人, 要番番去做牛做馬了 , 最弊要番去對住D 無間道
真係少 d 智慧都唔得
好彩一月有得放, 希望有得放啦
總結今次大假既目標 :
1.見victor仔 <--------- 超額達成!~~~
2.執抬 <------------ 執左一半
3.曬相 <------------ 終於曬到 09年 12月~
4.洗袋 <------------ 完成!~
都完成左好多呢, 俾個讚自己~
星期六
今日最主要就係去電髮, 最主要既原因係因為我由 12點行入去, 5點9 先行番出來,
正式整就由 12點 9 開始既, 真係坐到攰, 坐到餓, 終於試左電了, 之前次次都係整直
希望效果不錯吧, 不過聽說電髮像激情, keep 唔耐的, 有朋友仲說佢 keep 到兩個月咋, 我希望可以耐d 啦, 會肉痛的
星期日
早上番左教會, 大約第四次左右吧, 我依家多左個 "教伴" , 番崇拜時一齊坐的同伴, 佢叫 fiona, 等豬有崗位時我唔駛一支冷, 可以有個人照應下
不過今日都多左d 枝節, 一早都知豬有工作要坐前面, 不過估唔到豬既"伴" 係佢唧
坐0係隔離, 傾計就一定嫁喇, 係一路望一路諗, "豬會唔會唔坐後來呢? 都有機喎..."
1.就咁睇我隔離有人, 佢隔離就得豬生, 以一個教友既角度, 豬係應該一路坐佢隔離既
但如果以一個女朋友角度, 就會覺得, 如果個女朋友0係度時, 無理由仲坐0係個教會朋友隔離, & 放個人0係隔離就以為夠啊, 豬點會等同其他人, 會唔會調轉左呢
2.我知豬既工作就係要同人溝通, 幫助解決人既問題; 我知依家其實一d 問題都無出現; 我都好清楚豬既心意丶想法; 我好明白當豬見到需要幫助既人時, 係會抱住幫得幾多得幾多既心情, 而且幫到人係會好開心, 有成功感的;
但那位朋友呢? 佢一樣都只會抱住好朋友既心態嗎? 一直都唔會變丶唔會想要多d ?
將來會如何呢? 我好怕每日去睇個發展, 好怕睇住佢地越來越合拍, 越來越孖公仔, 件事越來越複雜, 好怕終有一日睇到問題發生
我都知就算就算真係有問題發生, 我都無咩可以做, 依家只會杞人憂天, 但一諗起可能會發生既事, 就囉囉攣, 會唔會有d 野係我依家可以做, 可以去避免的呢?
3.如果佢唔係我隻豬, 只係朋友的話, 我係會好支持一位朋友去幫助佢既教會朋友, 去解決佢既問題, 去建立友好緊密既關係的, 正如我都好想有人來解決下我既問題
4.我好憎自己唔識去開解番自己, 等自己識諗d , 我知道,每隔一排又俾人哦同一個問題, 係好煩厭, 俾我都炆啦, 而且咁做好傷感情的, 但點做先可以克服到呢 ?
其他人又點克服到既呢?
5.如果知道自己佔有慾強, 又好固執, 死心眼, 點解其他人又唔會既呢? 人地點諗通既呢? 點去改善/ 解決呢? 係咪無咁鐘意就唔會有佔有慾強了?
6.我都好想搵人傾傾啊, 牧師唔係唔得, 不過我係邊個唧, 頂多就係新來既朋友, 佢邊有咁多空閒時時間同我討論呢, 我又唔係識左好耐既教友, 拉曬關係都係豬既女朋友而已, 邊有豬咁好福利
7.可能就係將心比己, 如果有異性對我好,keep 住咁照顧我, 我自己有日都好可能會喜歡呢位大哥哥囉
一直以來, 其實自己都幾易有 "喜歡呢個人" 呢個念頭的, 不過我就唔知呢個念頭等唔等於鐘意同愛, 芽係會發, 不過種種原因, 最後無再生長, (都好彩既)
8.妒忌既其中原因, 不外乎1)覺得個男朋友份心都俾人分左去了 2)我都想有朋友睇住我, 照顧我,解決我既問題呢, 點解唔見有呢位朋友? 難得就看不到我都需要嗎?
9.豬同馬騮仔既意見都係, 對自己對豬有信心
其實有信心即係點樣? 點樣表現出來? 係咪唔再講即係有信心了? 我點樣將依家既感覺轉化為對自己對豬有信心呢? (&其實我唔係對豬無信心, 係對佢無信心唧)
10.好想自己叻仔d , 識諗 d, 最好0係唔駛煩到豬既情況下, 就開解到自己, 解決到自己既問題, 一煩到豬, 自然又要扣分, 我既愛好似變左佢既負擔了 ....
我要有信心, 有信心, 學豬既咭話, I Trust You.
好想盡力去做到, 做好我自己啊,
對不起豬, 又煩到你, & 又要你講堆野安撫了
11.可能如果唔係豬, 係其他人, 因為呢件事,我就俾人踢出局唔要了
所以真係好感謝我身邊有呢位伴侶
我自己都要爭氣啊
