星期五了, 星期五了, 過多幾日就要番工, 開始沮喪。。。

今日，同豬以及兩位教友朋友仔打羽毛球！～　打５－６ｐｍ
今次應該係首次互相介紹吧，　佢地係家偉（係咁寫了~）同埋Ａｎｎ
大家都打得幾開心，氣氛都幾好，
不過今次就無上次咁攰，應該係雙打緣故，　同豬拍住上耶～～～
希望可以同豬既朋友仔混熟d !~

之後去左電話公司，搞搞電話問題，豬電話壞壞地，要轉電話了
豬心郁郁想一齊轉 iphone, 亦想轉公司, 我仲有合約0係身, 真濕滯, 轉要賠錢, 500都好多耶!
去左食飯諗諗先, 吃綠野仙, 一路吃一路研究,
轉新公司就確實d "功能" 好d , 不過無限plan 又幾嗱脷...
不過豬就真係要換電話既, 我就..... 仲頂得住既
不過又想同豬一齊出電話, 諗起都 sweet sweet~
所以吃完野, 最後都係決定出電話, 轉公司
iphone 我來了, 又踏上另一條不歸路, $65電話plan 拜拜了

好似成日都唔覺唔覺就洗左好多咁, 所以我自己係時候要揸緊褲頭, 叫自己唔好咁大洗了 ! 睇下邊度可以"開源節流"
我要買少幾件衫, 耳環, 頸鏈, 鞋, 雜貨.....

真係唔開心，　話咁快就星期四，時間真係想追追不到，

今日最大既感受係＂唔入我財，果然唔入我袋＂
話說 ９號 如果做 d野, 就可以有 300蚊,
點知我唔知痴左邊條根, 形住形住9號係星期五
so 今朝無啦啦有電話打來, 問我0係邊, 先醒覺原來今日就係 9號 !
300 蚊飛走了, 仲諗住雖然難得放假, 但都決定豁出去, 搵野幫補下 tim...

今日搵阿媽飲茶, 今日算平淡的渡過, 希望我做得到我想做既野。

話咁快第三日
今日校左 3個鐘 ~10AM, 哈~ 起到,無唔知醒, 都無遲到~
12:00-1:00pm, 約左豬打羽毛球! 就我記憶中, 自從同佢拍拖以來, 都未同佢打過羽毛球,
同朋友都打過下, 同豬就真係一次都無, 今次終於同佢打波了
不過羽毛球呢方面豬其實真係幾勁仔, 好耐之前已經知, 我呢D 就真係業餘中既業餘
都擔心嫁, 擔心隻豬睇我唔上眼, 會嫌悶呢
打左半個鐘, 都身水身汗, 面紅紅,熱辣辣, 而豬依然都好似面不改容, 氣都唔喘下, 激死
我既目標: 都唔望會羸/超越到豬, 但如果間唔中小勝到/ 令豬急跑多幾步/ 令豬出到一身汗, 我應該都算好叻仔, 好成功了! 總有一天得的!
我要令豬出力出汗 !

之前番家放低d 野, 沖個涼仔換衫, 再出cwb, 約左豬吃lunch
可惜一來遲左出門口, 二來又大塞車, 去到sogo時, 豬已經等左好耐了
遲咁多, 一見到面, 少不免........... 唔係顏一顏, 而係啃一啃, 俾豬啃
我其實都好清楚係自己遲, 只不過唔知係咪0係車塞得耐, 炆炆地, 再到埗無耐見到豬個面黑黑地, 我又淆淆地, 再再俾佢啃時, 個''對不起"又講唔出了
去左sogo 地庫"北海x"吃 lunch, 好彩豬繼續打開話匣子, 問題終於解決, 佢既語氣丶面色好番時, 我又講得番我既 "對唔住" 喇~ 終於和好如初了, 真好 : > ~~~
看, 溝通幾緊要, 仲要雙方都肯+想配合先得! 對唔住啊, 豬, 要你等咁耐
吃完, 行sogo, 買打羽毛球用既衫, 豬介紹佢d 衫俾我, 我最後都買左件,
豬都睇中左件褸, 要考慮一下
再之後去左反斗城行, 好多新玩具, 佞家d 小朋友真係好, 有好多新玩具玩
聖誕唔知會點過呢, 禮物都唔知買咩俾豬啊, 唔通真係要交換 iphone ?!?
行完番屋企了

今日VL 第二日, 搵既朋友係周淑, 周淑下星期走了
所以今日搵佢一齊唱 K , 由11點幾唱到4點, 估唔到周淑都會唱K的
不過我唱既係廣東歌, 佢唱既多數都係日文歌,
之後同佢行左一小陣, 大家都有野做了
周淑,下次番來再見了 (仲有佢既相簿耶)

聽日會好開心, 因為可以見到 Victor仔 : > ~
Victor 總算少少得得閒了~ 恭喜~

作為 2010 年 last一個大假, 其實期望都不大,
因為一來都唔係原本 plan 落的, 二來本身唔鐘意月頭放假, 無野做到, 再者今次都無乜特別地方想去, 旅行 2010 年已經去過, 有曬交代了
所以都係諗住留港振興經濟,順便抖抖
今次目標:
1.見victor仔~
2.執抬
3.曬相
4.洗袋
如果全部都超額完成, 咁就真係 good仔!~


2010 年 last一個大假之 第一日
原本諗緊, victor今日做功課,會唔會搵我呢, 如果唔搵,我可以點呢, 不如型型地, 扔低一句"我今日又去澳門,不用找我", 不過諗多兩諗, 都唔早了, 唔想嘥船飛, 都係下次先去
咁又好好咁可以見到豬喎! 豬仔話夜晚再見, so 晏晝同阿媽去左飲茶, 行街, 再買左個櫃俾自己, 下星期送來!~有門的, 不會入麈~ 再閒逛下, 就等到豬出來了~ 好耐好耐無見豬了, 好好好掛住佢呢...
呢期見豬一來忙,二來日日都出動不同既"原因", 無乜傾過計, 去完 macau N日了,我都未有機會講有咩見過做左, 幾陰公仔... 見豬冷冷淡淡, 連傾計都唔多想, 再諗下諗下, 照豬既講法, 又諗錯到覺得, "係咪淡左呢,係咪豬唔滿意我,唔想理我了..."
不過見到豬, d衰衰既諗法又散曬了~ "又唔係喎, 豬無唔同喎"
真搞笑
同豬去左和亭吃dinner, 都唔錯嫁, d 吉列豬都好味,唔硬嫁! 係今次d 蝦要 三摧四請,請完又請先出現, 其他都ok既 !
今日既驚喜係, 豬終於寫起我地既 四周年咭 了耶 !~~~ 都算快手, 唔係等左好耐耶!
我以為佢呢期咁多野做, 最快應該要聖誕先有, 可能打孖上呢!
好靚啊張咭, 晚上睇張咭, 今次都真係好感動啊 (之前有d 無講到咁感動耶 ^^")
感動係從張咭裡,我得到豬既肯定, 無論係優點定付出; 亦得到豬既安撫, 豬感受到我既憂慮, 亦明白我既想法, 安撫左我不安既心, 好多謝佢耶
看後感:
1. 豬, 你要真心, 要講真的啊, 花言巧語我永遠都不想要的
2. 豬, 我都好愛好愛你啊, 希望豬繼續包容我, 等我地一齊成長,進步~
3. 感謝我身邊有這樣一個那麼好的 victor
4. 誠懇的希望主可以一直給我一顆清澈的心, 去看我地周遭既事, 去感受豬既真心同用意, 我真係好唔想因為自己一時錯既諗法, 或者一時既火遮眼, 吃醋, 而白白咁破壞左我地既關係, 我想一直做豬既好伴侶既諗法, 一直沒有變過的 . 好想一直都有機會給我, 每一年每一天的去珍惜呢位眼前人 .