看來真係日有所思，夜有所夢
夢見的正正是我害怕見到的
夢中冷冷既回應丶無視我既驚慌無助同淚水更加令我心都實埋
點解咁怕呢，我知道現在，什麼都沒有發生，也慶幸什麼也沒發生
可能心底裡面，害怕我一爭就會輸吧
憑自己一點都追不上劉心悠的面孔？
憑自己圓碌碌既身材？
定自己 "話你豬就係豬" 咁既智慧?
好似無樣係自己既"強項", 可以拎出來同人"鍊"一"鍊"
如果我淨係得運氣的話, 咁我咪好濕滯, 呢d 無得靠運氣噢, 咪輸硬
唯有0係依家自己仲有 "牙力", 仲有人肯聽時, 將自己既感受說出來吧
襯自己仲未需要 "力挽狂瀾" 時, 就為我倆而好好努力
又唔係話一定指緊邊D 人, 只係今次件事引申到D 問題唧, 而且我倆仲細, 前面一定還有D 風浪, 希望我同豬仔一齊克服佢!~


正所謂, 如果一個人變左, 另一個到時講咩, 對佢來說, 都沒有意義, 亦挽回不了什麼
不能說他到時冷酷無情, 而是, 他找不回二人當初相愛的感覺, 消失的消失了
他到時看到的, 只有旁邊那位的目光和話語


"愛一個字　也需要及時
只差一秒　心聲都已變歷史
為何未放肆　見我愛見的相知
要抱要吻要怎麼也好
不要相信一切有下次

相擁我所愛又花幾多秒　這幾秒
能夠做到又有多少
未算少　足夠遺憾忘掉"


又不過 , 我自己應該都有一點既 "渠G 魅力", 吸引着豬的,
雖然我唔知係咩來, 但儘管在豬眼中我係幾咁無優點,幾咁平凡,
豬仍然選擇去愛我錫我, 一諗到呢度, 我就深深感謝豬既呢份愛
我要好好咁珍惜眼前呢個人
我一定會努力的
厚住面皮都要講, victor, 我好愛好愛你噢, i love you : >
我倆繼續好好相愛噢 ~

一早就 miss 左早餐, 真衰衰, 又起唔到身 =3=
好似神算子咁, 拎番尋日0係機上騎劫既古古力,橙汁,包包出來吃
正式出發再闖舊北海道廳, 今日 d 人多番d ,
行左入館睇, 都係 d 展覽館, 唔算太特別 ,
之後行去電視塔, 根據尋日既經驗, JR 站至狸小路以內既範圍 , 都係行到去的
又經過大通公園, 見到好多鴿, 仲見到好幾隻大大隻既烏鴉, 大過香港既好多, 睇黎佢地0係度好食好住... 但反而好少見到麻雀, 點解既呢? 唔通俾衰衰烏鴉食曬?!?
去到 TV塔, 又係俾錢上展望台既時候, 其實都唔知點解叫TV塔, 都無電視台既...
高就唔算好高, 但勝在附近 D 樓矮, 所以 TV塔既景觀都幾開揚,
今日遇到有攝製隊來採訪, 諗下諗下, 都幾 "橋" 喎, 我地之後去登別地獄谷都遇到攝製隊 !
影完睇完, 就買左少少紀念品, 連時計台呢度都有得賣! 亦都0係度買左 TV塔玻璃 ,
之後出番去吃優惠雪糕, 買 TV塔入場卷買雪糕有優惠~~~ 吃左牛奶雪糕, 好味 : D ~~~

之後就搭地鐵去白之戀人 Factory, 一路都算易搵
入到去, 首先揀左吃佢美味既 Cake Buffet , 限時 2個鐘, 我都算吃左 OK 多件蛋糕, 好味~ 豬就吃得唔算多, 佢好快就覺得膩了呢
出到花園無幾耐, 就有 "show" 睇, 一班機械公仔每隔一個鐘, 就會出來唱歌轉來轉去,
0係古古力工場睇公仔唱歌跳舞感覺都幾開心既~ 係d 機械人仔令我諗起 "恐怖蠟像館" 唧 ^^"
之後行左D 免費展區, 有D 玩具展覽咁, 再去左付費區, 講古古力既歷史, 造法, 當然少不了白豬戀人既製作過程 , 見到 D 員工整D 白豬戀人出來, 都幾得意
行完白豬戀人, 時間所剩無幾, 0係100円店同場外市場中, 我最後揀左100円店 ,
因為我估場外市場都類似二条市場, 都係賣差唔多既野, 我相信我地0係 100円店會買得開心+開懷 d (正確來說是 105円)
果然, 我地好滿載而歸, 大袋細袋咁, 好似人地買完餸番屋企煮飯仔耶 ~~~~

又番番去酒店放低d 餸, 就去買 JR 飛 + 去 ESTA 裡的 "拉麵共和國"
個格局都有 D 似 "道頓堀極樂商店街", 又係扮舊舊地, 扮舊時既日本
仲有個火車頭, 我初時以為個火車開得 tim ^^"
揀左間吃拉麵, 無驚喜, 無咩特別好食,
吃完後仲急急腳趕去雪印, 去吃甜品~
睇閃咭書講到雪印好美味耶, 我點左平平地既 Royal 版既特濃雪糕，豬就係 Caramel Banana Parfait
睇樣就佢個樣好好多, 我果個只係普普通通既雪糕球
但好彩, 我果個都好好味~~~
吃完就買左 d 紀念品回酒店, 是日完了~

星期日 11-7-2010
仲要番工, 真係要 "多謝" 我既 "好經理及同事們" 十萬八千次,
無佢地既 "合作", 我今日就唔駛番工 , 真係多謝曬
學豬話齋, 係我自己 "up" 頭既, 唔怨得人, 所以我怨貓怨狗都一定唔會怨佢地 !
原來番完工再搭飛機再 chur 多日係咁"醒神"既感覺, 我下次一定知點做 !!!
今次首次同豬一齊搭 A10去機場, 其實我就覺得 OK , 都好凖時既
係0係中西區留得耐D , 過左就好快了 , 不過豬對 A10 都係有點唔放心
凖時去到機場, 吃左D BURGER KING 野食, 個雪糕好似係唔同D !~
之後就上機 lu


星期一 12-7-2010
真係晨早流流, 三點吃早餐, 難得又真係食得落, 勁仔!
我就騎劫左舊古古力, 個包 同 橙汁落袋
一落機, 就轉搭 JR 去札幌, 差D 未出發先 "嗌烚", 好彩都和好番~
今日遇到三個"意外" !
一到札幌, 就遇到第一個 "意外" , 就係估唔到會落大雨 !
可能諗住如果曬/ 落雨, 抵錫豬都會 share 半邊遮俾我, 所以我完全無帶遮, 真搞笑,
但估唔到既係, 會落咁大雨, 好似倒水咁, 一人半邊遮都係會 get wet 的, 而且我地仲一人拖住一個喼 tim
咁既情況下, 唯有0係地下街買遮, 睇來睇去, 都唔見有 100円透明遮, 全部都好貴仔耶, 簡直食左我隻 "居"
搵左陣, 最後揀左 450円 60cm 既黑骨透明遮, 咪睇少佢, 原來都幾 "實淨" 的
終於搵到路去酒店, 酒店內外都唔錯, 有格調 !
放低 d 野後, 就去吃午餐, 吃蟹宴 ! 閃咭書推介, 而且晏晝食抵d ~
真係唔錯, 整左好多道野食耶, 好味~ 有機會都想再 encore
第二個 "意外" , 就係估唔到會凍 !
之前一路都諗住好熱好熱, 要帶多d 清涼 d 既衫, 毛巾仔散散熱 ,
點知可能落雨既關係 , 又有 d 唔細既 風 , 加埋就係又濕又凍 ,
見街上d 人仲着住長袖衫, 真誇張, 0係香港一定係奇景
我地都無帶長袖衫/ 外套, 唯有繼續無懼風雨上路

之後經過狸小路, 去左傳說中既二条市場,
比想像中細, d 老闆比想像中賣力, d 遊客比[想像中疏落, 個市場都係賣海鮮同生果多,
逛左一圈, 都無咩收穫 , 再去番狸小路逛, 日本好似專出有蓋+相連既商店街咁,
大坂又係咁, 北海道又係咁, 一模一樣的
0係狸小路搵到我既目標 --> 馬油 , 我都係聽同事講先知有呢樣野, 好似好好用咁, 淨係北海道先有的,
有純馬酒版同加左其他野版, 不過我都唔買住, 睇定d 先
之後番左酒店, 吹鞋, 因為係咁落雨, d 鞋都濕曬了
整理完, 再出發去舊北海道廳, 行到去, 仲覺得凍, 終於行番去 uniqlo 買外套,
就係咁, 豬多左件外套, 我就繼續無懼風雨, 我唔信日日都咁凍耶
買完衫, 就行左去大通公園, 公園比我想像中細, 一眼望曬了, 係有少少野睇既 ,
之後去左時計台, 去到已經關門, 我地淨係0係出面影相, 不過我見書既介紹都唔係太吸引
影完就沉底行地下街到 "味の時計台" 吃晚飯
豬揀左帆立貝牛油拉麵, 我揀左黑味噌拉麵

原本都好地地, 不過食到尾聲時, 覺得熱熱地痕痕地感覺怪怪地, 原來我又食物敏感了
有冇搞錯啊, 只係食左一粒帶子仔+兩條裙邊仔 ja wor .........
第三個 "意外" 雖然係食物敏感, 但其中既意外更是 ,
睇番 d 相, 諗下諗下, 發現呢日着既衫同上次去澳門果件係一樣的 ,
即係話我着住同一件衫食物敏感左兩次 ! 係咪好神奇意外呢
我第日吃海鮮唔會再着果件衫 !!! (如果我記得的話)
嗱嗱聲走人, 去便利店睇下有冇藥岩用, 不過無, 但買左兩大支雪糕走,
飲左大半支寶礦力, 好在今次無上次咁犀利, 溫和 d , 唔係既今次我就可以 claim 入院保險了 !
原定之後既 tv 塔同雪印亦取消左, 無計仔啦, 改吃大大支雪糕, 好味~
其實我都唔係好明, 平時吃帶子都無事, 今早吃全蟹宴又無事, 點解吃左果一粒帶子+兩條裙邊就敏感呢...

既然抵錫豬有咁詳細既日記仔，我就做補充同番外篇啦～ ke~

正如豬話齋, 上次去完京坂神旅行後,豬話下次旅行要到 "大後年",
隨住日子既過去, 照計都仲未到大後年既, 可能係下年咁,
不過今年G又"心癢癢", 見暑期檔期我同豬都有D時間, 就搬番旅行計劃出來
豬左度右度, 又竟然真係可以成事 , 咁就落實搞喇 !~

落實初期, 其實都已經趕趕地, 話曬都暑假旺季, 0係旅行地點方面都諗左幾耐,
新加坡環球又夠新; 沖繩陽光與海灘,水清沙幼諗起都正, 影相肯定一流; 北海道依家有薰衣草睇, 岩岩當造, 冬天睇唔到的;
但另一方面, 新加坡地方都細, 好似除左環球無其他野行; 沖繩有好多島嶼, 如果自遊行有點點麻煩, & 全部都係 sell 陽光與海灘, 未必去到咁多日; 北海道雪景都係好吸引喎, 依家夏天去左, 第日咪要去多次...
左搖右擺後, 最後都係決定北海道, 因為睇落都幾多野行, 而且睇落自遊行都ok

原本搵到國泰有直航, 點知太晏了, full 曬,
不過有失必有得, 反而 book 到早一晚(星期日晚)既零晨機+星期日晚機, 都幾好吖,
之前睇星期一早機去, 去到酒店可能要晚上7,8點了, 依家好似賺左一日咁
不過就辛苦仔, 我同豬仔星期日都係要番工, 行情緊湊!
可能唔經唔覺已經進入旺季, d 附加費真係異常咁 "拿脷" , 機票,酒店,燃油全部都有附加費, 再加上日元匯率高企, 0.885, 上次去仲係 0.737, 果時都覺貴仔, 點知依家..... 真係貴上加貴

睇落雖然好似有好多野 sung, 樣樣都計住盤數,
但其實我覺得,今次有得同抵錫豬一齊去旅行, 真係好珍貴好難得, 所以其實我係無計較到今次貴左幾多的, 有留意的話，今次我對簿仔無肉赤既感覺
因為真係值得。

唔知係咪天有眼，原本俾衰經理　＂苦苦相逼＂，　
佢講到ｄ人好似死曬，得我一個番工咁，搞到我星期一二連番２晚通霄，　
原本都無咩希望，凖備做代宰Ｇ

點知放完一日假番去
事情峰迴路轉！
一番到去睇 duty, 完全唔同曬 ! 唔駛番兩個N !~
因為兩邊都多左人 "病" , 人手緊張,
一邊係咁搶人, 一邊係都唔放
所以我最後唔駛幫人頂, 番一晚 N 而已~
感謝主~