0836 @ Aug 02，Ｍを祈りの８月

以下呢位用四枝飲管飲凍檬茶既人士患有嚴重既妄想症 ↓



今日終於比佢相認成功囉，恭喜。可惜人地就快走了，LOL。相認成功後，個位患有嚴重既妄想症既人又進入妄想。真係無晒佢乎 ... 係 Pizza Hut Tea 個陣又見到 Jody，妄想症人士當然又進入妄想啦。



0941 @ Aug 02，Good。That’s All.

0802 @ Aug 02，Harmony of July 終於完了。

要諗返兩日前做過乜野的確唔係易，重要係日日都差唔多個陣重難諗。今日終於睇完《My Boss My Hero》，呢套同《不能結婚的男人》同期播放既日劇到呢刻先睇完。個感覺係《MBMH》唔係太岩我，我鍾意《不》當中既悠閒多。講返《MBMH》，個結局比預期中差，好地地做左三代目當家咪算，依家呢個結局硬係唔知點咁 ... 遲下睇《ハケンの品格》，有加藤愛！！

好明顯，我的確有野唔記得左。突然間醒起，原來成晚同阿 Ram 兄討論「白雪雪」！



0810 @ Aug 02，繼續。That’s All.

1810 @ Jul 31，Good。

今日又同 Co 爺過左半日，今次非常好，佢無遲到。「遲到就會走寶」呢句係我同佢講既。結果佢當然無走寶啦！打波都無乜特別，一如已往。打完波之後又見到唔知邊間中學既女子籃球隊，今次係第二次見。佢地一 Book 就 Book 兩個鐘，咁中午 D 黃金時段就比佢地 Book 晒。究竟係邊間學校呢！？禮拜三將會見多次 ...

打完波走個陣又係香港仔四圍盪下，又比佢見到「白雪雪」，可惜佢同人地既相認計劃告吹。正所謂朋友既野，賒借免問。結果係 Co爺未找數既情況下又賒多個下午茶過佢，佢係時候搵「安信兄弟」啦。係 Pizza Hut 食美味既香蒜肉絲意粉 + 意式肉腸。呵，咁岩又見到「白雪雪」，由於我早過 Co 爺見到，所以有利位置俾我搶左。Co 爺係咁怨同恨，LOL。當時佢同人同班個陣又唔珍惜，依家先黎恨 ...

閒談之間發覺佢又想是但有個 Degree 再做公務員。嗯！又多個追求「平淡」既人。不過大前提讀完 Degree 先算啦。反觀自己，首選教書、其次就公務員，其他未諗。Good。



1840 @ Jul 31，攰。That’s All.

1715 @ Jul 30，順利得黎又有小小波折。

1. 關於睇戲的碎點 ↓

．等左半個鐘先有架 73，真係令人火大！

．有人無帶學生證，結果要補返 $10 換張成人票 ... 係我錯，應該之前提提佢。

．網上訂票係幾方便既，刷卡個下咪話唔型！

．數碼港個商場的確係幾靚，不過好浪費 ...

．點解天狼星死得咁兒戲既！？



2. 呢個就係間接值 $92 的公仔 ↓



都幾 OK 架，Detail 位都幾 Detail。呢個就係「求 M 公仔」！



1753 @ Jul 30，八月快 D 黎！That’s All.

2217，今日 ... 應該點講好呢。

1. 今日發生左一件事，應承左人唔記係度。不過就講下當時既心路歷程，事件發生前 20 分鐘心諗呢次奶野；事件發生前 5 分鐘知道呢次奶硬野；事件發生後 30 分鐘真係想一巴打醒佢；事件發生後 50 分鐘已經平靜下來；事件發生後 60 分鐘反過來擔心對方；事件發生後 120 分鐘確實只是那個原因，同時，一把嬌嗲既聲從電話傳來「VICTOR」。

「Timing」真係好重要，如果係事件發生前 20 分鐘至事件發生後 45 分鐘打電話搵我，肯定被我鬧到魂飛魄散。但係 120 分鐘後先搵我，個陣乜火都熄晒了，Good Timing。見係佢咋，唔係邊會咁易「當無件事」。之但係 ... 有 D 事情係唔容許「遲到」既發生囉。

已經原諒了人家，不過諗返轉頭，點都有多少浪費架喇。希望真係無「下次」。

PS. 原封不動 Quote 返呢句，我都岩用 ↓

P.S.: ar ka 知左之後 , 竟然問 "你鬧醒左佢吖?" 邊駛鬧 ga ..... 想去既唔鬧都會去 , 唔想去既鬧極都唔會去 .... 鬧係無用的
ar ka 再之後既 reply "咁咪好囉"



2. 晏晝終於完成《機戰 OG》既二周目，可說是精神既磨練！話咁快就開始《機戰 OG2》，一開頭有部咁既野 ↓



係 Cap 比打工仔 Wilson 睇既。



2305，明天 ... 希望聽日順利啦 ... $92。That’s All.