2153，今日同蝦生過左大半日。

1. 晏晝同 Co 爺打羽球，今次打出火！一開波就落後 8-4，真係勁頂谷氣，下下都爭少少。不過 Co 爺呢度氣隨著我一聲「換波」而消散，換返個 YY 波，氣勢即刻返晒黎。平心而論，佢頭個 8 分的確打得幾好既。之但係，我同佢係個段時間全場最嘈個兩個 ... 擊球聲大就正常既 ... 係粗口聲大 D D 咁啦。無計，打得激烈。

打完波之後係場邊吹左陣水，之後就例牌係香港仔逛個圈。佢同「白雪雪」既相認計劃失敗，枉佢係屋企練習，LOL。去左 KFC Tea，Co 爺講左 D 佢做救生員遇到既事，係幾搞笑既。救生員游水唔叻唔緊要，不過吹水一定要叻，唔係就一定好難挨。

Co 爺，即係蝦生，雖然好努力咁開工，不過就重未出糧。佢話要我係呢處記低佢欠我 $39，好。咁又講返 D 前事，話說對上一次打波唔計昨日就係兩個禮拜前，剛剛係佢踏入缺糧既時期。咁佢最缺個陣就無搵佢打波既，跟住唔知今日講起話佢重未出糧，分分鐘下次約佢打波個陣會以「腳痛」推左我。通常我都實叫佢咪扮野，賒住數先，照打。不過咁既話，萬一到佢真係腳痛個陣我就唔會信佢，佢就會死撐照打。萬一佢打到失水準既話，又會好認真咁同佢講叫佢打好 D。最後當然會越打越傷。所以，就係唔好講大話囉，不妨坦白。再記一記先，今日佢都係遲到。



2. 翁倩玉呢首 30 年前既老歌都幾好聽，叫「魅せられて」↓





2252，好一個「蝦生」。That’s All.