1156 @ Aug 15，攰到震。

今日的確係 Busy，不過總算解決了左件事。唔講唔知海港城某個洗手間既裝潢都幾華麗，位置係角落頭位。我諗個個應該係酒店範圍既洗手間，同其他洗手間完全唔同級數。

輾轉到金鐘辦入台証，真係多人到嘔 ... 由排隊至拎証整個過程等左都有個幾鐘，都咪話唔耐。比預計中耐左十零分鐘啦，都唔差得遠。真係無不滿，唔洗自責，哈哈。好彩我食左野唧，不過有人無食餓到腳仔軟，LOL。重要行到去灣仔買 D 濕碎野，無暈低都算係咁啦。

之後撘這個特快巴士到沙田，的確係特快， 20 分鐘就去到。講個電話都已經由金鐘到左九龍塘 ... 講多幾句已經到沙田區。拜訪到老師家 → 晚飯 → 保齡，這就是一晚的事情。感謝老師的邀請與熱切款待，Good。話分兩頭，不經不覺已經有 120 Ibm。



1213 @ Aug 15，唔係攰到甩轆，係攰到碌齡。That’s All.