2310 @ Aug 20，終於決定好了。

1. 一朝早睇 Discover Channel 既《Mythbusters》，今集講左兩個 Myth。第一個 Myth 就係如果撘車 / 駕車期間架車衝左落海既時候，究竟應該點做呢？如果想推開個門，咁一定要襯快，當水位到了窗口的位置已經好難推得開。如果唔夠快，可以憋氣等車內水壓與車外水壓一樣，咁就好輕易開到門，但大前提要夠氣、同時間水深唔可以太深。想開窗逃生？基本上同開門既情況一樣。打爆玻璃窗逃生？咁你就要買個特製既尖頭鎚仔，普通硬物係好難打爆強化左既玻璃。

第二個 Myth 就係有傳聞話一張紙最多摺到 7 次，有指定摺法：係張紙對摺再轉 90 度再對摺、如此類推。咁呢個傳言係假既，咁節目中做過一次實驗，用左特製既紙張製成了一張有足球場咁大既紙去摺，係摺到 11 次的。大家無聊可以拎張紙出黎試，應該都係摺到 6 - 7 次到的。



2. 晏晝去了牧民中心 Video Shooting，有多少誤會發生。原本我意為只係幫手 Check 下 D Equipment 得唔得，之後有第二 D 弟兄 Shoot，點知原來無 ... 唉 ... 拍片剪片都係無乜興趣，特別係拍片，無人做都係咁話。

之後輾轉出左去銅鑼灣報團。一開始聽到 D 語氣都覺得「會出事」，都問不如遲多一兩日再諗清楚先報，咁佢話唔洗。好啦，照去某處報，發覺 Full 左。之後再問多次，不如再諗下先啦、遲一兩日都 OK 架喎。咁佢又話唔洗，到另一處報，本身睇中左既，應該就無乜問題。咁我再問多次，佢都話 OK。但係到職員埋首處理證件資料既時候，突然有個黑面撲過來 ... 感到錯愕！我前前後後問左好多次，到今日都最少問左三次，三次都無問題。點解到 Confirm 左之後先話有問題呢？！OMG。其實一早覺得有咩意見就開心見誠咁講，至弊就係唔講唔講，到想轉彎時都轉唔切。



3. 夜晚同 3H 既同學吃晚飯聚聚，到了 Pokka Cafe。大家都有個錯覺聽到 Cafe 會覺得呢間食肆係類似 Paris Cafe，其實呢間係一間餐廳。的確坐得幾舒服，傾到計。服務方面咁岩係個 Trainee Serve，當然係差 D 啦。不過個位女 Trainee 樣子甜美、做事甩甩漏漏。甚得某位同學歡心，有意無意撩下位 Trainee，LOL。有 3 位同學就係食飯期間透過鏡既反射不斷偷望個位 Trainee，咁都幾搞笑。唔知真係口渴還是其他啦，個 3 位同學飲水飲得幾密、個位 Trainee 斟水都斟得好密！總括來說，的確係唔錯，指個位女 Trainee。吹下水、望下 Trainee、食下野咁就一晚，坐到人地打烊。

就在 Trainee 既立場，呢一台客的確係幾麻煩。



1200 @ Aug 21，呢篇都算打得耐。That’s All.