1107 @ Sep 12，又到「禮拜二」！

上個禮拜返九半遲左 20 分鐘，今個禮拜準時到。點知個 Instructor 自己遲，上次就實牙實齒講到話唔好遲到，火都起。遲左落堂，不過夠鐘都自己走先，跟住落黎個堂就真係唔可以遲。呢堂一個字：「悶」，但係無得避，一定要讀既。估佢唔到喎，竟然無 Break 直踩！？有點肚子餓，早知襯未上堂之個幾分鐘食 D 野先。之但係咁，終於 Form 好 Group，都有個 OK 既 Groupmate。

Lunch Break 食個麥仔就上埋最尾一堂，就係全程普通話教授個堂。估唔到喎，有野學到喎！又唔係好悶喎，幾有資訊性。今堂講左桃太郎故事、日本人如何用漢字。真係唔講唔知，原來桃太郎呢個故事暗藏玄機！

首先「桃木」係中國傳統上有驅鬼既意思；其次就係係《山海經》中記載有兩位專門捉鬼既神就住係「桃山」上，當有鬼經過既既時候就會用繩縛起佢地。現代人貼既門神係唐代既版本，而更早之前既漢代版門神就係住在「桃山」個兩位。除此之外，桃太郎係路上搵左三位「伙伴」，一隻雞、一隻狗同一隻馬騮。桃太郎以「團子」將三位伙伴收歸其下，猶如古時的「食客」。此舉與成語「雞鳴狗盜」當中的食客有關。還有就係跟據陰陽五行說，雞、狗、馬騮都係屬金；儒家學說中馬騮代表智、雞就代表勇、狗就係代表仁。以上係小小既例子，重有 D 不過唔記得。

《桃太郎》係日本著名既童話，不過有學者批評此故事推崇以武力解決問題、把別人的財富搶過來後再炫耀一番係卑劣既行為，兒童被貫輸這些意識係壞事。亦有人將《桃太郎》與軍國主義聯想起來。除了《桃太郎》外，有些日本的童話也有這類意思。



1409 @ Sep 13，有人接放學，LOL。That’s All.