0921 @ Oct 3，補完。

呢排都夜睏早起，有點唔夠睏。早起既原因都有好多，例如要返學、約左人等等。有時就想早 D 起身處理關於電腦既事宜咁，之但係晏晝又無時間去睏，當然係攰啦。今朝返學撘車既時候瞌了一會，撞下隔離塊玻璃窗，都撞左有六七下。太眼睏了 ... 上堂落堂無乜特別，上三個鐘既堂例牌第一個鐘頭瞌睡，之後起身上堂。真係唔想睏，今堂講「中國文學在日本」，環境又舒適，結果眼皮就自動蓋上。爭紮都無用 ...

落堂去了「金鳳」鋸扒，呢間食肆係肥仔介紹既。塊扒真係大塊到呢 ... 食肆環境當然有好多分可以扣，但係食物質素都加返好多分既。價錢一般，都幾 OK 的。輾轉去了實惠睇下電腦檯，發覺款式長度適當既時候高度就唔適當。現在諗住買張無上座既電腦檯，再買幾條自組傢俬用既鐵通砌多個高座出黎，不過咁樣組合既話都要千鬆銀，好似又唔係好抵咁。再諗下！



0942 @ Oct 3，又係時候過下 Files。That’s All.