2310，哈，終於知道乜野叫「多水」吧！

晏晝係 Pizza Hut 食個 Lunch，再一次有人問點解我唔係 Pizza Hut 既 Member。無他既，等人增送過我！其實係一路以來都無咁既心唧。之但係我都周不時食，有 Member Card 的確有多少著數喎！真係可以諗下。

輾轉落金鐘同 Wilson 會合再去深水埗，呢個人一如以往係遲到。算吧，到左深水埗第一件事就係去買膠袋，搵左都 OK 耐，正想走既時候就畀我搵到！ $36 / 200pcs，都 OK 既，用黎入住 D 唔會丟掉既漫畫。買完之後就開始辛勞既「購物活動」。高登同黃金多人到呢 ... 好似打仗咁。大件個個唔開路，搵個奀既行頭，天啊。買完野之後更麻煩，兩個人四隻手，隻隻手都拎住大堆野。Wilson 見到我既開路方法好似好驚訝咁，都無乜特別既，就係捧住 D 野係胸前，撞下撞下咁開路唧。諗住好蕭灑咁拎住 D野幫襯個化完妝都 OK 靚既女 Sales，點知 Wilson 手軟跌左 D 野，個人又仆一仆，真係好樣衰囉 ... 恥笑！

除左漫畫膠套，買左幾條 Extension Cable、買埋隻《the Orange Box》。回到家當然試下 Box 裡面既《Team Fortress 2》，好玩啊！做 Medic 做到 Top3 Players，都咪話唔稱職。之不過眼見其他極高分既高手用 Spy 用到出神入化，暗殺堅到呢 ... 神奇！頂級！超卓！同隻《2142》比，我比較 Buy《Team Fortress 2》個 Gameplay。



2343，攰到震 ... That's All.