2422，地動山搖！

1. 補返少少事先，關於昨日既海皮公園之旅。

．有人整左提拉米蘇過我食，係口感差 D，味道都 OK 既。好彩無拉肚子唧，唔係就麻煩了。今次無「視死如歸」既表情啦，都唔算強顏歡笑，個提拉米蘇都 OK 既。

．「有幾條醜樣既 蘇眉 盪來盪去 , 佢地真係好醜樣」。講得無錯！的確係幾樣衰，不過樣衰得黎又幾搞笑！

．今次行程無乜點玩機動遊戲，因為有人膽怯 ... 不過睇下動物都 OK 既。但係個越礦飛車真係咁驚嗎？之前玩過好似無乜野喎。不得不承認人大左係膽細 D 既。話分兩頭，有人扮纜車個 D 「卡卡聲」扮得好似！

．點解無左企鵝既！？之前明明有企鵝睇架。D 企鵝好搞笑，又會好醒目咁企定定比你影相，依家無得睇真係好可惜 ...



2. 朝早忙完一輪之後就同 Co 爺打波，開學之後都無打過 ... 球感的確係差左！無啦啦打打下波個陣，有個把聲好虛既男人 / 男仔打電話比 Co 爺搵我，到我聽個陣就已經收左線，究竟係邊個黎呢？！心目中有個人好似咁虛既人，就係 Wilson！打比佢又話無打到比我，算吧。咁快就打完一粒鐘，完場又見返個教練。教練都覺得有 D 面善，就係呢兩個傻仔上次問學波之後無晒回音。

打完波四圍盪下就去 Pizza Hut 食 Tea。次次都係咁都咪話唔「重皮」，打波每人都成四十蚊、兩個人食三個 Tea 都要六十蚊位。咁就無左成舊水 ... Co 爺重衰到嫌 KFC 嘈，要食 Pizza Hut。又抖返一頭半個月先再打，要節流。



3. 回到家都係打下 Game、MSN 下、睇下 Discovery、打日記。話分兩頭，呢隻熊仔個表情真係呢，見到佢覺得搞笑之餘又好無奈 ↓



夜晚睇電視見到，葉翠翠 (左一) 件衫咁怪既，咁低既 ↓





2440，生日慶祝活動 (下) 完。That's All.