2309，今日都 OK 既。

話說尋日好攰，今日都睏到好晏 ... 一起身無耐睇左陣 NBA，火箭對公鹿既第四節頭開始睇。曾經有一段時間公鹿追返上黎係幾緊張既，易建聯都打得唔錯，可惜比 T-Mac 既三分波打沉返。睇左陣就去睇《MythBusters》，睇完就出左去食 Lunch，又係 Pizza Hut，都傾左好耐先走，Good。

回到家都係睇下資料，心血來潮計下 GPA。雖然 GPA 過 3，但係照計返咁多 Department 既統計數字，發覺現在都係拎到 Lower 2nd Hon 機會最大，都咪話唔心實。但諗返唔關勤唔勤力事，的確係唔夠人勁。其實畢業張 Cert 剩係印邊個 Hon，就無印 Upper 定 Lower，就咁 2nd；不過 Transcript 就會印出來。唔係話 Upper 同 Lower 好大分別，雖然都有大分別，但係 Lower 就好似唔知點咁啦。依家諗住襯 Transcript 未出 Hon 既時候就搵搵工，就咁睇個 GPA 都好睇既。無他既，畢業證書好似隔幾粒月先有得拎，咁就會出現真空期吧。

講咁多都無用，努力完成埋餘下既 Course 吧。個 GPA 都係 0.0x 既上落，期望剩下科目既 Grade 好睇 D 啦。



2338，睏。That's All.