其實呢日幾開心下，話晒都有翻 D腦震盪，不過真係有多少疲累！再次多謝幫助過我既朋友仔，呢個禮拜還要你地既幫忙呢 :D

小冊子開發網頁 → [Click Here]

哈，啋！


---
夜晚七點鐘頂唔順走左去急叉九個字電。。。醒左之後精神左少少咁啦，今日先發覺自己有一個好嚴重既問題。。。一日唔改善，一日都會係一個失敗既人。

1. 這個猶豫不決問題真係十分嚴重。。。肯定錯過了一個機會，有多少再入苦海既 Feel 咁。。。不過從另一方面去諗，未必一定壞既，隨遇而安啦。不過真係要檢討下自己，唔可以成日花咁多時去作決定，真係要改變下了。如果平時見我有猶豫不決既情況的話，請大家當場提醒我吧。我會好感激的。

2. 今日有人講開「靚仔」既話題，自己覺得男孩子好少讚男孩子「靚仔」，多數都係用「型」/「Man」黎形容。唔係話個類明星唔「靚」，不過呢，男人都係 Man D 吸引 D。歐美影星方面首選 Tom Hanks，今日睇翻佢係 Academy 佢既 Speech，雖然佢講得好平伏，唔會話講到眼濕濕，但係聽既人就會得到一種「共鳴」，自己都一樣。短短既幾十秒，不過講得好感人。

比較上年紀既我會選 Robert de Niro、另外 Jean Reno 就將「Man」呢種味道完完全全散發出黎。年紀後生 D 既我會選金城武 (真係好型。) ，再後生 D 既就會選 Gackt，哈哈。Beackham、Leonardo Dicaprio 我又覺得唔係真係咁「型」 / 「靚仔」。

3. 是日既 ICQ Spot ↓



---
下晝呢個時間真係好眼睏，一定要繼續死撐落去，唔想睏晏覺。見好耐未去過自己學校既網頁，咁就入去睇睇有乜新野啦，發覺呢。。。係無新野的，不過俾我搵到幅都 OK Grand 既相，唔錯唔錯。咁之後心血來潮去其他學校網頁八下，今日去 D 有好多「同名」既學校網頁。

第一站，當然係「呂明才」啦，一搵之下發覺真係好多間下，起碼五間。聖公會都好似有兩三間呂明才。人地話沙田個間係最堅的 (應該係中右個幅圖)！第一行左邊就係現時自己學校既網頁，說實在，頗頹的。第一行右面就係當年我整既學校網頁，哈，有無多少我既 Style 呢？走簡約路線，所以係無 Popup 同任何 Flash Animation。其實個人覺得都頗不濟的，可能技巧方面仲係幼稚。另外香港仔浸信會呂明才書院個網頁真係幾得下，如果係學生做的話真係超水準的說。



第二站去左「真光」，又係有好多好多間，搵到網頁既有四間，未搵之前知道有兩間，一間係大坑，另一間係鴨脷洲，另外既真光女書院同九龍真光就少 D 印象。左上同左下個兩個網站好「青春」Feel (裡面既排版排得好密，有多少壓迫感。)，右下個個就比較 Grand D。話時話，個校徽好似一樣既？



第三站就去左「聖士提反」，今次就搵到三間。右上係比較吸引，不過佢迫人用 Full Screen 就令我好討厭！下面個個網站中間個位同學應該係 Form 1 吧，一入去個網站意為去左聖士提反小學呢。



學校網頁一粒鐘遊到此完畢，多謝參加。仲有無其他有好多「同名」既中學呢？有既話聲我知好嗎？謝謝。
---
家陣六點幾，五點幾起左身。。。尋晚臨睏前倒瀉水落部電腦到 (咁都倒得瀉，我都覺得有 D 神奇) ，個 Case 板無關好，有多少水入左 Case 裡面啦，情況都 OK 驚險，好急勁咁熄電腦清理現場，另一方面去細佬部腦開翻個 ICQ 收 Files (所以點解會無啦啦 Avaliable 但係又無人應唷！) 。一點幾搞到差唔多兩點先搞掂晒，等收晒 Files 之後就睏。即係實質睏得三個幾鐘。。。唔得啊，睏完好似無睏。長此落去真係唔係辦法，每個禮拜一都係咁。。。真係會死。

Post 翻張同尋日同人 ICQ 既 Message ↓



Um... 另外我唔係迷信，係對小小事情上既一點執著，不過個點可能大多少！哈。