2048 @ Feb 06，今日 ...

真係晨咁早起身準備出發，天氣有多少凍凍地咁，還有幾分倦意。約左人陪我一齊去，萬分感謝！咁隧巴 + 火車，終於去到大埔，但仲要撘多程巴士先入得到 IED，由於時間關係，都要撘的士去。去到發覺風涼水冷 ... 地方唔大，但環境清幽。Lecture Hall同 Student Hall 係附近，幾方便喎，而且入到去發覺有多少外國 Village Feel。

言歸正傳，由於今朝出門比較趕，帶漏手錶、間尺，咁去到就買左間尺；手錶就借到。咁我就去 Reporting Room 報到，佢就去 Student Hall 同朋友小聚。去到 Reporting Room，等左一陣，就有人就問 Practical Test 既事宜。原來無乜人需要做呢個 Test，而且係封通知信會有一欄列明要 Practical Test。咁定個神之後，感覺良好！唔洗 Test，Very Good！等了又等，接下來就係 Interview既環節，分兩個 Section，每個 Section裡有幾 Part 咁。Pre-Section 既環節係吹風，真係凍到震 ... Section 1 就係 Group Discussion，睇完一篇文再討論下，好似 CLC 咁。之後就每人抽條題目，無時間準備就講 2 分鐘，考急才。咁都 OK既，無乜事。

接下來既就係 Section 2，咁就 Present 下自己個 Portfolio，一黎就問「乜 Creative Media唔係鍾意用部 Notebook 黎 Present 咩」，我就話「都唔一定既」。好啦，都不以為然，咁就 Present 個 Portfolio，講左一陣，頭先問野個個 Interviewer 又問「你讀 Creative Media，點解你個 Portfolio無 D Creative Media 既野呢？重有你應該係 IT 界發展喎，重讀埋日文，點解黎教書呢？」。我就答「咁我 Creative Media 既野係我 Academic Transcipt 寫得好清楚，咁個 Portfolio 可以 Show 到另一方面既我。咁第二個問題，由之前既美術，依家既視覺藝術，視覺藝術包含一 D New Media，好似影像、Installation、Interactivity 既野。依家中學既視覺藝術仲係以畫畫、雕塑等，就算係比較新既都只係拍下片咁。我希望能夠將 New Media 介紹比佢地，得以發展。」個人覺得問題問得好尖銳，但係個人覺得答得都好妙下。

好啦，拆完一招又一招，到最後一個環節，就係五幅畫揀一幅，再講下幅畫。抽中一幅抽象既畫，一黎就問知唔知幅畫係邊個畫。講真，真係唔記得邊個畫，係一幅抽象畫黎，好在醒目，知道畫既附近實寫左畫既名稱同邊個畫，一見到 Picasso 個名就乜都記得晒，咁好吹下水就完了。完左之後就照樣打的 +火車 + 隧巴回家。

下晝就 hehe-haha 一輪，真高興！夜晚就教會家聚，係香港仔嘉年華吃？應該無記錯個名。咁又係吹吹水唔抹咀咁就回家，Good！



2251 @ Feb 06，完。That's All.