2312，幾日野儲埋一日講。

1. 呢期都係玩《Team Fortress 2》多，來個有趣 Cap 圖。第一幅係實力超強勁既 Soldier，望真 D 係有眼珠的 ↓



第二幅就係實力超強勁既 Heavy，佢拎 Intel. 個背影真係超搞笑 ↓



如果玩 Team Fortress 2 見到以上兩位 Players 既話，請不要猶疑，快快手 Join 佢地個 Team。佢兩個勁到震。



2. 話分兩頭，今日係整個禮拜唯一一日要返學既日子。唔知點解，雖然唔夠睏，但係無諗過唔返喎，神奇！上完堂之後就離開 City，同友人聚聚。心血來潮就落左銅鑼灣 Time Square 飲茶，「鍾菜」同「鴻星」 ... 揀左「鴻星」，因為唔洗點等位。見到呢個「過橋」系列，真係笑左出黎 ↓



特惠時段的確係特惠 D 既，正！



3. 呢幾日，有好幾位小學同學 Add 我既 MSN。講真，中一尾開始都無再同小學同學聯絡，之後都無話想搵返佢地。原因係一來住既「村」唔同、二來讀既中學唔同，所以都非常少見面。咁都唔記得都幾個月前，有位小學同學好努力咁係網上 Search 我既名，想話搵返我。咁我行蹤都尚算隱蔽，咁佢都搵左好耐。佢聲稱搵左好耐好耐，終於比佢搵到我，又Add 埋我 MSN。但係我見佢唔同我 Chat，咁我就 Delete 左佢。

又再事隔一排，突然有幾個小學同學主動 Add 我。暫時我 Permit 左佢地 Add 我，但我還未 Add 佢地，費事之後無 Chat 又要再 Delete 啦。算唔算好無情呢？不過 ... 都應該至少有十年無見，突然同小學同學有返聯絡，個種感覺係幾特別既。



4. 呢幾日 ... 終於接受 IED 既 Full Time Dip. In Ed. 既 Offer，同原先既 Planning 有 D 出入咁啦 ... 不過有得讀都算係咁啦。依家諗返，讀 Liberal Studies 好似有著數 D，一來實可以教 Liberal Studies；二來主科出身，都有機會教 Visual Arts，條路好似又闊 D。之但係理想還理想，人地唔收你讀 Liberal Studies 都無辦法嘛，控制不了。不過 ... 我都好期待 HKU 個邊有無 Offer 既。

點解唔報 CU？原因好簡單，我 Miss 左個 Deadline。再數前 D，其實諗住 IED 唔洗 Interview ... 結果其實都要 Interview。算啦，有 D 野整定。



2409，完。That's All.