2215，「比著以前 ... 唔丙到上天花板？」

話說尋日樓上搏命鑽牆 / 鑽地，朝十晚五，真係鑽到心都震埋。有見及此，今日返去 FYP Lab 做，順手看看個 Partner 做成點，又可以搵埋 Advisors 傾下進度，又可以係街吃埋 Lunch，簡直一舉幾得。結果呢 ... 原來今日樓上無鑽野、搵唔到 Advisors、都係唔知 Partner 做成點，只有吃 Lunch 係順利 ... 有少少白白返去既感覺。

好在 ... 知道 Wilson 放四半，咁見咁難得，當然係去吃個 Tea 啦。自從三月頭見過佢之後都無再見過，咁又去返例牌吃 Tea 既 Spaghetti House，又咁岩坐卡位，Good。閒話家常，咁當然有講開 FYP啦。其實我個 Group 既 FYP 都可以話做完，只係有少少細節要跟一跟，大家可以看看 ↓



[Click Here]

咁呢 ... 其實個網差不多所有部份都係我整既，本來係咁住我做 Program 個 Part，Partner 就做 Interface Design。陰差陽錯，我接手埋 Interface Design個 Part，原因不外乎係無乜時間剩。如是者就由三月尾做呀做，做到依家啦。「勤力」都算係既，我地呢 D 人一係唔做，一專心做起上黎真係好專心，講 Productivity 嘛。咁好自然問到 Partner 做乜野呢？依家改為主力做 Report 同 Flash 既 Elements。

Wilson同其他人都覺得有少少奇怪，就係點解我不慌不忙亦不燥。係囉，點解呢？首先一定唔關男仔定女仔事。之前遇到相類似既情況既時候，一樣係男女都會丙。真係 R 爛面都要迫人做，尖酸刻薄起上黎真係唔講得笑。有可能係最後一次，抱住「算把啦」既心態。又或者係年紀大，處事手法唔同啦。我真係唔想攬晒 D 野黎做，其實最好唔洗做，只不過見時間緊迫非不得已。就算我做晒都無問題，反正都係咁做。不過怕「你」難交代，好似我搞成咁，咁都要顯示有 Effort 先易拎分既。



2355，變了，呢 D 就係信主後既改變吧。感謝主。That's All.