0803，後補。

禮拜六 May 3 既事好值得記一記！晏晝特登去 APM 食個 Mos Burger，感覺上差左少少，可能客多既關係。輾轉就返去金鐘逛逛，係 Pacific Place 見到 ... 睇下大家見唔見到係邊個 ↓



放大 d 黎睇，指埋比你，估唔估到係邊個呢 ↓



咁都睇唔到？佢就係周慧敏。咁岩路過見到唧，之後就去左香港公園行。原來香港公園個溫室裡既植物都幾靚，值得一去再去 ... 影相。咁又見到好多仙人掌！舊舊仙人掌都好差唔多樣但係唔同名，真難辨認。睇完花花草草，諗住離開之際，又有遊客搵我幫佢影相。呢個情況預過好多次，D 人一睇我就知係好人先搵我吧。

咁就撘叮叮叮去中環街市，咁就撘自動扶手電梯上半山尋找一間餅店，又係特登去搵。咁去到之後食件餅，都 OK 啦。係唔同出面個 D 既，但係就未致於要千山萬水咁長途跋涉咁搵。之後 ... 又叮叮叮去灣仔，買左隻 $478 既 Logitech G7 Cordless Laser mouse。途中見到呢個垃圾筒，大家有無覺得邊方面唔同左呢 ↓



應該都係睇唔到吧，呢個係纖體完既版本，係 Slim D 的。買完野、笑完個垃圾筒之後又再叮叮叮去 Time Square 吃個晚飯，如是者咁就一日。

回家後不忘試下隻新 Mouse，的確係好用 D 既，但係又未致於花五百大洋買一隻既 ... 買佢就係為左打 Team Fortress 2！！試過係 Game 用 Sniper，的確係順過舊個隻既 ...



0826，完。