日京阪西遊記．Day ?? - 細說後話篇
依家就講講先前遊記無提及到既野。講返日本人先，就親眼所見，佢地冷氣又唔涼得、太陽又唔曬得。公眾場所既冷氣普偏都弱冷，電車都特別有個弱冷車廂。而露天地方既行人都著長袖或者擔遮。其次就係大家覺得佢地有禮貌既原因係多謝前多謝後，咁事實上都係既。例如你幫佢 Hold 一 Hold 住電梯門，佢都都鞠晒躬講多謝、唔好意思。又例如係酒店，咁酒店職員會主動唔撘有客人坐緊既電梯，係兩間酒店都試過係咁。佢地文化係會覺得麻煩到人所以就覺得唔好意思。不過呢 ... 呢個情況都係發生係上一輩既日本人，新一輩既其實都無左呢種思想，比較接近西方。之但係 ... 電車、巴士又好少見讓座既情況。日本既電車、巴士都一定有優先座位，咁通常唔係老弱傷殘都唔會坐落去。但係當呢 D 優先座位坐滿之後，而又有老弱傷殘無位坐的話，好似無乜點見過有人讓位。係囉 ... 好似怪怪地咁，文化唔同唔明白。酒店方面，唔計最後個晚住個間 Hotel Nikko Kansai Airport，我覺得京都個間 Kyoto Garden Hotel 最好，跟住就到大阪既大和屋本店，最後就大阪既富士屋。Hotel Nikko Kansai Airport 唔計啦，本身級數係高，而且住 Premium，房間設備及其他配套的而且確比起之前個幾間酒店好好多。Kyoto Garden Hotel 會排較高既位置既原因係間房比我既感覺係好舒適，乾淨就不在話下啦，而且又非常近地鐵站。我諗最大原因係係京都個幾日的確係好開心，乜都覺得好 D。大和屋本店其實都唔錯，和式房間的確有另一種體驗，不過要扣分既地方係好似唔乾淨咁。又唔係話真係唔乾淨既，其實間房係 OK 乾淨，不過廁所、浴室光線黃黃舊舊咁，感覺上唔舒服。最緊要既係間房無煲水壼 ... 煲唔到水，剩係得壼預先沖好既熱水。最後，富士屋唔係話差既，都 OK 乾淨，不過間房實在係細間，而且佢無乜特別，所以就排最後。話分兩頭，除左 Kyoto Garden Hotel 有免費公眾電腦可以上網之外，其他都無。點解？因為剩係得 Kyoto Garden Hotel 既房無提供 Adaptor 比人上網。
行程方面，當然可以編排得緊密一 D，係就係可以無咁 Hea，不過就辛苦 D 咁啦。個人覺得係京都個幾日係玩得開心 D，反而大阪就好似硬係爭緊 D 野。如果再 Plan 過，最大變動可能係大阪少一日、神戶多一日啦。其他都差唔多。逐日講講 D 行程：
Day 2：上晝睇既天王寺動物園其實都 OK仔，不過去過台灣既木柵動物園之後，比較起上黎就覺得木柵比較多野睇，而且入場費只係港費十蚊。反而天王寺要幾十蚊，比起上黎的確係差 D。最值得修正係晏晝既行程，可能未 Warm-Up，好似無乜得著。再揀多次就唔會係間雞泡魚專門店食 Lunch！行百貨公司又好似 Kai Kai 地咁，但係夜晚係空中展望台睇夜景的確係正既。晚餐個餐又幾好，不過份量就唔係太夠。可能係突然話唔夠 Budget 既問題掛。
Day 3：相對起來，比起 Day 2 的確係 Smooth D。海遊館呢個行程真係幾唔錯，因為有其他既配套配合，購玩樂都係齊附近。係比個「開運健康幸福百貨店」重重咁 Fake 一野！夜晚既極樂商店街其實都幾 Good，可惜被 Budget 所限，唔夠暢快。那間鐵板炒麵真係好正的！
Day 4：係大阪轉京都既日子，雖然係整個旅程中行得最多路既一日，但係呢一日係最豐富、最具滿足感既一日！好多不經意的驚喜，真係難得遇見！京都 ... 真係好靚！
Day 5：奈良小鹿的確係好可愛！呢一日都係好 Good。美中不足既係回程時候有少少 Argue。春日大社其實無乜野睇，但係唔去又好似爭 D野。之後中段有少少行錯路，如果唔係可以睇到其他地方。其實奈良可以玩到兩日的。
Day 6：呢日就係京都一站中比較失色既一日，的而且確係 Hea Hea 地，可能係體力既關係吧。由於唔係賞花既季節，所以睇少左好多野。
Day 7：宇治之行都好充實，平等院裡既鳳翔館賣既紀念品真係好得，值得為去買紀念品而去。Lunch 去既料理食館別有一番體會。不過呢 ... 宇治神社個一邊其實對我地黎講無乜野睇。夜晚既京都站既一遊，又幾爽既，又係購玩樂於一。
Day 8：呢一日就由京都轉返去大阪，相比起之前幾日，其實今日都好似 Hea Hea 地，剩係去左大阪城同商店街。再計劃過的話，呢一日應該都會係大執一下。相對地係無咁充實同興奮。
Day 9：神戶其實至少玩到兩日，不過我地得一日，咁相對地睇唔到咁多野。北野異人館，其實我覺得係 Hea。如果唔去異人館就會去北野工房個邊，但係工房裡事事都有花錢，例如體驗點整朱古力。但就會舒服 D，有冷氣唔洗行咁多路。同埋去到神戶，應該再去一去姬路城睇下，不過今次就無機會見。夜晚既神戶港個站都幾好，不過附近食肆七點零八點關門，呢個就比較頭癢。呢一日都好充實！
Day 10：環球影城，都無乜甚麼挑剔，一個字「正」。如果可以早點出發會更正！如果可以玩埋主題過山車會更正！
Day 11：今日就係每每計數既受害日子。如果唔係之前計得咁盡，今日可以睇到多 D 野。Hotel Nikko Kansai Airport 既 Premium，的確係 Good。わらび餅的確係好食，如果唔係有人多手反佢，都未必會買。
Day 12：賺左個薯餅，哈。
Day 3：相對起來，比起 Day 2 的確係 Smooth D。海遊館呢個行程真係幾唔錯，因為有其他既配套配合，購玩樂都係齊附近。係比個「開運健康幸福百貨店」重重咁 Fake 一野！夜晚既極樂商店街其實都幾 Good，可惜被 Budget 所限，唔夠暢快。那間鐵板炒麵真係好正的！
Day 4：係大阪轉京都既日子，雖然係整個旅程中行得最多路既一日，但係呢一日係最豐富、最具滿足感既一日！好多不經意的驚喜，真係難得遇見！京都 ... 真係好靚！
Day 5：奈良小鹿的確係好可愛！呢一日都係好 Good。美中不足既係回程時候有少少 Argue。春日大社其實無乜野睇，但係唔去又好似爭 D野。之後中段有少少行錯路，如果唔係可以睇到其他地方。其實奈良可以玩到兩日的。
Day 6：呢日就係京都一站中比較失色既一日，的而且確係 Hea Hea 地，可能係體力既關係吧。由於唔係賞花既季節，所以睇少左好多野。
Day 7：宇治之行都好充實，平等院裡既鳳翔館賣既紀念品真係好得，值得為去買紀念品而去。Lunch 去既料理食館別有一番體會。不過呢 ... 宇治神社個一邊其實對我地黎講無乜野睇。夜晚既京都站既一遊，又幾爽既，又係購玩樂於一。
Day 8：呢一日就由京都轉返去大阪，相比起之前幾日，其實今日都好似 Hea Hea 地，剩係去左大阪城同商店街。再計劃過的話，呢一日應該都會係大執一下。相對地係無咁充實同興奮。
Day 9：神戶其實至少玩到兩日，不過我地得一日，咁相對地睇唔到咁多野。北野異人館，其實我覺得係 Hea。如果唔去異人館就會去北野工房個邊，但係工房裡事事都有花錢，例如體驗點整朱古力。但就會舒服 D，有冷氣唔洗行咁多路。同埋去到神戶，應該再去一去姬路城睇下，不過今次就無機會見。夜晚既神戶港個站都幾好，不過附近食肆七點零八點關門，呢個就比較頭癢。呢一日都好充實！
Day 10：環球影城，都無乜甚麼挑剔，一個字「正」。如果可以早點出發會更正！如果可以玩埋主題過山車會更正！
Day 11：今日就係每每計數既受害日子。如果唔係之前計得咁盡，今日可以睇到多 D 野。Hotel Nikko Kansai Airport 既 Premium，的確係 Good。わらび餅的確係好食，如果唔係有人多手反佢，都未必會買。
Day 12：賺左個薯餅，哈。
好啦，最後就講講 Budget 呢個問題。其實如果可以加碼的話，可以試到更多既野。咁依家計住計住，的而且確有 D 美中不足。不過都唔係一定加碼就好既，如果下下都加碼，咁就會洗多好多錢。真係講都唔信，我地為左慳 10 yen 而鬧交。咁又何苦呢？旅行唔係應該要開開心心嗎？
總括今次行程，的確係好開心好滿足既。不過下次真係幾年後啦 ...
That's All.
Updated On 30/08/2008 19:18:20
Your Comment
Name :
Authentication Code : 