尋日同人講開約時間「開組」既問題，講左一會兒都要將個開組日期延後兩週。咁講講下就講到某某身上。這位某某係鐵質含量勝於一般鐵人既「超鐵人」，平時已經要返工、夜晚要返學。咁都唔係好鐵唧，典型半工讀例子。但係令佢成為超鐵人既原因係 ... 普通 Part Time 普遍都係 Take 兩個 Course，最多三個 Course。之但係佢好似 Take 左四個 Course，其實都唔肯定，只係知道佢要返足四晚學，基本上係同 Full Time 差唔多。咁 Full Time 返工 Full Time 返學都有多少驚訝，最驚訝既係佢禮拜日係坊間報左其他 Course 去讀，真係堅到 ...

閒時都問過佢點解要令到自己 D 時間咁緊迫，佢就話想快 D 讀完。但係背後令佢想快 D 讀完既原因唔係因為家庭壓力、經濟壓力，只係因為佢過唔到自己個關？聽佢講，覺得好似怕自己成為負累？係囉，好難明白佢既諗法。但係 ... 好似好黑心，其實佢既情況唔抵可憐，係自己一手造成。搞到健康差、精神差都係預料之內。之不過人人唔同，我覺得咁既編排辛苦唧，可能本人覺得係正常、負擔得來。

係呢位朋友既身上，我見到係一個好「苦」既樣。唔係話佢生活好艱苦、好痛苦，只係話係佢臉上較難看上喜悅既神情。後生仔咁快咁「苦」好似唔係太好，唔應該係咁。



其實唔應該論斷別人既，我地為個朋友仔多祈禱吧。



That's All.