好，襯有少少時間，講幾句先。呢期少打日記既原因十分之簡單，因為真係多野做。基本上一個禮拜有五日都返 IED 上堂 / 聽 Talk，一返學既日子就點會有時間剩呢。其實夜晚都有時間既，不過有時攰攰地，又唔想做 D 花腦力既野，例如打日記、做 Assignment 咁。通常都會做 D 唔洗點花腦力既野，例如打下 Team Fortress 咁。

過去呢個禮拜都做左好多野。禮拜一下晝返去上堂，聽某某講文化政策。禮拜二返學之外，去交 Loan Form、買 External Harddisk、夜晚就同林老師吃晚飯。禮拜三就返 IED 聽 Briefing 講實習既事宜，跟手去查經。禮拜四又返足成日學。禮拜五返學之外，就出左陣街。禮拜六就返 IED 聽 Talk。日日都好充實 ...

基本上每晚得閒都係做同樣既事，就係打 Team Fortress 又或者睇 Reading。畢竟首批既 Assignment 都陸續上水，都要做既。最快個份係下個禮拜二交，不過到依家都只係睇晒 D Reading，未開始做。難唔難做？難都係寫 1000 字唧，一日去盡應該都做得晒既，不過就係無動力做。本來諗住今晚可以做少少，點知都係邊睇大結局、邊打 Team Fortress。如果唔係，都已經做好一半了。


That's All.