偶既狀態 ↓ 瀕死狀態。。。



---
真係好好好攰。。。乜都無做過都咁攰既！？成晚就係呆左係度，完全提唔起勁。呢個問題係起因係睏得多定係唔夠睏呢？頭先食左多少花生，有多少喉嚨痛的說。

1. 《CSI》就無睇了，放棄再追了。。。反而《Keroro 軍曹》就睇左幾集，真係激爆笑。又係度玩惡搞，成堆人 Cosplay Gundam。。。Kururu 出場了！佢笑得好奸呢，呵呵。

2. 有時做人好矛盾，我又唔想人唔理我，但係太熱情又會嚇怕我。咁應該要點做呢？取個平衡吧。。。不過好似好難。

3. 心情又開始繃緊起來了。。。呀！！！就快癡線了！教我如何是好吧。。。壓力的確係自己俾自己，但係壓力真係話黎就黎，我都係想做好 D 姐。。。看來我都係被情緒牽著走既人，心情一壞就真係乜野都做唔到。

4. 好想好想去影相啊。。。真係無影好耐了。咁岩維園又有花展，真係好有「去」既衝動，不過無人陪又悶少少，再加上呢期又頗忙的說。其實最想就係係鬧市之中影下相，想影到城市人繁忙既一刻。其實我有個 Idea，就係影兩張相作對比，一張就係係繁忙既地方好輕鬆咁飲 Coffee，另一張就係好舒適寫意既地方忙住著理文件。係有意思架，大家想想點解。

呢張就係好耐之前係赤柱影既「美利樓」 (得閒大家去個度玩下，做個遊客都唔錯呢！)，按圖放大。哈，Noise 好勁下呢！



5. 到呢個 Moment，E-Commerce 都係未睇過的說。成眼係半閉既狀態。。。都係要早 D 睏。。。唔係倒下來的話就不能燃燒生命！

---
乜你住到咁遠架。。。仲以為你住九龍添。你都跨越半個新界到葵芳，難道我真係要跨越成個香港乎？！哈，有無朋友仔係近多少啊，九龍都好啦？不過話時話如果禮拜六下晝崇拜都不錯，唔洗下下禮拜日唔知醒。雖則大家又係萍水相逢，不過你講到陪我又不錯呢，點都係跟朋友仔翻既話感覺會無咁「無助」。



唔通真係咁？！不過好多人都係咁呢。



---
呵，仲諗住溫下書添。結果去左睏晏覺。。。二至六。。。啋。。。看來 CSI 都係睇唔到了。。。依家做乜野好呢？溫書？睇電視？定繼續 Hea 呢？唔太想溫書唷。。。

PS. 睏醒覺得好凍呢。。。

---
搞左成朝終於翻到屋企。。。家陣 13:30，又係煩食乜野既時間了。。。哈，妳尋日打俾我真係唔知呢，以前部 Mobile 都收到 Long Distance Call 架喎，點解尋日唔得呢，難道係我無交電話費？！真係唔巧意思呢，不過今日妳 HKT 12:00 話去睏覺就真係嚇我個突，妳個面好似快五個鐘姐，妳唔係又好似我咁睏晏覺嘛。。。妳快 D 開個 Diary 啦，懶精 A_A”



今朝就係 VNC 中渡過了。哈。真係好攰呢。。。

---
現在是 4:53am，真係凍到打冷震。。。D 鼻水係不自覺咁流出黎，真係巧凍。見呢期好多朋友仔玩呢個 Test 玩得咁開心，咁自己又玩埋一份，偶俾個結果左震憾左十零秒到。。。



啋，搞 D 咁既野。。。原來偶似一個女性多過男性。

哈，所以我都係話做女仔好呢。
---
16歲時既涼子姐姐，大家 16 歲時又係點樣呢？