心理狀況，早排都咬牙切齒 ↓



講返呢排先，呢排都完左兩套片。《Project Runway》的確係好睇，冠軍都係自己心水個位，非常好非常好。不過今個 Season 就無左 Re-Union，好似少緊 D 野咁。新一季係八月就係美國播，不過呢季都有 D 風波。此外，《創聖 Aquarion》都睇完，又唔可以話唔精彩，但的確未去到好好睇咁，我覺得故事性弱左少少。睇完呢兩套就緊接另外兩套，先來《神探阿蒙》，由第一季開始睇，共七季，正啊，Kai 下 Kai 下又一集！再來就係《Eureka Seven》，暫時都未到戲肉，都係慢睇。

時來運到，暫時都好似爭 D 運仔。我真係有信心，但係依家個情況的確唔樂觀。今日都七月尾了，機會都越黎越細。呢期有兩句金句，先有「翻生都無用，無作為」，後有「真係好動盪，想搵啖安樂茶飯食都唔得。」。早排齊齊搵工既同學都搵到工，有 D 忙住搵屋，都已經無說話講了。依家都已經係專業演員，特別係飾演「塞翁」，都做到悶。有人話呢 D 係考驗，但係是與否真係無人知。信心動搖且開始質疑，負能量大唔大？大。搵唔到的話，整個計劃都要改，又要諗做乜好，總之就係煩。如果真係唔得既，唯有谷高個學歷，不過又要多幾年。

心理狀況，依家衰到咁 ↓



That's All.