補返 D 相先，早排都去過「盛八」吃晏仔，呢個就係當時影既相，幾有型 ↓



係咪幾有氣紛呢？之但係呢邊既位抽風麻麻地，要坐後 D 先 OK，唔係好易暈。



言歸正傳，今日坐船過「大海」行大運。一早同渠 G 去左香港仔吃個麥仔早餐，吃完就坐車到中環撘船過「大海」。跟據渠 G 既定義，呢個頂多係「中海」，之但係都唔理了。快船的確係快，廿零分鐘就由中環到梅窩。一落船行幾步就剛剛有車，呢次左兜右兜都 OK 耐先去到大佛。

係車上，學左隻歌仔，來個原裝版 ↓






係「巨大暴龍邊」，唔係「重有渠 G / 渠豬」。

大佛同昂平只係係隔離，見到個咁既指路牌，都咪話唔搞笑 ↓



人頭都 OK 湧湧，唔講笑。由下面望上去，樓梯唔算係好長 ↓



雖然唔算好長，但係有人行到扯晒氣，我就無問題，Fit！呢個就係由上面望落去 ↓



係上面影下相兜個圈，向海個面真係超好風，涼過冷氣！好啦，咁就沿路落返去下面，諗住去心經簡林睇下。其實都 OK 偏僻，條路係充滿著效遊徑 Feel，彷彿去左行山。途中又無乜指示，又遠遠地，都唔知有無行錯。行啊行，竟然見到 ↓



乜話！？鳳凰山徑！？好在向右一看，就見到 ↓



咁岩有一團青年人又有個 Guide，個 Guide 話最頂個支有 D 唔同，究竟有乜野唔同呢？我地無行到上最頂個支，真係唔知除左最高之外有乜唔同。回家一睇 Wiki，原來最高個支係無字，代表無限和無量，好玄！影下相涼下風避下蚊，回頭一看對面，有多少似魔戒既森林景 ↓



張相特別大張 D，大家估下有乜特別，提示係要好細微咁睇。答案就係 → 有 D 人大熱天時去行山，真係人都癲。

本來諗住幫襯個 D 士多既豆腐花，之但係個頭有大工程，塵土飛揚，好似好難衛生，所以就無食了。咁就行去昂平市集，呢張就係張地圖，心經簡林係遠到見唔到 ↓



市集都無乜特別，係閒日既時候 D 鋪頭真係會蝕死。呢個市集好似海洋公園既集古村， D 野都差唔多，係有幾間食肆咁。估唔到個到都有 Starbucks！轉個頭就出發撘昂平三碌齡，坐這個水晶車廂 ↓



少不免要影下個車底既，係一塊玻璃 ↓



講起真係一臉無奈，話說水晶車廂個條隊都短短地，其實可以安排到兩個人坐一架吊車。開頭都滿心歡喜以為可以兩個人坐晒，點知臨關門個下無啦啦有個後生阿叔衝左入黎，話就話衝入黎，但係 D Staff 唔放又點衝呢。唉 ... 個阿叔入到黎個刻心情都不知幾沉重 ... 唉 ... 雖然一架車可以坐到 8 個人，之但係根本無人排隊，點解要咁做呢。開頭阿叔獻懇勤幫我地影相，我地就隔左好耐先幫佢影返幅相。點解會咁，自己參透下？之後都係我有我地影相，個阿叔就獨樂樂咁影相同睇景。

好快就到左東涌，開頭都諗住試下係東涌間 UA 睇下戲，點知 D 時間完全唔岩，咁就算啦。跟手就去東薈城裡面既 Food Court 食 Late Lunch，千揀萬揀，揀左 Steak House。開頭諗住都無乜野，唔洗六十蚊有個扒餐，都 OK 啊。點知入到去一坐，再望望張餐紙，竟然係扒王既集團！？真係凸一凸，渠 G 又做出矇矇眼既恥笑表情。好啦，大家又參唔參透到呢張相有乜玄機呢 ↓



哈，防火門唔係應該暢通無阻嗎？點解門口有 D 雜物既。 言歸正傳，塊鐵板夠晒熱，D 扒我就抽唔中靚簽。渠 G 個塊好過我個塊，我個塊某 D 位都幾香口膠。食完之後又再係 Food Court 兜個圈，我地竟然發現 Food Court 還有其他野食，之前睇唔到的，Double 發 G/豬 盲。如是者係個 Mall 行下逛下就一天了，今天我有第一次既經驗！



That's All.