襯住今日放假，又去多次迪迪呢。今次同往年一樣有農曆新年特別版，照舊係香港仔麥仔食個早餐先，真係唔講都唔覺，平時可信賴既手錶都有唔可信。有人隻錶自動減左十分鐘！都係時候齊換錶。食完早餐斯斯然咁入去迪迪尼，一如以往無去迪欣湖個邊，一黎就入去玩。去到無幾耐就有個濃縮版既 Parade，有人舞龍 ↓



少不免有米奇老老，同大家拜個年 ↓



跟手就四圍影下相咁，見到有 D 花開得超靚 ↓



究竟係 D 花 Keep 住開得咁靚，定還是一見 D 花殘就會換 D 準備開既花落去呢？照計就算花換花都唔出奇既，不過都係估。之後就堅啦！我地學識左用「笑容」Mode 影相，只要擺好姿勢，舉起手，相機就自動對焦，影！練習下的話效果更佳。話分兩頭，期間有位外國遊客主動幫我地影相，不過佢有個小朋友坐左係佢膊頭上面，見到手震震咁都 OK 危險 …

話說收到 Email 話迪迪尼有特色點心，咁所以都話想去飲個茶仔，點知原來 D 特色點心係要係酒店既中餐廳先有 … 一入到去呢個由美心主理既 Plaza Inn，發覺無個 D 特色點心，心中都少不免有點失望。再仔細望下餐牌，嗯，發覺無點心既 … 得 D $368 一位既 Set，還有散叫既菜式，還有就是一張廚師推介既點心。貴都唔緊要，但係點解無普通點心！？原來 … 點心係推車仔的，原因係為左有多少懷舊情懷。真係咪講笑，就因為呢個原因，睇見隔離檯至少兩檯客都因為咁入左黎之後又走左。首發就有呢個車仔推既叉燒包、流沙奶皇包 ↓



睇下幾得意，咁樣睇真係幾靚 ↓



我身後既就係咁，研究左一會兒 D 花係咪真，應該就係假既 ↓



黎左個荷葉飯，個 Size 大到呢 … 對眼就係咁 ↓



再來比併下其他點心既 Size ↓



見唔見到右上角既鮑魚燒賣，呢個都 OK，算係少數既特色點心。食到尾段，都開始飽，咁繼續飲下 $15 位茶錢既茶。嗯，點解隔離檯有兩支玫瑰而我地一支都無既 …，就係呢兩支 ↓



呢餐都比預期中 OK 貴，真係估唔到。未食之前成日以為呢個位係食 Pizza，因為門口剩係得 Plaza Inn，以為係 Pizza Inn。食完之後同跳跳虎影下相，換埋過氣既揮春，四圍逛，玩下巴斯光年、太空山咁。到時候就去睇舞獅 ↓



睇完又再玩下巴斯光年，之後就睇表演，今次見到跳跳虎跳彈床 ↓



係咪見到天陰陰呢，無錯，個陣係落住大雨，都幾狼狽！睇完呢個表演後就急急腳去睇其他三個既室內表演，感覺非常良好，坐埋小小世界艇、還有夜衝森林！原來夜媽媽玩森林河流歷險既感覺係咁唔同。玩完之後都無睇煙花，咁就去左酒店吃 Buffet 作為是日活動既總結。





That's All.