1. 今日花左少少時間同同學仔講下 D Projects 點做，算係有多少共識啦，剩下來要做既就係硬打 Report。等我聽日去搵晒兩個 Lecturers 睇下我地咁樣做落去得唔得，我會同佢地坦白下的講心底話 (其實係問下 IS CourseWork 肯唔肯定 Fail，肯定既話真係唔會去做都似。)！唔講既話我驚我會後悔。Um... 大家都很好，都願意踏多一步，不過如果阻住你地溫書既話，我承擔不起這個責任。不過 IS Project 方面有個壞消息，但係 E-Commerce 方面就有個好消息 (我都唔知有無記錯日子，應該無錯。)。講開又講，萬一真係咁既話，咁真係我既責任了。仲有其他既，不過費事講了。

2. 幾何見到我唔會吹水呢，其實都 OK 有效率咁講晒要做既野，我吹水用既時間都唔似短，都有差唔多成粒鐘。真的非常好，講晒了，乜野都講晒出黎，暫時無野放係心度覺得幾輕鬆。Wilson 講個句說話我幾 Buy 的，完全明白，自己都係個種方式作選擇方法，不過偶比較喜歡有「交帶」，的確好難話誰對誰錯，問題只係有不必要的期望存在。其實都算等阿邊個離開左先開始講的，唔知點解，我覺得佢唔知道自己身處既環境，佢人際關係網好似無乜問題，但係我就覺得好有隱憂，佢自己係唔察覺，真係圍內講就算，話俾佢知又唔太好咁。

其實有樣野幾有趣，某某看不起另一個某某，咁但係點都係佢兩個人既事，唔關我事架。唔好覺得我同某某好似熟熟地就搞到好似我一定撐佢咁，真係唔關我事。我唔想將自己個圈子同生存空間再縮細。我有乜為？只係為靚姐姐 / 可愛既姐姐，唔係呢兩種人我係唔會「為」的。這些厭人的鬥爭不是我喜歡的。

再講多次，好羨慕阿邊個，佢獨行俠既作風真係好正。又唔會話怕唔會 Form 唔到 Group，跟本係人地主動搵佢 (呢個就係無固定 Partner 既好處！) ，鍾意翻學咪翻學，鍾意咪同你食飯，唔鍾意就唔理你，洗乜求人，自己又唔係搞唔掂。

3. 開始熱了，同長袖衫講拜拜。今早著左件長袖 T-Shirt + 風褸，仲要係陽光之下坐咁耐，真係出出地汗，不過個種感覺都不錯呢。一講起夏天就自然想起男孩子女孩子都會著得火辣辣。不過在此奉勸各位，請小心還擇合適既衣著，男既唔夠大隻 / 無胸肌既就最好避免著背心，如果係「光管腳」既話就想想要著對乜野既襪可以彌補這點。女既多手毛腳毛既就脫脫佢先好著得火辣辣，無乜身材著背心既話又要考慮下有無飾物可以轉移視線。

4. 見今日咁好天，真係好想搵日去下露天 Cafe 同朋友仔傾下計，赤柱真係一個好選擇來的！和暖既天氣加杯 Coffee 真係一個好好既享受！難道再追求進一步享受？！不過真係好好 Feel，大家有機會都要試下試下呢！要去 Tea 既搵我！

5. 事實上日本街上既女孩子質素絕對唔高的，平均香港係好多少的。日本女孩子靚多少的話一係就做明星，一係就拍三級片。咁所以大家千期唔好覺得日本街上會有好多靚女，這是回應翻某某的話。

6. 見呢期好多人開 Xanga 做佢地 Diary，咁佢地通常都會自己 Set 下個 Layout 咁，咁 Background Color 唔係 Set 做淺色就深色架喇，但係都發覺好多人 Set 做黑色。如果熟果 D 都會叫佢地轉轉個底做灰 / 淺色都好 D。這是有研究的！


通常係淺色底深色字個易讀性比較強的，由於 Diary 通常都係字，咁所以同這個研究都相關的。除左咁科學化既研究外，仲有一 D 網友既意見 ↓



咁有多少整網既小技巧，大家可以看看 ↓



自己既感覺呢，長期要望 Mon 既話就真係乜色都唔掂，不過自己就覺得淺底深色字會睇得舒服 D。唔知點解睇 D 黑底就覺得好辛苦，可能平時都睇開 D 淺底既野。不過大家轉乜色都好，偶得閒都一定會睇下你地呢期有乜搞作既，之但係真係轉轉個底好。

References :: [研究報告] [網友討論] [技巧簡介]

7. 噫！看來大家激起了士氣呢，真的非常好！萬分感激！
---
原來《前男友》呢套日劇係 2003 年播影的，真係好好睇，好鍾意涼子姐姐做個個角色，鍾意佢有多少小魔鬼個種性格！哈哈，真係好嚮往以前既生活 (其實都無乜分別，除左學習環境外。) ，難道往事真的只能回味？得閒真係好想睇多次《前男友》，涼子姐姐萬歲！


---
Um... 整個早上就在這個 University of Auckland 打滾的說。




不知道為甚麼，在這個 UA 既 Library 打滾中，我感覺到「大學生」的感覺，這感覺比起 Poly 來得強烈好多倍。