1830 先睏覺，睏到 2100 到起身食飯，本來想睏落去，不過太肚餓侷住要起身。這次算係幾年內無睏覺時間最耐既日子，成 24 粒鐘。以前翻學有需要通頂的話，都會朝早睏翻陣覺，下晏先翻去上堂。不過印象中都真係得幾次，激少可會去通頂 (無計，我平時要睏好多，連老師都知道這個事實。)，通親都係做 Art Works 的，係有次做讀書報告。

通既期間都會覺得特別肚餓，之但係就無乜胃口去食。咁今朝出門出都食左包 Chips Ahoy 同飲杯蜜糖水。係架巴士度睏左陣，睏到跌晒 D 野。。。咁 0815 翻到去，想去買個早餐但係又唔夠時間，咁就直接入 Lab，例牌做 Quiz，做完之後就同朋友仔去 StarBucks 買早餐， Latte + 香蕉 Muffin，可能肚餓既關係覺得好好食！

今日心情真係莫名其妙地靚，可能今朝個陽光柔和，自己覺得好 Warm 下，又係時候講下多啦 A 夢劇情版既主題曲「Yume 日和」，即係夢之天氣，真係同今朝個環境好襯。Lab Session 同友人分工合作，自己就做個份 Lab 同寫 Log Book(s) ，咁友人就幫我 highlight 翻 Report 裡面既 Main Points 出黎做 Slide Show，十分有效率的說！不過下個禮拜要靠自己了，我要去考試，唔可以去寫 Log Book(s) 了。再下下次既話又可以試下咁。

原來一路聽住歌一路做野會咁開心，好有屋企 Feel！聽到《Freak Out》個陣係 High 到爆！！如是者 1130 就離開撘車翻屋企。1215 翻到屋企再開始整 Slide Show，進度如何可以 Check 翻樓下個 Log，空著肚子去做事直到一切完成之後先食左包餅。同人 Chat 左陣就睏覺，咁一日就暫時係咁多了。

其實成日個肚 + 腸胃都唔太好，好似好空咁。食野個下其實好有嘔既 Feel 的，要好慢好慢咁食。語無論次 + 手腳唔協調又係另一後遺症，但係都無話頭痛 / 脾氣暴躁。好彩聽日放假，就算無假放都自己放自己了。

對個 Project 既感想聽日先打了，現在是 Apr 5 0019，都 OK 攰下。講開攰，唔知點解通左成晚頂都唔覺得話好睏，諗住係迴光反照啦，但係去到三點幾四點都仲無乜野，仲好 High 下。Thank God! 究竟點解可以咁有精力呢？！真係好值得研究。

PS. 當一個人去到發癲既時候就總會行為異常，咁就解釋到點解我會「笑哈哈」。



---
繼續我個 Log Diary。

1213 翻到屋企，雖然唔夠睏，但係唔知點解心情豁然開朗。真係估唔到心情會靚成咁，特然間好開心，真係「Freak Out」既狀態呢！

目標係 1400 前完成 70% Slide Show！Wait and See！

1401 差一 Part Criticize 同 Summary 既 Slides 就收工啦！！不過家陣狀態係「Numb」

1520 個 Slide Show 終於完成！！！吼！！GaoGaiGar！！

1612 遙距輔助交 Project 既過程非常成功！現在等阿海先生給我一個電話確認便大功告成！

1618 大功告成！！！